今日上左深圳見客, 由5:00等7:00, 因為個客買電話買都HIGH左, 佢比我睇......嘩,使唔使法拉利電話呀! 仲要買左2部......
原本諗住同佢去食海鮮, 跟住見佢買番蛋嘢買到咁HIGH, 咁就梗係問佢仲使唔使買手袋呀, 錶呀之類啦, 呀, 點不知, 都啱! 去到之後, 一買, 就買左6隻錶, 買左30幾件BB衫, 一共 $3,000! 咁當然, 海鮮就梗係食唔到啦, 所以就求其搵左間酒樓食飯就算啦, 不過食飯嗰時, 都已經 10:00喇!!! 食食下, 都發覺唔對路, 因為我突然醒起, 羅湖好似11點幾就關, 如果我地過唔到關......就要係深圳住一晚喇!!!
當然我亦都唔想啦, 因為我起初諗住頂盡九點幾走架嘛, 而家11點幾都仲係深圳, 我都不知幾卦住我嘅滕滕呀, 所以我都同個客講, 要趕過關呀, 唔可以同佢去上車, 好彩個客都知道真係好夜, 所以佢地都好快咁食完就走喇!
成日都冇見到滕滕, 一番到去, 佢都已經瞓左覺, 咁就唯有去索佢兩索, 補償番我今日單思之苦!
直至尋晚, 滕滕都已經冇再醒喇, 所以每馮佢係7:30-8:30呢段自己係到high之後, 我就同姐姐講, 呢段時間同只係限於同滕滕講嘢, 唔好同佢玩, 因為我真係唔想半夜三更起身喇!
所以我而家知喇, 佢high完一輪就算啦, 唔好同佢玩到咁癲!
今晚, 滕滕終於得左喇, 佢係自己張床到反轉左呀, 反左之後, 個頭升起, 仲要hold左好耐呀! 跟住過左一陣, 又反番轉, 但係反完呢次之後, 唔知係唔係好攰, 就反唔番, 之後就好唔alike咁嘈左兩聲, 就要抱喇, 唉!
唔知點解有呢個習慣, 同埋幾時開始, 我每晚臨瞓前, 一定伸個頭去滕滕個床頭, 望下佢之餘, 仲索下佢d味......好索好索, 好好聞, 好好聞, so so地, 又香香地...........
睇見佢瞓左個樣, 真係好懵, 懵得好緊要, 又好好笑! 亞dee仲問, 點解滕滕瞓左個樣咁鬼懵, 跟住我就話: 似你囉, 同你一樣, 個樣一樣都係咁懵, 如果唔係, 我又點會比你厄左番嚟呢!
今日, 我地去青衣城要做兩件事, 第一件事, 就係去睇車, 第二件事, 就係去搵小雲小吉影相!
5:45PM我地就去到青衣機鐵站下面嗰到睇車, 亞dee一路睇, 我就同滕滕企埋左一邊係到等, 等等下, 居然見到工人姐姐! 你話呢個世界幾細呢, 咁都會碰到! 我同姐姐講, 我地一陣係呢到上面食嘢, 你同唔同我地食呀? 跟住佢就話, 唔同喇, 我約左朋友呀! 咁好啦, 跟住佢就走喇! 去到7:50pm, 工人姐姐打比我, 佢話佢係出面等緊車, 問我地走未, 但係, 因為當時我地仲係到排緊隊影相, 所以我就問佢等唔等埋我地先一斉走, 我地要影埋幾張相先! 佢話好, 咁我就更係叫佢入嚟搵我地啦, 等等下, 姐姐居然拖住兩個14/15歲嘅"靚"妹行嚟! 當其時, 就更係問佢, 呢兩個邊個嚟啦, 跟住佢就同我講, 呢兩個係之前嗰個太太嘅妹同細佬嘅女嚟!
跟住我就"吓"左一聲, 講: 呢兩個係你之前嗰個太太嘅妹同細佬嘅女??? 因為呢兩個"靚"妹隻手係"Q"住姐姐架, 好似好鬼friend 咁, 所以我當時真係有打左個突, 因為真係好似好鬼friend 咁架!
我同亞dee, 大家當其時真係好???, 我都唔識形容, 因為真係冇諗過佢會同之前嗰個d小朋友咁好感情! 但係, 我地又係到諗, 冇理由佢可以即刻搵到兩個"靚"妹出嚟做戲吖........
