"我好心痛囉!" 就係呢句, 我心情由今朝至而家都未好過!
呢句嘢, 係表妹係fb到post 出嚟, 話佢個仔係學校比同學整到又瘀又腫, 佢見到個仔咁, 佢好心痛!
我真係好想叫佢慳d, 好心痛! 乜佢配做人老母咩? 當初咁恨心掉抵梓祐一走了之, 走都唔緊要, 仲要係梓祐面前執嘢走, 攪到梓祐成個童年都有陰影!
我好記得同梓祐去學校旅行, 佢成朝都唔出聲, 問左佢好耐都唔理我, 後來玩車車佢先開心番, 因為佢話個個同學去旅行都有爸爸媽媽去, 佢就冇媽媽.........
又有一次, 嫲嫲梓祐搭巴士, 有個女人又係帶住個小朋友, 個女人見到梓祐咁可愛, 就問佢媽媽係邊, 係唔係番左工. 梓祐一聽到, 就喊住即刻講: 冇! 我冇媽媽架! 我媽媽走左!
亞媽嘅錯, 做成一個小朋友咁大嘅傷害, 而家佢個仔都係比同學打啫, 就話心痛, 佢配做一個好媽媽咩? 如果佢係一個好媽媽, 點解當初佢諗都唔諗就跟左第個男人走? 如果佢係一個好媽媽? 點解落完一個bb又一個bb? 如果佢係一個好媽媽, 點解佢咁樂意做人情婦? 我相信呢個世界係有報應!
個小朋友好可憐呀 ~
回覆刪除[版主回覆02/18/2011 10:04:00]有d嘢我都不能磨滅, 更何況係個小朋友, 所以我到而家都唔係好想同佢講嘢! 好似以前咁, 就更加冇可能!
確認咗係情婦喇...?
回覆刪除[版主回覆02/18/2011 12:21:00]佢以前係情婦, 而且仲好鐘意做第3者! 而家, 唔知, 只有佢自己先知!
唉!!!呢啲咁嘅女人，真係影衰我地啲女人
回覆刪除呢個女人一定有報應, 只係時辰未到咋!!!
回覆刪除[版主回覆02/21/2011 14:42:00]如果睇到佢衰, 可能我又未必好開心, 因為我地始終由細玩到大, 但係我對佢d行為, 真係唔可以當冇事發生!
可能第時老咗, 佢最錫嗰個仔唔理佢已經係最大嘅報應!!!
回覆刪除