2011年10月27日 星期四
舒服晒!!!
個熱水爐今年已經壞左4次, 整都整左3次, 今次唔叫師傅上嚟睇, 因為之前個師傅話我地個爐已經好老喇, 已經唔會再有parts可以換, 有得換, 可能只係d大路parts!
而且今次唔係tak唔到火咁簡單, 而係沖沖下涼會自己熄火, 再tak番就起碼要15分鐘都未必著到, 所以今次把心一橫換鬼左佢喇!
煤氣公司個師傅已經講個爐條命唔會長, 不過老公成日都覺得人地厄佢, 因為sale到我地有單開喎! 好啦, 又唔信人, 攪到個爐自動熄火, 而至嚟換爐!
tak唔到唔緊要呀, 佢自動熄火, 我就怕熄左嗰時我地唔知, 一陣攪到爆炸就死喇, 就好似個煮食爐咁, 開左冇火, 但就係到放煤氣! 我唔想咁早死呀, 我仲想生架!!!
終於, 個師傅今晚嚟左換, 終於有個安落涼可以沖喇, 唔使再怕沖沖下涼, 突然冇熱水喇!
舒服晒~!!!
訂閱：
張貼留言 (Atom)
今次好快手喎~~~
回覆刪除[版主回覆10/28/2011 12:18:35]好快手???? 我地已經成年前去睇過d爐架喇! 只不過嗰時個爐仲未去到整唔到, 我地拖住架咋!
而今次仲咩事咁快買左, 係因為我同我老公講: 一陣你沖涼沖到一半熄左, 你唔使指意我會幫你開番佢!
就係因為佢知道今次真係好唔掂喇, 佢先比我決定咁快去買個爐咋!
我意思係，由最後一次壞，至到你地買返部新嘅時間都好快
回覆刪除由其就快冬天，無熱水沖涼唔知點算=.=
[版主回覆10/28/2011 15:11:10]火都就嚟燒到埋身, 佢仲有得撰咩!
尤其是開始涼... 沖沖吓唔熱真係隨時病...
回覆刪除[版主回覆11/02/2011 12:19:46]好彩我有兩次係淋左水, 未加shower gel 嗰時熄火, 起碼可以包番條毛巾咋! 有次就啱啱沖乾淨晒先嚟熄, 好彩好彩!