尋晚已經第三晚喇, 滕滕3點幾又起身, 係到dum手dum腳, 仲要dum到鬼死咁嘈, 驚死我地唔知佢醒左咁!
亞媽話, 可能夜晚玩得high過頭, 所以半夜起身! 雖然第一晚要食番幾安奶先肯再瞓, 但係尋晚同前晚, 比個奶咀佢, 就得, 但係因為滕滕唔係好肯食奶咀, 所以都要同佢hold住個奶咀成半個鐘先可以放手!
呢個咁嘅曵曵豬, 無啦啦攪到我呢幾日又要半夜要起身!
軒軒, 唔好咁曵啦, 自從你出左嚟見到呢個世界之後, 媽咪已經唔夠瞓架喇, 你而家仲要半夜三更起身, 究竟你想點先?! 我打打你個pat pat 架!
終於等到星期五喇, 因為我明天要去老闆娘都睇我 d"風難"呀!!! 已經足足3個星期, 都未好番, 一唔食藥就又嚟料, 真係好痕好痕, 隻腳都已經比我抓到損晒喇!
尋日唔知點解覺得個工人好似識得睇中文咁, 因為我燒左d碟寫左d中文上去, 佢居然講到幾個字, 同埋, 再加上, 管理處有張memo話幾時改密碼, 佢居然又將嗰張memo貼左係個雪柜個門上面!!!我冇講, 亞dee 冇過, 咁佢點會知嗰張嘢係話改password呀, 而且嗰張memo仲係中文嚟潻.........
睇嚟, 呢個工人真係唔簡單!!!
自從有左軒軒之後, 就開始寫blog, 因為自己冇咩記性, 所以盡量都將d回憶留住, 而寫blog 就好似我自己嘅日記咁, 寫低左發生過嘅事同感受!
以前細個, 寫日記就好怕比人睇到自己嘅嘢, 但係而家寫blog, 就九唔搭八都可以睇到, 所以分別好大; 就係因為九唔搭八都可以睇到, 所以我係呢到可以識到新朋友!
出左嚟做嘢之後, 識都知心嘅, 真係少之有少, 因為人越大, 個防備心就會越高, 唔會咁容易交心, 同埋, 睇嘅嘢多左, 唔會好似以前細個咁, 真係九唔搭八都同人傾得一餐, 所以真係好開心係呢個blog 到識左個新朋友! 冇諗住只係講下嗰兩句, 就可以越傾越多, 因為講真, 如果有人同我傾, 我都未必會同佢傾啦!
人嘅關係, 真係好奇妙, 之前我同個乞e都好 friend, 真係諗都諗唔到而家同佢反晒面,唔明白點解佢而家咁pk, 咁冇人性, 連一個小朋友都唔可以放過! 有時回想起, 大家以前一斉去旅行, 你串下我, 我串下你, 有幾咁開心, 但係而家只可以講一句: 此情不再!
有緣份, 就做朋友, 冇緣份, 真係連見到一面都唔想!
今晚番到屋企, 唔知點解唔係好想望到、 見到個工人, 因為自從佢問我借$20,000之後, 我就懷疑佢之前話佢亞媽隻腳痛都係假嘅, 所以連講嘢都唔想同佢講!
食完飯之後, 我係廚房同佢講, 佢要借嗰 $20,000借唔到比佢, 因為自從滕滕出左世之後, 就用好多錢, 冇乜多餘錢可以借比佢, 同埋"達"埋我老公出嚟, 話佢唔鐘意借錢, 之前嗰個工人, 對滕滕粗魯, 又要借錢, 所以先抄佢, 咁你對膝滕咁好, 我地都想用你耐d 架, 如果唔係, 你未完約, 要去再搵僱主, 又要比人扣起4個月糧架喇!
講完之後, 佢就話唔緊要啦, 我唔趕架, 真係唔緊要架!
..........咁既然你唔係唔趕, 咁唔好問啦, 你玩嘢呀!!! 你咁問我, 你係想試探下我係唔係D錢多到可以四圍借呀!!!
上個星期三/四, 工人姐姐已經同我講, 佢亞媽話隻腳好痛, 問佢攞錢做手術, 但係佢又未出糧, 所以冇得比佢亞媽住, 但係直至星期六, 姐姐都忍唔住, 開左口, 問我借$1,500。當其時, 我一d都冇懷疑佢, 仲問佢$1,500夠唔夠, 因為我當時個心只係係到諗, 到左月尾出糧都扣番你, $1,500定$2,000都冇分別, 所以就即刻答應左佢喇!
