星期四朝早見到我細佬, 我問佢, 佢老婆之前嗰日搵我仲乜,因為我唔得閑聽電話! OH, 原來佢地想搵我地星期六食飯!
食飯?! 係真唔係真呀?! 因為佢兩個好忙, 所以一聽到佢地話星期六食飯, 咁我一番到公司, 就第一時間打比契妹, 問佢想唔想一斉食, 因為我真係有成好多個月冇見過廷懿(我細佬個囡), 真係好想好想見佢! 好彩契妹可以就到, 所以下午就變左同契妹食, 夜晚就同細佬食!
今晚一見到廷懿, 佢大個囡左好多呀, 仲好可愛潻! 我話抱佢, 佢話好, 我同佢講嘢, 佢又對住我笑, 嗱, 呢D有反應, 先好玩架嘛, 邊好似滕滕同佢老豆一樣, 要warm up 咁煩架!
尋晚一番嚟, 個工人同我講, 幫滕滕影左幾張相好好笑, 因為佢個咀.........
唔知係唔係我成日都嘟起個咀叫佢 kiss kiss, 所佢尋日無啦啦唔知til起左邊條筋, 成日都嘟起左個咀! 仲要係不停咁嘟左出嚟!
自從睇唔過梓祐個乞E同老豆, 係FB到講左D說話明示暗示話佢地之後, 我都冇上過佢屋企睇梓祐喇, 而且見梓祐嘅次數, 10隻手指都數得出, 因為嗰兩條仆街講到明唔再歡迎我上去, 咁雖然嫲嫲叫我唔使理佢地, 但係我塊面皮唔係好似個乞衣咁九仗厚, 一D都唔知醜囉!
不過就算我唔想去, 之前間中我都有打比梓祐, 但係呢個友仔, 真係唔知仲咩咁驚個乞E, 連同我講個電話都好驚, 所以而家都已經好少喇!
講真, 真係都幾心酸, 因為自從梓祐個亞媽(即係我表妹)係佢兩歲幾走左之後, 我一直都好出力、好用心咁去睇住梓祐, 我簡直當左佢係仔一樣, 嗰陣時, 連我老公都唔鐘意, 但係而家, 梓祐好似已經唔係好記得我, 一個電話都冇打過比我!
其實梓祐個性格, 我好清楚, 就算好似之前我同佢老豆個關係好好嗰時, 佢都唔會主動去搵我, 甚至乎我同梓祐去JUSCO, 明明前面就係佢老豆做嘢嘅地方, 佢個衰仔, 都可以唔想搵佢老豆, 莫不關心咁, 因為呢D就係佢本身嘅性格! 有次聽收音機講, 一個小朋友係一至三歲呢段時間係好重要, 因為如果個小朋友缺乏父/母愛, 咁呢個小朋友第日大個, 對人就會好冷莫, 有心事都唔會同人分享, 只會收埋自己, 一聲吞左佢! 而梓祐, 就係咁, 所以由佢睇住佢亞媽走出門口嗰一刻, 呢個小朋友就變成咁樣.........
好可憐! 真係好可憐! 雖然我唔可以比一樣嘅母愛佢, 但係我好錫佢, 教佢讀書 、寫字、做人道理, 所以我比左好多好多我自己嘅愛比佢, 不過, 可惜佢唔係我親生仔!
好多人之前都已經同我講過, 佢唔係我親生仔, 所以就算付出左咁多, 第日佢唔會有回報！............回報? 我從來都冇諗過會有回報, 我只係想佢第日大個, 記得我, 得閑搵下我, 見下我, ........不過可惜, 我而家都未老, 佢都已經冇搵我!
所以我而家有時諗起呢樣嘢, 我就會喊左出嚟, 因為對我真係好 hurt..........
尋日係青衣見到大嗰個細佬, 就真係好開心, 因為真係好卦住佢! 就係因為尋日見一見, 就諗番起佢老婆之前同我講過嗰d 嘢, 就係我細佬話佢自己係冇童年!
因為自從最細嗰個細佬出左世之後, 佢個樣好鬼死得意, 所以屋企人人都錫晒細嗰個, 而忽略左呢個大! 其實, 講真, 我細個嗰時都係好細個, 邊識得呢d嘢呀, 只係見到細嗰個細佬好得意就錫晒佢、就晒佢, 邊知道咁樣會hurt到大嗰個吖! 細路仔又唔識做戲, 所以鐘意細嗰個就細嗰個, 唔理大嗰個就唔理, 所以就係咁樣, 攪到大嗰個係童年嗰面咁唔開心!
不過, 就係係中學嘅唔知邊一年(都唔記得左), 大嗰個細佬係中秋節玩蠟燭嗰時, 比人噴口水係D蠟到, D蠟就彈到細佬成隻手都係, 跟住我地就即刻同佢入醫院, 由嗰一刻開始, 我就開始緊張我呢個細佬!
