投訴!

近呢兩個月, 滕滕不停咁唱歌, 佢自己唱, 又要我唱, 又時又要一斉唱, 而家就連工人姐姐都唔放過!

個工人就更係唔識&唔知佢唱乜啦, 所以隻豬仔就教個工人唱喇!

今日番到嚟, 個工人同我講佢比滕滕鬧呀! 工人同我講, 滕滕教佢唱歌, 不過可能聽唔明滕滕唱乜,所以跟住滕滕唱都唱錯, 咁滕滕教極個工人都唔識, 豬仔就話喇: "哎呀~~~! 姐姐, 唔係咁呀!"  講完又教多次姐姐唱, 如事者話完姐姐唔識唱又再教過!

最好笑, 就係個工人笑住同我講: "太太, 軒軒鬧我呀! 佢教我唱歌, 我唔識唱, 佢話:「哎呀~~~! 姐姐, 唔係咁呀!」"

家產會計!

如果唔鐘意聽粗語, 就唔好睇喇!

個八婆會計, 我真係好撚7憎佢囉, 今日又jump晒d水, 仲要一滴都冇! 我叫馮小姐同佢講: "ADA, 個水機一滴水都冇晒, 都唔識著燈, 你叫人上嚟整!" 個八婆居然答: "係咩? 乜冇晒水咩?"

TIL那星, 如果佢jump淨小小, 佢先講唔知冇晒水, 都仲可以話佢扮唔知, 而家一滴水都冇, 即係佢都擺明唔九換, 所以我都唔需要比面佢, 一路行就好大聲講: "尋日老闆下午打側左個水樽, 都擺明就嚟冇水架啦, 咁都話唔知!"  我講完, 個會計就鬼食泥咁講左唔知d咩, 因為佢講, 我都唔理佢咁行左入去會議室食飯, 我都費九事睬佢!

說完過左一陣老闆番嚟, 房都未入, 經過個水機就撇換水喇, 而個八婆會計一聽到, 就第一時間跑出去!

點解d人死極都死唔去架??? 賤到咁就好番屋企哩九埋唔好7出街啦, 犯眾憎成咁樣! 日撚日十點幾就係廁所做運動阻住晒人地去廁所, 叮飯就較最細嚟叮半個鐘, 只係識同老闆娘講我d客TT d 錢過嚟, 話我好唔通知講清楚比d客聽個a/c no. & co. name!

五十幾歲人, 男人都搵唔到一個, 我都明係咩原因, 但係既然d性格咁仆街, 就唔好出街影響人啦!

老師真係好介紹!

老師聽我講, 知道滕滕係屋企冇嘢做, 成日係到攪攪震, 就建議我去買泥膠比佢玩喇!

我同老師講, 玩泥膠我真係有d擔心, 因為呢個豬仔, 明知唔食得都要擺入口玩嘢, 所以之前有盒泥膠都送左比人!

上個星期, 因為買唔到架百佳車比豬仔, 就買左盒泥膠喇!

嘩~ 原來盒泥膠嘅魔力真係好勁, 一坐, 就坐左起碼30分鐘喇!

幾靚仔呢~

_{^{攞左冬天校服喇, 終於有得著!}}

_{^{都幾好睇吖, 成個醒神晒啦~}}

半day的忙碌!

今日原本約左個傻婆去飲茶lunch, 但係個傻婆居然話不如去西貢lunch喎!

明明係屯門食lunch, 就變左去西貢lunch, 突然好似高級左好多咁!

滕滕當然係好high啦, 因為呢個傻婆ee話比佢放狗喎, 咁滕滕一生人嘅第一次, 就係係呢到比左mango喇!



放左狗一陣, 我地仲吹下波波! 不過滕滕好似對吹婆婆興趣唔多囉~ 唔知係唔係因為嗰到好多狗比佢追, 所以佢就attend晒係d狗到, 連吹波波都唔多玩喇!

滕滕都未試過咁攰架, 因為沿途行去攞車, 佢不段咁話要番屋企, 而且話好攰要抱呀!

好啦, 咁抱就抱啦, 跑左走左行左咁耐, 都真係攰攰地嘅!

結果一上車, 就好快瞓著左喇!

靚唔靚呀~

一個星期起貨喇!

total訂左兩套, 一個壺+4個杯, 都ok吖! 不過唔係全925囉, 只係包925咋, 所以$1500係咁上下啦, 送比客啫!

迷網..........

今個星期好想念滕滕, 只有見到佢嘅一刻, 我嘅心情先冇咁低落!

因為好感恩個天送左滕滕比我, 因而另到我生命畫出左色彩!

0能量..........

今日, 成個人好似冇晒心機, d能量就嚟接近0, 唔知點解真係一d起勁都起唔到............

放左工, 想去TOYS R US到買架手推車比滕滕玩下, 等佢開心下, 而另到自己都開心D, 不過, 冇買到囉, 因為只有pink color, 點買啫!!! 點解想買個玩具比個仔開心下都咁難嘅??? 冇理由去到TOYS R US唔買嘢比滕滕架嘛, 結果, 我買左盒泥膠比個仔玩!

新玩具嘅魔力真係幾大, 因為我一入屋就放左個玩具係toilet, 諗住自己沖晒涼先開比滕滕玩, 點不知佢去toilet就見到, 而且仲: "E, 玩具喎! 媽me, 玩具呀!" 平時要經滕滕批准幾次我先可以沖涼, 今晚, 話我沖完涼就同佢玩新玩具, 只係講左一次我就可以去洗白白喇!

