個pk 死人客真係麻Q煩, 要我同佢買 iphone4! 同佢講到到都缺晒貨又唔死信!
如果個死人客係好客, 我都冇所謂, 不過呢個客成日吹水就唔抺咀, 落d單又成日誇到大一大, 一落就落10隻, 但係最後就只係走一半, 價錢又要平平平, 仲要下下作嘢嚟同我地講佢想轉supplier, 不過因為同我地做左咁耐又唔想轉, 一陣又將出左貨嘅單叫我地減比佢! 減, 減, 減, 減你老豆呀!!! 價錢唔啱就唔好落單啦, 貨都走埋先嚟講價, 又係痴交線架! 所以我都幾Q憎呢個死人客! 成日嚟襯大陸都要我帶佢地去買A貨! 去過咁多次就自己去啦, 去嚟去去, 我都只係識得去商業城啫, 又唔係帶佢地遊晒全中國, 我都唔知點解更係要次次都要叫我上深圳! 我呢一世人, 就係最憎上大陸!!!
同老闆講, 老闆叫我幫佢買, 話晒個客又真係有同我地落單, 所以我同老闆講, 而家出面缺晒貨, 要買就要比多二千幾蚊! 不過, 個死人客聽到要比多二千幾蚊, 就唔7彩我, 更係啦, 個死人客覺我食佢水嘛! 唯一辦法, 就係上台囉!
老闆叫我同我個電話同佢上台, 再加埋佢同老闆娘兩個no.一斉上, 一次過訂3部, 比一部老闆娘, 而我上左台, 每個月嘅月費就入公司數!
老闆講完, 就叫我上, 因為有我著數啦! 係, 真係有我著數, 就算完左約都繼續會係公司比錢交月費, 不過佢又知唔知我唔想再用one2free吖!!! 我而家仲有合約在身, 要去到7完先完約, 再續多兩年, 我真係怕我頂唔順!
唉~諗左幾日, 算啦, 結果我都係同個死人客開左! 因為個死人客始終都係死人客, 話晒佢都真係有同我地落單, 雖然吹10只有5, 但係都係一個死人客啦!
真係同佢出咗呀...死人客都要同佢出喇...
回覆刪除講得好呀, 都係一個死人客wakaka...
[版主回覆02/28/2011 17:19:00]算啦, 老闆話有我著數, 公司同我交台費, 咁諗諗下又係嘅, 不過就轉唔到台囉!
咁咪皆大歡喜囉,雖然佢都係一個死人客
回覆刪除[版主回覆03/01/2011 11:10:00]講真, 我又唔係真係好歡喜咋, 因為我跟本就唔想幫個死人客, 因為佢似熟賣熟, 成日講過d嘢又唔算數! 如果佢真係覺得同我真係咁熟, 就唔好玩嘢啦, 落左d單就算啦, 吹到咁大嚟攞平價, 跟住價錢又要講番轉頭! 真係一個死人客嚟!
咁咪唔好幫佢囉，公事同私事撈埋一齊好混淆架
回覆刪除[版主回覆03/01/2011 13:01:00]係老闆立場, 我咁幫個死人客係冇壞架, 不過算啦, 我老闆叫我幫佢, 我就當比個人情我老闆!
如果佢下次仲有其他嘢要我幫佢, 而我係冇著數嘅, 我就睬佢都傻!