長假期開始了~

 

今日係復活節假期嘅第一日, 而家D小朋友真係幸福啦, 我地D媽咪已經一早安排好晒去同佢地去玩! 而第一日, 就係去睇Thomas喇!

一早買左飛同熙熙一斉去睇, 不過, 唔知點解呢兩條友仔次次見襯面都要爭嘢囉, 唔係爭呢樣就係爭嗰樣, 就連坐緊張櫈都要嘈得一餐 !

買左飛睇2:00pm, 睇完3:30就去食tea 喇, 唔好話時間仲有大把, 因為唔覺唔覺, 出番去九龍灣地鐵已經差唔多5:00! 一上車過左冇幾耐就已經冧左lu~!

其實套 Thomas 都唔係咁好睇, 因為主要都係人做, 都唔係車做, 架車全程加埋都唔知有冇郁過5分鐘! 講真, 小朋友去睇Thomas, 更係去睇車啦, 睇d人把鬼咩, 如果係睇d人做戲, 就唔好張架車叫Thomas啦!

鬧人!

滕滕呢條友仔, 開始覺得佢越嚟越大膽, 同埋越嚟越冇禮貌! 有時同佢講嘢, 佢D語氣好似話比你知得喇~(好似好煩咁), 我知喇~(好似話我成日話佢咁), 而且仲開始成日鬧個工人!

佢鬧個工, 往往都係一種原因, 就係因為阻住佢玩車! 放學番嚟, 每日輪住要做, 就係番嚟就即刻沖涼, 食飯, 做功課, 跟住瞓覺! 係未做功課之前, 都會有小小時間比佢玩下車, 因為食完嘢個工人要洗碗, 而做完功課, 有時個工人都會比佢推一陣車先入房瞓!

但係上個星期開始, 我就聽到佢每一日放學番嚟, 都話唔食飯住, 要玩車! 而且係星期四嗰日, 佢仲話唔食嘢之餘, 仲好大聲鬧個工人, 仲話唔彩佢! 我聽到就打電話番去問咩事咁嘈! 要佢食完嘢先玩之後就瞓覺, 而瞓醒左一陣係到玩之際, 佢企左係張SOFA頂到, 個工人叫佢唔好會跌, 隻豬仔又鬧個工人喇!

其實我唔鐘意囉, 仲咩事無啦啦個工人要比你鬧啫~ 人地冇做錯嘢, 只係叫你呢個小主人食嘢食, 同埋唔好擒, 就要比人鬧到狗血淋頭?! 所以我比左兩次機會滕滕之後, 番到屋企, 嫲嫲又再同我講, 條友仔又鬧姐姐!

所以今次唔罰唔得, 番到屋企, 就用兩條膠紙打交叉咁貼住左個咀, 罰左15分鐘到! 我話如果再有下次無啦啦係到鬧人, 就唔會係呢D膠紙, 而係牛皮膠紙喇!

真係坎坷!!!

明明好似差唔多好番, 星期五開始, 條氣又開始扯~  星期六朝早一起身, 仲成個喉嚨腫晒! 請問, 究竟想點呀???

原本諗住去中醫師到覆診, 成個喉嚨腫晒, 都唔洗諗啦, 終於去左睇西醫, 仲打左支針! 打完針, 再食藥, 成個人就即刻迷幻晒咁! 急速咁瞓一個鐘, 跟住就送滕滕去學英文, 不過瞓呢一個鐘跟本就唔係真正咁入睡, 因為一瞓抵, 成個人就好似係馬戲團咁, 表演玩繩索一路咁FING住嚟轉, 轉呀轉, 轉呀轉...........

雖然好FING, 但係今次D藥都幾堅, 因為打左支針冇幾耐, 條氣就已經開始冇扯, 而且仲冇咩咳!

親生~

好耐冇UP過馮小姐D嘢喇, 因為佢之前冇咩特別, 但係呢輪開始, 佢又煩Q住我!

過年前佢老爺危在旦夕, 佢老公話佢唔出聲, 好似唔理唔理咁, 咁我就成機入佢, 我話佢個人情冷漠, 又唔去關心人, 原因就係因為佢本身跟本就係唔想理! 所以跟住過完年之後番工, 馮小姐"關心"我, 問我有冇去睇醫生!