嗰時先開始緊張可能就遲左d, 不過希望佢而家唔好再諗我地冇人理佢喇! 因為大個左, 都已經知道兩個都係細佬啦, 都唔會大細超架喇!
原本呢樣嘢唔係我做, 因為我唔係 OA, 不過, 個會計因為今日要去太多地方, 而且老闆見係係青衣, 近我, 可以比我晏D番, 所以就叫左我去!
已經print左個地圖出嚟, 落左巴士過左對面, 就係個手袋到攞出嚟打開佢, 預備搵我要搵嘅地方, 睇左唔夠十秒, 有個人走過嚟我到, 問我:"你去邊呀?" 原來係我細佬!!!
細佬! 細佬! 已經好幾個月冇見過你喇! 因為佢呢排好忙, 所以連聽佢把聲都好難, 但係又無啦啦係呢到見到佢, 個心情開心都嚟唔切! 因為好耐冇見細佬, 咁我就定定望佢, 因為 miss左太耐喇, 發現點解細佬個樣咁殘嘅!
佢係做燈光舞台, 所以唔係成日番工, 但係一有工番, 就可能連續好多日, 冇休息, 因為有時 d 紅人開演唱會, 唔止一兩日架嘛, 再者有d咩 show, 佢地都可能有份, 所以分分鐘一日十二個鐘都唔止, 仲有再加上番屋企仲要湊女, 咁唔殘就有鬼啦! 以前就夜鬼, 而家日鬼都要做埋, 因為唔番工, 就要湊女嘛!
細佬, 你而家先得嗰三十頭, 嗰雙眼袋, 再加埋你個殘樣, 四十嗰時都唔知變左點喇, 所以如果有休息時間, 就好去瞓下啦, 個女瞓, 你又瞓, 一斉瞓喇!
從來都冇諗過咁樣過一過青衣就撞到細佬, 所以你話我地幾有緣呢!
今朝老公十點幾打嚟, 第一句就問我仲咩唔叫佢起身! 因為佢今日架車要攪過戶, 約左人十點, 但係十點幾起身先攪份 cover note, 攪左成半個鐘都仲未有, 跟住十一點幾就打嚟嘈, 問我點解個printer 點解print 唔到嘢, 係到發我難渣! 正嗰佢打電話嚟嗰時, 老闆就入左嚟搵我, 咁我就更係同我老公講, 唔講住, 老闆搵我啦! 頂, 佢居然話"咁又點!"
無嘢嘛, "咁又點!", 佢遲左起身, 攪到咁晏, 居然搵我嚟發皮四喎, 不過好彩咁啱老闆有電話, 就行番入去自己房聽電話喇! 不過, 因為呢句 "咁又點" 就攪到我扯火, 即刻鬧我老公, 我同老公係對話之間, 我發現我老闆冇關佢隻房門, 所以我一cut完我老公電話之後, 我行去老闆房繼續我地要講嘅嘢! 不過, 第一句, 老闆就問我仲咩事咁火, 咁我就同佢講番我點解咁滾, 講完之後, 我老闆居然話我唔啱, 咁大聲話個老公! 佢話更係老公為上啦, 只要我同佢yup 一yup手, 佢就知道我要講電話, 有咩都一陣先講喎!
唔係嘛老闆, 我係公司, 咁就更係以公事為先啦, 有咩理由叫我以老公為先架!!! 公事唔大過私事?! 如果私人事有緊要嘢就更係為先啦, 佢而家嘈個printer 冇墨都要以佢為先, 唔係呀化!
p.s. 老闆仲要笑住咁講, 話我次次鬧人都好多理由喎!!! 喂, 更係有理由先鬧人架嘛, 冇理由, 鬧咩人呀!!!
尋晚老公番嚟, 走去睇下滕滕, 又摸下滕滕, 攪到個囝醒左又係到嘈, 不過我真係攰到嘔茄, 所以見滕滕只係牙牙牙, 唔係豪哭, 所以就攰到冇理佢, 跟住就瞓著左喇!
直至到今朝, 個鬧鐘嚮, 滕滕先起身! 好囉, 半夜冇醒喇! 尋晚老公抱佢瞓, 佢又冇好爭扎咁, 所以可能真係今次ok喇!
希望今次真係瞓得落覺喇!
自從由去年9月老公撞左車以嚟, 一直係咁搵車, 唉, 終於係今日, 應該可以攪掂喇卦, 唔好再有咩特發事喇!
上次因為老公無啦啦話好鐘意skyline, 跟住就係咁搵呢款咁嘅車! 我一聽到skyline, 就已經立即話: 唔好喇卦! 不過, 老公就係咁話佢真係好鐘意好鐘意, 仲無啦啦連架車都未check清楚, 就落左二千蚊訂! 明知保險都講明墊底費要四皮嘢都照落訂, 我真係比佢吹到啤啤聲, 就係一句: "我揸車跟本就唔會有意外!" ..........吓?!你估你真係車神咩?! 又話個太盤揸起上嚟偏左左邊喎, 唔係嘛, 咁都落訂?! 就係因為一句: "我真係好鐘意架車!" ...........吓?!金鋪d鑽石介子, 好多我都好鐘意喎!!!
