2011年10月19日 星期三
喂~ 唔好瀨我喎~!!!
今日我好眼瞓呀~ 因為滕滕尋晚成晚個肚都唔舒服, 仲要瞓到半夜十二點幾先嚟肚痾!
我模到佢肚仔凍凍地, 我就已經知道佢個肚唔多舒服, 半夜嗰一次, 已經係第二次痾水喇, 跟住滕滕都瞓得唔好, 瞓一陣又醒, 瞓一陣又醒, 直至四點先冇再起身咋~
今晚, 亞媽入嚟, 我叫佢唔好買蛋糕喇, 因為滕滕腸胃炎啦, 點不知亞媽同我講: "我都叫你唔好比花生佢食架啦, 而家唔舒服喇!" 滕滕食花生, 係星期六嘅事嚟, 都係餐前嗰d嚟, 你話食得幾多吖! 同埋, 星期六食嘅事, 要有事都已經有左事啦!
所以亞媽有時都係好攪笑, 話係我星期六比花生滕滕食, 攪到佢而家腸胃炎喎, 所以我回應佢, 滕滕腸胃炎其實可能係佢兩個星期前買cake 入嚟, 滕滕嗰時食左, 而家就先有事都唔出奇!
訂閱：
張貼留言 (Atom)
滕滕無咩呀嗎?
回覆刪除[版主回覆10/20/2011 14:24:12]佢除左唔係好食得(係唔可以食)之前, 瞓得, 玩得又曵得囉!
你地兩母女有無再攪笑啲呀)))滕滕點呀而家?你都要保重身體呀~~~
回覆刪除[版主回覆10/20/2011 14:23:38]我亞媽攪笑d! 成個星期前嘅嘢都可以攞得出嚟瀨我! 原因就係因為佢覺得唔好嘅嘢, 我就唔應該比滕滕食, 佢覺得應該嘅嘢就先應該比滕滕食!