玩左45分鐘, 就飲奶刷牙瞓覺! 我, 呢個moment, 由一玩完嘅一刻, 就已經跌番去到最低位, 完全冇晒力量, 所以要一斉去瞓喇! good nite!!!

對你好d係唔得!

尋晚開左張單, SEND左個MAIL比馮小姐, 等佢今朝番嚟即刻做比我! 佢今朝整好左有D嘢問我, 咁我叫佢QUITE 左個FILE出比等我睇下, 點不知一入去個FILE到, 就彈左"要更新"呢幾個字!

D客個FILE, 我只係開完單, 之後所有嘢都係馮小姐攪, 佢好鐘意張D sheet 拉嚟拉去, 將file no.1嘅sheet 1搵去file no.2, 因為每個file都有好多頁, 而且頁與頁之間我地會copy d data, 所以一彈出嚟要更新, 我就知佢又將d sheet拉嚟拉去之後, 冇整番d data!

一見到"更新", 我就又同馮小姐講佢又唔整好d嘢! 例牌佢都係答我佢冇整到d咩啦, 不過我今日心情唔好, 我聽到佢咁答我, 我就即刻話佢: 你唔使唔認, 一定係你架喇, 你唔認唔得!

過左一陣, 我見馮小姐好努力咁去攪掂番個file, 跟住就坐左係佢個位, 背住我講左幾句嘢, 講乜, 我就聽唔到!  不過我諗諗下, 就係msn到問佢, 頭先係唔係同我講嘢! 佢居然答我係呀, 就係同我講佢點解會整到咁, 而家整好左喇!

我想問, 乜同人講嘢背住人嘅咩??? 識唔識咩叫禮物, 咩叫尊重人呀???

咁好啦, 如果對你好d就得戚, 咁我以後就唔會對你好, 稍為好小小都唔會囉!

"放d"!

尋日惠康趕得切3點幾, 係老闆有客到個幾鐘前送嘢飲嚟, 我同馮小姐講, 叫佢放d可樂+coffee係冰箱, 怕嚟唔切凍!

過左一個鐘, 我去冰箱到攞番d嘢飲落嚟, 我發現個豬兜馮小姐, 將我買嘅12罐可樂, 同埋24罐嘅coffee放晒入雪柜!

係冇錯, 我冇同馮小姐講話有幾多個人嚟, 不過我同左佢講, 咩人會嚟搵拉老闆, 佢都應該知道大約有幾多人, 而且, 我都係叫佢"放d"入雪柜啫, 乜"放d"=放晒??? 而且雪柜裏面仲有兩罐coffe 同埋幾罐橙汁, 我只不過怕老闆又唔知想比邊類型飲料佢d人飲啫!

咁我又唔係好明喇, 我係惠康total買左五百幾蚊嘢, 佢仲乜唔將五百幾蚊嘢飲放晒入雪柜到呢???  放晒入去啦苯7!

鐘意我黑面!

d人都唔知咩人嚟!!!

上星期五, 成day 就係等個客簽番張單confirm details, 跟住就可以send 張生產單比廠!

之前做開, 就係張生產單放係mail個draft到, 個客一confirm, 咁放假都可以click 個制send比廠通知可以開始生產!  不過上個星期五晚上7:00, 我通知馮小姐可以張張生產單pass比廠時, 佢話佢冇整, 因為我冇叫佢咁樣做!!!

我想問, 次次出糧都係自動轉帳入落去你戶口架啦, 咁之前你識得係個戶口攞錢用, 咁今個月我冇同你講, 咁你係唔撚係唔識去攞嚟用呀????????????????????????????

上個星期五晚, 我接左6隻柜番嚟, send e-mail 比佢叫佢星期一番工就開生產單, 所以馮小姐尋日一番工, 應該好多嘢做, 開生產單之餘仲要落埋bkg!

不過大約11:30am馮小姐就開始煲粥, 11:45am我見佢唔收線, 我就開始同佢計時, 因為佢仲有6張生產單仲未比我!  原本打算12:15就直接問佢, 不過佢12:05收左線, 過左3分鐘, 我就出去同佢講, 6張生產單我要佢12:25比到我!

12:25仲未有, 我就用msn問佢, 佢冇答我, 因為我睇到佢收左線之後係到努力做單未停過! 過左10分鐘, 佢比單我, 我再用msn同佢講: 唔該你以後做好晒d嘢先好講電話, 你做完我都仲要幫你check多一次冇問題先比老闆架!

老闆每day就大約十二點幾一點先番嚟, 如果老闆番嚟你都比唔到單佢, 你估, 老闆會覺得你成朝係到做乜春嘢呢???!!!

我食完lunch去同公司買嘢, 兩點半先番到公司, 一入門口, 我就見馮小姐係到講私人電話! 係, 佢又講電話!

過左一陣佢過嚟同我講, 頭先老師打比佢話佢個大女成績好差, 約見今個星期日special meeting喎! 我個心諗, 你入嚟同我講, 係唔係想同我解釋呀?!

之前黑左佢成兩三個月面都學唔識咩叫"醒小小", 原來我發現佢呢個人鐘意人地黑佢面, 唔好同佢講咁多嘢, 佢先鐘意!

