好靚呀~

星期日出左去睇皮褸, 本身都冇住有驚喜架, 因為居然有紫色撰!

間嘢係家姐個朋友介紹, 本身係做皮衣皮草, 聽聞係因為佢地做批發之餘, 仲做多D貨嚟自己賣, 所以佢賣D價錢真係唔貴, 現成(如果著得落)就九百, 訂做就千三!

見到件紫色就更係睇下啱唔啱著啦, 不過著左上身就有小小迫迫地囉! 老闆話其實而家都係季尾喇, 如果想睇斉款就要九月, 不過三月都會多小小啦!

好! 一於係咁話, 我三月睇一次, 九月又再睇!

人地識我係亞水!

今日中午出去食lunch, 我就順便去藥房到買尿片, 馮小見我問個老闆有冇得剪bar-code, 佢就問我仲咩要咁問, 所以我就同佢講, 有d藥房買pampxxx可以剪bar-code就平多10蚊/20蚊!

講完佢就問個藥房老闆, pampxxx中碼要多幾錢, 老闆答左佢冇買, 跟住我地就去食嘢! 行緊去途中, 馮小姐同我講佢老公識人係藥房做, 佢而家買pampxx尿片只係九十幾蚊一包咋!

我今晚番到嚟同老公講馮小姐老公識人係藥房做, 買尿片平都唔出聲, 真係自私都冇人有, 跟住老公就話, 佢老公個fd識佢地, 又唔識我地, 識我地係亞水咩!

d人真係自Q私囉, 就算人地唔係FD價, 平小小都好吖! 所以真係唔好怪人地有嘢唔話比佢知!

終於上左台喇!

個pk 死人客真係麻Q煩, 要我同佢買 iphone4! 同佢講到到都缺晒貨又唔死信!

如果個死人客係好客, 我都冇所謂, 不過呢個客成日吹水就唔抺咀, 落d單又成日誇到大一大, 一落就落10隻, 但係最後就只係走一半, 價錢又要平平平, 仲要下下作嘢嚟同我地講佢想轉supplier, 不過因為同我地做左咁耐又唔想轉, 一陣又將出左貨嘅單叫我地減比佢! 減, 減, 減, 減你老豆呀!!! 價錢唔啱就唔好落單啦, 貨都走埋先嚟講價, 又係痴交線架! 所以我都幾Q憎呢個死人客! 成日嚟襯大陸都要我帶佢地去買A貨! 去過咁多次就自己去啦, 去嚟去去, 我都只係識得去商業城啫, 又唔係帶佢地遊晒全中國, 我都唔知點解更係要次次都要叫我上深圳! 我呢一世人, 就係最憎上大陸!!!

同老闆講, 老闆叫我幫佢買, 話晒個客又真係有同我地落單, 所以我同老闆講, 而家出面缺晒貨, 要買就要比多二千幾蚊! 不過, 個死人客聽到要比多二千幾蚊, 就唔7彩我, 更係啦, 個死人客覺我食佢水嘛! 唯一辦法, 就係上台囉!

老闆叫我同我個電話同佢上台, 再加埋佢同老闆娘兩個no.一斉上, 一次過訂3部, 比一部老闆娘, 而我上左台, 每個月嘅月費就入公司數!

老闆講完, 就叫我上, 因為有我著數啦! 係, 真係有我著數, 就算完左約都繼續會係公司比錢交月費, 不過佢又知唔知我唔想再用one2free吖!!! 我而家仲有合約在身, 要去到7完先完約, 再續多兩年, 我真係怕我頂唔順!

唉~諗左幾日, 算啦, 結果我都係同個死人客開左! 因為個死人客始終都係死人客, 話晒佢都真係有同我地落單, 雖然吹10只有5, 但係都係一個死人客啦!

你知唔知你有幾舒服先?!

今日個工人放假番到嚟同我講, 佢朋友湊bb, 同個bb食飯要食成個鐘先食完, 跟住我就話係呀, 好多bb食飯都食好耐, 而且成日都含住d飯又唔吞架!

因為滕滕食飯尚算ok, 快則就10-15分鐘, 慢則就半個鐘, 不過好多時如果屋企唔係有人嚟左, 佢食飯都係10-15分鐘左右就攪掂!  我講完個工人就話係呀, 係呀, 軒軒真係好快呀, 而且仲好鐘意飲水呀! 更係啦, 隻豬仔咁餵食, 我食乜佢又要食乜, 食完飯又可以再食我嗰d飯!

個工人聽到我咁講就係咁係到笑, 所以我跟住就話, 你話你湊bb係唔係湊得好舒服呢~

其實我真係覺得個工人都幾舒服, 雖然我放工番到屋企唔係早, 但係我一番到去我都盡量自己睇番滕滕, 一嚟想親子啦, 二嚟我唔想佢做到咁夜, 所以到而家我都仲未考慮去整過佢間房等滕滕跟佢瞓!

滕滕其實都係咁喇, 個幾月戒左夜奶之後夜晚都好少會醒, 食飯又肯(比我迫佢)坐定定, 唯獨係自己比較有主見d囉, 死都要張d車車放係個電視柜(可能啱佢高度)或者枱上面玩!  成日叫佢坐係sofa到玩車就死都唔肯, 一放d車車係sofa 上面就喊到拆天!  同埋, 無論係邊, 一見到車就雙眼發光, 死都要去玩, 死都要去坐!

過到關喇~ 過到關喇~

滕滕呢個月開始識講好多嘢喇, 例如巴士, 的士, 起身, 開, 都識講喇, 而且有時都可以講到詞語, 終於係兩歲前過到關喇(我諗)!

自從上次發完燒之後, 佢而家一埋嚟就篤落我個鼻哥窿到講: nose, 篤落隻眼到講: eyes, 下下都篤落嚟!  仲有, 佢記得knees, toes, 同埋 head潻!

人地講話發燒就=發育, 唔通發埋個腦???

 

搶錢水車屋!!!!!!!!!!!!!!!

