心 up~

尋日同滕滕食完lunch番屋企都未洗完手, 就有人"禁"門鐘喇! 原來係隔離鄰舍有個太太嚟問我攞"百家米"!

"百家米", 我都唔知係乜, 我見佢攞住袋米, 我仲以為佢派比我潻, 其實原來係佢要問百家人攞米!

我知道佢個女身體有事, 但係唔知仲咩事, 今年年初係lift到撞到, 我仲問佢番工未, 點不知一出lift, 就見到佢個女行路已經有問題喇!

尋日係言談之間, 原來佢個女個腦有萎縮! 因為個腦萎縮, 另到佢身體所有功能都唔協調, 說話、肌肉、行路, 樣樣嘢都已經出現左問題! 太太話之前一d先兆都冇, 個女只係成日都好攰, 日日都好攰, 去body check 又check唔到有事, 不過, 做完磁力共振之後, 就發現左呢個不治之症!

有時係到諗, 真係唔知聽日事, 今日可能好地地, 聽日唔知會發生咩事!

做人好化學, 真係有d灰...........

使唔使咁多功課!!!

好辛苦!!! 點解滕滕而家只係讀N班, 就咁多功課"比我做"呀!!!

我開始覺得有壓力喇! 冇幾耐之前, 已經開始話要影D相, 比滕滕帶番學校去做咩分享, 之前話要影D杯, 碗之類, 跟住又再要影牙刷, 匙羹, 水樽, 今個星期就要影下sofa, 電視, 枱, 椅! 好彩公司有color printer 咋, 如果唔係, 下下都要出去晒, 我仲唔死比你睇呀!

上兩個星期, 就無啦啦整本咩"我的行動承諾", 要去做"實踐行動"喎! 個個星期都要mark滕滕ok 唔ok!

呢個星期, 又無啦啦整本"護齒記錄手冊", 呢本仲大獲, 要day day mark!

請問, 有冇咁多嘢攪呀?! 我明白, 學校都係想家長一同幫手, 但係原本係冇壓力嘅情況下, 有時都想偷下懶架嘛, 而家, 係強迫性嘅情況下要日日做, 咁即係想偷下都唔得啦!

唔方唔精彩喇, 而且好有壓迫感呀!!!

極度失望!

今日, 等左幾個星期先到今日, 期待已久都係等今日, 滿心歡喜咁都係等到今日! 可惜, 尋日放左之際, 個工人打比我, 話滕滕好似發燒!

吓?! 唔hea呀化??? 朝早番學都冇事架喎, 無啦啦發燒??? 咁我點呀??? 我今日, 約左3個同學打麻雀呀, 而且仲有3個小朋友同滕滕一斉玩! 而家無啦啦發燒, 即係邊到都唔使去啦!

原來都唔會咁失望得咁緊要, 因為有個好耐無見嘅同學佢今次居然可以出嚟, 而且仲話比我知佢已經有左第三個bb, 已經第6個月喇!

所以原本滿心歡喜嘅心情, 比滕滕一盤冰水倒落嚟!

冇計啦, 唔通滕滕發燒仲去咩, 咁我知道佢都唔想病嘅, 邊有小朋友想食藥架! 所以我地照係屋企休息下, 咁冇咩事, 就聽晚可以同公公食生日飯啦!

安落晒!!!

老豆今個星期食生日飯, 一直以嚟, 我心都有個疑問, 就係表姐&表妹會唔會嚟!

我唔會問表叔表妹會唔會嚟, 因為如果直接問, 就顯得我好似好小家, 好似唔想佢嚟(事實我係唔想佢嚟), 但係如果叫我大方d叫佢嚟, 就好似我認錯咁!

而表姐, 我更加唔會走去問表姐, 因為我只係whatsapp佢, 都已經比說話我聽, 跟住再post上去fb, 如果我打比佢, 就更加唔知會同我講咩, 所以我唔會中伏!

今朝, 我叫亞媽訂位前問一問表叔佢地有幾多個到! 結果, 原來亞媽已經問左, 表叔話, 表姐表妹都唔會到, 一陣又話呢個唔啱, 嗰個又話嗰個咁, 所以唔叫喇!

好囉!!! 安落晒囉!!! 佢地唔嚟, 就我就唔使係不甘心嘅情況下仲要請佢地食飯啦!!! 因為如果佢地真係嚟, 咁我就真係好唔願意埋單囉!!! 而家, 安落晒喇!!!

舒服晒!!!

個熱水爐今年已經壞左4次, 整都整左3次, 今次唔叫師傅上嚟睇, 因為之前個師傅話我地個爐已經好老喇, 已經唔會再有parts可以換, 有得換, 可能只係d大路parts!

而且今次唔係tak唔到火咁簡單, 而係沖沖下涼會自己熄火, 再tak番就起碼要15分鐘都未必著到, 所以今次把心一橫換鬼左佢喇!