好煩!!!

人老左係唔係咁煩架!!!

奶奶今日入左嚟, 佢今晚已經講左3次, 都係同一樣嘢, 就係佢細佬人個孫去飲茶要食D乜要食D乜! 我知道人老左係會長氣D, 不過我真係頂唔順, 因為奶奶一個星期入嚟一次, 佢每次最少講3次, 次次都要我應佢, 我真係唔想應咁多次囉, 因為真係好練煩!!!

有口難言.............

心情不太好, 因為有D嘢解決唔到, 但係又唔可以攞出嚟講..........唔開心............

半忙的半天~

滕滕尋晚真係叻, 除左醒左叫我要番過嚟同我地瞓之外, 佢冇發惡夢發醒, 可能佢真係知道會比人鬧呀 ! 所以醒左一陣十點幾見佢咁勁, 就帶佢落supermarket啦! 打過冷, 就洗左二百幾蚊, 你話而家d錢幾唔見洗呢~

老公同事叫老公掉更, 所以比老公瞓到12點叫佢起身, 咁下午我地就可以出街喇, 真開心!

原本想上山頂, 不過老公今晚番通宵, 我怕時間唔多夠要趕住番屋企, 所以去左TST!

原本打算去TST太空館, 不過出到去都兩點半喇, 因為個plan係首先去坐小輪來回, 跟住先去太空館架, 不過來回小輪, 食埋M記, 都已經四點, 所以太空館取消, 下次先去!

尋晚突然好想同滕滕去搭下船, 因為佢咁大個仔都未搭過, 所以我地係TST搭去灣仔, 跟住由灣仔搭番過嚟TST!

滕滕好開心, 一路搭都四周圍睇嘢, 最叻就係佢冇亂咁郁, 可能佢真係怕會跌落海呀  !

來回船之後, 我地就去左Ocean ctr., 咁啱就已經有聖誕燈飾喎!

 

不過, 真係好多人囉, 想搵個好位影下相都難!

就係咁樣, 好似好忙咁就過左半day 喇~!

當然滕滕就最開心啦, 因為玩足半day 之餘, 仲買左架搖控車!

 

 

滿足~

今日, 同學幫個女去開B-day party, 我同滕滕兩點鐘就到左喇, 原本同學話d腳斉晒, 佢都冇份打, 但係點不知只得佢伯娘同埋伯娘個女到左, 以我同學份人, 佢一於唔放過啦!

明明話4點切cake, 點不知表嫂遲左好多, 攪到成5點先有得切! 好後悔呀, 我一張相都冇影過, 只有主人家影咋! 其實理應ok啦, 最緊要有影啫, 只可惜, 我呢個同學唔係成日up-load相架, 所以都唔知幾時有得睇!

滕滕呢, 原本入左屋就話好驚, 玩玩下, 同學個伯娘好似驚d囉, 因為佢問我"你個仔玩到咁癲, 你怕唔怕佢今晚發惡夢呀?!" 我都答得佢幾衰, 我話"如果發惡夢, 咪抵死囉, 邊個叫佢玩得咁癲呀!"  亞伯娘聽到我咁答, 當堂話我抵死, 好心唔好咁衰啦! 乜好衰咩? 咁我講事實之嘛  !

滕滕玩得開心之餘, 我都打得好開心! 雖然我係叻, 但係過到引! 而且打得咁細, 窮百幾二百都唔緊要啦, 又唔係成日, 開心就ok囉!

結果, 打到8點鐘就食晚飯, 食完就番屋企喇, 不過滕滕仲好唔願瞓, 我問佢眼瞓唔眼瞓, 佢答我眼瞓, 不過唔瞓!  見佢咁開心, 就破例11點先瞓喇, 唔使5分鐘, 就已經zzzz zzzzz zzzz...........

我家的麻煩爸爸!

我有時真係好頂唔順老公, 樣樣要求都咁高, 大佬, 好難下下滿足到你架!

買左支浴室暖管, 裝左喇, 今次都算快, 買左番嚟兩個星期, 比我串幾下就終於裝好!




不過, 唔好以為裝好左支暖管就可以安落晒, 因為個拉繩開關唔係咁方便, 所以個插蘇制要換一個有開關就會比較好D! 我叫老公去買番而家廚房用開嗰個, 不過老公就話係荃灣搵左好多電器鋪都搵唔到, 屯門都冇! 乜真係咁難買咩? 唔通而家唔出? 唔係卦, 有開關制嘅插蘇, 應該好comment 架!

老公同我講, 佢係出面見到嗰d個開關制佔左成個插頭嘅一半, 同埋開關制係凸左出嚟, 唔夠型喎~!

我: 唔夠型?????? 買個插頭, 唔使講型吓嘛? 唔怪得你話冇啦!

老: 更係要啦! 唔型買嚟仲乜呀!

 

我: 嘩~ 你想要有幾型呀! 只係一個插蘇咋喎!

老: 我見到嗰d, 個開關制都係凸左出嚟架, 我就係唔想要凸出嚟, 一d都唔夠型!

我: 我唔見得你又有幾型囉! 買個插蘇都話要型!

老: 戇居!

結果, 我叫細佬同我去鴨記搵, 最後, 細佬真係幫我搵到呀, 我仲一買買左4個!