三番四次咁問我點! 點?! 一早已經講左啦, 而家又嚟問我點! 我同佢講, 有十萬個奶油已經講左唔好, 如果要我講一句"好", 咁就一 定冇可能囉, 咁既然堅持得咁緊要, 我只有唯有講: 你check得架車清清楚楚先好買!
原本都諗住佢鐘意得咁緊要, 買都一定買硬, 樹不知佢第日同我講: "都係唔買喇, 因為買左你又揸唔到, 費事喇!" 嘩, 一聽到, 我由個心到笑左出嚟呀! 因為都算你啦, 都有為我諗過!
咁呢架skyline, 就就咁過左去, 又重新再去睇過睇二d! 嗰二千蚊, 當然就同埋架車一樣, 胎死腹中啦!
好囉, 到左而家都半年有多, 終於今日confirm左另外一架, check過架車d嘢都ok, 所以明天就會去整個牌簿喇, 所以我諗今次都唔會走雞喇, 但唯一一樣嘢係美中不足嘅就係呢架唔係7人車囉, 如果要車埋d亞爸亞媽, 咁細佬又要自己攪掂喇!
尋日叫老公去紙札鋪再整多一劑, 因為自上次之後, 已經有小小好轉, 滕滕已經肯比老公抱, 但係只係一陣, 耐d就唔得, 都係一樣要番過嚟!
因為尋晚要去洗牙, 洗完牙又要去 jusco買魚比滕滕煲粥, 買完先番去食飯, 食完都九點半, 所以餵埋奶等瞓著左, 我地先落去燒!
我同老公講, d人見到我地半夜三更係到燒嘢, 唔知會點呢, 如果有警察, d 警察會唔會過嚟話我地隨街燒嘢, 罰我地錢吖嗱! 不過, 我諗唔會卦, d警察咁大膽阻住我地燒嘢比嗰d, 想 c 呀!
燒完都11點3先番到去, 希望燒埋今次, 唔使再燒啦, 不過紙札鋪亞姐上一次就講過, 唔得就再搵佢喎............
唔係呀嘛, 唔好喇卦!!!
今日節目就真係好豐富, 因為老公要番工, 成三點幾先放工,所以 lunch 就約左d小學同學食 lunch! 食到四點幾, 老公就過嚟青衣成搵我地, 我地行左一陣就去左九龍塘! 因為我最好嘅中學同學係今年7月結婚, 所以佢約左我地去倍佢睇婚莎!
今日滕滕都係唔係好肯跟人, 所以今日全程就由12點幾揹到今晚番到嚟九點半!
條腰骨就已經唔似係自己, 因為已經比左滕滕!
好開心, 今日做左一連串嘅嘢, 仲要見到我自己d朋友, 尤其係可以倍到個同學去試婚莎!
尋日我居然..........見到自己有條白頭髮呀~
唔係呀化! 白頭髮! 唔好咁早啦! 我唔想要住呀! 我而家都唔係好老啫! 一日最衰都係我老公, 樣樣嘢都要我諗, 樣樣嘢都要我嚟! 攪到我而家連白頭髮都出埋!!!
究竟係唔係因為包牙菜呢...............? 今日番左廠, 好夜先番, 諗住尋晚燒左嘢, 今晚老公可以攪掂, 不過一番嚟, 老公就即刻同我講, 好似唔係好得, 因為佢今日抱滕滕, 佢都係喊!
唔係呀嘛, 都仲係喊, 究竟咩事呀, 可能要去多次紙札鋪都唔定呀..........!
自從呢個星期日日放工番到屋企見到滕滕, 佢個樣目冇表情, 好似好耐都未笑過, 同佢玩, 都冇好似之前咁咁high, 唯一聽到, 就係佢成日喊!
所以老公今日放假, 就叫左佢去紙札鋪買d嘢燒下, 真係要燒下, 因為滕滕好似成日都好唔安心, 一定要我或者個工人係佢旁邊, 佢先冇乜嘢, 自己一個係廳睇碟都唔肯, 係咁喊!
老公話佢記得上個星期五, 佢有個同事去完泰國玩完番嚟之後, 就見佢嗰個人條頸上面有條佛珠鏈, 佢冇掂過, 只係望到, 但係, 佢就話自嗰日起, 滕滕比佢一抱, 就喊到九彩咁! 所以去到紙札鋪同嗰到d人講, d人就話如果佢冇掂過條鏈, 應該唔會有事, 但係都唔緊要, 照執比佢燒, 仲要燒之前要將其中一份掃佢個身前面三下, 後面三下, 一路掃就要一路講: 大人有大諒, 得罪左就有怪莫怪, 而家燒番d嘢比你, 請你走啦! 跟住再噴d口水落去先燒! 係預備之前要點著d 蠟燭同香, 不過係嗰時, 就開始落毛毛雨, 同埋, 用左十幾支火柴都未著到一支!