煤氣公司個師傅已經講個爐條命唔會長, 不過老公成日都覺得人地厄佢, 因為sale到我地有單開喎! 好啦, 又唔信人, 攪到個爐自動熄火, 而至嚟換爐!

tak唔到唔緊要呀, 佢自動熄火, 我就怕熄左嗰時我地唔知, 一陣攪到爆炸就死喇, 就好似個煮食爐咁, 開左冇火, 但就係到放煤氣! 我唔想咁早死呀, 我仲想生架!!!

終於, 個師傅今晚嚟左換, 終於有個安落涼可以沖喇, 唔使再怕沖沖下涼, 突然冇熱水喇!

舒服晒~!!!

仁至義盡!

<sub>係7/8月, 我借左3000蚊比表姐, 佢問我借嗰時, 就話打算分兩個月還番比我, 但係借左之後, 兩個月以嚟就一值冇影! 

原本佢仲話想借多2000, 因為佢老公話借左番嚟鬆動d, 旁下身都好, 跟住就每個月還幾百喎! 而且我feel到表姐仲想我攞呢二千蚊上門比佢, 因為我覺得佢唔想嚟攞! 而我, sorry! no way! 因為當佢同我講嗰二千蚊係要嚟旁身之後, 我就更加唔想借, 所以仲想我自攞己上門? 痴交線啦, 唔會有可能囉!

其實我都唔係好過份啫, 表姐兩個月冇左影, 我而家先出聲叫佢還住千五蚊比我先!  不過我尋日同表姐講完, 佢就話原本諗住今個月還住五百先, 而家我要佢還千五, 佢就要計計數喎!

我都唔明, 點解叫人還錢都咁辛苦嘅?! 點解我要同佢解釋點解要佢還, 唔解又唔得! 好喇, 解釋完, 仲要好似有意冇意咁覺得我迫佢還!  仲要尋晚即時係fb到post 話: "開始進入難捱的日子........生活迫人呀!"</sub>

_{咁我想問, 你要用錢就好正常, 咁我要用錢就唔得架??? 我唔出聲叫你還, 你就當冇事, 我叫你還, 就話打算諗住還五百, 又話你叔仔11月結婚, 跟住又話打算等政府嗰6千到左先嚟比番晒我!  係fb post呢句嘢, 人地問你點解, 你就偏偏唔回應, 咁即係點呀, 比說話我聽呀!}

 

_{你咁多fd, 我唔知點解你唔問你d fd借囉, 如果你借左錢唔還唔出聲, 我又唔信你d fd 唔問你攞番囉!}

 

_{就算我真係有錢都叫你還, 都係好天公地義嘅事囉! 唔alike, 咪巴閉d一次過比番我囉! 我d錢, 唔係要嚟比你旁身架! 都交交地!!!}

人都癲!!!

由滕滕出世嗰一刻, 間屋就已經開始換嘢!

首先就更係換左D柜啦, 因為會知道D嘢一定唔夠用, 所以廳柜房柜換左! 而且怕磚地會另到第日百厭嘅滕滕跌到會好痛, 所以整左木地板!

到滕滕1歲多D, 成張sofa 比佢咬到d皮甩晒, 咁就換左張soft喇, 同一時間, 因為張玻璃枱面會反, 怕滕滕第日"禁"住塊玻璃嚟搖, 所以又換埋張枱!

而家2歲半, 開始破壞力驚人, 因為DVD 機, 風扇, 暖風機, 同大廈通訊開門個對講機, 甚至連廳柜暗槽嘅光管, 比佢整爛埋!!! DVD機都還可以唔換住, 最多開熄開熄, 5/6/7次到就可以play到, 但係個開門對講機, 唔換就真係唔得, 因為有同滕滕講完電話, 佢又唔off, 攪到我要打電話去管理處, 叫佢"禁"對講機call番屋企, 話比個工人聽個電話未收線!  好彩冇事就ok啫, 如果見到滕滕又有危險動作, 打又打唔到番屋企, 就真係大獲喇! 至於暖風機就真係一定要問我家姐攞番, 呢燙真係唔問唔得!

唔知究竟係考合定係專登, 因為同一時間, 個熱水爐又壞(今年已經整左3/4次), 仲要係沖沖下涼自己熄埋, 整都整唔到要換! 而廚柜, 因為太舊到期要換, 再唔換, 唔知何年何月, 可能會突然之間成個跌落嚟! 所以即係又係唔換都唔得!

唉~ 如果成日都係咁, 不停咁換嘢, 咁我就真係賣身都唔掂喇!
 

自私的老母!

每一次, 我都唔想出口話!

每一次, 我想乜都唔理當唔知!

每一次, 話完之後我想以後都唔會再發生!

每一次, 佢只係只顧自己!!!

我都唔想講, 話自己個亞媽, 真係隨時天打雷霹, 不過我真係覺得佢好自私囉!

上個星期四我已經打比亞媽話上個星期日番屋企食飯, 佢話佢去佛堂叫我唔好番去!