老公問我係唔係痴左線, 買咁多都唔知仲乜! 我答佢: 更係要買多d啦, 我相信4個都應該夠你餘生用架喇, 如果過左唔知幾耐, 你又話要買d型嘅, 咁我去邊到搵比你先!!!

 

 

 

有d扯火~

每逢就嚟Christmas, 我都去係JUSCO到買左D聖誕卡, 寄比客同時又寄埋比d frd!

以前, 可以搵到d 卡係深紅色信封, 係呢5-6-7年, 真係好難搵, 就算搵到都好貴, 唔係成疊成疊咁賣! 今年居然比我搵到有紫色架, 更係第一時間買啦!

不過, 唔知仲咩, 明明係攞左3疊都係紫色, 番到公司, 發現其中一疊嘅信封居然係紙皮啡色!  不過, 唔緊要, d紙皮啡色就只有10個, 咁呢10個, 就寄比d已經冇乜再落單嘅客啦!

而其他紫色嗰d, 一路寫, 就越嚟越覺得好warm, 因為紫色信封+紫色水筆, 再襯埋我d紫色甲油, 真係浪漫到暈!!! 所以越寫越開心!

但係, 跟住之後老闆入嚟搵我, 一見到d紕皮啡色, 就即刻問我: "仲咩買埋d咁cheap嘅聖誕卡呀?!"

佢講完, 我就即刻無名火起, 「好客氣咁」問番佢: "乜好cheap咩?! 哦~唔緊要! 呢d我掉晒佢, 買番d廿幾三十蚊張番嚟寫過佢囉!"

老闆成Q日都話我買D平嘢比D客架! 咁我想問, 生意唔多好, 係唔係唔需要同公司慳先?! 只係一張卡, 個客收到, 最多放係枱面過聖誕啫, 唔通佢見張卡咁靚, 就儲存起佢, 死左都帶埋落官財咩! 咁既然咁cheap, 我需唔需要搵間公司同我整d金薄落張卡到呀?????????

安落晒~ 不過好貴!!!

滕滕未出世, 咁啱信用卡可以用積分加二百幾蚊換支OTO紅外線探熱針! OTO喎~ 咁筍就更係第一時間換左佢啦!

以為自己買到筍嘢啦, 點不知支OTO都幾流, 探出嚟差成1-2度!  大佬, 發緊燒好大獲架嘛, 差1-2度喎, 即係101? 102? 定係103先? 所以如果半夜知道覺得好滾, 我就會用水銀探熱針去肛探, 費事lai嘢啦!

到左番學, 朝朝就要嘟一嘟, 寫抵係個report到朝早交比老師!  咁呢d時候, 差1-2度都唔緊要啦, 橫掂都冇唔舒服, 大約就ok喇!

今日, 把心一橫, 放工終於去左買, 買左支新嘅紅外線探熱針喇, 因為諗左成個星期, 都覺得唔係辦法, 因為遲早都好似要換, 不如早d換左佢好過啦! 老公而且又好巴閉咁話, 佢嘅要求只係"容易操控及準確", 所以非佢莫屬!!!

呢支嘢, dr都係用佢, 佢自己都話自己準確到有99%, 所以如果可以用夠3-5-7年, 咁為番條數, 都係抵嘅! 

天理何在???

表姐8月問我借錢, 係借錢時話分兩個月還番比我, 上個月因為屋企整廚柜買熱水爐, 追左表姐一次, 佢先還番一半比我! 仲要我講大一番說話解釋點解要叫佢還錢! 一唔追佢都唔會出聲, 一追佢, 佢就話諗住6000到左就諗住一次過比番我! 

6000蚊我就到左手, 大部份朋友都到左手, 所以我今日又同佢追埋嗰一半! 我同佢講, 藉口係我同老公嘈交, 話老公話我屋企冇錢都仲要借比人! 表姐一覆番嚟, 好撚串囉, 佢話一場表姐妹唔使咁嘅, 呢個月尾還番比我! 叫我放心, 點都唔會拖我嘅!

喂, 而家咩世界呀? 乜爭人錢仲咁嗅串?!

佢又同我講, 佢今個月得番一千蚊用, 咁點解得番一千蚊用,  又去街嘅??? 一家四口呢個月係得一千蚊用, 乜仲可以去街咩??? 佢同我講話佢未有6000蚊, 唔係卦, 我唔係好信囉, 未到我地呢批登記, 佢同佢老公就已經晨早去登記左啦!

而家問佢又話打算今個月月尾! 無錯, 上一次話7号比我就7号比我, 但係都係要我出口先話7号, 咁即係如果我今日唔問佢, 下個月先問, 就話打算唔知幾多号會還比我啦!

真係好撚興幸, 佢話問我借多二千嚟"袋住", 我冇借到比佢!

"冇喎!"

唉~ 今日又同滕滕去睇醫生喇!  上次發完燒好番一個星期就開始咳喇, 頂左一個星食猴早散都唔得, 越咳越緊要, 尋晚仲瞓瞓下咳到嘔! 其實嘔都好架, 因為隻豬仔有鼻涕都唔"申"左佢出嚟, 食日索番晒入去, 叫極佢"申"都唔肯, 咁一次過嘔左大部份出嚟, 起碼唔使頂住係個喉嚨到, 舒服左好多啦!