但係好可惜, 工人姐姐, 你實在太令我失望喇, 星期六借完$2,000比你之後, 你好似借開有條路咁, 仲要咁狼, 問我借 $20,000話寄番去起屋, 用嚟買窗、買門!
我係到諗, 係唔係我之前答應得係太爽, 所以你諗住問得就問, 借得就借呢呢! 我所以之前答得你咁快, 係因為我冇懷疑過你, 同埋我同情你地呢d打工, 離鄉別井, 孤苦伶仃一個人係hk, 所以先咁快答你好, 但係好可惜, 你居然得寸進尺!
雖然我個軒軒係你手, 但係你要記住, 如果你未滿約, 我要抄你, 你可唔可以咁快搵到另外一份工先, 仲有, 你到時就唔止比$1500 agent fee架喇!
尋日我地冇出街, 買左嘢番嚟打邊爐, 因為亞dee 話咁樣順便補祝番拍拖週年紀念喎......我個心諗, 唔係嘛...........今年第一年同滕滕一斉過嘅拍拖週年紀念, 就咁就算係慶祝左...........???
原本都打算出去食, 不過一諗起係星期日就有小小卻步, 因為食晚飯, 一定要得好耐好耐同好耐..........所以算啦, 打邊爐咪打邊爐囉!
不過.....唔通, 往後嘅什麼慶祝都係咁求其? 亞dee話, 唔一定要有時有節先慶祝, 平日都可以當係, 但係, 你知嘛, 有d女人, 過時過節, 個mood 特別high架嘛, 如果唔係又點會有人發明d咩, 情人節, 生日, 咩結婚、拍拖週年吖!
呢兩日軒軒好扭計, 成日都要我抱, 一放底佢係張high chair 到, 就即刻發皮4!我初頭以為佢肚痛, 但係摸下佢個肚仔, 又冇嘢啦, 所以見佢係到發皮4, 就放番佢係佢自己張床仔到, 由佢發到夠為止囉!
姐姐尋日放完假, 番到嚟就同軒軒講: 等姐姐沖完涼就抱你呀! 我一聽到, 個心又有小小呷醋喇, 因為自從之前係隻眼到見到姐姐鍚左軒軒一啖之後, 我就好怕軒軒第日大大下, 跟姐姐唔跟我, 所以好多時我放工番到屋企, 食完飯, 沖完涼就抱下我嘅小寶貝! 所以尋日工人姐姐就講左一句, 叫我唔好成日抱佢!
唉, 抱又唔係, 唔抱又唔係, 咁我可以點呀, 我已經成日番左工, 如果番到去, 唔抱佢, 我又好唔捨得, 咁我可以點呀~~~~
軒軒, 你唔好蝦媽咪啦, 一見到媽咪就要抱抱, 唔抱你, 你就扭計, 仲要發大皮4.......你話我應該點呀???!!!
我今晚又去左 dr swe 到配藥, 因為d"風難"仲未好, 仲要係好痕好痕!
唔通真係係我坐月嗰時濕水入左風? 聽人講, 有d真係幾個月都唔走架, 死啦, 我唔係咁嘛, 如果一唔食藥, 就又嚟, 我諗我又要搵事頭婆啦!!!
呢兩日我都冇番工, 因為d"風難"上到去塊面到, 咁點出街先, 所以就請左兩日假休息下! d老人家講話我坐月時梗係唔聽講, 用生水用得多喎, 咁點啫, 唔通唔使做咩, 亞dee個亞媽又幫唔到手, 我亞媽一個星期先嚟一次, 亞dee又要番工.........
其實我都知架喇, 又冇乜點休息過, 都預左啦, 希望生第二個嗰時, 先補番數啦!
今朝帶軒軒去打針, 打第一支, 就叫左兩三句就收聲, 但係打第二支嗰時, 就叫左出嚟喇, 睇見佢咁, 個心都痛埋! 番到屋企, 工人姐姐就已經話, 軒軒講嘢唔同左, 唔係只係un估估, 仲講多左幾個音! 唔通打針打通左佢把聲??? 唔係卦, 不過我都覺得軒軒頭先講嘢好得意, 因為發多左幾個音, 但係又唔知佢講乜!
軒軒, 軒軒, 你一番到屋企, 見到姐姐就即刻笑, 我就知你認得佢喇, 不過媽咪就又開心, 又唔開心, 因為媽咪呷醋呀, 我怕你第日要姐姐唔要媽咪點算呀, 所以我放工番嚟, 我要湊番你, 同你喂奶, 咁你先至聞到, 認到我d味呀!
p.s. 軒軒今日磅重有 6.9kg呀, 叻豬!
