越嚟越好 feel

今日係年初五, 亞 dee 尋晚番通宵, 所以今日下午唯有自己食自己!  雖然就話係自己食自己, 但係係食緊嘢之際, 其實仲有亞 b 倍緊我, 因為我一路食, 佢就一路郁, 好似係到倍我一斉食緊嘢咁!  因為亞 b 越嚟越大, 所以佢每每郁一下, 我就可以即刻 feel 到, 不過就係因為佢越嚟越大, 咁就即係佢好快就會出嚟見人, 就係因為佢就嚟好快見人, 就即係代表佢好快會離開我個肚!  仲感覺好開心, 因為我地都就嚟好快見到佢, 但係, 又好唔捨得, 因為我就嚟 feel 唔到佢係我個肚到郁下郁下嗰種感覺!

所以我而家一得閑, 就即刻拍底自己個肚, 因此亞 b 係我個肚到郁下郁下, 真係好得意, 因為每次我都係到諗: 究竟你係到做緊 d 咩呢, 點解成日都係到攪嚟攪去架?!

P.S. 肚圍: 40.5"

買桃花

今日係年廿九, 雖然話就話洗唔到邋遢, 但係我都執左成日屋, 執到我都不知幾鬼攰, 所以今晚去買桃花時, 我就已經一早講左話一買完即走, 因為我連行步路都行唔郁咁済!

今年可能太趕, 買左棵桃花唔算好靚, d 花芯唔算太多, 不過都算啦, 鬼叫今年有心冇力咩, 最多下年先買番棵好嘅!

年廿八.....洗唔到邋遢!

今日已經係年廿八, 往年未到年廿八, 我就已經開始大掃除, 但係今年就有心無力, 因為亞 b 唔比我做, 所以直到今日為止, 間屋都仲係........

見到間屋邋遢, 但係又唔做得, 都幾慘, 好似見到 d 層架有塵想企高抺下, 想換下張床單全部都唔得, 就連地下污糟想吸下塵都唔得, 因為比亞 b 頂住......

唉, 等亞 dee 做........可能要等到廿九或者三十, 仲要只係抺下塊地咋!!!

申懶腰???

嘩, 今日亞 b 好行, 係撐到我好行, 由朝早到夜晚, 不斷咁做同一個動作, 唔通我今朝係張床到申多左兩個懶腰, 佢又照板煮碗???

亞 b, 乖啦, 你下下都咁行, 我點行路呀, 郁下手, 郁下腳, 係我個肚入面攪攪震咪好囉, 下下你都撐住, 好難頂架!  你唔係學我係到申懶腰嘛, 如果你真係學得咁快, 咁就好喇, 第日你讀書, 我就唔使嘔血喇!!!

 

點解

今日有個舊同學係 MSN 到搵我, 問我個血糖報告點, 咁咪傾幾句囉, 言談間,我問佢個女點, 仲係唔係成日係到喊, 跟住佢就叫我睇佢個 diary就會知! 唉, 佢之前已經叫我得閑睇下佢 d 相, 佢個 web-site架喇, 但係我真係唔會成日記得去睇囉, 最多得閑上去睇下佢 d 相, 睇下佢近況, 叫我日日去睇佢個 diary就真係唔好攪我, 你估真係唔使做咩, 佢仲要有成兩三條 link係睇佢 d 相架!

所以係言談之間, 佢好似怪我好唔去睇佢個 diary..........喂, 朋友吹下水, 問候下, 梗係咁架啦, 下下都叫人去睇佢個 diary, 咁仲使乜講咁多嘢呀???!!!

好似我寫呢個 blog, 原意就跟本都唔係一定要比人睇, 只係想比自己有個回憶, 咁唔通比左個 blog 人地睇, 人地唔睇, 我就唔 alike 咩! 識左佢成廿幾年(呢個真係有廿幾年), 都仲係咁鐘意叫人跟佢想做嘅嘢嚟做, 都唔知點解!!! 

收禮物

今日終於收到禮物喇, 我老闆總共送左: 大盒曲奇餅 2 盒, 樂家杏仁糖 2 盒, 細盒金莎 10盒!

今年同舊年差唔多, 好似都係咁嘅數量, 所以今年又唔使買太多嘢拜年喇! 

有驚無險!

今日一見到無來電嘅電話或者不知名嘅電話号碼都好鬼驚, 因為怕係廣華打嚟, 因為如果今日冇電話到就即係冇事!