DR話佢上次啱啱好番就轉天氣, 咳係好正常架, 再加上滕滕都只係啱啱好就轉喇, 所以又起過囉! 死唔死吖, 工人姐姐都話點解滕滕一個星期就去睇一次醫生, 點算呀!

呢兩日, 我耐唔耐就問滕滕, 工人姐姐平時有冇"meet"佢, 問左7/8次都答我"冇喎"! 為左確保滕滕知道咩係"meet", 我就叫佢試下"meet"我一次, 好彩~ 滕滕真係知道咩係"meet", 所以滕滕答得我咁firm係冇, 我估應該個工人冇"meet"佢囉!

家長日!

今日係第一次家長日, 同滕滕番學校見老師, 見完, 原來老師嘅魔力係咁大架~

老師話滕滕係學校都幾乖, 以前做每一樣嘢都好急, 專注力唔夠, 而家就學識左等待, 忍耐同埋可以開始用心聆聽(不過都係短暫)!

係學校乖, 但係係屋企唔係呢, 又擒枱, 叫極又唔聽, 我係屋企就仲死多兩錢重, 食飯就曵到嘔血, 又掟車又食紙巾又食手指, 總之差唔多乜都做斉!  牙又唔肯刷, 我係到時飯就唔肯自己食!

老師問係唔係因為我好少時間陪佢, 可能佢想引我注意, 其實少時間就更架啦, 每晚放工番到嚟都7點幾8點, 玩得嗰一陣就要上床瞓覺喇, 夜左瞓, 第二朝佢就同我講"軒軒唔起身呀~!" 所以最多時候陪佢, 咪就係星期六&日囉!

老師又話, 滕滕好多自己應該要做識做嘅嘢, 佢都唔多出手, 例如去攞書包, 將個杯杯同毛巾盒放番落去, 但係隻豬仔就唔攞, 要老師幫佢攞埋書包, 打開個袋, 佢就放入去喇! 例如好似著褸咁, 同佢穿左隻袖, 佢都唔申隻手出嚟!  我同老師講, 我都唔想咁, 因為個工人成日都想快D攪掂佢, 等得佢嚟, 個工人都幫佢做左, 最緊要係唔好阻住佢做嘢, 我已經都話過個工人唔可以成日幫佢做晒, 不過耐何我唔係係屋企, 只有就係不停咁同個工人講, 叫佢唔好幫滕滕手!

仲有, 老師話滕滕係學校比小朋友推倒, 唔識話比佢知喎! 老師話滕滕唔知道咩係佢自己嘅權利喎! 嘩~ 唔係嘛,咁細個邊知道自己有咩權利呀, 你估係佢亞媽我咩?! 所以由而家起, 我不停咁同滕滕講, 係學校比人蝦, 要同老師講呀!!!

同老師一路傾, 老師就問滕滕點解係屋企咁曵, 而隻豬仔就當然唔答啦! 但係, 番到屋企, 藥力開始發作喇, 滕滕開始樣樣嘢都話自己做, 自己做!

嘩~ 點解老師可以咁勁嘅???!!!

開心快樂的一天!

今日好忙, 因為要走兩場!

第一場, 係兩個小學同學結婚, 我去左觀禮! 識左成廿幾年, 佢地兩個而家先tak得著, 仲要係火速結婚, 拍左拖半年就結喇, 之前我地成班同學仲話輸賭, 買佢兩個一年到先結婚, 點不知爆冷!!!

希望呢個係佢地大家嘅最後一個啦, 因為大家之前都行左好多冤枉路, 如果可以的話, 我都想佢地結完婚就最好即刻有左潻, 因為個女同學好鐘意小朋友, 咁快d生囉, 就唔好拖喇, 年紀又唔係細  !

第二場, 就係今晚約左班舊同事食飯喇! 舊同事, 我只係得一班咋, 咁大個女都係轉過一次工, 如果問我點樣對付d賤人, 我就ok, 但係如果問我見工嘢, oh, sorry! i don't know!

同事, 就係咁, 一斉做嘢, 始終有利益衝突, 好多時都會因工作而嘈交, 而家大家分開左, 就可以好開心咁又講又笑, 感覺上開心過以前!

而家有whatsapp真係好, 成班人chat, 又唔使繼個send message, 真係方便! 不過, 唯一就係而家仲有人唔係用緊智能電話, 所以我都仲要用人手call 佢地呀!

 

吓??? 唔係亞嘛~~~

尋日老豆入嚟睇下我d廚柜攪成點, 食完飯走, 老公就車埋老豆番屋企就番工喇!

老公今朝打比我, 叫我冷靜d, 唔好咁激動先同我講, 原來老豆尋晚講, "好似"睇到個工人"meet"滕滕大肶!

唔係嘛??? 虐我兒???  今朝我打比老豆, 叫佢由頭講一次比我知係點樣, 咩情況睇到個工人"meet"滕滕! 老豆話佢都唔肯定一定有"meet", 因為佢都係寧轉頭一剎那望到好似係啫!

我同老豆講平時滕滕對個工人都係一般, 冇話好黐佢, 又冇話唔黐佢, 有時瞓覺仲會bye bye不突止, 仲要錫一啖先去瞓! 咁表面正供睇落, 個工人好似冇咩嘢吖!