好喇, 整左好耐, 終於都著左喇, 咁我地就放碗飯, 切開左個梨, 用嗰份指明嘅掃完老公之後, 我地就開始燒衣紙喇! 都差唔多整左成個鐘先番到屋企, 一番到去, 燒埋佢比嗰道附, 跟住就加埋d碌油葉比老公照頭淋! 淋完之後, 成個過程就完成晒喇!
係老公完成最尾嗰個儀式之前, 我就去個廁所先, 不過, 係個廁所到, 我就發現有袋牙菜同豆腐係地下(因為呢兩袋嘢, 係要落去燒衣紙嗰時, 一斉拜埋架), 跟住, 我就大叫問點解仲有袋嘢係地下架, 想點呀, 有冇攪錯!!! 不過, 都已經番左嚟喇, 漏左都冇計, 所以都要照做埋剩餘嘅步驟啦!
老公攪掂晒所有嘢之後, 我就叫佢餵奶, A, 果然好似有D用喎, 因為滕滕比佢抱左之後, 就冇乜爭扎, 只係望住支奶係我叫咋!
希望燒左嘢之後真係有用啦! 因為滕滕成日咁驚都唔係辦法架, 因為佢而家晚晚都醒, 醒左就好似瞓唔得番咁, 個身左轉右轉!
尋日滕滕都係冇改善, 一見到老公, 就周身唔安落, 我叫老公揸住支奶, 等佢餵, 諗住都冇得走雞, 但係滕滕就寧願唔食, 都唔要支奶, 咁你話幾大獲呢!
到左凌晨三點幾, 滕滕無啦啦叫左幾聲, 跟住就唔瞓, 爬過嚟我床邊, 叫我! 我見佢醒左, 咁我就抱佢, 拍佢幾下, 諗住抱番佢瞓啦, 點不知放左佢落床之後, 佢合埋眼幾秘, 跟住就即刻睇下我係唔係到, 跟住又再同埋, 跟住又睇下我又係唔係到, 如事者幾次都係咁, 所以我即刻抱番佢, 等佢再瞓冧D, 再放番佢落床, 不過, 要幾次, 佢先至可以冇再醒!
不過, 四點幾佢又係咁, 我覺得佢好似好驚咁, 因為唔會半夜三更咁醒瞓, 硬係好似覺得佢好似好驚咁,難以入睡, 所以最終我放左係我隔離, 同我一斉瞓, 跟住, 就瞓到今朝!
尋晚因為老公要去上堂, 所以九點幾先番, 咁八點幾我就開隻碟比滕滕睇, 想分散佢注意咁就去沖涼, 不過, 係我沖涼其間, 沖幾耐, 佢就喊幾耐!
唉! 睇嚟今日真係要去燒下衣紙喇!
今朝番工, 真係遇到一件奇事, 而呢件奇事發生左之後, 我真係覺得d香港人係唔係真係好悶, 因為真係好無實聊!
事原係我落左巴士之後, 就一直行落條斜路到, 通常我行到一半路程, 我就會行出路邊, 過對面, 今日亦唔例外! 因為係馬路邊預備過馬路嗰時, 有架貨車駛緊過嚟, 咁當然就更係比佢過左先啦, 話晒嗰到唔係燈位, 又唔係斑馬線, 不過, 當佢駛過嚟嗰時, 突係間係我前面踏break, eeeeee......一聲, 就係我前面停左! 如果呢d情況, 通常都係d死人麻甩佬係到鬧小心睇車吖, 係唔係想死呀, 之餘此類啦, 不過呢個四十幾五十歲, 半白髮嘅司機就居然講左一句, 就係: "你好靚呀!"
當其時嗰個moment, 我都回應番佢一句, 就係: "痴撚線!" 跟住我就走左去, 佢就開車走喇!
有冇咁無聊呀!!! 亞叔, 乜你好悶咩???!!! 一路行, 我就一路係到諗, 點解d人無實聊得咁緊要, 無啦啦駛停架貨柜車係我前面講埋d咁Q無聊嘅嘢!!! 真係痴乜線!!!
朝朝番工落左車, 都見到一大條龍, 無奈呢排落雨定好凍, d 亞公亞婆都照排!
曾經聽過奶奶講過, 佢都有去過聽呢d嘢, 但係呢d嘢, 究竟係咩嘢呢???
我落左車嗰到, 第一次見到d亞公亞婆排隊, 係聽到佢地講話嗰樹有米派! 有米派? 無啦啦仲咩嗰到有米派先? 跟住就由嗰日開始, 日日就見到d亞公亞婆係到排隊喇!
真係一個迷, 究竟嗰樹有d咩聽呢? 奶奶都有講過, 有d都好多嘢派比佢地架, 有d咩清潔精呀, 小食呀, 好多元化架! 不過, 如果嗰d公司日日都有嘢派, 咁佢地以咩為生呀? 唔會無啦啦有公司咁好死, 免費送咁多嘢比人囉!
