今日水車屋終於覆番我, 佢第一句都唔使我多講就更係話好抱歉, 佢地已經反應左我嘅意見, 而且當值經理會再同佢d員工講番佢地嘅不足, 有待改善!
跟住就講收費, 佢一開波就話會退番一個小童錢比我, 而且因為我嘅反映, 所以佢地而家公司有個新厘定同指引, 就係62cm以下嘅小童唔使收錢! 我問個女仔, 你知唔知62cm係一個bb嚟架??? 咁即係手抱未夠一歲都收錢! 我同個女仔講, 咁即係你叫我地呢d有bb嘅家庭唔好去你到食嘢!!! 我跟住再講, 我個仔一歲嗰時, 我都仲帶緊嘢出街, 唔比街外嘢佢食, 如果你公司連一個bb都要收錢, 咁我會同晒我有bb嘅朋友講, 唔好去你到食嘢, 因為你地搶錢!
我真係覺得一間咁出名嘅水車屋居然要靠咁樣嚟搵人錢, 真攪笑!
去飲食男女投訢佢!
回覆刪除[版主回覆02/27/2011 14:59:00]等我收埋張票, 我就又做嘢喇!
bb都要收錢，真係過份啲，不過你知唔知呢啲未算搶錢 ; 通常bb會飲自己帶黎嘅奶吖，有一間食店話，因為奶唔係本公司提供嘅食物，所以要收附加費$100，呢啲至係搶錢呀
回覆刪除[版主回覆03/01/2011 11:04:00]哈, 咁你所講嗰間真係趕客走, 叫佢以後都唔好嚟喎!!!
不如加埋開樽費吖!
我地嗰日嘈到拆天咁滯，講真一百幾十算得咩錢，但係咁撚樣屈人唔抵吖嘛，一係你供應埋奶粉，人奶，又或者入坐前講吖~~
回覆刪除[版主回覆03/01/2011 12:58:00]係囉, 大佬! 入坐前講清講楚啦, 明知人地有個bb入坐都唔出聲就真係乞衣啦! 呢d真係要唱衰佢啦! 我收到張票之後都再去投訴佢呀!
咁結果你地有冇比呀? 如果佢真係要收一百蚊, 就真係同開波喇!!!
最後梗係無比啦，真係當我地流架，我地一話報警，態度完全唔同晒，不過間嘢都執咗喇，真係抵撚死
回覆刪除[版主回覆03/01/2011 14:25:00]抵死啦, 抵執! 遲早都收皮喇!