同老豆講個工人, 老豆居然自己爆左出嚟, 話佢兩個星期到就比一舊水個工人, 即係一個月比兩舊水!  唔hea呀化, 無啦啦仲咩比錢個工人呀, 錢多咩! 老豆話, 佢唔想個工人對滕滕唔好, 所以呢d錢都要洗架!  老豆呢個收買行為, 真係同我差唔多, 因為我地兩個都好識做, 應該係咩時候去做行賄, 就幾時出馬! 呢招, 其實真係好洗好用!

所以我同老豆講, 個工人應該唔會大膽到你係到都"meet"滕滕嘛, 想死咩! 不過, 都仲要時間有待觀察!

終於攪掂!

個廚柜終於攪掂晒喇!!! 由今朝8:30開始執嘢, 9:30開始整, 攪到黃昏5:30終於整好晒喇!!!

見到個廚柜真係好有滿足感, 因為好簡單, 只係白色柜, 再加鋁框磨沙玻璃, 冇明顯門手抽! 所有嘢都係我選我決定, 只係通知老公一聲個柜咁咁咁!

仲有一樣開心事, 就係, 老公比我串一串嘅情況下, 佢居然肯同我裝左支浴室暖管喎! 支暖管, 我舊年已經開始睇架喇, 咁啱撞正我個fd間公司有喎, 仲係最後一支, 四舊水平比我!

不過, 攪笑嘅係, 今日已經18度, 老公居然裝左支暖管之後, 條電線&插蘇收埋左係個暖管上面!!!

真的好很窮!!!

我唔係有錢人, d錢又唔係多到不停咁買埋d唔等用嘅嘢, 平日我都好慳, 只不過有時會買下d比較貴嘅嘢, 因為計過條數, 貴小小嘅嘢就比較耐用d, 計番條數就仲抵過買d 平嘢!

d人見到我用埋d 比較貴小小嘅嘢, 就以為我大把錢, 一個二個就走嚟問我借! 大佬, 係唔係我下下買嘢計條數都要list出嚟比大家睇先???

d人走嚟問我借幾百, 如果我話冇就擺明唔想借, 咁就會傷感情! d人走嚟問我借幾千, 如果我話冇, 都即係擺明唔想借! 咁即係點~ 即係借幾百、借幾千如果我都話冇, 都係一樣傷感情! 咁請問可唔可以唔好問我借錢呀!!!

我唔係嗰d見死不救嘅人嚟, 但係你地d人成Q日都lonely, 一年三百六十五日冇一日係有錢, 咁請問我點幫?!

由而家起, 我會耐唔耐叫窮, 因為我唔想再借埋d錢比埋d無謂人去做埋d無謂嘢, 同埋, 我要再追番D數, 唔想再比人拖!!!

新屎坑~

其待已久嘅電子磅已經到左喇!  滕滕都唔知咩事, 只係知企左上去D數字會跳跳跳!

<sub>豬仔而家有成14.7KG, 即係有32磅咁多, 唔怪得而家抱唔到耐啦!

而我呢, 都幾大獲, 都有成52KG, 即係有114磅! 死啦, 成世女都未好似而家咁, 好鬼重潻!</sub>

攰過番工~

今日, 見到滕滕冇咩事, 老公又放假, 我地就去左沙田個SNOOPY LAND到喇! 嘩~ 不知幾鬼多人呀! 只係咁細個遊樂場, 都已經可能成百人喇!

 

嗰到有架舊式巴士, 不過架巴士裏面乜都冇, 計位都冇, 可能係比D小朋友係上面走呀玩呀! 只係中間兩邊車轆位係高左一級! 最攪笑就係有兩個十三四歲嘅女仔, 係上面開餐喎!  巴士上面最少都有10個小朋友啦, 係上面開餐食麥記??? 滕滕同我講佢想飲水水, 咁我咪攞水比佢飲囉, 個豬仔好似好得意咁, 除左對鞋就踏落嗰兩個女仔杯汽水到喇, 其中一個女仔見到, 就即刻啤住滕滕! 我都知滕滕唔啱, 不過架車又唔係大, 又咁多小朋友, 仲咩佢地兩個要上嚟開餐呢? 所以我同佢地講, 食嘢唔好係到食喇, 咁多小朋友係到走嚟走去, 遲早佢地D嘢食都係比小朋友整到架咋! 結果, 兩條女好唔LIKE咁走左喇!

 

係個遊樂場, 我就負責睇住滕滕, 老公就去排隊, 去排玩船, 就係呢個船, 差唔多足足排左成粒鐘! 老公就精啦, 我話佢排隊咁悶, 不如我幫佢排一陣, 但係佢就話唔好唔悶! 因為, 跟住滕滕要跑住睇住佢, 真係好鬼攰!

 

今日同奶奶一斉出去, 再去二姑奶到食飯, 食完飯已經發覺雙腳好攰, 奶奶笑住話: 你今日仲辛苦過番工呀!

又係失望的一天!

原本, 今日應該好開心, 因為我已經預備一連串嘅節目比滕滕!

 

今朝約左10:00 interview, 跟住約梓祐同嫲嫲飲茶, 飲完茶就去太古探我個FRD, 玩完就黃昏番屋企同老公食飯!

 

不過, 可能尋晚ZIP襯呀, 今朝7點, 滕滕就鼻塞到瞓唔著, 我話同佢去DR到, 要食甜甜, 佢都話好呀! 所以去完interview, 就去睇DR, 睇完DR 約左梓祐飲茶之後就番屋企喇!