對住馮小姐呢D人, 真係要串下佢先得, 見佢咁"關心"我, 我就同佢講: 嘩~ 勁左喎! 而家終於識得關心人喇喎~

呢個星期馮小姐又講佢個大女D嘢! 我話我老公食左D保健產品好似幾好, 咁佢就講佢個大女成日病, 病又唔帶口罩, D用過有菌嘅紙巾又四周圍放! 咁我就話比兩粒嗰D無茸丸比佢沖水比個大女飲, 因為佢話個大女鐘意D雞精味道(因為粒無茸丸D味道似雞精), 所以如果個女接受D味道, 可以買比佢試下!

今日食飯前, 我問佢個女試左OK唔OK! 佢就話個女彈三彈四, 買D咩比佢食都唔LIKE, 所以由得佢, 病就係佢病, 辛苦係佢辛苦, 食藥又唔係佢食, 所以唔會再理佢!

我聽到咁講, 我即刻就話: 呢D就係親生同唔係親生嘅分別! 如果係自己嘅, 就算佢唔係肯食, 都一定要佢食, 因為邊有亞媽唔想D仔女身體健康!

我講完之後, 馮小姐就不停咁解釋! BUT, 我跟住一句都冇答過佢! 因為我跟本就係覺得, 個女唔係佢生, 佢跟本就唔想理, 所以, 就理九得佢死!

奇聞~

近呢兩年, 我買左D保健產品比老公食, 見佢食左又冇咩特別, 咁我一路都有KEEP住嚟買比佢食!

近期個SALES打得嚟多左, 因為見佢又幾好傾, 傾下D仔女老公, 咁就熟左, 而且佢又單左聲同我講下個月會加價, 如果可以就入定多D貨!

滕滕生日嗰日, 老公同我講可以食多左D熱氣嘢, 個喉嚨係星期六開始已經有D痛, 星期一嗰晚, 老公無啦啦叫我攞個口罩比佢帶, 嗰時我聽到佢把聲已經鼻塞晒, 不停咁打乞嚏! 所以我即刻比左粒感冒丸佢, 叫佢食完即瞓! 吖~ 點不知第二朝老公已經話冇咩事喇!

所以我估食左嗰D保健產品, 應該真係有D幫助, 所以我又再搵個SALES再買!

可能, 個SALES見我份人冇咩點, 又幾爽, 所以佢尋晚又打嚟比我, 問我有冇朋友幫佢買D化妝品, 因為佢仲爭二千幾數先夠數!

我洒佢, 話佢個品牌D化妝品我好少朋友用, 不過都可以幫佢問下! 收左線之後, 我冇理佢, 因為我跟本就冇朋友用佢公司嘅化妝品! 保健產品都有, 都係只係幾個, 更何況化妝品!

到左今朝, 又晨咁早又講多次, 問有冇人要佢公司D化妝品, 例牌我答, 再幫佢問問!

其實, 唔覆就已經知咩事啦, 但係放工佢又打嚟喇! 我呢份人真係好賤, 熟左嘅人, 我係小唔落, 唔熟就可以小到佢反眼都得, 所以個SALE打嚟, 我都好客氣同佢講我冇朋友要喎!

說完, 個SALES居然同我講, 佢老公借左D循環貸款, 要夠期找數, 找成三千幾蚊, 但係佢老公就只係得千幾, 佢要去搵二千幾番嚟, 都唔知去邊到搵!

一聽到, 明啦! 我唔係蠢囉! 連咩樣都未見過, 佢居然想同我借錢! 真係攪笑囉, 只係好傾D, 就想搵我幫佢! 我真係唔明, 點解咁攪笑可以講得出口! 奇!!!!!!!!!!!!!!!!!!

SWEET~ SWEET~

今日下午, 我都唔知原來黃雨, 亦都唔知原來落雨, 滕滕見到落雨, 佢就打比我同我講: 媽咪, 你番嚟小心D呀, 而家出面落雨呀!
 
聽到當堂好SWEET囉! 真係好希望滕滕嘅關心, 並唔係短暫, 而係到我老時都係咁對我!