我真係好想知, 究竟呢d公司, 係咩葫蘆賣咩藥? 唔係連老人家d錢都厄吓嘛? 咁仆街?!
今日係公司個 IP CAM到, 成日聽到滕滕喊, 原因係老公一抱佢, 佢就係到豪哭!
真係唔知點解, 滕滕呢幾日連比老公掂下都唔鐘意, 更何況抱!
我番到屋企, 食完飯沖涼, 已經知道滕滕會喊, 所以開定隻 yr baby can read比佢睇, 原本都笑緊, 但係一行開一步佢就即刻望實我, 係望實, 真係望實, 佢好似知我想走開咁。咁好啦，咪倍佢睇一陣，分散佢注意力就再行開過啦，吖，呢條友仔，一見我唔出聲一陣，佢又即刻望實我，仲要hold住左一兩秒喎！
我今晚再問多老公一次，究竟佢去宵夜嗰晚，去左邊樹，有冇去ｄ陰暗地方，如果唔係，滕滕點會見到佢就走，仲要驚得咁緊要呀！過左一陣，老公問我：＂咁使唔使去搵個亞姑睇睇呀？！＂
唉！我都唔知，因為今晚滕滕飲完夜奶，一放佢落床，佢就即喊，好似真係好驚咁！
我都唔知點算，滕滕，你咩事咁痴身，係唔係有ｄ嘢另到你好驚呀？！
自從星期日去同奶奶飲茶嗰次之後, 滕滕就好似痴左線咁, 唔比老公抱, 老公一抱, 滕滕就豪哭, 仲要係到爭扎, 扒番過嚟我到, 或者個工人到!
個工人話, 係唔係先生少同佢玩, 所以佢先至喊, 但係我覺得佢d反應都冇奶油咁大架, 因為滕滕個樣, 真係好似好唔想個老豆抱佢, 一抱就要走!
好似今晚咁, 食完飯, 我同滕滕玩左一陣之後, 我就叫老公睇住佢, 我去沖涼, 老公一行埋嚟, 咁我就起身, 我一起身, 滕滕就已經望住我喊, 意思係唔好走, 仲要即刻寧轉頭攬住我! 如事者都係咁, 我就同老公講, 叫佢一斉玩一斉先, 玩左一陣我先行開, 不過, 雖然滕滕可能冇留意我閃開左, 不過我係佢前面一行過, 佢又喊喇, 又要想過嚟我到!
滕滕好似亞婆咁講: 一貼寧! 我一抱住佢或者佢一攬住我, 佢就即刻收聲!
雖然佢好似痴頭猛咁痴住我, 但係如果我同個工人都係到, 佢都想個工人抱!
我問老公, 會唔會佢去過d唔知咩地方呀, 如果唔係, 滕滕點會好似痴左線咁, 咁抗拒佢呀~ 真係一個迷!
朋友, 好耐冇見喇! 講真, 真係唔係好想見番嚟, 因為你又嚟左之後, 我就好唔舒服, 唔舒服到真係想一下一下咁打落嚟, 因為我真係唔係好鐘意你, 而且仲有小小憎.......唔係, 係好憎你!
因為你嘅出現, 另到我好煩惱, 我又唔知你想點, 你話嚟就嚟, 話走就走, 你都好冇禮貌下!
你可唔可以離我而去呀...........風癱, 因為你真係好很痕呀 ~
尋日, 老公番工, 又係我同滕滕出動嘅時候! 同奶奶飲完茶, 亞dee就番工, 我就同滕滕番屋企先, 因為我地可以小睡! 對滕滕嚟講, 呢個唔係小睡, 係大睡, 因為只有我同佢一斉瞓, 佢先可以瞓到起碼兩個幾鐘, 因為好似平時個工人湊佢, 瞓一陣就要起身, 都唔知咩b嚟架, 唔願瞓覺!
兩點半飲完奶, 我地就一斉瞓, 雖然話係一斉瞓, 但係佢瞓左, 我都要攪佢 d 手尾, 因為之前啱啱同佢沖完涼, 所以我都冇瞓!不過, 到左四點, 滕滕醒左見我唔到, 就係到喊, 於是乎我又要同佢一斉, 又瞓過......直到5點!
好喇, 真係要起身喇, 因為要預備出去亞婆到, 所以我張佢放落張 high chair到, 比bb碟佢睇, 跟住入廚房, 預備粥仔, 帶去亞婆到食! 入左去廚房, 只不過都係一分鍾到, 不過, 一出嚟, 就見到滕滕明明都鎖左係張椅到架嘛, 佢都居然shu左出嚟, 仲企左係張椅到喎!!!