 

原本又係諗好晒好多街去架, 而家又冇啦!

賤口姑姐!!!

今日表弟生左個仔, 去飲滿月酒, 我已經都開始唔介意見番我 d 姑姐, 不過奈何, 我最細個姑姐把口真係嗅到仆街, 而且仲好黑人憎!

 

呢個細姑姐, 把口永冇收口, 一埋席冇耐, 就問我滕滕係唔係有過度活躍症, 因為滕滕坐咁耐都冇停過!

 

滕滕一路食嘢, 都冇話過要落地唔肯坐, 只係不停咁攪枱面上面d嘢, 請問, 咁樣就有過度活躍症架嗱???

 

細姑姐話滕滕就算有, 都唔係多喎, 似係有小小嗰種, 我答佢有過度活躍症嗰d, 坐唔到係到架! 不過細姑姐都仲繼續係到再講, 話唔係多, 似係小小啦! 所以我就即刻幾大聲咁同滕滕講: "你好快d食飯喇, 你姑婆話你有病呀!"

 

呢個姑姐似住個老公係廠長收入唔係少(不過我覺得最多4/5萬一個月), 就成撚日見到人地揹d揹袋, 就問人地咩牌子, 家姐帶條鏈又問幾多錢! 今晚去飲, 又問第二個姑姐仲咩唔用個A貨LV!  佢都痴撚線, 自己話用A貨唔好, 怕比人知, 但係就比個A貨個二家姐! 真係想那星佢囉! 之前都比過一個我亞媽, 幸好比我掉九左!

 

好! 今年過年, 我要買個手袋比亞媽!!!!!!!!!!!!!!!!!!

點都係香嘅!

滕滕細個bb嗰時, 我同老公都好鐘意聞滕滕d腳趾"喇", 因為貪佢有汗出, 有嗅味! 再加埋d BB味, 對腳就真係堅好嗅都冇人有!

 

唔知點解, 滕滕大左, 對腳冇咁大汗, D嗅味就小左好多, 唔係咁好聞!

 

不過, 老公同我講, 滕滕夜晚瞓左覺, 著住條片, 有D尿味, 係好好聞! 其實滕滕每晚一瞓著, 成個身都出晒汗, 就算臨瞓前換左套乾淨睡衣先上床瞓, 都會成身濕下, 到十一點幾十二點, 我都要同佢換汗巾! 而呢d酸縮味, 都係我鐘意嘅, 再加埋d尿味, 真係都索幾下~~~!

又嚟好緊張!

10月31日晚上18:00之後, 樓下間幼稚園就開始可以download份application form, 11月1日學校先有得派! 不過31号晚, 我個FD就話學校門口, 就已經有人放定櫈仔排定隊喇!

有個朋友個仔今年係我樓下間幼稚園讀K1, 佢同我講間學校有成14個西人老師!

"14個西人老師", 一聽到呢個位,我就流晒口水喇, 所以download左份form, 今朝老公交左, 仲即時約左今個星期六in!

一個迷!!!

奶奶屋企固網電話完約, 原本打算射番個波比老公攪, 佢一句話唔識就唔攪!

喂! 我自己亞媽就話我攪啫, 咩事唔係我屋企d嘢都要我攪先???

好算! 老公死死地氣求我幫佢攪, 見佢咁有誠意, 咁好, 我攪, 大人不記小人過!

本身奶奶個電話係老爺個名, 所以就fax死亡証比佢地先可以轉到我個名!

因為d電信公司成日張d嘢攪到複雜化(等我地d人唔明唔使理, 就算比多錢都唔知就唔使追), 個截數日同個合約開始/完又唔可以整到同一日, 所以預繳左嘅電話費, 就會因為合約完而多左! 但係因為轉左名, 所以多左費用, 係唔會pass過嚟我呢個a/c! 而最攪笑, 就係我已經比左登記人我老爺個死亡証佢地, 但係佢地話, 之前比多左嘅費用, 張票都係仍然寫番老爺個名!!!

我同個小姐講, 問佢點解佢公司咁唔make sence, 我都比左死亡証佢地啦, 仲開張票比個死人仲咩事先??? 燒比佢呀??? 我既然比左張死亡証你地, 最多話要奶奶同老爺張結婚証明書, 証明佢地係夫妻關係, 咁張票就開比奶奶, 就正常囉! 
 
結果, 個小姐問完覆我, 都張票都係要開老爺個名, 收到張票, 就連同奶奶&老爺張結婚証明書+死亡証去佢地門市到換過張票喎!

都痴交線!!! 多此一舉!!!

死人仆街&quot;香港寬頻&quot;!!!

屋企固網電話係8月31同pccw合約滿, 就係7月20日, 我打去香港寬頻登記, 同佢地簽新約!

係對話當中, 我已經三番四次同個小姐講, 我係pccw係8月31日先完約, 唔該你地睇清楚先好同我勾線出嚟!  而嗰個小姐都再三提醒我, 師傅裝線嗰日會比張"客戶終止服務通知書"我, 要寫番pccw個登記人, 同埋係佢公司個登記人資料, 如果裝線後30內我冇fax番比佢地, 咁就會有extra 嘅收費!