表弟生左個仔話擺滿月, 我已經話定比亞媽聽, 如果係week-day食飯就只係我一個去, week-end 先帶滕滕, 因為平日要番學!

今日亞媽同我講, 星期四老豆正日生日, 問我係邊到食飯! 第一時間我就話星期六先食, 因為可以帶埋滕滕出嚟, 但係亞媽就答我, 冇人生日做遲! 咁我亦都答佢, 咁點解你明知冇人做遲, 你唔上個星期六話食飯呀? 係因為你上個星期六要去佛堂, 所以你唔出聲講吖嘛! 你話你幾自私, 只係顧住你自己去佛堂, 一d都唔使理人地!

我真係好唔明! 亞媽次次都講, 佢十月呢幾日去佛堂係全年都最重要, 咁既然咁重要, 點解唔搬埋去住呀! 起碼第日過時過節我都可以當唔使預佢, 冇咁嬲先囉!

係邊到嚟架!

今晚一番到屋企, 工人同我講, 佢整左出嚟! 我望一望............

咩人嚟架!!! 點解可以曵得咁交關架!!!

當然之後更係唔少得又比人罰企扭耳仔! 今次足足罰左半個鐘!

豐富的一天!

今日, 老公番工, 想番自己屋企, 連亞媽都唔要我, 因為亞媽去佛堂! 有時真係都幾down, 亞媽去佛堂都唔要我............

冇辦法, 唯有我同滕滕自己去街啦!

首先我地去左爬蟲館!

原本我地去爬蟲館, 係想睇仲大過張麻雀枱嘅龜, 不過龜真係實在太懶, 郁都唔郁, 結果滕滕就更走啦!

反而, 對呢隻嘢有興趣!

好彩隔住塊玻璃咋, 因為隻嘢申條利出嚟想lai滕滕, 幾鬼核突呀! 而且仲想咬豬仔呀!

唉~ 老公之前話想養呢隻嘢, 睇嚟我真係要極力阻止, 因為真係核突到爆!!!

去完爬蟲館, 我地就去左遊樂場! 一見到個千揪, 我就第一時間抱滕滕上去玩, 因為而家唔係個個公園都有, 所以真係好難得見到有兩個係到!

坐左上去, 推左佢兩嘢, 就開始想喊, 仲叫住話: "媽me, 好驚呀~! 我地落地地呀! 唔搖呀~!!!"

我呢個亞媽都算衰喇, 都唔係即時抱番佢落地, 仲要影多幾張相, 拍埋個video 先抱番佢落嚟!

不過小朋友真係好善忙, 眨下眼就冇事, 又去玩過!

仲要玩都唔想走! 但係唔走唔得啦, 因為玩左成粒鐘, 你就玩得好開心啫, 我就好攰喇, 更何況我個肚唔舒服喎!

都算係咁啦, 雖然唔想走, 不過講多幾次都肯走, 仲同我講: "下次玩過啦!"

完全迷上了~~~

以前曾經諗過, 滕滕唔知幾時識得R痕係幾咁爽嘅, 因為有時我都會叫佢叫老公幫我R背脊, 尤其係沖完涼之後!

而家, 我發現lai嘢, 真係完全咁lai晒嘢!

由第一日開始, 原來我已經行左條不歸路, 因為而家每晚同滕滕瞓嗰時, 佢都要我同佢R, 唔係頭痕, 就頸痕, 一係就手痕, 一係就PAY痕, 最終目的地就係背脊痕!

一R, 就唔可以停, 就算佢就嚟瞓著, 一知道我停左, 佢就即刻醒左同我講: "呢到痕呀~"

一路R, 一路R, 要R到佢真係瞓著左為止!

之前同亞爸亞媽講, 話我整估佢, 因為佢話條腰痕要我R, 咁我就成機"G"佢, "G"到佢頂唔住話唔痕, 而家, 用呢招唔得喇, 因為原來佢明白晒我同亞爸亞媽講話整估佢呀, 而家一"G"佢, 佢就答我: "唔係咁咁呀, 係R呀!!!" 仲要做埋手勢R落張床到, 話係要咁呀!

戒片~

我呢個亞媽真係都幾鬼懶! 因為其實我而家帶滕滕出街, 可以試下唔著片, 但係我冇, 因為我唔想成日要搵廁所, 下下去到邊, 第一個目標就係廁所, 因為我覺得好麻煩!

但係滕滕都開始大啦, 而家佢係屋企都冇著片好耐喇, 係唔係要試下出街都唔好著呢~

我真係覺得好似應該要開始囉, 因為今日係個cam到見到滕滕, 突然發現佢好似大個左好多呢~ 手長腳長, 已經係一個小朋友咁喇!

喂~ 唔好瀨我喎~!!!

今日我好眼瞓呀~ 因為滕滕尋晚成晚個肚都唔舒服, 仲要瞓到半夜十二點幾先嚟肚痾!