今日水車屋終於覆番我, 佢第一句都唔使我多講就更係話好抱歉, 佢地已經反應左我嘅意見, 而且當值經理會再同佢d員工講番佢地嘅不足, 有待改善!

跟住就講收費, 佢一開波就話會退番一個小童錢比我, 而且因為我嘅反映, 所以佢地而家公司有個新厘定同指引, 就係62cm以下嘅小童唔使收錢! 我問個女仔, 你知唔知62cm係一個bb嚟架??? 咁即係手抱未夠一歲都收錢! 我同個女仔講, 咁即係你叫我地呢d有bb嘅家庭唔好去你到食嘢!!! 我跟住再講, 我個仔一歲嗰時, 我都仲帶緊嘢出街, 唔比街外嘢佢食, 如果你公司連一個bb都要收錢, 咁我會同晒我有bb嘅朋友講, 唔好去你到食嘢, 因為你地搶錢!

我真係覺得一間咁出名嘅水車屋居然要靠咁樣嚟搵人錢, 真攪笑!  

過敏~

尋晚好早就瞓左, 同滕滕10:00就一斉瞓!  以為早d瞓, 就以為個人會精神d, 不過今朝一早起身就頭痛, 趕到班車就仲冇位坐, 而且塊面過敏嚴重左!

過敏地方, 只係限於兩個權骨位, 其他地方冇事, 所以呢兩日塊面就好似小朋友乾燥咁, 紅bob bob!

希望食左藥, 搽左藥膏快d好啦, 因為兩塊面而家都好興下~

冇mood~

自從屋企個notebook死左之後, 唔知仲咩番工做嘢都冇晒心機!

本身屋企仲有部desktop, 不過 notebook死左之後, 部desktop第二晚都死埋, 最奇怪就係第三晚部desktop 又得番, 可以上到網! 不過心情都係冇乜, 番到公司都係唔想做嘢!

我以為買左個新電話之後就心情好d啦, 不過都唔差得幾多, 都係冇心機做嘢!

我lai lai 地嘢!

老公番通宵, 我就會同滕滕一斉瞓! 當然滕滕好開心啦, 不過我都好開心, 因為同滕滕一斉瞓, 就會有一種好親近嘅感覺, 瞓之前都可以錫下佢咀仔幾啖我先瞓!

就係因為咁, 滕滕好似開始習慣一斉瞓, 而且呢個星期, 佢入睡左一陣之後發現自己係佢自己將床仔到, 就會喊, 要番番去我地將大床到!

我諗我今晚開始, 就要堅決d, 要佢自己係番自己將床到瞓喇, 因為我想比佢知, 只係爸b番左工先可以同我瞓, 爸b係到, 佢就要自己瞓番自己張床仔喇!

唔通真係冇辦法?

我其實都幾多原則, 好似湊滕滕, 我講左最好係點, 就最好唔好改變我嘅方法!

我比滕滕睇電視, 只係可以係個工人煮兩餐飯嗰時, 即係一日有兩次! 原因係因為主要我唔想滕滕成日睇住個電視, 好似梓祐細個嗰陣, 冇左電視好似唔得咁! 第二原因, 就係因為唔係成日有電視睇, 所以有得睇嗰時就會好珍惜、好專心, 可以等個工人放半個心去煮飯!

不過, 唔知係唔係滕滕開始越嚟越曵, 有時平時都要話開電視比佢, 佢先可以稍為定d!

但係, 咁樣我真係好唔想囉! 我唔想滕滕睇電視睇得越嚟越多! 但係唔開比佢, 個工人就攪佢唔掂!

唔通真係要咁??? 好懊惱!

我雙手好嗅!

星期六開始, 我已經覺得比我隻手掂過嘅電腦都死!

星期六晚, 老公用完電腦冇熄機, 我就走去熄, 不過熄唔到之後我就強行關機, 自始之後, 個notebook 就開唔番!

尋日係公司想up-load d 相上fb, 一入張sd card, 公司個腦又想死, 好彩等左好耐先可以最終入番window! 不過, 每次開機都要等好耐!

尋晚, notebook 開唔到, 就入房開部desktop, 起初都冇事, 不過過左一陣就上唔到網, 我boot過個router, 不過都係唔得!

我雙手唔知仲咩, 比我掂過嘅電腦都死!

 

好開心見到你地!

星期日同班同學食飯, 雖然比間水車屋攪到我瞓都瞓唔著, 不過見到咁大班人, 又有小朋友係到走嚟走去, 真係覺得好嘈, 嘈得嚟又好開心!

其實, 真係好想大家d老公都可以溝通得到, 因為我老公成日都話同我d朋友、同學冇嘢講, 次次食完飯我問佢悶唔悶, 老公都答我: 唔知喎! 有時我都覺得好冇引, 因為只有我地班同學投入, 而另外嘅一半就..........

唔知使唔使等到老嗰時, 大家d另一半先有計傾呢~

水車屋 -- 垃圾!!!

等都等唔切, 一番到屋企, 攪掂滕滕, 自己沖埋涼就即係要post出嚟, 因為食餐飯都要人發火!

今日12點幾, 有電話打嚟, 但係同滕滕換緊片聽唔到, 所以事後打番去, 一聽到接電話嗰個人話"水車屋", 就開始左我火滾嘅對話:

我: 頭先你地打比我, 應該係想coonfirm今晚個booking, 我聽唔到電話所以而家同你地confirm 番, 我姓陳!

水: 小姐, 我地今晚d booking 唔係得你一個姓陳架!

我: 咁你地頭先打嚟, 我而家都係覆番你, 我比個電話号碼你check 番!

水: 你book 左今晚嘅, 係唔係可以confirm 11位大人+4位小朋友

我: 你地同事之前同我講, 到時人斉先confirm 你地架喎!

水: 你最好而家confirm, 因為我地要預位比你地! 你最好上下限預番1-2人!

我: 上下限1-2人? 我book嗰時你同事我同我講過喎! 我落deposit 你地都冇講喎!

水: 小姐, 你唔係唔知間間食肆都係1-2人架啦, 我地公司要你地落deposit 都係想預番位比你地!

