而家架車, 我記得舊年過年前先買, 到左手冇幾耐, 老公就去番噴, 諗住靚仔d出車過年, 點不知係屋苑個回旋處一出, 就比個死人van仔佬剷左埋嚟!
呢單嘢, 到今時今日已經年幾, 保險都未claim到番嚟, 老公上個月就同我講佢想換車!
老公真係有鋪引, 架車揸左年幾, 佢就要換, 一來我知道佢覺得開始悶悶地, 二來, 我知道佢知道架車仲有價係到, 所以襯住唔蝕嘅目標進法!
我地都算係咁, 換過咁多架車, 除左有一架係因為老公自己抄左埋山邊, 攪到total lose 之外, 其他架架賣出去嗰時, 一定都高過買番嚟嗰時小小, 所以係呢方面, 我真係唯一覺得老公幾勁架!!!
而佢次次換車個理由, 都係同一個: 見仲有價, 就要賣!吖~ 我又唔係好明, 老公睇車就咁勁, 咁點解睇樓、買股票又唔見咁掂嘅?????????????????
因為睇樓睇股票有你吖嘛^^
回覆刪除[林林回覆10/19/2011 15:09:40]我有咩叻吖，工作需要啫
[版主回覆10/19/2011 14:57:19]我買股票冇你咁叻, 所以我買左都唔係會即走, 要等到真係有幾千蚊賺我先會放架(仲係唔會放晒, 你話我冇鬼用呢~)!
我老公, 如果佢發左, 我就已經變左豬頭, 可惜我而家都仲未係!!!
[林林回覆10/19/2011 12:02:15]咁可以你有你發，佢有佢發啫
[版主回覆10/19/2011 11:55:26]我買股票, 唔關佢事! 佢買股票, 亦都唔關我事! 就係咁, 我地到而家都仲未發就係咁解!
真係唔知 wor! 我聽 d 人講新車落地實蝕 ga wor~ (我地無車 ga~)
回覆刪除[版主回覆10/19/2011 12:02:00]我地唔會買新車架, 因為新車一落地就真係最少(我估)冇左3份1, 呢d咁蝕嘅嘢, 一定唔會係我地, 除非發左達啦! 再加上我老公鐘意換車揸, 頂多兩年就會換!
我地由起步買二手車嗰時, 都已經起碼最少有十年前喇, 第一架車係$12,000咋, 我地揸左年幾兩年, 老公就$13,000賣番出去喇! 諗番起嗰時唔識驚, $12,000買架車番嚟, 都唔知有冇事架! 哈哈! 不過, 最攪笑係又有人同我地買先最抵死!
可能老公呢方面眼光好, 差唔多次次賣架車出去, 都係賺左"揸" 同油錢囉!
原來係咁。咁又幾叻仔 wor!
回覆刪除[版主回覆10/19/2011 14:58:22]車~ 淨係叻呢樣有鬼用咩! 如果係滕滕咁叻, 我死鬼左就即刻都起番身呀!