我模到佢肚仔凍凍地, 我就已經知道佢個肚唔多舒服, 半夜嗰一次, 已經係第二次痾水喇, 跟住滕滕都瞓得唔好, 瞓一陣又醒, 瞓一陣又醒, 直至四點先冇再起身咋~

今晚, 亞媽入嚟, 我叫佢唔好買蛋糕喇, 因為滕滕腸胃炎啦, 點不知亞媽同我講: "我都叫你唔好比花生佢食架啦, 而家唔舒服喇!" 滕滕食花生, 係星期六嘅事嚟, 都係餐前嗰d嚟, 你話食得幾多吖! 同埋, 星期六食嘅事, 要有事都已經有左事啦!

所以亞媽有時都係好攪笑, 話係我星期六比花生滕滕食, 攪到佢而家腸胃炎喎, 所以我回應佢, 滕滕腸胃炎其實可能係佢兩個星期前買cake 入嚟, 滕滕嗰時食左, 而家就先有事都唔出奇!

又換~

而家架車, 我記得舊年過年前先買, 到左手冇幾耐, 老公就去番噴, 諗住靚仔d出車過年, 點不知係屋苑個回旋處一出, 就比個死人van仔佬剷左埋嚟! 

呢單嘢, 到今時今日已經年幾, 保險都未claim到番嚟, 老公上個月就同我講佢想換車!

老公真係有鋪引, 架車揸左年幾, 佢就要換, 一來我知道佢覺得開始悶悶地, 二來, 我知道佢知道架車仲有價係到, 所以襯住唔蝕嘅目標進法!

我地都算係咁, 換過咁多架車, 除左有一架係因為老公自己抄左埋山邊, 攪到total lose 之外, 其他架架賣出去嗰時, 一定都高過買番嚟嗰時小小, 所以係呢方面, 我真係唯一覺得老公幾勁架!!!  而佢次次換車個理由, 都係同一個: 見仲有價, 就要賣!

吖~ 我又唔係好明, 老公睇車就咁勁, 咁點解睇樓、買股票又唔見咁掂嘅?????????????????

成長!

小朋友成長中, 真係好可愛, 仲要係可愛到爆炸!

滕滕講嘢, 開始越嚟越進步, 係說話當中, 真係比到我無限驚喜同野笑!

就好似係車到, 我叫佢唔可以攪手制, 佢會答番我: 跌落車車呀!

係張床到跳, 佢就答我: 跌落街呀!

今晚, 我教佢講轆轆唔係郁郁, 教極佢都係講郁郁, 佢居然笑住咁答我: 軒軒唔識呀~!

無聊生活!

今日, 我又懶唔煮飯喇, 同滕滕又去左麥當當到食!

隻豬仔, 今次差唔多成個包可以食晒! 不過其實我估佢係可以架, 不過見到杯栗米, 再加埋杯朱古力, 佢考慮唔食晒個包囉!

小朋友真係咁鐘意去麥當當咩??? 上次食完一次, 今次再講佢就已經即答我好呀!

背影!

亞爸亞媽台灣之旅已經完左, 今日黃昏番到嚟HK喇! 見係星期六, 我就同滕滕去接佢地機啦!

影完呢張相, 又有D感慨!

亞爸亞媽每次去完旅行, 都會大家互相投訴大家!  上次佢地去完韓國, 亞爸就投訴亞媽乜乜物物! 今次去完台灣, 就輪到亞媽投訴亞爸! 每次都會數對方嘅嘢, 而唯一佢地最後都會講一句相同嘅嘢, 就係: 你老豆/亞媽, 真係老喇, 佢真係成個老人家咁, 講極都唔理人!

每次佢地講到呢個point, 我真係唔想聽, 亦都唔想應, 因為我唔想接受事實!

再加上影埋呢張相, 個心就再酸一酸...........

我好驚~

自從每晚3個願望開始左之後, R背脊就好似毒引咁, 戒唔甩! 仲要係一R就要一直R落去, 好似唔可以止痕咁, 你話我對手幾大獲吖!

今日, 當然都唔例外, 不過R R 下, 滕滕居然流晒口水!

乜R背脊真係舒服得咁緊要咩??? 我真係怕滕滕R背脊R到真係上左引, 就好似細舅父一樣, 而家都仲要亞媽同佢R, 咁就真係大寧樂喇!!!

亞伯上身!

平時, 我只係夜晚同佢瞓緊嗰時, 先可以睇到佢咁樣R肚!

尋日下午瞓醒晏覺, 行左出房, 灘係張sofa到, 亞伯又上身, R呀R, R呀R~

關架車咩事???

又係淘番嚟架! 都幾ok好玩吖, 切字!

不過唔係好明, 玩玩下仲咩要放係架車上面囉!

跟住, 就死都要放係架車上面玩喇! 請問關架車咩事呢???

UP-DATE!

等我UP-DATE 下滕滕D嘢先!