我: 咪就係囉, 我都落得$500 deposit 比你地啦, 唔通有好多人唔嚟我都照book咩!

收左線, 真係越諗越興, 咩陳小姐唔係得我一個, 又話間間食肆都係咁!

呢到都未算火滾, 尋晚去到真係唔嚟火都唔係人!

5綜罪

1)入坐6:00, 6:30就已經話7:30 last call, 同我地講8:00交場! 7:15又入嚟講而家last call, 如果有嘢要, 就要即刻落單! 跟住我地話有個經理講過話7:30先last order, 條女先黑住面咁出去! 不過7:30又有人入嚟話last call, 又再講多一次, 8:00要交場!  跟本就係到趕人走!

2)坐左咁耐, 冇人入過嚟執嘢, jump 水都係我地叫, 先入過嚟一次! 我地大人都11個, 成張枱都係吉碟!

3)冇一個伙計唔係黑面, 好似個個都係想: 快d食完快d走!

4)我個仔咁細個, 佢都計$138!!! 我話我嗰個係bb你都要計? 唔係呀化!!!!!!!!!!!! 另外同學個女都係大滕滕幾個月, 都要當小童咁! 真係攪撚錯! 我嘈, 個黑面伙計先減番滕滕一個出嚟! 跟本就係係又收唔係又收!

5)我問個黑衫套裝攞卡片& 投訴電話, 答左我好之後居然唔理我! 當然, 都係全程黑面!

咁出面嘅一間"水車屋", 我估唔到d服務態度差到咁緊要!!! 簡直係垃圾!!!!!!!!

只係一句話!

係FB只係一句話, 原來就可以另到人諗到咁多嘢! 係FB到睇到某人嘅一句話, 就另到我火都嚟, 係FB到講左句話: 你唔配!

BLOG友一睇我個BLOG, 就知我講某某人!

老公舊同事個老婆打比老公問, 係唔係佢講左D咩另到我誤會! 誤會? 更係有啦, 如果唔係, 佢點會以為我係FB到話佢啫! 再加上熙媽講左一句: "我睇你個BLOG睇到我火滾!", 就使到舊同事個老婆去睇我個BLOG, 申延到以為我係話佢不知所謂!

FB嘅魔力真係勁, 唔怪得個創辦人發到豬頭咁啦!

不過, YAHOO都好好, 因為可以BLK住D BLOG, 只有BLOG友先可以睇到!

終於都痴完!

滕滕尋日已經食完藥喇, 其實如果唔係DR話一定要食晒, 我諗我唔會比佢食咁耐, 因為佢過左D咳比我之後, 佢就好似冇咩事咁!

今晚番到嚟, 入屋第一句問: "今日你曵唔曵呀?" 個工人二話不說係廚房走出嚟: "今日唔曵呀, 乖乖地!"

OH, 居然話滕滕乖乖地! 真係開心都嚟唔切! 個工人跟住話滕滕可能真係食左藥嘅問題, 因為佢今日冇咩咬嘢喇, 又冇咩發癲, 又冇好肉緊咁!

如果真係, 個DR開D藥真係好勁下, 攪到滕滕痴左咁多日!

中國情人節~

尋日老公同我講, 佢同同事夾份買六合彩中左3獎! 所以今晚OT都唔O喇, 話同我出去食飯!

同朋友講開, 原來今日係中國情人節, 唔知點解就覺得老公無啦啦話同我出去食飯, 就係想補番星期一情人節嗰餐!

原來諗去去西貢食扒, 不過見老公食左藥個人勁high, 就改番去黃金海岸食! 黃金其實都冇咩食架喇, 嚟嚟去去都係嗰幾間, 所以橫掂想食扒, 我地就撰左間法國餐廳喇!

食完飯番到屋企都係8點3, 但係一入屋就唔見左滕滕, 原來個工人同佢入左房瞓!

都痴線! 8點就入房瞓!!! 唯一原因就係個工人見我地未番, 想滕滕快d瞓, 瞓左佢可以早d沖涼! 唔使好似平時咁九點半入房攪到咁夜!

滕滕一見到我地番嚟, 雖然對眼me埋左小小, 不過一出房門, 佢個咀角就may may 咁笑, 奸到死, 咁即係話佢都唔想瞓住啦!

不知所謂!

"我好心痛囉!" 就係呢句, 我心情由今朝至而家都未好過!

呢句嘢, 係表妹係fb到post 出嚟, 話佢個仔係學校比同學整到又瘀又腫, 佢見到個仔咁, 佢好心痛!

我真係好想叫佢慳d, 好心痛! 乜佢配做人老母咩? 當初咁恨心掉抵梓祐一走了之, 走都唔緊要, 仲要係梓祐面前執嘢走, 攪到梓祐成個童年都有陰影!

我好記得同梓祐去學校旅行, 佢成朝都唔出聲, 問左佢好耐都唔理我, 後來玩車車佢先開心番, 因為佢話個個同學去旅行都有爸爸媽媽去, 佢就冇媽媽.........

又有一次, 嫲嫲梓祐搭巴士, 有個女人又係帶住個小朋友, 個女人見到梓祐咁可愛, 就問佢媽媽係邊, 係唔係番左工. 梓祐一聽到, 就喊住即刻講: 冇! 我冇媽媽架! 我媽媽走左!

亞媽嘅錯, 做成一個小朋友咁大嘅傷害, 而家佢個仔都係比同學打啫, 就話心痛, 佢配做一個好媽媽咩? 如果佢係一個好媽媽, 點解當初佢諗都唔諗就跟左第個男人走? 如果佢係一個好媽媽? 點解落完一個bb又一個bb? 如果佢係一個好媽媽, 點解佢咁樂意做人情婦? 我相信呢個世界係有報應!

利是縮水~

今年滕滕利是少左, 原因因為我地約少左朋友拜年, 一嚟又唔舒服, 二嚟老公又要番工, 三嚟老爺唔係到, 冇咩心情去街!