有樣嘢, 其實亞媽影響我好大嘅, 就係細時, 我成日見到亞媽同亞婆傾計, 我聽到佢地咩都會講, 講呢樣講嗰樣! 而而家, 我自己無論大小事都會同亞媽講! 雖然成日都話亞媽唔化, 但係真係唔知點解, 我就算連痾C唔出都話比佢知!  所以我亦都希望滕滕第日大個, 咩都同我講咁就好喇!

BIRTHDAY PARTY III

今日叫左幾個朋友仔嚟屋企, 為滕滕開生日會! 雖然小小地, 不過都幾開心! 太遠嗰D唔叫喇, 因為試過一次去人地到開BDAY PARTY, 玩完兩個鐘要即走(因為係CLUB HOUSE, 又限時間), 山長水遠去到都唔夠一陣, 滕滕開始同其他小朋友有交流時, 就話要走, 跟住又山長水又遠咁番屋企, 感覺唔係咁好, 所以我都唔想辛苦人地, 而且屋企又唔係大, 又唔夠地方坐, 又唔夠地方玩, 所以細細地開就算喇!

係前一晚整架, 次次吹咁多波, 都係同一結果 - 比人鬧! 因為老公覺得D波好阻住, 而且個仔又鐘意踢D波入廁所廚房, 再加上地下又有玩具, 行路時睇到D波時就睇唔到D玩具, 所以就比人命令我出年唔好再吹咁多波波喇! 不過! 我鐘意呀!!! 因為滕滕鐘意, 所以, 出年我照吹! 吹咩~!

呢兩年都有叫熙熙同埋熙媽嚟, 真係好比面, 大住個肚唔怕辛苦都照入嚟!

好朋友都唔使我問, 佢就已經主動問我今年開唔開生日會, 佢想入嚟玩時又可以見下滕滕, 仲話好卦住隻豬仔潻! 其實, 我都好想佢地快D有BB, 因為大家咁好朋友, 如果大家都有小朋友, 感覺上會仲開心!

兩個表姐唔使講, 基本上一叫就會到, 真係比晒面!

原本言言會嚟, 不過今日開始有小小唔舒服, 所以言媽就單拖嚟玩, 仔唔到都媽到, 又係真係比面!

今年訂左呢個CAKE比滕滕, 呢個CAKE同早三年嗰D唔同STYLE, 因為呢個唔係吱出嚟! 靚就好靚, 不過好睇唔好食! 豬仔一睇到都話好靚, 不過, 食左兩啖就同我講唔想食, 因為唔好食喇!

呢張相, 顯得滕滕都幾可愛吖!

次次熙熙同滕滕見面, 都一定爭玩具, 今次都唔例外, 成日爭車玩, 熙熙仲要報串話肥滕滕好嘈喎 !

睇到佢兩個係到扭埋一嚿, 兩個亞媽一個EE, 都只係就手旁觀, 而且仲~

唔係睇佢地點樣自己去解決, 而係睇下佢地點樣去斯撕片   !!!

滕滕今個生日應該都會幾開心, 因為已經係第3日開BIRTHDAY PARTY!

估唔到, 連我都有禮物喎!

D杯好靚, 而且仲真係好唔好意思, 要熙媽攞入嚟比我! 真係唔該晒!

BIRTHDAY PARTY II

今日, 滕滕學校開生日會, 諗左好耐, 原本想又訂蛋糕, 不過諗諗下, 都係攞番學校啫, 唔使訂啦! 

我尋晚問隻豬仔, 佢尋日番學有冇話比人知佢生日, 佢答我有呀! 同左老師講, 又同同學講!

佢真係驚死冇人佢生日囉~

一連串嘅生日party!

今日, 係我個肥滕滕新曆生日, 我叫晒三寶入嚟, 去pizza hut 食dinner!  舊年公公一聽到話去食pizza就有嘢不滿意, 但係我冇理佢, 因為係我個仔生日, 佢唔鐘意可以唔食, 照坐係到係唔會有問題架, 不過比我話佢, 有咩咪試下食囉(我呢個做女, 都幾鬼惡 ), 都未食就話唔好食, 咁點不知佢食完之後, 就話得閑食下都幾好! 所以今年我地又去食pizza喇, 因為滕滕鐘意就得!