7月23日, 有師傅上門安線, 個師傅比左份form我, 亦都有提醒我, 叫我30日內要fax 番去佢公司, 如果唔係就會另有費用!

係7月25日朝早, 我就張份"客戶終於服務通知書" fax去香港寬頻!

不過, 係8月25日, 香港寬頻就同我係pccw勾走左條線!

佢老味, 跟住我就收到pccw寄左封信嚟比我, 罰我比 $440!!!

我打去pccw問, 點解我都比晒成個合約內嘅全部月費啦, 仲咩仲要收我$440? 如果我未完約而唔比月費就勾線, 就話罰我 $440啫!

其實pccw都好賤, 佢話就算你比晒合約內嘅所有月費都要罰錢, 因為你係合約未完就勾線喇!

你話, d電信公司幾撚九吖!

而香港寬頻, 都唔撚弱, 我打去同佢理論, 我話我打嚟同你地簽合約嗰一日, 我都三番四次好清楚咁同你地講, 要8月31日同pccw合約完左先好勾線, 而家無啦啦係8月26勾乜嘢先?

佢地個答案都好Q無懶, 佢話因為我份"客戶終於合約通知書"上面冇註明係幾時要佢地勾線, 咁佢地收到我份FORM就由嗰日計起嘅第30天就勾線喎!

我問番香港寬頻, 佢地份"客戶終止通知書"上面, 跟本冇一欄係要我地寫番係舊公司幾時完約? 上門師傅亦都冇叫我搵個空白位填番幾時合約終止嘅資料! 而佢地番查錄音, 都話我當時confirm 合約嗰時係有講得好清楚我係8月31日完約! 咁我係記得好清楚confirm 合約嗰日, 咁既然已經講得咁清楚, 而份"客戶終止通知書"上面(我都睇得好清楚)又冇一欄係要寫個舊contract 係幾時完, 幾時可以勾線, 咁點會無啦啦會有意識係上面空白位再註明個舊contract 幾時完呀!!!

所以就係咁, 我就send左d資料比消委會! 消委會10月中第一次回覆, 佢話香港寬頻話自己有責任, 但係我都有, 因為我係份"客戶終止通知書"上面冇寫明幾時先可以勾線喎! 而香港寬頻覆番, 用番電話正價嚟計, 去扣番220比我!

sorry! 香港寬頻係唔撚係痴左交筋??? $220, 冇可能囉, 咩我都有責任呀??? 我已經係電話到講得好清楚我係8月31日先完約架! 係佢地d staff做錯嘢, 我點樣有責任呀!!! 都交交地架!!!

與此同時, 我收到收數公司電話, 係追pccw個罰款費! 我都好串, 我同個收數亞哥講件事係香港寬頻攪錯, 提早勾左線出嚟, 而家我已經pass左去消委會, 叫佢等等啦! 個收數亞哥就不停叫我跟跟, 係咁叫我跟跟, 咁我就忍唔住問佢, "請問跟咩呢??? 我都話pass左過去消委會啦, 請問仲要跟d咩呀? 你成日係咁叫我跟, 仲有咩要跟呢? 有咩都pass左過去啦, 就算係跟, 都係消委會跟啦? 係咁叫我跟, 我就真係唔知仲有d咩要跟喇? 不如你話比我知有d咩要跟啦? 你係咁叫我跟跟跟!!!"

到左今晚放工番到屋企, 收到消委會封信, 佢話香港寬頻話括免我由2011年6月至10月嘅上網費用$440!  我每個月上網都只係$99, 就算6月至10月加埋都係 $396, 何來係$440??? 再者, 6月至10月嘅上網費我都已經比左, 時間都已經pass左, 請問括乜春???

仲有, 消委會封信, 話如果我仲係唔接受, 就叫我去小額喎!

你話, d電信公司幾撚仆街冚家產吖!!!  明明聽番電話錄音, 都答番我係好清楚有講, 但係因為張form我冇填番幾時完約喎! 你話賤得幾交關!!!!!!!!!!!!!!!!!!!!!!!!!!!!

真係慘!

星期五嗰日番到屋企, 滕滕已經係101度, 帶左佢去睇dr, 食左退燒藥, 不過半夜就發到差唔多103!

亞媽, 又要起身同佢食退燒藥之餘, 就仲要同佢抺身啦! 不停咁抺, 不停咁抺!

唔係話我抺, 滕滕就係比我抺, 因為半夜嚟架嘛, 又開左燈就係到嘈話要熄, 同佢抺面佢又話唔使, 同佢抺腳又話好痛, 跟住就發忟憎喇!

喂喂喂! 你眼瞓時, 估我又唔眼瞓架! 半夜三點幾我都仲要起身, 我都好眼瞓架喎!

而且, 老公第二日要番早, 我唔想豬仔嘈到佢老豆瞓唔到, 所以真係忍唔住柄左佢: 你好喇喎, 唔好再發皮氣喎! 你好眼瞓, 媽me都好眼瞓架! 而家你發燒, 我同你抺身, 你都仲要係到發忟憎!  你估我唔想瞓覺架, 我都好眼瞓架! 所以你唔好再嘈喇吓!

鬧完, 滕滕就即刻收左聲喇! 不過係我心底, 就係到笑緊囉, 因為我鬧完佢, 就覺得滕滕好慘喇, 唔舒服, 發下忟憎啫, 都要比人鬧!