不過好彩, 到放工都冇收到, 所以我諗我應該過左關喇!!!

唔知係唔係亞 b 都鄧我緊張, 佢今日郁得多左, 成朝係到整嚟整去, 攪到我都不知幾鬼開心, 因為亞 b 你郁得多, 我就放心得多!

又要食藥喇!

今日 Dr Fan 打電話嚟同我講, 我檢尿個 report 出左嚟, 係有菌架! 雖然唔係好嚴重嗰隻, 但係要食藥囉, 仲要食5日!

我同嫲嫲講, 佢話係好平常, 好多人都會係咁, 食左藥就應該冇事! 唉, 我都希望係啦, 不過點解我咁多嘢嘅, 係唔係大肚婆通常都係咁架?!

驗血!

今朝晨咁早8:00就去到廣華驗血, 見到支針真係想暈底, 因為係我一生之中最怕做(比人做) 嘅嘢, 不過今次好勁, 冇喊到!  但係針左兩次, 仲要係同一隻手 @_@ !!!

D 人話, 驗血糖 d 糖水好難飲, 其實都唔係呀, 同落左糖嘅水都冇咩分別, 不過當然就梗係唔想再飲啦!  星期五或者下個星期一就知道結果, 如果姑娘唔打嚟就即係冇事, 如果佢打嚟就即係............唉!  Dr fan 話我個數字 6.8 只不過係擇界, 所以求神拜彿, 千祈唔好打嚟呀~~~

點解要咁耐

今朝成11點幾先番, 因為我又感冒喇!

番到公司, 叫我個同事+朋友去將其中一個 order 褢面產品嘅 description 改一改, d 英文字母+埋都唔夠20個字, 佢居然要成1.5鐘先比到我!!! 我真係好唔明, 佢對住 d 文件唔知仲咩, 點解一個 order, 有 commercial invoice, packing list, b/l & fa, 加埋都係得嗰四份文件, 而呢四份文件都係改一句英文啫, 點解要1.5個鐘????

佢其實都知我話佢手腳慢, 雖然佢亦都快左, 但係我真係唔明點解做咁小嘢都要咁 Q 耐!!!

另外, 我真係好想問下有冇藥醫蠢人架, 我話佢(又係要叫, 自己一 D 都唔醒目)唔記得改埋份 packing list,  於是就叫佢改埋比我, 等我一次過比個客 check, 佢居然答左我 ok 之後就去做另外一d 文件!  哎呀, 我同得你講, 叫做埋比我先, 就梗係等緊啦, 唔使講嘛, 佢居然唔知!!! 你話死唔死!!!

仲有, 佢做做下份 packing list 居然走埋嚟問我除數.......唔係嘛, 15,800kgs 除 1,547箱, 應該係點?!  點, 咪每箱 10.213kgs 囉! 佢問我, 如果寫每箱10.2kgs x 1547箱, 就不等於15,800kgs, 只係 15,780kgs, 咁點???!!! 呀............真係反九十幾次眼都唔掂!!!

所以, 我係呢到徵求: 醫蠢人嘅藥!!!

亞 B 超重呀!

今日去 Dr Fan 到例檢, dr話亞 b 超重呀, 因為佢而家 29.1週, 但係身形就係30.2週嘅身形同體重, 所以由而家開始, 我要食小 d 喇!

同埋, 照 4D 時,我叫 Dr話比亞 dee 聽 d 頭髮點睇, 跟住 dr就話, 呢, 呢 d 呀, 後面就長 d , 跟住我話, 唔係嘛, 咁快就 took 頭, 咁大獲, 之後 dr 話, 唔係, 只不過前面冇後面咁多啫!  講講下, 我話亞 b好似咁醜樣咁嘅, 跟住 dr 就話, 唉呀, 我仲想講話似邊個潻......不過, 你而家咁講, 就.........跟住我都照問佢似邊個, 而 Dr 話 bb個樣似亞 dee, 唉, 咁就大獲喇........

Remarks:

B重: 1.6KGS

肚圍: 39.5"

 

撐死我喇!

亞 B 雖然呢排郁小左, 但係近呢個星期就係咁係到撐, 一撐就撐到行, 唔郁!

今日瞓晏覺, 瞓醒之後直程覺得佢撐到我個肚痛呀!

就嚟撐死我喇, 亞 B!

煲薑醋

今日嫲嫲幫左我地一個好大嘅忙, 就係同我地攪左煲薑醋!

