今朝老公八點幾打番嚟屋企, 話老爺就嚟唔得, 跟住我就飛的出去見佢最後一面, 不過出到去, 老爺已經走左!
其實有d唔捨得佢! 雖然老爺份人有d古怪, 我同佢都係平時講閑話都唔多, 不過佢對我都算係咁, 只係退休之後個人古板左, 唔多出聲! 不過佢入左醫院幾個月之後, 奶奶就好辛苦, 成日係醫院同老人院出出入入, 仲要比醫院d姑娘、亞嬸鬧, 所以而家老爺走左, 未算係一件唔好嘅事, 起碼唔使再咁樣走嚟走去, 仲要食唔安, 坐唔落!
今日係醫院, 我真係想同老爺抺下塊面, 等佢可以乾淨d咁入雪柜, 不過我卻步, 因為唔知點解我好似有小小驚! 自從老爺幾年前身體開始變差, 去襯佢到, 我都有同佢抺面耳仔同剃鬚, 甚至乎同佢撩耳仔, 剪鼻毛我都唔驚, 佢嗰時有幾污糟我都唔怕, 但係生左滕滕之後, 我就唔想! 可能我怕佢咁污糟, 就算洗乾淨晒之後, 掂到滕滕, 我都怕唔夠乾淨! 所以結果我都冇!
離開左醫院, 老公同我講佢亞媽摸過佢老豆, 而且塊面仲暖! 係嗰個moment, 我諗起嗰時亞婆走, 我係醫院到都有摸過亞婆, 仲欖住亞婆喊!
突然間, 好卦住亞婆, 唔知今年清明, 可唔可以帶滕滕去比亞婆見下呢............
你好孝順你老爺呀! 好乘呀!
回覆刪除[版主回覆02/11/2011 12:09:00]唔係同老爺一斉住, 所以老爺對我都冇乜點!
咁剛走個面應該都係會暖既。
回覆刪除其實我唸我重細擔過你...我啊麻麻未死之前, 瘦到得d 骨, 我都唔敢摸下佢...我覺得好核突。
不過講時講, 即係呢如果啊媽阿豆要退休, 真係要唸唸, 唔係佢話要退都唔好比佢地退, 因為退左真係退化得好西利, 我老爺同99(99 重衰....真係58 好似一個84 既啊婆,不單止係腦齡, 甚至係機能沒有分別。佢好早就冇做野架啦...日日呢埋間房都唔知做咩, 所以我話佢好鍾意自言自語),老爺好少少但都開始差之餘重要係80%聾。你睇我o個扁野就知...唉...做人地新袍真係好難架唉...我都係想做番我啊媽個女多d hahahaha
[版主回覆02/11/2011 22:38:00]我都爺都係一退休就開始周身唔妥, 唉~
不過好多嘢都係整定嘅!