滕滕已經成兩個幾三個星期番學都OK喇, 佢仲同我講, (校車)EE等佢!  所以咁即係搭校車都冇問題喇, 真係好!

不過, 唔知點解佢會咁, 就係工人姐姐問佢"番學有冇食包包呀?! 有冇飲水水呀?!", 佢一定答"冇呀!", 但係我放工番到去, 都係問佢同一樣嘅問題, 佢就會答我"有呀!"

唯獨是我問佢"老師有冇同你唱歌呀?!", 佢就一定答我"冇"! 我知道老師每日一出課室都會同佢地唱"一步一步寶寶愛踏步!", 所以我真係唔係好明佢仲咩答我冇囉!

老師大約早三個星期前同講, 佢番學開始已經同同學仔爭玩具玩喇, 所以佢應該係已經進入狀態, 嚟緊應該越嚟越適應喇!  一聽到老師咁講, 我都安落左, 因為佢真係開始當自己地頭喇  !

直到而家, 老師都冇咩再打嚟喇, 因為我同老師講, 佢冇咩問題, 可以唔使煩住佢日日打嚟比我, 所以都好開心, 老師冇打過嚟! 唯獨係老師之前話佢, 唔係唔係忍住唔大便, 就攪到成個人冇mood玩! 而家呢, 我估連呢個問題都冇發生lu~!

唔敢走!

就滕滕開始番學, 頭嗰兩個星期我都晏左番公司, 而有次有張單要趕住出貨, 所以我夜晚send左個mail比馮小姐, 係第二朝我怕佢收唔到, 所以晨咁早9點半就已經打左兩次電話比佢! 嗰日, 我11點鐘番到公司, 佢居然未做起張生產單比我, 只係需時2/3分鐘嘅一張生產單, 佢都居然未做!  所以我就問佢: "你今朝去左玩呀?!"

呢次, 我已經好唔老嚟, 因為幾蠢/叻嘅人都會去做完公司嘢先去做私人嘢啦, 我打左兩次番去問佢有冇收到我個mail叫佢開定張生產單, 佢居然都唔得醒, 係唔係都應該做好我叫佢做嘅嘢先同人msn啦!
 
星期一, 又有麻煩嘢喇, 大陸廠攪到張單裝唔到貨, 而馮小姐番嚟就冇睇mail, 就係因為咁, 個客張趕單, 可能因此走唔到, 要等多6日先可以走貨!

我打比老闆, 睇下運輸上可唔可以安排到叫運輸即刻即時搵人同我地去碼頭即拖隻柜出嚟, 想係一個鐘頭內補到料! 我講晒前事後事比老闆知, 佢就打番廠比個蠢同事去攪, 轉頭, 老闆打番嚟, 佢問我: "馮小姐唔係一番嚟開電腦嘅咩?! 仲咩林生8點已經send左個mail比佢, 佢都唔知架!"

當時我第一個反應答老闆: "佢收唔到, 因為有時yahoo d mail 會幾日先到架!"(老闆唔識英文, 又唔識電腦, 係佢心目中, e-mail係即時資訊, 冇可能收唔到!) 而我, 就心中有數, 我知道馮小姐係冇check 過mail, 因為佢番嚟, 就好多時已經同人msn緊! 而收唔到mail呢樣嘢, 係絕小機會!

同老闆收左線, 我開始火火地, 因為馮小姐真係有問題! 所以我同馮小姐講: "我頭先同老闆講嗰個藉口, 老闆好似唔信我, 所以佢番嚟, 你自己同佢解釋!"

"佢番嚟, 你自己同佢解釋!" 呢句嘢, 我叮囑左馮小姐4次, 因為今次我要佢自己上枱(唔係我擺佢上, 而係要佢自己上)!

老闆同我講, 馮小姐同佢解釋嗰時, 講到口都震埋, 仲好似想喊潻, 所以老闆同我講, 叫我唔好嚇到佢咁驚喎!

我嚇佢?! 事實我覺得佢真係冇check, 既然佢唔識幾時做d咩, 做公司嘢先定做私人嘢先, 係番工時間, 做公司嘢緊要d, 定係同人msn緊要d, 咁我就要去教下佢啦!

就係咁, 馮小姐日日放工5點半都唔願走, 有一日就6點半, 有日就6點都未走! 咁我見佢唔願走, 咁我味走囉! 既然咁驚, 所以我就同佢講: "唔該下次醒小小, 唔好再比人捉痛腳啦, 番到公司就麻煩你開e-mail睇左先好同人msn喇!"

DEL~

尋日表姐收到個message 係表妹比佢, 佢話以後食飯唔使預佢, 咁即係有佢冇我, 有我冇佢啦!

所以今日無啦啦心血來潮, 係FB到發現左, 表妹DEL左我!

其實我有D開心佢DEL左我, 因為咁樣即係代表佢好興! 而且仲興過我, 可能原因係因為我打佢小完佢仲send message 話佢, 篤爆佢之餘, 仲要矛頭指向佢!

