尋日開始, 滕滕一出街, 無論識同唔識, 佢唔係第一時間同人講恭喜, 而係指住自己件衫同人講: 靚!靚!
尋日中午一落樓, 同樓下個唔識嘅管理員講第一次, 跟住下午番嚟又講一次, 之後夜晚出去奶奶到食飯落樓又講一次, 去到奶奶到見到佢樓下個管理員又講, 走又講!
今晚出去表叔到食飯, 一落樓見到平時見開嗰個管理員又講, 去到表叔到第一時間又講, 番嚟搭西鐵, 隔離有個哥哥, 又同人講, 番到嚟屋企, 一斉同LIFT嗰個女人又講!
基本上, 任何人同佢有眼神接觸過, 都會指住自己同人講: 靚!靚!
下次教佢講型!型!
回覆刪除[版主回覆02/07/2011 23:25:00]都好喎!!!
恭喜發財，祝你工作順利，橫財就手，笑口常開，身體健康，萬事如意，心想事成，大吉大利....
回覆刪除[版主回覆02/07/2011 23:25:00]多謝多謝, 收晒! 你都一樣啦!
佢可能大個都好貪靚hahahaha....
回覆刪除[版主回覆02/07/2011 23:26:00]我諗都係啦, 今日都仲講緊呀!
咁咪係人都知佢靚囉!
回覆刪除[版主回覆02/07/2011 23:27:00]係呀! 就連亞豬亞狗佢都想講埋喇, 今日都仲同人講緊呀!!!