再等埋出年, 滕滕就可以一次過自己拆晒3年嘅利是喇! 拆晒d錢要嚟仲乜? 我諗都係幫佢買下d銀行股咁啦, 不過就唔會當時即刻買, 橫掂都等左咁耐, 我會等個市跌多d嗰時先入! 

我個仔痴左線 II

因為DR話滕滕一定要食晒D藥, 所以食埋聽日, 如果冇再咳, 就可以唔使再食埋"後備"嗰支喇!

食藥咁多日, 滕滕仍然都係痴左咁, 因為佢咬嘢症又番發喇, 又不停張張膠墊咬咬咬!

老豆話佢牙痕出大臼齒, 但係滕滕只係得最尾上下嗰四隻大臼齒未出, 我段估都唔係咁快出埋吓嘛?! 都埋牙痕, 都唔使痴得咁交關吖, 因為佢而家見肉就咬, 咬面, 咬腳, 咬大肶, 咬sofa, 咬膠墊, 乜都咬喎! 我最擔心, 就係張sofa 呀, 我唔想佢未夠兩歲, 就換第三張呀!

 

 

火滾呀!!!!!!!!!!!!!!!!!!!!!!!!!!!!

都唔知咩人嚟架!!!! 馮小姐前日同我講, 佢個仔比佢老公傳染左, 鼻涕倒流要去睇dr, 頭先又同我講, 話佢個仔腸胃炎, 一飲完奶就嘔番晒出嚟!

佢個仔出世冇耐, 我就已經叫左佢同個仔去食輪狀, 早輪又再講, 佢都冇去, 因為佢之前講話去, 佢姑奶話唔使咁早食! 而家佢同我講個仔腸胃炎, 所以我答佢: 我幫你唔到, 一早都已經同你講過!

馮小姐聽我講話上個星期同滕滕去睇dr, 個dr寫定封入院信, 以防萬一半夜有d咩事, 就攞住封信入院, 所以佢姑奶帶個仔去睇腸胃炎, 就叫個姑奶問定dr攞醫生信, 不過佢姑奶話唔使, 到時入院就ok喎! 真係痴九線, 鬼唔知就咁入院就得咩! 唔通醫院唔比你入院呀!!!

一早同馮小姐講叫佢去睇定d保險, 佢姑奶話一定要幫大姑奶買, 因為係自己人, 一拖再拖, 拖到上個星期先買! 好啦, 如果個仔仲有痾有嘔, 到時入院就冇得賠(因為未夠30日), 而家先嚟驚死! 

馮小姐一路講, 我就越嚟越火滾, 我問佢: 個仔係你定係你姑奶架? 個仔有事, 邊個最辛苦呀? 你可唔可以比d主見架, 你姑奶話乜你就乜, 跟住又走嚟同我講唔想聽你姑奶講, 你估嗰個係佢個仔, 佢會點吖嗱, 乜7都話唔使住! 佢同你個仔去睇dr, 係因為你比左錢佢咋, 佢負責幫你去運送, 如果冇事就好, 有事搵邊個負責呀!

一路講, 我就越嚟越興: 有事時可大可小, 如果你要同個仔去食輪狀, 你唔好同我講佢捉住你隻腳唔比你出門口呀! 同你講嘢, 真係越講越興! 個仔係你, 你只要堅持講一句, 冇人阻止到你, 更何況有d嘢係唔可以唔做! 你可唔可以比d主見架, 嗰個係你個仔嚟架!

一路小馮小姐, 佢就一路駁我! 話佢姑奶唔比乜, 又話唔好乜! 跟住我再講多句: 你自己都有責任, 唔係人地話乜你就跟住乜, 個仔係你唔係佢架!

講完我就把幾火咁入番房, 都費撚事再講, 因為我真係好滾好滾! 唔緊鐘意就唔好生啦, 生左又唔用腦, 個仔出世到而家都未夠3個月就已經睇左4、5次醫生! 我都唔明, 仲乜九嘢d人咁架! 可唔可以唔好再同我講呢d嘢架!!!!!!!!!!!!!!!!!!!!!!!!! 

情人節~

今個情人節覺得好悶, 唔係因為老公要番工所以先覺得悶, 而係覺得就算老公係身邊, 我諗我都會覺得好悶!

生左滕滕之後, 好多嘢都唔同晒, 所有日常生活都好規矩, 包括一放工就番屋企, 一放假就係屋企, 好多嘢都會為左滕滕為首! 唔知係唔係因為我太緊張滕滕, 所以二人世界嘅時間變得越嚟越少, 少到好似冇咁济!

有人同我講, 咁樣係唔得, 因為兩公婆一定要有番d二人世界時間, 先可以維繫關係, 但係可惜每次叫我不如留滕滕係屋企, 我同老公兩個出下街嗰一刻, 我就覺得滕滕好似好慘咁, 得個工人姐姐倍佢!

亦都可能老公都已經覺得, 三人行都係必定, 所以感覺上什麼浪漫嘢, 肉麻嘢好似越嚟越唔覺!

係唔係男人就係咁呢? 時間越耐, 就好似乜都唔使做! 我問老公佢會唔會係咁, 佢就答我: 戇居!

而家, 我就係係到等緊老公番嚟同我去食情人節宵夜喇! 唉~ 好過冇啦!

無Q撩!

馮小姐真係好一個迷, 請個工人番嚟又唔使湊個仔, 就要嚟幫個姑奶做家務, 比$3580個工人之外, 仲比多$4000個姑奶, 因為佢一家連埋個工人夜晚都上去食飯, 而日抖就由個姑奶同佢睇住個仔!

其實, 簡單D, 比錢個姑奶湊BB咪得囉, 使乜請個工人嚟幫個姑奶做家務呀?!馮小姐月薪都係得$11,000, 咁請問夠咩用呢? 佢老公又唔係搵得多, 如果個姑奶識做, 就唔會要佢地洗咁多錢啦, 不過馮小姐話佢姑奶係唔蝕得嗰D人, 所以唔好諗住冇著數就會幫你手!