表姐話我好火, 係, 無錯我係好火, 不過我都係講事實! 我係有話直說, 尤其係對住表妹呢d人格咁有問題嘅人!

講埋今日, 我唔再講, 因為都幾鬼煩, 我亦都唔想興足咁多日!

賤!

臨放工, 表叔打嚟, 第一句就話: "唔好意思, 我尋晚計錯數呀!"

一聽到表叔咁講, 我就即刻話, 問題跟本就唔係呢到, 就算夾錢請食飯, 舅婆生日, 我都冇所謂, 但係如果表妹做埋D咁鬼鼠嘅行為去要我比, 我就100個唔ALIKE!!!

我一五一十坦坦白白同表叔講晒我要講嘅嘢, 表叔聽完都冇言, 再者我加多句: "表叔, 亞妹係咩人, 我同你都好清楚, 呢D就係死性不改囉, 佢以前係咁, 而家都係咁, 一D都冇變過!"

同表叔對話當中, 我覺得我表妹同佢老豆投訴: "亞菁(即係我)話我地屈佢請食飯!"

我表妹就係咁嘅人, 明明係佢想嘅嘢, 佢會拉晒全村人落水, 因為咁樣, 佢會覺得唔會咁突出佢自己係想屈我! 所以我亦都有同表叔講, 我一路都只係話緊亞妹一個, 我矛頭係直接對住佢, 因為佢只係想借你把口講出嚟!

下午四點幾五點, 我係FB到post左: "死性跟本就係改唔到!!! 唔好以為唔同左就係變左, 厄到人, 厄唔到我, "咭"起個屎忽想點, 我都知!"  過左一陣, 表妹send左個短信比佢家姐, 話以後食飯都唔使預佢! 而同一時間, 我都收到表妹個短信, 話唔好樣樣嘢都懶晒落佢到!

哼! 我唔明, 點解比我篤到爆晒都仲可以唔認! 仲要覆番個message話我懶晒落佢到!

今晚, 老豆入嚟我到食飯, 我講晒今日d嘢比佢知! 原本我估我老豆會話我, 話我d咁少嘅事好心就算, 出奇地, 佢冇鬧我! 因為我feel到, 老豆今次都覺得表妹有心咁做!

I LOVE HIM!

鐘意一個人, 我唔會睇佢外表, 我會睇內涵!

就算一個人表面上係幾咁光鮮, 幾咁有錢, 幾咁高大威猛, 都打動唔到我!

你估我清唔清楚呀???!!!

我真係仲好興囉, 今朝起身仲火滾過尋晚, 因為尋晚我同表姐講, 都要有人問究竟除幾多個, 表叔先會話除4份! 表姐今朝覆我, 佢話表妹都有問佢除幾多份!

我都唔撚明, 佢亞嫲(即係我舅婆)都唔係今時今日先食生日飯, 年年都有食架啦, 點解今時今日都仲問除幾多份! 仲有, 舅婆生日係叫我嚟食生日飯, 唔係同我講一斉夾份同舅婆做生日, 咁仲咩事我要夾埋一份先! 咁係唔係佢結婚又要我夾埋一份錢呀? 都痴九線架!

再者都係嗰句, 你要我夾錢又唔同我講, 比少幾百蚊我找數, 就話除4, 都仲唔講埋我都要夾埋一份, 搵個仔過嚟比錢我! 都仲唔係身有屎, 唔敢講要我夾份?!

所以今朝, 我真係忍唔住打去鬧我表妹, 因為我真係覺得: 更硬比人屈!

我問表妹, 仲咩我要夾份都唔同我講, 冇人講比我知我要比錢, 到左收錢時先更硬扣左三百幾蚊話我要出錢! 表妹由細到大都係咁, 鐘意射波, 所以佢都第一時間答我佢唔知, 叫我直接問佢老豆!

問佢老豆, 我唔會, 因為佢老豆, 即係我表叔, 我好尊重佢, 要我請佢食飯都冇問題! 所以我同表妹講, 我而家唔係問係邊個話夾4份, 我而係要知道, 事件係邊個問"夾幾多份"嗰個人!

再問第二次, 表妹已經避唔開, 佢答我係佢問, 而我亦都好直接咁話佢: 問題係係你到, 唔關表叔事, 你問心你跟本就想我出錢, 但係又唔敢講, 做埋d咁鬼鼠嘅嘢! 你咁樣同屈我咩分別!

我識得表妹實左太耐, 我好明白佢個人係點, 唔好諗住射波比人, 就當唔係佢嘅事先得架!

呢d叫咩: 死性跟本係改唔到!

做人可唔可以唔好咁狗???

