未生個仔嘅人, 真係唔明白我地做亞媽有幾忙同幾辛苦!
話說我陀住滕滕時5個幾月時, 有個同學要我同佢一齊係街邊燒街衣呢下, 嗰次已經好經典同埋攪到有d不快!
而家今時今日, 我估應該唔會有人唔知讀k1已經有功課做, 仲要係日日都有, 所以而家平日時間, 我已經冇約人出去, 因為要番屋企睇功課!
契妹個男朋友生日係2月, 我約佢2月尾食生日飯契妹話full booking, 咁佢又話3月除左最尾嗰個星期日係得之外就係平日! 平日, 佢得我唔得囉, 我話平日要睇功課唔出去, 契妹就比個好驚訝嘅公仔我!
我想問, 平日唔出街, 有幾咁驚訝先??? 咁佢假日唔得, 我平日唔得就唔得架喇??? d人未生過仔, 都唔明而家做亞媽係幾咁多嘢做架!!!
真係要日日睇真 d ga!
回覆刪除有一次姐姐同阿仔做完功課, 我返去睇, 點知要重做。姐姐以為填顏色, 原來要撕雜誌再貼上去。以前我無買雜誌, 阿仔讀 k1 之後就要買定 d 傍身呀 *-*
[版主回覆03/05/2013 15:57:56]所以就係話, 佢地都未有小朋友, 就唔知我地而家幾咁多功課做(唔係佢地D 亞B)!
[村姑 C 9 仔 *.*回覆03/05/2013 15:26:43]我都係上次滔滔要搵鐘意的食物圖案後開始買雜誌傍身炸!
不過, 我諗你契妹唔明依家 d K1 功課要幾認真做 / 覺得我地好緊張~
依家唔同我地細個以前 ga la。第時佢可能仲緊張過你。
[版主回覆03/05/2013 14:31:25]佢地唔明唔緊要吖, 最攪笑就係佢比個表情我好似好驚訝咁! 我唔知佢覺得日日有功課做好驚訝, 定係佢覺得我好緊張!
上次老師叫我搵D玩具嘅圖片我都冇(因為我都係冇買雜誌架), 結果遲左一日交, 老師就打嚟問點解交唔到功課喇! 自從上次之後, 我就睇晒佢之後嘅功課, 跟住係公司搵晒d圖片print晒出嚟放係屋企喇!
係囉...都唔明點解有咁多功課...
回覆刪除[版主回覆03/08/2013 16:00:57]講真, 佢地咁細個, 又點會識做吖, 日日老師都係學校同佢地講一次點做, 跟住佢地番嚟先做, 不過, 有d係要我地家長去搵先做到, 例如搵圖片咁, 都係要我地去做架啦!
[林林回覆03/08/2013 12:14:21]最慘而家啲功課要家長一齊參與...
[版主回覆03/07/2013 11:16:52]可能咁樣, 先顯得間學校有盡力~
係有細路真係週身都唔得閒
回覆刪除[版主回覆03/19/2013 17:54:38]未生時, 可以一個星期約人最少三日去食DINNER, 生左之後就都可以免強一個星期有一次, 而家仲讀埋書, 就最好平日唔好出, 因為要睇功課!
所以生左就真係未得閑過!