今日成日係到諗, 點解我要為左呢兩個人渣係到咁嬲呢, 連我自己都唔知! 但係, 我只係知道, 佢呢兩個人渣, 真係連做人都不如!
我希望嫲嫲可以睇開d, 唔好理嗰兩個衰人, 因為呢兩個人無情反骨, 佢兩個有事, 嫲嫲就瞓身落去幫佢, 而嫲嫲只係要求想瞓得好d, 佢兩個都唔會叫個賓妹唔好去沖涼! 正乞衣!
之前嫲嫲都已經同我講過, 話佢嗰個工人嚟左之後, 梓祐嗰個pk後母都冇同個工人講要煮飯, 只係叫佢掃地、抺地、洗衫同換床單, 咁即係買餸同煮飯都係呢個成七十幾歲嘅老人家做, 甚至乎煲粥比佢自己嗰個仔食, 都冇叫個工人做!
我知道嫲嫲個心係到諗咩, 佢自己去買餸, 都係想個工人冇得打斧頭, 同佢個仔慳番d錢, 而自己煮飯, 係因為個工人叫佢煮飯, 佢就真係只係洗米, 連預備晚飯嘅餸都唔去做, 踢一踢, 就郁一郁, 所以嫲嫲就諗住算喇! 不過, 我諗過份就真係冇人好似佢個仔同個新抱咁過份囉, 嫲嫲話個工人星期日一起身就去沖涼, 沖涼嘈醒左佢, 跟住就同個工人講, 叫佢唔好沖, 但係佢個仔居然幫住個工人, 話人地去教會之前, 一定要潔淨身軀喎, 叫個工人沖涼唔好咁嘈咪得囉! 我真係好想問, 乜沖涼可以控制到嘅咩, 佢又唔係叫個工人用盤沖, 乜用花酒沖涼, 點樣可以唔好咁嘈呀???
梓祐有一次, 都係只係得一次, 叫個工人幫佢裝飯, 嗰個乞衣後母就問梓祐隻手係唔係跛左, 係唔係隻手癱左, 嫲嫲一聽到, 就即刻問佢使唔使咁呀, 叫個工人裝飯啫, 佢自己夠一d家務都冇做啦, 咁唔通佢成身都癱晒咩, 跟住嫲嫲就同呢個乞衣後母開鉋, 係言語之間, 佢話嫲嫲好成日幫住梓祐, 因為佢係到教緊"仔", (咁我又想問, 如果你係當梓祐係你個仔, 咁點解你要比d肺氣腫嘅藥水佢食呀), 跟住就你一言我一語, 講講下, 個女人居然同嫲嫲講: "我忍夠你喇!" 之後就抱左伕佢自己個仔出左去! 我真係想問, 你呢個女人, 忍夠嫲嫲d 咩呢, 之前個工人未嚟, 你唔同你奶奶講話忍夠佢?! 而家個工人嚟左, 你就話忍夠佢! 不如掉番轉嚟講, 話佢忍夠你呢個不知所謂嘅女人, 仲好啦! 個工人未到, 嫲嫲要同你湊仔同時, 又要去買餸, 又要做家務, 你放左工番到去, 家務一d都冇幫個手, 只係食完飯, 洗嗰兩三隻碗, 跟住就乜都唔幫手, 而家個工人到左, 只係叫個工人掃地、抺地、洗衫同換床單, 煮飯買餸, 一d 都冇諗過叫個工人做番!!! 個奶奶要你叫個工人每日去煲粥比你個仔食, 你就要個奶奶去教個工人煲??? 乜你請個工人番嚟, 係唔使識煮飯架? 乜d賓妹唔係要識煮飯嘅咩??? 唔係諗住, 個工人到左, 加埋你奶奶就有兩個工人服侍你同你個仔嘛!!!
去到呢刻, 真係好奇怪, 點解嫲嫲個仔都仲未出聲, 原因, 就係嫲嫲個仔都覺得, 開枱食飯時, 裝埋飯比個賓妹都冇問題, 早餐自己煮, 亦都冇問題, 因為佢地兩公婆都怕呢個賓妹會唔同佢地做, 怕好似之前嗰個咁走左去, 所以, 就當個賓妹神咁拜, 仲要對個賓妹好過自己個亞媽, 因為賓妹會走, 亞媽唔會走!!!
