今日亞dee個fd睇過架車, 佢話架車應該醫番到冇用喎, 因為一即起, 就睇到整過好多嘢, 要賣都好難, 所以佢話講老實話, 叫我地算吧啦!
哎呀, 真係好肉痛呀!!!!!!!!!!!!!!
2009年6月28日 星期日
2009年6月27日 星期六
真係好似好有經驗咁..........
今日同個工人姐姐吹開水, 佢話佢成8/9年前已經離開屋企, 出去做嘢, 仲係不停咁湊bb, 完左呢個僱主, 做第二個又係湊bb, 大大話話, 佢都有8/9年湊bb經驗, 如果佢冇吹水!
但係一樣嘢我又唔係好明, 表面上睇嚟同聽佢講, 佢湊親都由bb湊到成4歲, 咁點解佢之前嗰d僱主唔再同佢續約嘅呢?! 雖然話就話佢d前僱主唔想比長期服務金, 但係可以搵佢屋企人同佢簽架嘛, 呢樣嘢, 真係另到我有個問号!
2009年6月25日 星期四
細碼片, 唔啱著喇!
今日工人姐姐同我講, 話滕滕條片好似唔係好啱喇, 換中碼好似好d!
其實我之前都已經發覺條片開始越嚟越窄, 不過因為之前仲有4成包細碼係到, 所以諗住用得幾多就幾多啦, 不過而家就真係好似頂唔順, 因為d便便走左出嚟, 所以今日終於開左包中碼出嚟用喇, 咁所以淨底嗰3包, 唯有第日送比人啦!
滕滕, 你而家先得嗰3個幾月, 就要用中碼片喇, 同埋, 你隻肶開始越嚟越堅, 因為媽咪隻手越嚟越痛喇!
2009年6月23日 星期二
2009年6月16日 星期二
2009年6月15日 星期一
2009年6月13日 星期六
等到頸都長埋!
足足等左成 3 個月, 梓祐終於都肯嚟見下我! 我唔知係唔係因為佢老豆唔比佢見我, 定係呢個衰豬掛住上網, 所以至到而家先肯嚟, 不過我想問下, 佢老豆係唔係應該冇權唔比梓祐嚟見我呢, 因為本身佢亞媽基本上一個星期都可以見佢一次啦, 咁而家我只不過好似係佢亞媽嘅角色咁, 一個星期見佢一次!
查實佢老豆真係等同一個盲左嘅人冇分別, 一味只係聽嗰個女人講嘢, 都唔用個腦去分析點樣為之啱, 點樣為之錯! 嗰個女人話咁, 佢就信係咁, 所以就另到梓祐一定要聽嗰個乞 E 話, 因為如果佢唔聽個乞E話, 個乞E就會即刻同佢老豆講, 話梓祐唔聽佢講, 跟住梓祐就會比佢老豆鬧, 而梓祐就怕, 如果連個乞E D 說話都唔聽, 佢老豆就可能唔會要佢, 唔會對佢好!
可憐的梓祐, 點解你會咁諗嘅呢?! 我成日都講, 人人都要講道理, 如果嗰個乞E真係無理取鬧, 咁你可以理直氣壯咁講出嚟, 唔需要怕, 因為如果你直接同你老豆講, 我覺得你老豆唔係真係盲都無可救藥架, 因為我睇得出, 佢奇實都好錫你! 但係, 如果你唔講, 你老豆就會以為嗰個乞E就係話得你啱, 所以你先至冇聲出! 長此以往, 你就會係一個"縮頭烏龜", 嗰個乞E屈你, 你點反抗, 你老豆都唔會信你架喇!
...................你唔好咁啦, 你咁樣, 我會好心痛架, 因為我知你受左好多委屈, 每當你同其他人講嗰個乞E點對你嗰時, 你都會喊......................................
2009年6月3日 星期三
曵曵豬
今日去洗牙, Bonnin一見到佢塊面, 就問我, 滕滕係唔係食手指, 因為佢食手指食到d口水整左係塊面到, 咁塊面就有個位置硬左, 好似"爆冊"咁, 叫我地唔好比佢食, 所以今晚我地去jusco, 番嚟嗰時, 佢一食手指, 就比我地兩個彈手指, 再食就鬧, 因為佢面上面嗰個位置, 已經凸左出嚟, 仲要係硬左, 所以真係要強硬d, 唔準食手指!
呢個曳豬滕滕, 我地都未鬧佢, 指住佢, 佢就扁咀係到喊, 所以你話佢唔知係鬧緊佢, 我就真係唔信, 所以由嗰一刻開始, 我就知佢原來佢已經知道我地係到做乜, 所以, 以後真係唔可以成日係到"呵,呵,呵"係到呵佢, 費事佢越嚟越曳呀!
訂閱：
文章 (Atom)