都唔知咩人嚟架!!!! 馮小姐前日同我講, 佢個仔比佢老公傳染左, 鼻涕倒流要去睇dr, 頭先又同我講, 話佢個仔腸胃炎, 一飲完奶就嘔番晒出嚟!
佢個仔出世冇耐, 我就已經叫左佢同個仔去食輪狀, 早輪又再講, 佢都冇去, 因為佢之前講話去, 佢姑奶話唔使咁早食! 而家佢同我講個仔腸胃炎, 所以我答佢: 我幫你唔到, 一早都已經同你講過!
馮小姐聽我講話上個星期同滕滕去睇dr, 個dr寫定封入院信, 以防萬一半夜有d咩事, 就攞住封信入院, 所以佢姑奶帶個仔去睇腸胃炎, 就叫個姑奶問定dr攞醫生信, 不過佢姑奶話唔使, 到時入院就ok喎! 真係痴九線, 鬼唔知就咁入院就得咩! 唔通醫院唔比你入院呀!!!
一早同馮小姐講叫佢去睇定d保險, 佢姑奶話一定要幫大姑奶買, 因為係自己人, 一拖再拖, 拖到上個星期先買! 好啦, 如果個仔仲有痾有嘔, 到時入院就冇得賠(因為未夠30日), 而家先嚟驚死!
馮小姐一路講, 我就越嚟越火滾, 我問佢: 個仔係你定係你姑奶架? 個仔有事, 邊個最辛苦呀? 你可唔可以比d主見架, 你姑奶話乜你就乜, 跟住又走嚟同我講唔想聽你姑奶講, 你估嗰個係佢個仔, 佢會點吖嗱, 乜7都話唔使住! 佢同你個仔去睇dr, 係因為你比左錢佢咋, 佢負責幫你去運送, 如果冇事就好, 有事搵邊個負責呀!
一路講, 我就越嚟越興: 有事時可大可小, 如果你要同個仔去食輪狀, 你唔好同我講佢捉住你隻腳唔比你出門口呀! 同你講嘢, 真係越講越興! 個仔係你, 你只要堅持講一句, 冇人阻止到你, 更何況有d嘢係唔可以唔做! 你可唔可以比d主見架, 嗰個係你個仔嚟架!
一路小馮小姐, 佢就一路駁我! 話佢姑奶唔比乜, 又話唔好乜! 跟住我再講多句: 你自己都有責任, 唔係人地話乜你就跟住乜, 個仔係你唔係佢架!
講完我就把幾火咁入番房, 都費撚事再講, 因為我真係好滾好滾! 唔緊鐘意就唔好生啦, 生左又唔用腦, 個仔出世到而家都未夠3個月就已經睇左4、5次醫生! 我都唔明, 仲乜九嘢d人咁架! 可唔可以唔好再同我講呢d嘢架!!!!!!!!!!!!!!!!!!!!!!!!!
呢位馮小姐真係無腦到極點喎~~~
回覆刪除[版主回覆02/16/2011 10:37:00]你話對住佢係唔係火滾吖!!!
我驚佢害咗個仔... 如果佢個仔發燒，佢姑奶講一句唔洗睇醫生，咁佢又真係唔帶個仔睇醫生，咁燒壞腦，變咗傻仔，咁點算呀???
回覆刪除[版主回覆02/16/2011 12:17:00]咁又唔會喎! 如果佢姑奶話唔使睇dr, 而攪到個bb有事要負責, 咁蝕嘅嘢, 佢姑奶唔會做架!
我有個朋友個仔出世 1個月左右我地去探佢。佢話個仔面油多似爸爸。點知後來又話佢只幫 bb 抺眼 & 咀, 問我使唔使幫佢抺面?!?!? 無野呀?! 個幾月無抺面唔生野叫叻仔喇!
回覆刪除之前問我 & 另一個媽咪究竟請人湊 / 自己湊好? 我地答梗係自己湊好啦。佢就馬上指住佢阿媽, "阿媽你聽到未呀?!?" 我同另外個媽咪即刻指住佢 o黎丙! "你先係 bb 媽咪呀!!" 呢 d 人生仔生得太容易, 唔識珍惜個仔, 又無準備做人父母既責任, 好不知所謂!
[版主回覆02/16/2011 14:09:00]係呀, 真係生得太易喇, 更何況呢個馮小姐本身都唔諗住生架!!!
真係不知所謂!!!
我個囝囝上年年尾住咗幾日醫院,又係肚痾,我都全程陪住佢,真係一刻都唔想離開呀!雖然係好辛苦,但只要見到囝囝的笑容,我所以的辛苦都會無晒啦!
回覆刪除講真,真係太易得到的不會懂得去珍惜囉!可能我們經歷等待..........所以先會明白什麼是珍惜!
[版主回覆02/17/2011 11:19:00]佢話見到個仔病都好心痛喎, 不過我又唔見佢一聽到嗰時話番去睇個仔喎, 隔左兩日, 今日先嚟請假!