今日個工人放假番到嚟同我講, 佢朋友湊bb, 同個bb食飯要食成個鐘先食完, 跟住我就話係呀, 好多bb食飯都食好耐, 而且成日都含住d飯又唔吞架!
因為滕滕食飯尚算ok, 快則就10-15分鐘, 慢則就半個鐘, 不過好多時如果屋企唔係有人嚟左, 佢食飯都係10-15分鐘左右就攪掂! 我講完個工人就話係呀, 係呀, 軒軒真係好快呀, 而且仲好鐘意飲水呀! 更係啦, 隻豬仔咁餵食, 我食乜佢又要食乜, 食完飯又可以再食我嗰d飯!
個工人聽到我咁講就係咁係到笑, 所以我跟住就話, 你話你湊bb係唔係湊得好舒服呢~
其實我真係覺得個工人都幾舒服, 雖然我放工番到屋企唔係早, 但係我一番到去我都盡量自己睇番滕滕, 一嚟想親子啦, 二嚟我唔想佢做到咁夜, 所以到而家我都仲未考慮去整過佢間房等滕滕跟佢瞓!
滕滕其實都係咁喇, 個幾月戒左夜奶之後夜晚都好少會醒, 食飯又肯(比我迫佢)坐定定, 唯獨係自己比較有主見d囉, 死都要張d車車放係個電視柜(可能啱佢高度)或者枱上面玩! 成日叫佢坐係sofa到玩車就死都唔肯, 一放d車車係sofa 上面就喊到拆天! 同埋, 無論係邊, 一見到車就雙眼發光, 死都要去玩, 死都要去坐!
咁你個仔真係好乘啦
回覆刪除我個仔食野好煩, 好便易嘔 另外, 佢雖然 like 瞓 (1日 13~14個鐘), 但早&午果兩轉一定要抱住瞓。姐姐種慣左
[版主回覆02/28/2011 12:25:00]而家我又頭痕緊喇, 因為佢好想好想同我地瞓, 瞓到半夜知道自己係床仔, 就喊要同我地一斉喇!
我之前都想訓練個囝囝瞓bb床,結果係好似你個滕滕咁囉,跟住放棄啦!其實同囝囝瞓真係好開心架!佢成日爬上我個身道,係咁返來返去,好搞笑,其實諗諗下,佢依家細先肯同我瞓啫,到佢十幾,廿歲,你去叫都未必肯同你瞓呀,所以我都由得佢囉!
回覆刪除[版主回覆03/01/2011 11:21:00]佢地而家咁纏身, 真係好開心架!