嘩! 如果呢個曵豬真係百厭d, 佢彎底身向下望, 咁就一定跌左佢出嚟喇! 好彩當其時, 佢只係雙手扶住張椅企左係到望住我咋! 嘩! 一見到, 真係嚇到我暈咁済呀, 因為冇諗過佢居然咁樣都走到出嚟, 仲要自己扶住企左係張椅到, 如果我遲多一陣先出嚟, 之後發生嘅事, 我真係唔敢諗呀!
所以跟住我就即刻張張椅上面嗰兩條安全帶, 即刻攞埋出嚟用! 因為真係嚇死人, 睇少一眼都唔得!!!
今日約左奶奶飲茶, 可能因為呢排老爺唔係好妥, 咁佢就入少左嚟睇滕滕, 所以滕滕一比佢抱, 就即刻大喊, 仲要係豪哭! 可能因為又係陌生地方, 又少見左嫲嫲, 所以老公見佢喊成咁, 就已經抱番起佢!
不過, 老公雖然抱番起佢, 不過, 滕滕都唔要佢! 仲要係到爭扎, 死都要過嚟我到, 仲要攬到我好實, 好實!
哈哈哈哈, 當其時個moment, 我就忍唔住笑左出嚟, 跟住仲講左: 底死! 個囝唔要你 
老公之前仲好口嚮咁話唔怕個囝跟個工人都唔跟佢! 唔怕! 唔怕! 睇下你而家見到個囝都唔要你喇, 你幾無奈吖! 等你成日係屋企只係上網! 玩就只係同佢玩一陣吖嗱! 我晚晚都同佢玩, 晚晚都餵佢飲奶架, 我放棄我鐘意嘅電視, 我放棄瞓覺, 晨咁早餵佢飲奶, 你估我做d 嘢白費架!
今日, 睇見佢個樣, 真係好無奈, 應該食左個好酸好酸嘅檸檬, 因為佢應該知道, 我個心之前有幾酸喇卦!
滕滕不知不覺就已經10個月喇! 唔怪得有句話: 快樂不知時日過! 真係, 見到滕滕, 幾辛苦, 都好開心! 就算而家冇得睇我最鐘意嘅電視, 放假又要一早起身餵奶, 我都覺得真係快樂無窮!
已經諗左成個月, 想同滕滕轉奶粉, 唔係因為佢而家嗰隻唔好(雪印 beanstalk 都食到佢都好靚仔, 皮膚仲好白, 好滑架!), 而係想換隻再好D! 同埋, 再加上佢都係時候轉大仔, 所以, 想不如試下新嘢!
因為當初撰 beanstalk 呢隻, 因為佢口碑幾好, 屬於中間 level嘅奶粉, 又冇咩d唔好嘅平語,同埋, 話佢d味道, 唔係太甜, 所以先撰呢隻! 但係, 因為滕滕已經開始食其他嘢, 亦都比左好多唔同類型嘅嘢比佢試, 所以就係咁, 我先想撰過另外一隻奶粉, 因為強調營養更加好嘅奶粉, 味道會濃d, 飲過之後, 就唔鐘意飲另外其他, 所以, 係今日, 我終於買左: 明冶!
係滕滕嘅tea time時間, 我就比左佢試第一次! 唔! 幾好, 佢冇咩特別! 而最尾嗰餐奶, 我又比番 beanstalk 佢飲! 佢又冇反抗! 所以如果滕滕都冇咩特別, 我想係未來呢一個月, 我就間疏咁比佢飲!
自從滕滕著左我件改裝溫暖睡袋之後, 我同佢都有覺好瞓喇, 因為佢著左之後, 就好似個機械人咁, 唔可以好似之前咁轉身, 打側身瞓都好似好困難, 所以成晚就冇乜點郁過, 只係對腳灘大嚟, 又或者Q埋瞓!
睇到佢好似動彈不得, 就覺得佢好似好慘咁, 連轉身都轉唔到! 不過, 如果唔係咁, 佢又點可以一覺瞓到天光呢, 因為好似平時咁, 我一晚就要同佢張D被由頭整過幾次, 又要張佢反番轉, 咁每次整, 佢都會醒一醒啦!
其實諗深一層, 佢可以一覺瞓到天光, 我又可以, 都係一件好事, 因為起碼瞓得好d, 滕滕就快d 好番!
我今晚又再同佢去睇多次dr呀, 因為佢d咳都係咁, 雖然唔係成日咳, 但係d痰都仲有, 重係好濃呀~
之前係老尖 H & M見到件皮褸仔, 真係好想買比滕滕, 不過又想同埋老公、滕滕一斉去睇, 因為件褸仔真係好型! 同埋, 型就型在, 可以同佢老豆襯埋一斉, 都係扮揸電單車呀!
因為唔係成日出開九龍, 所以係上個星期五, 係老尖覆診嗰時, 又再去睇多次, 因為我真係好想好想買! 可惜,今次出到去, 居然買晒, 一件都冇!!!
唔係嘛, 留番一件嚟都好吖, 話晒我好少咁豪, 成三舊水件BB褸都肯埋架, 嚟啦, 比件嚟啦! Oh, no, 真係冇晒!