起初以為好複雜, 其實原來係好簡單, 但係時間就用左成半日有多!

血糖偏高呀!!!

尋日去廣華檢查, 今朝姑娘就打電話嚟, 話我血糖偏高, 要1月15日番去再驗血! 死啦, 到時起碼最少要驗兩次呀~ 我而家開始要介口喇, 唔好再食雪糕, 朱古力喇~~~

今晚約左亞 Ken 個家姐係屯門市廣場, 因為佢話亞 Ken 叫佢帶左禮物比我, 點不知去到嗰時, 個死仔玩意外驚起, 原來佢番左嚟 HK!  好開心今晚見到佢, 同佢, Louise & Canise 一斉食飯, 因為自從佢 03年番過嚟, 至到而家先再見!!!

可憐的梓祐之 PK後母

自從梓祐跟學校去完北京旅行之後, 就已經又咳, 又流鼻水, D感冒嚴重左, 於是我就問佢, 乜你亞 E 冇同你執D禦寒衫咩, 點解會病到咁架, 醫生又唔去睇, 究竟佢想點呀! 

我都未見過 D 咁 PK 嘅女人, 明知個小朋友要去北京, 北京仲係0度, 大佬, 點都同佢買 D 衫嘛, 成日就去問人借, 借得都就固然之好, 但係借左都幫唔到就唔好問人借啦!  佢自己鐘意問人借衫, 借鞋, 借手袋用我就唔理佢, 但係個小朋友咁細個, 點都要睇下佢夠唔夠啦, 雖然我知嗰個唔係佢親生, 但係都唔好咁啦, 一係就完全唔好理, 唔好扮理佢, 但係又攪到佢咁, 唔夠衫著, 又唔敢出聲!!!

今日一上到去探梓祐, 見到嫲嫲同嗰個"乞E"係到嘈交, 我問梓祐仲咩事, 原來嗰個"乞E"攞左嫲嫲肺氣腫D藥水比梓祐食(正一仆街嚟, 個小朋友傷風咳, 走去攞D 肺氣腫藥比佢食, 冇 D 常識), 點不知飲完之後冇幾耐, 梓祐就嘔喇, 連行去廁所嗰幾步路都嚟唔切就嘔左出嚟! 跟住嗰個"乞E"就同梓祐講, 係佢自己嘔到成地都係, 要佢自己抺番個地, 唔可以要嫲嫲抺!  於是嫲嫲聽到佢咁講, 就即刻話佢抺, 唔使個細佬抺, 因為佢病, 跟住嗰個"乞E"就話嫲嫲好幫住個細佬, 唔可以咁之類, 就嘈起上嚟!

喂, 一個小朋友, 如果唔舒服, 就算嘔左係個地下到, 都會由得佢, 唔會咁忍心話要佢整番好佢啦, 佢緊病喎, 你估佢想架.  所以呢個"乞E"真係好 PK, PK 都冇人有, 邊有人亂咁攞藥水比個小朋友食架, 又唔見佢對自己個仔係咁, 雖然梓祐唔係佢自己個仔, 但係都唔好咁啦, 你咪唔好理佢囉, 但係佢又唔得呀, 要係個老公面前扮對佢好好, 扮係一個好後母! Pls fuck off!

最衰就係個男人係盲同聾架, 成日都幫住個老婆, 個老婆講乜都信, 個亞媽就講乜都唔信......你話, 生個咁嘅仔, 真係唔生好過生, 唔怪得嫲嫲同我講, 佢好心灰!

梓祐, 嫲嫲唔係到, 你要好好照顧自己呀!!!

邊到有 d 咁嘅爸爸架!

今日下午, 亞 b 突然撐到我個肚(有一part)好痛, 於是我就叫亞 dee 摸下啦, 同佢講亞 b 撐得好出力下, 呀, 點不知呢個爸爸都痴痴地線, 即刻用隻手嚟推落我個肚到, 仲要係亞 B 個頭嗰個位置喎!

跟住我問佢仲咩推亞 B 個頭呀, 佢就話 : 推下佢, 等佢自己縮番隻腳, 唔好撐到咁行嘛!

嘩, 係唔係痴左線呀, 亞 B 咁細個, 就咁攪佢, 到佢出左世, 咪唔得掂! 邊有老豆咁架, 佢撐, 咪最多摸下佢撐嗰部份, 等佢自己縮番入去囉 都冇理由推佢個頭架!

你話, 呢個大唔透嘅老豆, 係唔係頂佢唔順呢!