真係離晒譜!

今日契妹入嚟, 咁我就約佢係葵芳等, 因為順便又可以出去行下嘛!

我諗我今年買咁多嘢都唔及今日咁開心, 因為我買左件褸, 仲要係紫色嘅!

如果叫你估, 我相信有人會估得中幾多錢!

睇落去好似皮, 不過睇真D, 摸真D, 就知道唔係真皮, 而係人做皮!

舊年11月已經想去買皮褸, 因此家姐識人去做都係千三蚊, 千三蚊真係唔貴架, 真皮喎, 仲要係度身訂做喎! 不過可惜同家姐講完之後至到而家都未得閑過, 所以要等下個星期或之後先可以去買!

其實假皮我真係唔想買, 因為識睇嘅望真D就知, 但係我一見到呢件褸係紫色, 再睇埋個價錢, 唔買真係對唔住自己, 再試埋上身, 嘩~好睇! 連亞妹都話件褸好似個天係整定比我! 因為多謝百五蚊吖唔該!