如果我係嫲嫲, 我會好唔開心, 因為個賓妹沖涼嘈醒左自己, 個仔都唔話個賓妹, 仲反而幫住個賓妹, 個賓妹唔煮飯, 居然話個亞媽唔教佢! 你話呢個咩世界呢, 佢地兩個遲早有報應!!!
今朝軒軒起左身, 等一時間, 居然冇係到喊, 只係係到衣衣牙牙, 咁好啦, 佢未喊住, 就更係由得佢, 等自己再懶下床先啦, 不過見佢到牙左一陣, 咪起身開奶比佢飲囉, 一望, 佢已經成個人打橫左咁瞓係到!!! 嗰一刻, 睇見佢就真係好攪笑, 自己搵隻腳仔踢下踢下, 就成個人90度咁轉左打橫, 而且隻腳仔仲踢住個床圍望住我係到笑!
仲有, 軒軒可能真係開始出牙仔喇, 今晚食完奶, 佢唔肯瞓呀, 仲好似好辛苦咁係到咬住個手套係到牙牙牙, 好似d牙肉好痕咁! 睇見佢, 又幫唔到佢, 真係好唔知點, 買牙膠比佢, 佢又未識攞.....不過, 我諗都要買左比佢先喇!
軒軒, 你大個仔喇, 好快你會識轉身, 轉左身之後, 你就識扒, 扒扒下, 你就識行架喇!!!
今日番到屋企, 工人姐姐話滕滕好多嘢講, 不停係到講嘢, 係咁係到 "un 估估"。
我一見到佢, 佢都望住我不停咁係到 "un估估", "un, un"下, 發現滕滕佢"un估估"之後就開始d"呀"音, 同埋儲埋一大啖口水係到"估估估", 真係好攪笑!
同埋, 今日下午, 亞dee 話滕滕唔肯瞓覺, 所以開左隻bb碟比佢睇, 一唔睇就由自可, 亞dee話佢一睇, 就仲多嘢講, 仲要睇睇下係到笑, 好開心! 所以我諗到係要買嗰套 "baby can ready" 比佢睇喇, 因為我都想佢叻d架嘛, 又或者好多小朋友都有睇, 只係佢冇睇, 咁咪好唔著數!!!
睇住滕滕有呢d成長嘅改變, 真係好微妙!
軒軒豬, 唔好成日係到"估估估", 快d叫聲媽咪先啦!
今日梓祐升中放榜, 所以一番到公司, 我就打電話去比梓祐, 問下佢派成點, 可唔可以派到佢自己心目中嗰間, 點不知聽電話, 係梓祐個老豆! 本身我都預左佢可能會聽電話, 因為當時只不過係九點幾, 所以聽到佢把聽, 我一d都唔出奇, 不過, 奇就奇在, 你明知係我打電話嚟, 大不了唔鐘意, 可以唔聽呢個電話, 但係唔使接左個電話之後, 唔出聲囉, 仲要我喂左你先講嘢!
我打電話去, 目的都係想知梓祐派成點, 見佢聽電話, 專重你係梓祐個老豆, 所以我先至直接問派位派成點, 但係換嚟你嘅言氣, 就係一隻蟹, 起晒 "降" ! 如果我係咁小氣, 大不了我可以收線, 唔問你, 等你唔係到, 再打去, 直接問梓祐, 但係從你呢個態度, 我發覺, 原來反轉豬肚就係屎囉, 你之前個老婆走左, 我二話不說就去幫你, 從來都冇同你計較過, 梓祐冇人同佢去溫書, 我一個星期去你到兩、三次, 睇梓祐d功課同埋同佢溫書。冇錯, 我當梓祐好似親生咁去教佢讀書, 做人嘅道理, 呢d 都係我自願, 我從來都冇諗過有咩要你回報, 但係係呢八九年裹面, 你連唔該、多謝從來都冇講過一句!
但係, 你而家為左呢個pk 女人, 就無情反骨, 反轉豬肚, 連個女人亂咁比藥你自己個仔食, 你都唔理, 仲要話咁樣係代表嗰個女人係對個小朋友好???!!! 你究竟係唔係有病呀? 定係個女人比左迷藥你食, 食到你懵左定係食到你溫溫燉燉呀??? 梓祐係你親生, 就連我呢個姨媽, 唔係親生嘅都睇唔過眼! 你仲要話我有病! 我相信, 如果係街到問任何一個陌生人, 佢地都會話有病嗰個係你囉, 比個pk 女人攪到你連一d 是非黑白都唔識分!!!