今日, 終於比我搵到喇, 打晒咁多間branch, 得番又一城嗰間有, 仲要係last one, 仲要係12-18 months! Oh, very good! 我就係要呢個size!!!
最可惜, 只得朱古力呢個色, 如果有黑色, 就更加 perfect! 不過, 都唔緊要, 買得到, 我就已經好開心! 同埋, 我要買番條爛d嘅牛仔褲比滕滕, 襯埋一set 先型上加型架嘛!!!
滕滕夜晚踢被真係攪到我頭都暈埋, 睡袋就已經用左, 被都包埋, 但係都係成條蟲咁退左出嚟, 一晚幾次, 有時就扒左係到瞓, 瞓到半夜, 又要張佢反番轉.....唉!
有件褸一直都冇幾會著, 因為件褸唔係穿腳, 要放係車仔到先啱用, 但係天氣咁凍, 出街就好少用車仔, 寧願重d都揹住佢, 等佢暖d, 所以呢件唔穿腳又有帽嘅褸, 今日比我攪掂左佢, 就係張佢改頭換面喇!
本身呢件褸係有帽同埋衫腳係縫死左架, 我就張腳位嗰樹拆晒d線, 跟住就張頂帽剪左出嚟!
剪左頂帽出嚟之後, 我就縫埋條領, 縫完之後, 居然好似一條小企領喎
仲要好似原裝咁呀, 整完之後, 自己再睇下, 都頂自己唔順, 笑左出嚟, 點解自己好似咁勁咁嘅
今晚滕滕飲完奶, 瞓覺嗰時, 就同佢著左呢件愛的睡衣喇, 跟住佢半夜又冇醒, 我又冇醒, 大家都舒服晒!
不過, 滕滕就好似慘左小小, 因為佢連瞓覺都係一隻肥糭呀, 真係動彈不得!!!
呢幾日, 老公不停咁 OT, 一更接住一更, 我都已經同佢講, 嚟緊呢次轉更唔好再OT喇, 因為我同滕滕兩個都病緊, 佢都好易lai嘢架, 話口都未完, 今朝佢放工番嚟瞓醒左, 就問我邊到有得睇醫生! 唉, 一家三口, 個個都病左喇, 而家就睇下個工人可以頂到幾耐!
今日煲左糖水, 係嘆緊呢個moment, 我就問老公一個問題, 就係: 你見到滕滕唔舒服嗰時, 望住個工人要佢抱, 咁會唔會呷醋呢? 老公二話不說就答我 "唔會!, 因為佢始終都會知, 我係佢daddy!" 但係, 如果當滕滕要個工人都唔要你喎? 點解我 feel 到咁hurt 嘅?
老公話, 佢始終有一日都知道邊個係佢daddy & mammy 啦, 而家唔知, 佢遲早都知啦! 因為佢係我地個囝嘛!
係! 而家唔知, 佢遲早都知, 咁, 要等到幾時? 一年? 兩年? or 三年呢? 吓, 唔係卦???!!!
今日係星期六, 我尋晚已經打算, 今日成日都唔會離開滕滕, 除左去toilet之外!
所以, 今日10點幾起身之後, 就同滕滕一斉去睇醫生, 我睇完就同佢去睇! 因為滕滕比我傳染, 所以我對住佢亦都冇帶mask喇, 因為大家都係咳同感冒......咁大家嘅距離,又可以近番D喇! 睇完醫生, 都成點幾鐘, 跟住就去買餸啦, 因為呢輪老公成日都 OT, 咁既然我得閑, 就放佢一馬, 幫佢買下餸啦, 買完跟住就去JUSCO, 買埋魚比滕滕煲粥仔! 攪完一大輪, 番到屋企, 我食完藥, 跟住就到滕滕食, 食完, 就大家一斉覺豬仔!
滕滕真係麻鬼煩, 放左佢係我隔離, 都要成半個鐘先肯瞓! 喂, 乜瞓覺真係好難為你咩??? 我地由3點半, 瞓到成6點! 勁呀!!! 滕滕好耐都未試過日抖瞓咁耐架!
今日成日, 我嘅職責就係湊住滕滕, 所以我要努力, 我要滕滕要我呀!!!
就係之前我一時魯莽, 一時孤寒, 為左慳嗰一千蚊, 就後悔左.......(由滕滕出左世都而家)成.......9個月!
係呢兩三個月, 我不停咁上網, 睇下有冇 second hand, 因為發覺滕滕越嚟越大力, 開始覺得呢張唔係好掂..........
而我今日, 終於係yahoo到見到喇, 就係 combi high chair 嘅 Roanju serious! 本身滕滕嗰張都雖然都係同一個 brand, 不過d quality 就冇呢張咁好囉, 呢張重身好多, 成張椅個架都實淨好多! 好似滕滕而家成日坐左係到嗰時, 拍手拍腳, 張椅就會郁嚟郁去! 雖然唔會反, 但係心理上就覺得 Roanju serious 嗰張就穩陣d囉!
