2011年10月30日 星期日
心 up~
尋日同滕滕食完lunch番屋企都未洗完手, 就有人"禁"門鐘喇! 原來係隔離鄰舍有個太太嚟問我攞"百家米"!
"百家米", 我都唔知係乜, 我見佢攞住袋米, 我仲以為佢派比我潻, 其實原來係佢要問百家人攞米!
我知道佢個女身體有事, 但係唔知仲咩事, 今年年初係lift到撞到, 我仲問佢番工未, 點不知一出lift, 就見到佢個女行路已經有問題喇!
尋日係言談之間, 原來佢個女個腦有萎縮! 因為個腦萎縮, 另到佢身體所有功能都唔協調, 說話、肌肉、行路, 樣樣嘢都已經出現左問題! 太太話之前一d先兆都冇, 個女只係成日都好攰, 日日都好攰, 去body check 又check唔到有事, 不過, 做完磁力共振之後, 就發現左呢個不治之症!
有時係到諗, 真係唔知聽日事, 今日可能好地地, 聽日唔知會發生咩事!
做人好化學, 真係有d灰...........
訂閱：
張貼留言 (Atom)
真係好可憐~ 仲要個個街坊講一次解釋。好難受~
回覆刪除依家做左人阿媽, 都係果句, 單求仔女身體健康已好開心~ 唔好要求咁多。
[版主回覆10/31/2011 16:32:48]佢個女個病, 應該只有衰退, 唔會有好轉, 所以我都等佢好心up..........
真係, 但求自己d仔女冇事已經係好開心喇!
堅慘!!!唉~~~做人係咁架喇，有啲嘢根本自己控制唔到，可以點吖!!!趁有知覺，想做就去做啦
回覆刪除[版主回覆11/01/2011 14:24:46]做人真係有時唔到自己控制.........