今朝一起身, 我就同滕滕講 HAPPY BIRTHDAY~!!! 點不知個傻豬問我, 係唔係係屋企生日? 我答佢你係屋企生日, 番到學校都係生日, 今日太陽伯伯未落山你都係生日, 直到你今晚瞓覺前你都係生日! 但係講完, 滕滕都仲有問我, 佢係學校係唔係都生日?

今晚食飯行程都幾趕, 因為食完飯要係九點前去攞cake, 呢個cake係比滕滕聽日番學校開birthday party嘅(撞啱聽日就有生日會開喇~)! 所以食完就即刻去攞, 仲要同爸b分頭行事, 我埋單佢去攞cake 跟住要即刻番屋企, 因為條友仔食食下pizza 就話急C喎, 佢話不過唔會係街去, 一定要番屋企先! 所以真係趕到呢~

滕滕, 媽咪同爸B祝你身體健康, 開開心心, 聰明伶俐~ 我地永永遠遠都錫晒你!!!

decreasing.............

星期日去睇左中醫, 食左兩日藥, 明顯地係好番好多, 但係食埋第三日藥, 又好似打回原形!

醫師問我, 係唔係中途又冷襯過, 但係呢幾日咁熱, 我又唔覺冷到喎~ 唉!

今日執左兩日藥, 醫師話因為上次已經比左d消炎藥我食, 但係好過又打回原形, 所以今次要比d專門針對氣管嘅藥材我, 不過就會貴d , 佢仲話貴d唔怕, 最緊要快d好番就得啦, 拖左咁鬼耐!

結果, 一包藥, 本身係$65, 而家貴左, 成惠$70!

希望食飲埋呢兩次藥就好番啦, 因為個人好冇戰鬥力, 因為我想好番, 就去搵消委會攪屋企傢俬單嘢呀!

就嚟又要搵消委會!!!

過年前間死人傢俬鋪送嚟d嘢全部錯晒, 個仆街年廿八上嚟再度尺, 比我吊九到佢狗血淋頭, 吊撚完佢, 就即刻開始胃酸湧上個胃痛到想死, 老公仲問我係唔係發功過到刺激過頭喎~

我已經都算係咁, 過左正月十五, 等D工廠開晒工先打比佢, 所以等到呢個星期二我打比個仆街, 佢居然答我話佢都唔知點喎!

佢講呢一句, 我就知佢唔想同我跟! 但係我唔會就咁就算囉, 我話要佢星期五, 即係今日就比個答覆我!

今日我打去前, 我已經做好晒預備錄佢音, 係初初對話時佢都好唔願意咁講我單嘢好難做, 跟住我又再講多次, 我話佢D size上到嚟錯晒(5件傢俬都錯晒), 個廳柜錯size都唔只, 顏色又錯, 講明個電線糟係要放拖板, 但係居然插蘇都插, 個拖板都放唔到入條糟到, 就想張d責任推晒係我到??? 由頭講一次佢錯D乜, 要改D乜之後, 我就同佢講要佢3月24前去補番D貨比我, 如果唔係就係消委會解決, 個仆街一聽到我咁講, 佢就即刻話不如唔好做喇, 最多D尾數唔收我! 喂, 你食撚錯左藥呀, D尾數唔收我? 我即時叫佢如果想算, 可以, 不過比撚番晒D訂我, 就我就可以算!

個家產一聽到我叫佢比番晒D訂金我, 佢就即刻講話冇可能, 跟住仲係到恥笑!

當然, 訂佢一定唔會賠, 所以佢又再同我講番張單, 仲話我唔撚比佢收番D柜去改喎! 好~ 咁撚鐘意收, 收撚飽佢囉, 我真係好想現場睇下佢點撚樣改囉!

我其實都好好心地, 佢一話收番去改, 我就delay到4月7日前要佢補番d貨(諗番起都覺得自己on9)! 不過, 唔好以為好心有好報, 因為佢個冚家產居然就玩串, 佢話唔撚識咩叫cm喎, 又話唔撚知我講乜, 唔撚明我!

好~ 你個冚家產玩嘢吖嘛, 唔撚明吖嘛, 我就去消委會到投訴你個仆街冚家產, 佢個老味個嗅西!

PS. 暖 の舍室內設計 http://www.work-rest.com/

解釋........or 駁咀............?