如果唔係嗰時孤寒嗰一千蚊, 就唔使好而家咁要搵second hand 啦! 因為早嗰兩個月, 同老公已經講過呢張椅, 冇奶油而家先嚟買過張新架, 因為滕滕已經唔會係上面瞓覺架啦, 如果而家先嚟買新, 咪好戇居! 所以直至今日, 見到有, 就即刻 bit 囉, 因為見到個實物, 都好企理, 唯獨是張枱面板花花地囉! 不過, 唔緊要啦, 再唔係, 就去配過件枱面板囉!
因為好難得張椅又ok, 價錢又ok架嘛!
滕滕! 媽咪下次買嘢比你, 我會諗清楚d架喇, 我唔會再咁鬼孤寒架喇!
真大獲! 今日番到屋企, 個工人就同我講滕滕流鼻水呀
不過, 瞓到點幾鐘, 滕滕無啦啦係到喊, 個咀又不停咁嗒下嗒下, 唔通發開口夢係到飲緊奶奶? 所以攞左個奶咀比佢頂住下; 不過, 到左兩點幾又係到喊喇, 呢暈, 個奶咀都唔肯要, 所以我就抱起佢! 點知一抱, 佢成身都滾架, 原來佢發燒呀!!!
第一時間叫醒亞dee睇住佢, 我就即刻攞塊退熱貼, 探熱針! 嘩! 102度呀~~~~!!! 跟住就飛奔去搵間24小時嘅診所, 同滕滕睇醫生!
見到dr, 我就同dr講: "佢有鼻水, 有小小咳, 同發燒!", 跟住個dr就問我, 我有咩唔舒服, 跟住我就又答佢: "唔知係唔係我傳染佢呢, 因為我有鼻水, 有咳, 喉嚨痛.........." 跟住自己都忍唔住笑, 因為滕滕d病症跟本就係同我一樣! 所以dr 就話: 擺明就係你傳染比佢啦!"
滕滕都算係咁, 佢冇嘈, 冇喊, 抱住佢, 好似小鳥依人咁望住我, 比dr睇喉嚨嗰時, 又冇唔制, 所以3點幾番到屋企, 開左小小奶比佢, 食埋d藥, 就瞓左喇!
滕滕! 媽咪真係唔可以抱你喇, 你要我都冇用, 搵你老豆啦, 因為如果唔係咁, 我地有排都唔使好番呀~ miss u so much!!!
今朝終於都頂唔順去睇dr, dr話我喉嚨發炎同埋氣管咳! 因為想快d好, 所以就打左支針, 就係呢個dr我先話打咋, 因為佢d手勢好好, 真係好似吉左一下咁!
見完dr去整番個豐富早餐先, 有: 沙爹牛通(你話死唔死, 喉嚨痛都仲食沙爹牛通!!! 但係呢間嘢d沙爹牛真係好好架喎!!!) + 腸蛋方包+熱朱古力! 食完個豐富早餐之後就跟手食埋藥!
不過, 行番屋企到一半途中, 我就發覺個人已經好high.......嘩! 係支針咁快嚟料定係d藥咁快有反應呢......? 我諗應該係支針多........
好彩行多幾步就已經番到屋企喇, 因為個身已經好似唔係自己咁, 同睇電視d人索左k仔一樣咁 fing 下fing 下, 如果唔係知道自己已經番左屋企, 分分鐘隨時上左天台呀~
瞓到4點幾, 都要醒喇, 因為之前 join左個course, 比左錢, 冇奶油唔去架嘛, 所以今日個course講乜, 有一半都已經遊左唔知去邊到囉.........
滕滕! 今日媽咪係屋企都同唔到你玩呀
新嘅一年, 首先報告一下業績先!
由2009年3月14日~2009年12月31日, 滕滕進餐如下:
我起身番工(06:45), 佢就無啦啦又要跟住起身..........
EARLY BREAKFAST: 奶奶.......共260cc(9安)
LUNCH: 早上10:15, 食粥仔, 足一碗
TEA: 下午 14:15, 飲奶 260cc....
DINNER: 黃昏 18:00, again一碗粥仔
宵夜: 奶奶, 260cc again!
支奶已經爆左, 如果唔夠飲, 係唔係要再開多支, 如果夜晚嗰餐, 應該係開定先, 定係飲完先, 如果開d先, d水溫要好準確, 因為飲完第一支, 就接住第二支, 咁第二支嘅溫度就要調得好好. 但係如果等佢飲完第一支先開第二支, 滕滕就會好似痴左線咁, 係到叫喇!!!
所以, 請問有冇d奶樽係再大個d架???? 不如, 一係比支 1.25公升裝住吖???
其實滕滕係唔係痴左線呢? 而家先得嗰9個半月, 就已經成支奶, 如果大人飲左咁多水都飽啦, 何況佢係bb!!!
滕滕~ 你好喇喎, 係唔係想食左我隻車先?!
!!!
