好似有一次咁, 我問佢, 點解佢成日一開心就忘形, 跟住就會開始曵吖?! 條友仔居然答我: 冇得解架喎! 又有一次我問佢, 點解成日都唔記得要乖, 又唔聽姐姐話吖?! 條友仔又係答我: 都係冇得解架喎!
咁細個就答我冇得解, 咁再大D, 我再問佢多D嘢, 咁佢又答我冇得解, 咁到時我諗會反爆眼囉
!自從呢個星期, 我發現姐姐好似成日開左個電視, 不停咁播 Thomas比佢睇, 所以我尋日一番到屋企, 就同滕滕講, 唔准成日開住個電視, 咁細個就不停咁睇, 睇壞眼點算! 把口就話唔想佢睇壞眼, 其實我跟本就唔想咁細個就對住個電視就飽, 日又睇夜又睇, 一陣第日好似梓祐細個咁, 冇得睇電視好似仲慘過踢佢出街咁就大獲喇! 不過,而家滕滕已經唔細(好似), 我一講完話唔可以成日睇電視, 佢就即刻問我點解, 要講理由, 仲要解釋!
今日, 我知道滕滕學完畫畫番嚟會大約六點半左右, 所以我係番屋企途中, 我就睇下佢有冇開電視. 果然不出我所料, 都係睇緊Thomas! 所以我一入屋第一句就話佢又開電視睇! 點不知條友仔答我: 冇睇好耐呀! 我都係番嚟一陣之嘛, 個電視都係開左一陣咋, 我今日都冇睇!
而家d小朋友, 究竟佢係想解釋定係駁咀呢? 點解佢地而家只係4歲, 但係對答如流, 仲要係回應一流喎! 我地個腦轉慢d都跟唔上喇!
依家個個小朋友都好叻仔 ga! 不過, 滔滔未識好似滕滕咁回我咁多句。
回覆刪除上次滔滔學跆拳有個同班同學同阿仔既對話;
同學仔 : duncan bye bye..
阿仔 : =.=
同學仔 : duncan, 你點解唔同我講 bye bye?
阿仔 : bye bye
同學仔 : 你點解唔同我講 xxx (同學仔個名) bye bye?
我覺得佢同學好得 law!!!! 又好笑!!!!
[村姑 C 9 仔 *.*回覆03/08/2013 16:10:14]咁又係~
[版主回覆03/07/2013 17:28:17]但係, 諗深一層, 佢地可能諗到D咩就只係即刻講出嚟啫~ 唔代表係專登頂我地架喎..........
[村姑 C 9 仔 *.*回覆03/07/2013 17:19:21]我唔心急。我唔想滔滔咁早就1言9頂呀~
[版主回覆03/07/2013 16:52:57]滔滔好快就識架喇, 唔好心急!
係,我同一個4歲嘅小朋友傾計，好似同大人講嘢咁，個腦轉少一秒都跟唔上...唯有扮聽唔到,叫佢再講一次......哈哈哈
回覆刪除係咪而家啲奶粉配方太蛋勁?!
[版主回覆03/08/2013 15:55:42]所以, 而家真係轉慢D個腦都唔掂!