我問馮小姐, 其實都要比個工人接近下個仔啦, 到時房處批左間大D嘅屋, 個工人遲早都要湊番BB架啦, 如果叫番個工人湊番BB, 就唔使郁動到姑奶, 唔使郁動到姑奶, 就唔使無啦啦又要比多 $4000啦, 不過馮小姐話佢唔想, 因為佢覺得個工人污糟喎! 所以你話幾一個迷呢???!!! 錢又唔多, 但係又咁樣用法? 佢D諗法真係估你唔到!

今日lunch出去食飯, 馮小姐又同我講, 話佢老公同個大女, 唔整好晒d衫, 佢係唔會同佢洗衫喎! 點為之整好晒先可以洗呢, 就係要張件衫番轉晒, 個底番左出嚟, d衫"就"唔可以卷起, 鬆開晒就可以同佢洗! 馮小姐話佢要佢地咁做, 係因為佢唔想整慣佢地懶, 下下都要個工人做喎! 我聽到都覺得一個迷, 個工人掠衫都要"洋"開d衫掠架啦, 仲咩佢地規定人地整好件衫先有得洗喎! 我真係忍唔住同馮小姐講: 你擺明撩交嗌! 而家都請左個工人番嚟, 工人係要做埋呢d嘢架啦, 呢d咁小嘅事咪算囉, 你話要你做, 就唔同講法啫, 而家又唔使你做, 嘈小一句就一句啦!"

生左bb, 其實好多人都以為生會一定會係幸福過以前, 但係, 因為多左個bb, 磨擦多左, 而且仲多埋個工人, 就仲多多一樣嘢煩! 我唔明, 點解馮小姐做埋d咁一個迷嘅嘢, 因為佢以為自己好勁, 因為佢老公同個女都好無奈咁跟佢咁做! 不過我知道, 而且我亦都講出嚟: 如果你再係咁, 你個女仲更加憎你!

 

我個仔痴左線!

自從滕滕過左d咳比我, 佢就再冇發燒喇, 基本上都似已經好番!

因為滕滕仲有兩聲咳, 所以尋日同佢去覆多次診! 3:30pm打去問, 姑娘話仲有12個, 所以我就諗住4:00出門口都未遲, 不過3:50姑娘打嚟話叫我唔好咁遲, 因為係我前面嗰d都未有人到, 所以收左線就pang pang聲出門口! 真係頂佢個肺, 去到4:05, 姑娘話仲有2-3個, 咁咪以為好快啦, 點不知一等, 等到5:15先有得睇!!! 大佬, 個醫務所咁多病人, 走開又唔係, 唔走開又唔係, 因為個姑娘每一次係醫生房, 輪到睇症時打開門之後就好細聲咁叫: "一二三, 下一個係八九十!"  而且, 個DR又多嘢講, 每次睇症都成10-20分鐘不等! 一句講晒, 下次唔再信個姑娘講嘢!

番到屋企都已經5:30有多, 食完藥, 滕滕都唔想瞓, 直到八點幾, 滕滕開始痴線~

我食左藥都已經high 爆, 再加埋滕滕, 我簡直係頂佢唔順! 叫極唔聽, 打極唔理, 捉佢唔住, 換條片換左成10分鐘都換唔到, 不停咁將個頭撞落個枕頭到, 而且仲成日搵門牙"作"落我個額頭到, 簡直係瘋左一樣! 呢個咁嘅情況, 維持左成半個鐘至九個字!

跟住, 我已經筋疲力竭, 寧轉面瞓覺, 唔再理到佢, 因為我都已經high 爆, 而過左一陣, 滕滕就自己瞓著左!

 

你好驚咩? 我夠好驚囉!

原本今日約左老公班舊同事上去其中一個人屋企團拜跟住就出去食飯, 不過因為老爺唔係到, 所以我叫老公打比個主持人同佢講聲! 又咁啱個主持人尋日唔係hk, 所以就打比個屋主個老婆講聲(都係舊同事之一)! 可能係閑談之間, 個屋主老婆知道當時我地同個仔去睇dr, 跟住就第一時間問: 咁你地聽日帶唔帶埋個仔出嚟呀, 而家d菌好勁喎!

因為我知道呢個女人個仔都係病緊, 因為逢係轉天氣, 番風, 佢個仔都會咳得好緊要, 應該係好嚴重嘅氣管敏感, 所以我同老公第一時間聽到佢問滕滕出唔出嚟, 我地就好反感! 因為我地feel到佢怕滕滕傳染比佢個仔!

個個父母都唔想自己個仔女病架啦, 如果滕滕唔舒服, 我都未必會帶佢出去, 但係如果佢咁講到出口, 我覺得有點兒那個囉! 你個仔夠成日咳啦, 你估我唔怕你個仔傳染比我個滕滕咩!!! 佢成日係fb到, 一個月唔夠又話個仔氣管又有事, 你咁講法, 你估你驚d定我驚d吖嗱!

所以我就send左個sms比個主持人同佢講: 我同個仔都唔舒服, 我冚家都唔出嚟! 

開工大吉喇!

今日終於開工喇, 不過係病住嚟番工, 真係陰公, 臨尾香!

同老闆請左兩個鐘頭病假, 瞓多陣遲d番工! 成day 都係處於一個暈陀陀嘅狀態!

年三十同埋今日, 都出去食lunch, 老闆例牌又係叫龍蝦! 我都已經講到明我食左藥冇咩胃口唔食, 佢就死都要叫, 因為佢唔想出去請食飯都食得咁寒酸! 不過老闆, 你有冇諗過, 你同老闆娘都食唔多嚿, 比晒我地兩個人食, 我地會食到想嘔架, 而家去飲, 見到龍蝦我都洒手寧頭喇!

都係例牌今日有得放早小小, 不過第一日番工, 想準時走都難, 更何況早走!

lai 左嘢!

尋日去探一個識得好耐嘅老朋友, 以前唔係婆婆, 不過而家係喇, 因為係我好細個個陣, 亞媽搵佢嚟同我&細佬s補習! 呢個sukie 婆婆, 我細個嗰陣佢好錫我, 去大陸旅行, 好多時都帶埋我去, 成日煮塘水比我食, 所以係襯佢屋企, 我都幫佢執屋架!

