今日, 又唔使番學, 因為又打風!
成個夏天都冇打過風, 已經秋天, 打完一個又一個, 仲要係接住嚟!
其實又唔使番學都幾好, 因為滕滕番左學以嚟, 已經好似第4次食藥喇! 今日唔使番, 等滕滕又休息多一日啦, 因為我見佢星期六朝係咁打乞嚏同流鼻涕, 我又走去攞左上次d藥比佢食喇!
老公話我好成日同滕滕去睇dr, 咁唔睇又點可以呀, 而家d菌咁勁! 仲有, 佢而家起起地唔同佢去睇定先, 唔通又等半夜發燒先嚟睇日去呀???!!! 我唔係好想成晚冇得瞓要不停咁摸住佢, 同佢抺身呀! 佢辛苦時我又辛苦!
唉~! 點算! 滕滕已經係早睡早起架喇, 又冇乜比熱氣嘢佢食, 點解都仲係咁容易病架?!
試下每日比半個至1個奇異果佢食吖
回覆刪除[版主回覆10/04/2011 10:44:00]我覺得佢營養已經好豐富架喇, 因為佢有食奇異果, 蘋果, 橙, 維他命糖, 司各脫! 我都唔知仲可以比d咩佢食!
你有無同佢打流感針?
回覆刪除轉天氣我個仔都想咳想咳咁, 有時流下 nose 水, 起時比保嬰單 / 猴早散都頂到 wor。
不過, 唔知我個仔返左學又乜環境 lu ~
[版主回覆10/04/2011 10:48:00]係喎, 可以考慮下佢打流感針喎........ 不過, 我成日都覺得打左都會有架啦, 只係減低個機會率啫.........~
佢一嚟就唔係小小鼻水架, 呢幾次都係一嚟就不停咁打乞嚏, 成行鼻涕出晒嚟! 保嬰單佢已經唔肯飲喇, 我怕猴早散佢都唔肯呀! 咁你知啦, 又唔知佢地病嘅情度去到邊, 最怕就係半夜發燒架嘛!
係呀, 講開又講, 你個仔就嚟番學, 提一提你最好係dr到, 配定d藥係屋企看門口呀!
無錯, 打流感針只係減低個機會率。之後都會病。不過真係病少 d。
回覆刪除我個同事個仔大滔滔 3 星期, 之前成日病。我話佢知我個 e 生建議打, 我個仔都打左, 仲捉埋姐姐, 我兩公婆一齊打。之後, 佢都同佢個仔打埋, 佢都覺得病少左。
係 wor! 我都係要配定 d 藥睇門口好 d。 thank you!!!!
[版主回覆10/06/2011 15:14:00]我前日都打左去dr到問幾時有流感針打呀, 佢話應該要11月到先有喎!
尋日, 我走左買猴棗散呀, 因為滕滕清嚟清去都清唔晒d鼻水, 又唔想成日比西藥佢食, 希望食多兩日好番啦!
Oh I see. 我上年年尾打流感針 ga la。今年原來未到。 sorry 比左料 tim。
回覆刪除另外, 猴棗散, 我地試過余 x 生 & 位 x 堂, 覺得位 x 堂好夾我個仔。
[版主回覆10/06/2011 16:09:00]我尋日就係去左余x生到買, 等我再試下多幾日先!