我咁錫梓祐, 我從來冇諗過想有咩回報, 我只係想佢第日係社會做一個有貢獻嘅人, 搵到出色嘅工作! 而且我亦冇諗過因為幫左你咁多, 而想你講句多謝, 但係呢世都估唔到你係咁無情反骨!!!
我今日幫亞dee攞個吊咀去 swarovski 到整, 因為其中有粒水晶跌左, 所以今日放左工, 去和記整完張電話卡, 就順便行過去ocean centre 到! 點不知去到比個吊咀個 sales, 佢就問我攞本証書喎! 咩証書, 點解有本証書, 我買嗰時都唔知嘅??? 原來本証書, 就係我買嗰時跟嗰本catalogue! 我買嗰時, 一直以為嗰本只係一本catalogue, 從來冇人同我講過呢本 catalogue 係保養証嚟!
仲有, 我問佢, 點解d quality 咁差, 因為個吊咀背部比d 汗 "拿"到有兩三個洞, 咁大間公司, 有乜理由d quality 差得咁緊要架, 咁如果唔掂得水, 咁不如佢地講明佢地d產品只係比人供賞, 唔可以戴架啦, 仲咩要比人放係身到啫!
真係一個迷啦, 又唔係平, 咁貴d 嘢, 仲要冇質素可言!!!
嘩, 近排真係黑到暈! 尋日星期六, 無啦啦公司張電話卡用唔到, 又話要入pin碼, 入完pin碼, 又話要入ruk碼.....哎呀, 咩嚟架!!! 打去和記, 佢話要落去佢地指定嘅service centre 先可以 release 到個 lock, 唔可以當報失喎, 仲要,只係得tst, central 同大嶼山, 咁... 咁... 咁, 即係冇得比我撰啦!
今日諗住燒個fd比我嗰套dvd碟啦, 點不知要 download個software先可以燒到, 但係download 個software 嗰時, 死機喎, window 都入唔番呀~~~~~~~~~~~
有冇咁黑呀, 黑完未呀!!!!!!!!!!!!!!!!!!!!!!!!!!!!!!!!!!
今朝晨咁早八點鐘就出左去廣華睇跌打, 雖然八點鐘就已經到, 但係係我前面就已經有成九十幾人, 我真係數過有成九十幾人架! 雖然八點幾, 個太陽已經好猛, 好多人都係到put扇! 係當排排下隊之際, 有一老男一老女係到講嘢, 仲越講越大聲. 起初我以為佢地係識, 但係個男人係咁鬧個女人, 話佢講嘢嘈到佢, 影響到佢, 跟住個女人就爻番佢, 話呢到係公眾地方, 佢鐘意講乜就講乜, 之後就越嘈越勁, 再者個男人就開始鬧個女人個"東", 真係係咁話住佢個"東", 仲越講越過份, 侮辱晒d 女人, 仲講到d女人賤過地底泥!
所以去到嗰一刻, 我就真係忍唔住, 企左出嚟鬧嗰個咁嘅亞叔, 我鬧佢使唔使下下都係到話人地嗰到呀, 人地嗰到幾時得罪你呀, 你都有亞媽生架, 你都係係你亞媽嗰到出嚟架, 有病就行遠d, 唔好係到痴線啦! 我鬧緊嗰個亞叔之際, 嗰個女人睇到我幫拖, 所以就又即係鬧埋嗰個亞叔一份! 不過, 我都唔想佢地再嘈啦, 所以我都同嗰個女人講, 你唔好理佢喇, 佢個口就嚟生cancer 架喇, 講埋d咁下流賤格嘅嘢!
之後個亞叔就冇再鬧, 收左聲! 係嗰一刻, 我真係覺得有d男人好衰, 點解鬧個女人可以鬧到一文不值, 話去做雞都冇人要呢, 嗰個女人只係講左一句好熱, 熱到好辛苦啫!
同埋, 我真係唔係好明, 個男人講嘅嘢跟本就係到侮辱緊d 女人, 企係我前後都有d亞婆係到, 佢地都唔出聲, 但係係我鬧完個男人之後, 佢地就係到話, 如果比我鬧佢, 就唔係咁簡單喎!......拿, 呢d咪就係叫馬後鉋囉!
鬧完個男人之後, 唔知點解覺得自己好勁, 好有正義感!