雖然話就話歲月不饒人, 但係佢個性格都一d冇變, 都係成日都咁開心!

因為老爺過左身, 所以去唔到佢個女到食飯, 我地飲完茶就去左佢屋企嗰個會所到玩喇! 不過唔知就係唔係個會所有小朋友唔舒服, 所以尋日番到屋企, 滕滕就開始咳! 今朝6點幾仲咳醒, 跟住仲嘔潻, 再摸一摸佢, 原來發燒呀, 而且探到103.5度!

第一時間我就開水同佢沖涼, 攞之前睇dr 支退燒水比佢飲! 因為太早, 只可以做呢d嘢啦! 滕滕坐左一陣, 就再瞓到九點幾十點, 之後先同佢去睇dr! 因為睇開嗰個仲未開, 所以打比表姐問佢有冇d咩dr可以介紹! 佢話有一個好堅, 不過打去bkg, 話要等到夜晚7:30! 嘩, 點等呀! 所以唯有另外一個, 呢個就真係攞命, 睇完比左5支藥水, 每支要食5ml! 嘩, 真大獲, 5支每支5ml! 唔知係唔係呢個dr同滕滕唔夾, 滕滕次次食藥都必嘔!

dr話滕滕有小小氣管炎&有小小喉嚨發炎, 但係氣管炎就好快冇事喇, 因為已經過左比我! 滕滕睇完dr番到屋企, 我已經開始feel到條氣速, 係嗰時, 我就已經知道滕滕已經pass左d菌比我! 所以滕滕而家只係仲有小小燒啫, 而且仲好精神係到玩!

再見~

今朝老公八點幾打番嚟屋企, 話老爺就嚟唔得, 跟住我就飛的出去見佢最後一面, 不過出到去, 老爺已經走左!

其實有d唔捨得佢! 雖然老爺份人有d古怪, 我同佢都係平時講閑話都唔多, 不過佢對我都算係咁, 只係退休之後個人古板左, 唔多出聲!  不過佢入左醫院幾個月之後, 奶奶就好辛苦, 成日係醫院同老人院出出入入, 仲要比醫院d姑娘、亞嬸鬧, 所以而家老爺走左, 未算係一件唔好嘅事, 起碼唔使再咁樣走嚟走去, 仲要食唔安, 坐唔落!

今日係醫院, 我真係想同老爺抺下塊面, 等佢可以乾淨d咁入雪柜, 不過我卻步, 因為唔知點解我好似有小小驚! 自從老爺幾年前身體開始變差, 去襯佢到, 我都有同佢抺面耳仔同剃鬚, 甚至乎同佢撩耳仔, 剪鼻毛我都唔驚, 佢嗰時有幾污糟我都唔怕, 但係生左滕滕之後, 我就唔想! 可能我怕佢咁污糟, 就算洗乾淨晒之後, 掂到滕滕, 我都怕唔夠乾淨!  所以結果我都冇!

離開左醫院, 老公同我講佢亞媽摸過佢老豆, 而且塊面仲暖! 係嗰個moment, 我諗起嗰時亞婆走, 我係醫院到都有摸過亞婆, 仲欖住亞婆喊!

突然間, 好卦住亞婆, 唔知今年清明, 可唔可以帶滕滕去比亞婆見下呢............

 

又靚靚!

唔知滕滕仲要講到幾時呢~ 今日契妹入嚟拜年, 滕滕一見到佢同佢BF, 又指住自己話靚靚喇!

起初著住屋企衫都話比人知佢靚靚, 跟住我就問滕滕: 請問你靚乜呀? 咁都話靚?

跟住亞妹要求同佢換件去街衫, 想同佢影相, 跟住就換喇! 不過, 亞妹話條LEGGING褲好得, 所以就換剩左條褲仔啫~

換完之後, 就係咁同佢地講佢靚靚, 係咁指住件背心講: da(star), da(star), 靚!

唔知講佢自己靚講到幾時呢~ 

強吻!

真係離晒譜!

今日契妹入嚟, 咁我就約佢係葵芳等, 因為順便又可以出去行下嘛!

我諗我今年買咁多嘢都唔及今日咁開心, 因為我買左件褸, 仲要係紫色嘅!

如果叫你估, 我相信有人會估得中幾多錢!

睇落去好似皮, 不過睇真D, 摸真D, 就知道唔係真皮, 而係人做皮!

舊年11月已經想去買皮褸, 因此家姐識人去做都係千三蚊, 千三蚊真係唔貴架, 真皮喎, 仲要係度身訂做喎! 不過可惜同家姐講完之後至到而家都未得閑過, 所以要等下個星期或之後先可以去買!

其實假皮我真係唔想買, 因為識睇嘅望真D就知, 但係我一見到呢件褸係紫色, 再睇埋個價錢, 唔買真係對唔住自己, 再試埋上身, 嘩~好睇! 連亞妹都話件褸好似個天係整定比我! 因為多謝百五蚊吖唔該!

"好味! GOOD!"

而家好多時食嘢, 我都要滕滕講: "食!食! 好味! GOOD!", 先至比佢食!

今日我同滕滕換屎片, 我話: "嘩~ 好嗅! 真係好嗅! "

滕滕居然跟住講: "味!味! GOOD!"

我話: "唔係嘛! 好嗅就真! 咩好味呀!"

但係滕滕仍然都仲係話: "味! 味! GOOD!"

一個迷II

人總有八卦嘅時候, 自從表妹出現番, 佢居然帶埋個仔出嚟, 仲要成5/6歲架喇!

第一時間, 我個腦就諗: 既然你走左去又再生一個, 咁仲咩你要拋棄梓祐! 如果你覺得生仔係一種負累, 所以先拋棄家庭, 拋棄屋企, 拋棄個仔, 咁我就明白點解當年你會咁忍心比梓祐睇住你執嘢走! 但係你而家又再生多個, 仲要已經咁大, 咁即係你走左冇幾耐就同人生啦! 咁我真係好唔妥你個為人囉!