唔經唔覺, 下個星期就係滕滕4歲, 時間過得好快, 而佢大個亦大得好快, 而家同佢傾計, 已經覺得佢都唔係好細個, 因為好多時同佢講嘢, 都會反反眼~

好似有一次咁, 我問佢, 點解佢成日一開心就忘形, 跟住就會開始曵吖?! 條友仔居然答我: 冇得解架喎! 又有一次我問佢, 點解成日都唔記得要乖, 又唔聽姐姐話吖?! 條友仔又係答我: 都係冇得解架喎!

咁細個就答我冇得解, 咁再大D, 我再問佢多D嘢, 咁佢又答我冇得解, 咁到時我諗會反爆眼囉  !

自從呢個星期, 我發現姐姐好似成日開左個電視, 不停咁播 Thomas比佢睇, 所以我尋日一番到屋企, 就同滕滕講, 唔准成日開住個電視, 咁細個就不停咁睇, 睇壞眼點算! 把口就話唔想佢睇壞眼, 其實我跟本就唔想咁細個就對住個電視就飽, 日又睇夜又睇, 一陣第日好似梓祐細個咁, 冇得睇電視好似仲慘過踢佢出街咁就大獲喇!  不過,而家滕滕已經唔細(好似), 我一講完話唔可以成日睇電視, 佢就即刻問我點解, 要講理由, 仲要解釋!

今日, 我知道滕滕學完畫畫番嚟會大約六點半左右, 所以我係番屋企途中, 我就睇下佢有冇開電視.  果然不出我所料, 都係睇緊Thomas! 所以我一入屋第一句就話佢又開電視睇! 點不知條友仔答我: 冇睇好耐呀! 我都係番嚟一陣之嘛, 個電視都係開左一陣咋, 我今日都冇睇!

而家d小朋友, 究竟佢係想解釋定係駁咀呢? 點解佢地而家只係4歲, 但係對答如流, 仲要係回應一流喎! 我地個腦轉慢d都跟唔上喇!

問題少男!

小朋友多嘢問好奇心大, 我知, 不過我好想知而家d小朋友嘅問題, 究竟係唔係個個都去到咁深!

有一次, 滕滕問我bb係點樣嚟, 我就答佢係爸爸嘅蟲蟲入左去媽媽嘅蛋蛋到, 給合埋一齊先至會有bb!

又有一次, 佢見到有架巴士死左火停係路邊, 佢就問我仲咩事架巴士後面會打開左, 咁我就答佢架巴士行行下壞左, 所以就打開後面要維修喇, 咁滕滕跟住就問我仲咩事會壞, 點解會維修嘅, 我又再答佢, 因為佢行得太耐, d 零件就會老化, 就好似d車咁, 玩得耐都會舊一樣!

其實滕滕日日問題天天都多, 又有一次, 佢就問我, 點解女仔個波波大個男仔個波波咁多嘅??? 嘩~ 呢個問題, 梓祐係6/7歲嗰時先開始, 因為梓祐係6/7歲時, 係電腦到search"大波妹"嗰時先嚟好奇, 我真係估唔到, 而家進化到咁細個就問呢個問題!

今晚, 又一條新問題喇, 滕滕問我點解個鼻哥窿會有毛毛嘅!  自之前佢問我點解雙眼會有毛之後, 又一個相同嘅問題!

一個迷!!!

未生個仔嘅人, 真係唔明白我地做亞媽有幾忙同幾辛苦!

話說我陀住滕滕時5個幾月時, 有個同學要我同佢一齊係街邊燒街衣呢下, 嗰次已經好經典同埋攪到有d不快!

而家今時今日, 我估應該唔會有人唔知讀k1已經有功課做, 仲要係日日都有, 所以而家平日時間, 我已經冇約人出去, 因為要番屋企睇功課!

契妹個男朋友生日係2月, 我約佢2月尾食生日飯契妹話full booking, 咁佢又話3月除左最尾嗰個星期日係得之外就係平日! 平日, 佢得我唔得囉, 我話平日要睇功課唔出去, 契妹就比個好驚訝嘅公仔我!

我想問, 平日唔出街, 有幾咁驚訝先???  咁佢假日唔得, 我平日唔得就唔得架喇??? d人未生過仔, 都唔明而家做亞媽係幾咁多嘢做架!!!