背影!

亞爸亞媽台灣之旅已經完左, 今日黃昏番到嚟HK喇! 見係星期六, 我就同滕滕去接佢地機啦!

影完呢張相, 又有D感慨!

亞爸亞媽每次去完旅行, 都會大家互相投訴大家!  上次佢地去完韓國, 亞爸就投訴亞媽乜乜物物! 今次去完台灣, 就輪到亞媽投訴亞爸! 每次都會數對方嘅嘢, 而唯一佢地最後都會講一句相同嘅嘢, 就係: 你老豆/亞媽, 真係老喇, 佢真係成個老人家咁, 講極都唔理人!

每次佢地講到呢個point, 我真係唔想聽, 亦都唔想應, 因為我唔想接受事實!

再加上影埋呢張相, 個心就再酸一酸...........