首先, 介紹人物角色分配:

1.表叔一家: 表叔+表嬸+舅婆(是係表叔個媽媽)
2.表姐一家: 表姐+表姐夫+兩個女
3.表妹半家: 表妹+個仔

PS.表叔係表姐表妹個老豆, 舅婆即係表姐表妹個亞嫲
Backgroup: 我地兩家人由細到大都成日見, 所以我地係好熟! 但係表妹失踪左成7/8年先出番嚟, 見面都係冇咩講, 而我只係知, 表妹一出現嗰時, 扮到自己好有錢, 佢老公搵好多錢, & 表妹成日戴A貨仲以為人地唔知!

原本今日心情都幾好, 仲同滕滕著左件波點恤衫出去食飯威!

點不知, 食完呢餐飯, 我真係興爆, 仲要係噴火!!!

星期五, 表姐whatsapp 我話星期日舅婆生日食飯, 問我去唔去, 叫我直接覆表叔! 星期六, 出奇地表妹又whatsapp我, 問我知唔知星期日食舅婆生日飯, 又係問我去唔去!

出奇, 係因為表妹好少問我去唔去! 因為就算而家見番面, 但係大家都冇咩講!

例牌埋單都會係我先簽卡, 跟住比番我, 但係今日埋左$12xx, 但係就只係收番$9xx!

老公同我收錢(係表妹搵個仔嚟比錢我), 發覺唔夠, 我就問點解只係九百幾, 表妹好fool hin咁答我: 除4吖嘛!

除4? 係唔係除埋我嗰份呀? 我當時冇問出口, 只係上左車先問表姐, 究竟係唔係我要夾埋一份!

表妹射波, 成日就話係佢老豆話除4, 唔關佢事, 咁我問佢, 都要有人問除幾多份! 做節兩家人食飯, 我地夾份好應該, 咁表叔見我之前有夾, 咁話夾埋我嗰份唔出奇, 因為老人家唔會去記住做節唔做節! 但係而家個問題, 就係舅婆做生日食飯, 都唔係今年嘅事嚟, 點解我表妹仲要問得出口, 係夾幾多個人!

我真係好R爆頭囉, 舅婆生日食飯, 我做左禮, 點解我要夾埋一份先!!! 夾埋一份唔係問題, 請個老人家食飯我覺得OK, 但係唔係咁樣去屈我囉! 我找左一千二百幾蚊數, 就比番九百幾我, 嗰時先同我講係夾4份, 都冇講話"計埋我一份", 咁樣仲唔係屈係咩呀!

Happy Birthday to San!

今日契妹入嚟食飯, 同佢慶祝佢9月生日!  9月.........而家先嚟同佢慶, 唔知佢有冇嬲呢~

話就話契妹生日, 但係似係滕滕生日多D囉~ 叫契妹合埋眼許願, 佢又合埋一份! 契妹未吹CANDLE, 佢又吹左先! 呢隻豬仔, 真係傻得可愛!

願望!

每晚臨瞓, 滕滕例牌都有3個願望要達成, 佢先可以安落咁去瞓!

R背脊就係其中一樣!

R到就嚟爛都話未OK, 你未OK啫, 我隻手OK左架喎~!!!

第二個願望, 就係剪手皮! 次次都係熄晒燈先嚟話要剪! 你玩嘢咩!!!

第三個願望, 就係有鼻屎! 又係熄晒燈先嚟專登整D鼻涕出嚟!

我知! 佢唔想瞓吖嘛! 但係唔瞓, 我又點去做私務呀!!!

Red &amp; Green

今晚, 我呢個亞媽真懶! 唔想煮飯, 同左滕滕去左麥當當食! 正式嚟講, 滕滕都係第一次去食麥當當! 但係唔知點解, 我同滕滕講話去麥當當之後, 佢就不停咁放係口邊, 仲好似講到成日去咁, 好熟好fd!

去麥當當要去隔離村, 每次都要過馬路, 而每次我都會同佢講: "紅色公仔唔可以行, 綠色公仔先可以行!" 不過佢次次都只係望d車車, 唔多理我!

所以回程時我想偷雞, 紅燈冇車都照行, 但係, 今次好令我superise! 就係一預備想過時, 滕滕拉住我隻手, 企左係到(係個安全島到), 唔比我行! 而我望番佢睇下佢咩事, 原來佢望緊支traffic light!

突然間, 覺得滕滕好似大個左好多咁, 突然之間, 好似叮左一聲-the brain start aleady!

筍嘢!

又一次嘅滿足!

滕滕第一次嘅拖鞋! 其實未到手, 我有d擔心唔係好soft! 不過好彩, 結果都算ok啦!

對拖鞋仔真係幾得意!

未計運費, 都係廿蚊人仔!

呢件褸, 真係super 滿意! 因為中褸可以變短褸! 仲要好似真係有羽絨係裏面!

因為就算冇羽絨我都唔介意, 因為只係75蚊人仔! 同埋, 佢地小朋友係熱d, 走兩走就出汗, 所以冇羽絨, 只係夾綿都ok! 不過, 出奇地, 我摸過幾次, 好似真係有羽絨係裏面!