表叔年尾生日, 食生日飯順便做埋團年! 往往大日子食飯, 例如做冬, 過年, 表叔生日(表妹老豆), 佢老公都唔會出現! 就算表妹已經蒲番頭幾年, 總共我只係見過佢老公都只係兩次, 而其中一次, 係前表嬸出殯! 而佢老公, 我地而家稱佢為太空人二号!

呢位太空人二号真係好一個迷! 因為真係百思不得其解, 點解大時大節都話要做嘢嘅??? 我同表姐講, 如果佢老公個老闆係西人, 咁年初一二三就一定有得放, 如果佢老闆係唐人, 咁年初一二三四五六, 可能唔止! 冇可能年年都話要做嘢! 仲有, 唔止大時大節, 過時過節都一定唔見人, 所有係FB D 相, 一D都冇佢個太空人份! 表妹話, 而家要搵錢, 要襯住而家搵多D, 搵得幾多得幾多! 但係, 我又真係唔係好明, 咁既然表妹講到佢個太空人咁多嘢做, 老闆咁睇佢老公, 佢老公搵咁多錢, 點解成身都係A貨????

其實真係唔使講咁多, 因為乎之欲出~

 

投其所好~

之前淘左件外套番嚟比亞媽, 不過細得济, 所以我問表姐, 不如問下表妹要唔要啦, 表姐一聽到就話: "你問佢, 佢一定同你要, 如果佢個仔唔啱著, 佢都一定搵人同你要左佢!"

同一時間, 馮小姐見到件褸都幾正, 佢又話佢都想睇下佢個姑奶個仔啱唔啱, 如果啱就佢要! 係我個角度, 如果有人同我要左件褸, 我就唔使SEND番去比個賣家換, 嘥左運費啦, 所以我就比左馮小姐攞番去, 又問我表妹要唔要啦! 係我一問表妹嗰時, 佢二話不說就即刻話好, 佢同我要左佢! 吖~兩姐妹就真係兩姐妹, 表姐話佢點都會同我要左佢, 真係喎! 不過, 我唔想攞嚟攞去, 就最好係馮小姐要啦, 所以我叫表妹睇下個SIZE OK 唔OK先!

真係瘦田冇人耕, 耕開有人爭! 表妹打比我, 聽唔到冇接, 所以我就打比馮小姐問佢點, 佢就第一時間話OK, 佢要! 真好! 唔使攞嚟攞去喇! 表妹就冇喇!

尋日去表叔到拜年, 太空人一号表弟出現! 佢話佢就嚟係HTC番工! HTC!!! 我就更係第一時間問佢買機有冇DISCOUNT啦, 因為我係HTC個FANS嚟架嘛! 表妹聽到我咁問, 佢就又好HIGH咁問佢細佬:

表妹: 我問想下而家嗰部新機要幾多錢呀? 呢有WI-FI嗰部呀???

我: 而家好多幾都有WI-FI 架啦!

表妹: 唔係呀! 最新嗰個MODEL 呀, 我要有WI-FI架!

表弟: 而家出嗰D機部部都有WI-FI架! WI-FI 都已經好耐架啦!

表妹: 係咩? 咁最新嗰部要幾多錢呀?

表弟: 咁即係咩MODEL 呀?

表妹: .............

其實我真係唔係好明! 自從表妹係幾年前出現番之後, 佢同以前唔同左好多, 以前佢係唔會同D亞嬋FD, 又唔會同D亞婆講嘢, 樣衰D嘅佢都表現得好討厭(男人除外), 仲要去埋彿堂同D師奶亞嬋交流! 起初, 我真係以為佢變左, 但係原來只係一部份!  我唔明就係唔明在, 佢而家已經信左彿, 但係點解個人仲係咁假!

好似我同表姐講嘢, 佢又要扮知道, 又要好似好了解我, 而家同表弟講手機, 佢又好似同我一樣好留意HTC! 表姐已經成日話佢想同我FD, 但係佢誠信已經破左產, 佢講乜我都唔會再信佢, 更何況冇可能好似以前感情咁好啦! 我唯一頂佢唔順, 就係我講乜, 佢都好BUY 我!

如果佢真係咁了解我, 佢應該知道我最憎D人就係, 人講乜佢都話係, 都話好!

 

 

真係瘀爆~~~!!!

今日又係單拖同滕滕出去拜年, 因為老公呢兩晚都係番中班! 其實單拖出去, 真係幾辛苦, 因為雖然而家滕滕可以自己行, 但係回程多數佢都要抱, 因為佢好攰! 我知道佢好攰, 但係我又何嘗唔係呢~!  攞住咁多嘢, 佢行嗰時又唔係正經, 一係就跳, 一係就扯住嚟行, 一係就叫極都唔行, 真係少D精力都唔掂!

不過算啦, 都預左! 好彩我而家唔係四十幾, 如果唔係, 真係命都短幾年!

攰都係其次, 瘀先至係至命! 今晚係表叔到搭西鐵番嚟, 可能因為著鞋著得太耐, 滕滕死都要係個西鐵到嘈住要除鞋, 起初我都唔想理佢, 不過佢係咁嘈, 真係唔除唔得, 因為佢D煩音真係另到你好尷尬, 所以算! 我忍你, 比你除! 不過, 一除左, 佢就要扯埋對襪出嚟, 扯左出嚟, 仲要掉落去隔離個女仔到! 個女仔見到滕滕咁掉對襪比佢, 我睇到佢真係想第一時間彈開!!!

個女仔唔係好大個啫, 我諗得十三四歲到, 佢都好似唔識比反應咁, 又想笑, 又唔敢笑! 條曵豬掉晒D襪出嚟之後, 仲要好爽咁企左係張櫈到, 就好似: "嘩~ 舒服晒!" 咁!

係呢一刻, 我望到坐係對面D人個個都望住我地, 而且有個女人仲笑左一聲出嚟!

其實, 唔好講個女人, 連我自己都忍唔住笑, 有冇咁大鄉理呀, 係街到除晒鞋除晒襪! 真係核突到嘔! 如果唔係得我自己一個, 我一定會攞個相機出嚟影抵呢個滕滕豬, 核突到吖!!!

