我其實都幾多原則, 好似湊滕滕, 我講左最好係點, 就最好唔好改變我嘅方法!
我比滕滕睇電視, 只係可以係個工人煮兩餐飯嗰時, 即係一日有兩次! 原因係因為主要我唔想滕滕成日睇住個電視, 好似梓祐細個嗰陣, 冇左電視好似唔得咁! 第二原因, 就係因為唔係成日有電視睇, 所以有得睇嗰時就會好珍惜、好專心, 可以等個工人放半個心去煮飯!
不過, 唔知係唔係滕滕開始越嚟越曵, 有時平時都要話開電視比佢, 佢先可以稍為定d!
但係, 咁樣我真係好唔想囉! 我唔想滕滕睇電視睇得越嚟越多! 但係唔開比佢, 個工人就攪佢唔掂!
唔通真係要咁??? 好懊惱!
可唔可以比滕滕玩下玩具, 工人可以煮飯呢?
回覆刪除又或者襯滕滕午睡時, 叫工人準備好d 飯菜!
你一返黎, 佢先煮!
[版主回覆02/24/2011 17:39:00]可能男仔真係唔可以坐定架, 因為滕滕從來唔可以自己坐係到自己玩超過5-10分鐘!
個工人已經係滕滕午睡時已經準備好d飯餸架喇, 只係差煮嗰下咋! 同埋個工人可以等我番嚟煮我嗰d, 但係都要煮比滕滕食架嘛, 所以呢樣先好頭痕!
我地將走廊加個閘, 閉埋房屋放阿仔入去比玩具佢玩。
回覆刪除不過, 我好低能, 起初見阿仔好似狗仔咁係個閘後面玩, 喊左出 o黎! 爸爸講阿仔安全最緊要, 我先至睇開 d ~
[版主回覆02/25/2011 10:54:00]我地都加左閘, 門關好仲鎖埋(因為你個仔遲d都好似我個滕滕咁識得開門), 但係, 滕滕又抓上個電視柜到(好彩佢仲未有咁大膽跳落嚟), 又擒係架車車上面高d, 可以望到window 出面風景!
如果佢要睇電視，咁咪播啲dvd比佢睇，咁咪有啲教育意義囉
回覆刪除[版主回覆02/25/2011 10:56:00]滕滕睇電視, 係睇佢嗰d DVD, 唔係我地睇嗰D無線嚟架喇! 而且, 我已經比barney 嗰d教嘢嘅DVD比佢睇, 其實嗰D都已經係好好睇, 仲好啱佢睇!
咁比佢睇多啲都好吖，無壞呀，咁佢唔睇電視時咪好悶囉
回覆刪除[版主回覆02/25/2011 14:41:00]我就係唔想佢成日睇電視! 我唔想佢第日一起身就: 電視, 一放學又: 電視, 食飯又: 電視!
屋企有大把書同玩具比佢, 佢係唔會悶架!
佢bb黎咋喎，要咁嚴格咩???
回覆刪除[版主回覆02/25/2011 15:20:00]好嚴格咩??? 有d嘢要由細開始, 先至有好嘅品格架!
唉...我條底線越set就越低...佢老豆一返嚟就要睇電視, 夜晚我11點半熄, 佢都仲有野講...
回覆刪除[版主回覆02/26/2011 22:15:00]唔好講你吖! 我老公都要開電視架, 不過佢唔係成日係到, 所以我先尤得佢咋!
佢地開電視, 係因為個仔都同佢一斉睇, 唔使佢理, 又唔會攪攪震嘛!