今日下午, 我都唔知原來黃雨, 亦都唔知原來落雨, 滕滕見到落雨, 佢就打比我同我講: 媽咪, 你番嚟小心D呀, 而家出面落雨呀!
聽到當堂好SWEET囉! 真係好希望滕滕嘅關心, 並唔係短暫, 而係到我老時都係咁對我!
有樣嘢, 其實亞媽影響我好大嘅, 就係細時, 我成日見到亞媽同亞婆傾計, 我聽到佢地咩都會講, 講呢樣講嗰樣! 而而家, 我自己無論大小事都會同亞媽講! 雖然成日都話亞媽唔化, 但係真係唔知點解, 我就算連痾C唔出都話比佢知! 所以我亦都希望滕滕第日大個, 咩都同我講咁就好喇!
阿仔都幾口甜舌滑喎
回覆刪除你實lum 屎啦...
咁你想佢成日同你講野, 你就要多d 同佢傾計, 但又唔好成日"我" 佢...好有技巧haha
[版主回覆03/28/2013 14:13:33]而家晚晚臨瞓前都會吹陣水先瞓嘅, 因為我都希望大家可以多D傾計!
"鵝" 佢就唔係太多, 鬧就有 , 不過我次次都好認真咁鬧佢, 話唔會再講咁多次, 要佢記住我所講嘅嘢! 可能係嚴厲左D, 叫個小朋友自己要記住, 但係, 我想由佢細個開始咁樣教起, 唔想佢成日依賴有人會成日提佢~
我到而家一落大雨就會打比阿媽，通知佢早啲返屋企
回覆刪除[林林回覆04/05/2013 09:33:29]你不如去佛堂了解下，或者叫你細佬去
[版主回覆04/03/2013 14:41:10]你都唔知幾反眼呀!!! 老公今年6月尾放大假, 咁係番嚟HK嗰日老公就問7月去邊好(即係擺明又係一家六口去), 但係我老母就話佢7月7日有嘢, 如果撞啱日子佢就唔去旅行, 尤得我地去喎! 我想問, 邊到去搵個老人家寧願唔同D仔女去旅行都要去佛堂架??????
[林林回覆04/03/2013 09:23:18]山崩地裂都要去咁誇張??哈哈哈
[版主回覆04/02/2013 15:24:20]我冇喎! 因為我知道山崩地裂, 我亞媽一樣都會照去佛堂, 所以費事嘥口水, 去佛堂仲緊要過D屋企人!