 

呢個應該係女嚟先至啱!

尋日開始, 滕滕一出街, 無論識同唔識, 佢唔係第一時間同人講恭喜, 而係指住自己件衫同人講: 靚!靚!

尋日中午一落樓, 同樓下個唔識嘅管理員講第一次, 跟住下午番嚟又講一次, 之後夜晚出去奶奶到食飯落樓又講一次, 去到奶奶到見到佢樓下個管理員又講, 走又講!

今晚出去表叔到食飯, 一落樓見到平時見開嗰個管理員又講, 去到表叔到第一時間又講, 番嚟搭西鐵, 隔離有個哥哥, 又同人講, 番到嚟屋企, 一斉同LIFT嗰個女人又講!

基本上, 任何人同佢有眼神接觸過, 都會指住自己同人講: 靚!靚!

最後一擊!

今日放半日, 同老闆食完飯之後, 就襯住剩餘嘅兩個幾三個鐘就去衝刺!

真係好渴, 渴得真係好交關, 因為呢兩個幾月, 真係一D多餘時間去街都冇, 轉左個工人跟住就公司嘢做到死, 仲要係好似夾定咁, 新工人到先嚟忙到發癲!

原本都打定輸數, 諗住買唔到嘢比滕滕就著番舊年買左未著過嘅比佢著就算, 點不知出奇地買到一件衫同一條褲, 仲要頭先等滕滕瞓左洗埋, 今晚搵個暖風機吹乾, 等聽日有新衫著!

而我呢, 好似真係冇買過嘢而痴左線, 因為我居然連自己最憎嘅啡色都殺埋, 買左對深啡色長BOOT, 除左對BOOT, 可能因為想自己平衡D減低唔鐘意啡色BOOT嘅感覺, 我買左對姣婆紫嘅高跟鞋!

你又嚟喇~

馮小姐已經番左工一個星期, 而呢一個星期日日都有講佢個女&個仔! 講我都預左啦, 不過佢D嘢好似又開始番發囉!

今日公司食埋團年飯就放工喇, 係食飯嗰時, 馮小姐問我, 佢個仔而家呢個時候(2個半月)係唔係要聽D咩音樂喎! 我聽到佢咁問, 我就做番以往作風, 答左=冇答佢咁: "你鐘意比咩佢聽都得架, 有D人比輕音樂, 有D人就比古典音樂, 你鐘意可以比D交響樂佢聽都可以架喎, 我陀住滕滕時, 我成日聽MADONNA, 佢而家聽到D POP MUSIC就即刻係到跳舞喇!" 馮小姐聽到我咁講, 佢就話佢個仔而家一聽到ABC就好似好開心咁!

其實當馮小姐問我: "係唔係而家要聽D咩音樂"嗰時, 我就知佢又想點! 咩要聽D咩音樂先??? 如果佢直接問我可唔可以燒D CD 比佢, 我都應該會幫佢, 不過佢又兜一大個圈嚟問一D咁簡接嘅問題! OH, SORRY, NO WAY!

比人鬧~

滕滕已經上個星期三開始肚痾, 見佢唔係好緊要所以冇同佢去睇dr!  起初以為唔知係唔係個工人煮d嘢唔乾淨, 所以先攪到滕滕痾, 所以星期六&日, 我自己湊滕滕自己整嘢比佢食, 點不知尋日都仲有痾!

我同dr講, 佢食得, 瞓得冇特別, 只係痾啫, 又冇肚仔痛, 所以我以為佢痾兩三日就會冇事, 但係都已經四五日都仲係咁! dr 問我有冇同佢戒口, 我話冇, 因為佢都仲係可以食咁大碗飯, 又唔係冇胃口! 講完呢句, 個dr就話我: 你個肚唔舒服都戒下口啦, 你唔同佢戒口就更係仲痾啦!  dr 跟住問我仲有冇比奶佢飲, 我話有! 跟住又比dr鬧喇: 奶係有輕瀉架嘛, 佢肚痾你仲比奶佢飲, 更係痾啦!!! 可以嘅話就唔好比奶佢飲喇!!!

我聽到話唔好比奶佢飲, 我即刻O晒咀! 唔比奶佢飲? 唔係嘛?! 最多叫我唔好比奶粉, 比豆奶啫, 更何況滕滕都唔係瀉得好熙要, 一日都係痾4次, 其中兩次係水嚟, 我覺得唔係瀉到連奶都唔好飲嘛!

算啦! 我冇聲出啦! 因為我真係冇同滕滕戒口嘛! 我因為見佢仲咁食得, 戒咩口啫! 所以睇完DR, 今日、聽日同後日, 滕滕都要食粉喇!

 

我比人搵左苯!

因為滕滕成日撞埋牆, 所以我搵左個師傅嚟同我整左塊板, 加左D棉, 捫埋皮, 黐左係張床側邊! 剩惠700個大洋!

個師傅好賤,我撰呢隻色唔可以同我本身隻色match我都預左, 因為始終唔係搵番之前嗰間傢私鋪, 更何況而家呢個師傅, 只係有一次係我屋苑門口見到佢係街到同人番捫坐位搵番嚟, 所以我都預左油麻地, 只係唔想滕滕成日撞到個頭就算喇!  不過塊板第一次送嚟捫錯左色個師傅唔出聲, 諗住爻大霧我睇唔到! 跟住我見到隻色深左咁多, 我問佢佢先嚟講, 幾仆街呀! 仲話減我50蚊叫我要左佢! 佢真係發神驚囉, 呢塊咁嘅板有咩技巧先, 佢收我7舊水我都照叫佢做, 我差都唔係差嗰50蚊啦, 真係忽上腦!

最興就係諗番起之前叫佢同我番捫嗰張sofa仔, 佢都係收我180蚊, 我仲好人到比200蚊佢叫佢唔使找! 睇下, 呢張sofa仔, 唔難過我床側邊埋板???

 

真係仆街佬, 見我好人就搵我苯, 我一陣會出多個blog, 連埋佢張卡片post 上嚟唱衰佢!!!