因為真係唔係好敢相信有羽絨, 所以有時又摸到只係夾綿! 我仲同熙媽講, 我真係聞到d羽絨味, 跟住熙媽就笑我喇! 話我上腦呀 !

又唔使番學的一天~

今日, 又唔使番學, 因為又打風!

成個夏天都冇打過風, 已經秋天, 打完一個又一個, 仲要係接住嚟!

其實又唔使番學都幾好, 因為滕滕番左學以嚟, 已經好似第4次食藥喇! 今日唔使番, 等滕滕又休息多一日啦, 因為我見佢星期六朝係咁打乞嚏同流鼻涕, 我又走去攞左上次d藥比佢食喇!

老公話我好成日同滕滕去睇dr, 咁唔睇又點可以呀, 而家d菌咁勁! 仲有, 佢而家起起地唔同佢去睇定先, 唔通又等半夜發燒先嚟睇日去呀???!!! 我唔係好想成晚冇得瞓要不停咁摸住佢, 同佢抺身呀! 佢辛苦時我又辛苦!

唉~! 點算! 滕滕已經係早睡早起架喇, 又冇乜比熱氣嘢佢食, 點解都仲係咁容易病架?!

 

升華~

今晚去左錦田食印度餐, 不過因為滕滕冇瞓晏覺, 所以中途去緊就瞓著左, 到左餐廳都未起身!

老公抱住滕滕, 去到呢一刻, 我又已經知道佢想點! 我都未講到出聲, 佢又啜落滕滕到, 啜完又啜! 果然不出我所料, 啜完我就已經啤行老公, 因為滕滕又比佢啜醒左!

比人攪醒, 邊個都唔鐘意啦, 尤其係小朋友, 就更係忟憎d!

以為佢好開胃食個薄餅啦, 食完個薄餅, 就乜都唔肯再食! 再叫佢(只係叫), 佢就已經好大聲話: 唔食呀!

去到呢個階段, 我就知道滕滕已經又升華左! -就係發皮4咁大聲鬧人!

"我唔要呀~!", "唔食呀~!", "唔好講呀~!" 係好自由咁盡情地大聲鬧你!

之前, 都係轉開個頭話唔食唔要, 一係就唔理你! 而家呢, 係反抗, 大聲話比我地知佢極度唔想!

而今晚係餐廳到, 佢好大聲咁話 "我唔食呀!", 感覺真係都幾瘀, 不過好在, 我地食飯時間尚早, 餐廳唔係好多人!

 

熱到抽筋的BBQ!

今日芒媽約左我地一家去BBQ, 見到天氣咁涼, 就同滕滕著左件長袖衫, 仲帶埋件褸去, 樹不知一去到, 嘩~ 好似戲院滿座咁人山人海! 而且仲熱到抽躬筋, 真係 lai 嘢!

呢個就係傳說中嘅uncle andy! 滕滕成日耐唔耐就係屋企問我: uncle andy 呢?!

因為滕滕成日咁提住uncle andy, 所以我問佢係唔係好鐘意uncle andy, 而佢就答我: uncle andy, 黑忟忟, 好驚!

好驚?! 咁我又唔係好明, 仲咩好驚都成日提住uncle andy 先???

玩完之後, 滕滕番到屋企都仲係high到唔願瞓, 玩到成11點幾先肯上床!

好啦! 算~ 一晚咁多比你夜d瞓啦!

無事不登三寶殿???

尋日, 有個舊同學打電話嚟, 呢個舊同學好日都唔會搵我, 而上次搵我, 係問我借錢!

尋日因為都幾忙, 所以佢打電話嚟問我可唔可以講兩句, 我就同佢講可以, 不過要快.  佢聽到我話要快, 跟住佢就話冇咩喇, 搵我吹水啫!

尋晚又打多次嚟, 不過我夜晚番到屋係, 係最唔得閑嘅時候, 所以我連電話都冇聽!

今日, 佢又打嚟, 因為要預備滕滕瞓下午覺, 所以我同佢講我要同個仔瞓覺, 一陣晏D先覆佢!

我個心已經唔知點解覺得, 佢係想搵我借錢! 無事不登三寶殿, 一搵就係咁搵我, 如果真係想吹水, 都要大家得閑先吹啦, 聽到我咁忙都再打嚟, 咁即係真吹水都有限, 所以直覺上佢係想問我借錢?!

我都唔明, 點解咁多人問我借錢??? 唔通覺得我真係好有錢咩? 如果我真係好有, 我唔使做啦! 如果我有, 我平時使乜咁慳先得架! 我自己每朝都係食一塊方包做早餐咋, 我連食個早餐都唔捨得, 只係有時可以借家E, 可以去下麥記, 一年數晒一隻手5隻手指, 5次都冇呀!

我同老公講, 話個同學打電話嚟, 佢就話, 如果我錢多, 不如擺係佢到, 費事我借晒D錢比人!

死啦, 個同學都唔知會唔會再打嚟, 我都唔知點推佢呀!