尋晚已經第三晚喇, 滕滕3點幾又起身, 係到dum手dum腳, 仲要dum到鬼死咁嘈, 驚死我地唔知佢醒左咁!
亞媽話, 可能夜晚玩得high過頭, 所以半夜起身! 雖然第一晚要食番幾安奶先肯再瞓, 但係尋晚同前晚, 比個奶咀佢, 就得, 但係因為滕滕唔係好肯食奶咀, 所以都要同佢hold住個奶咀成半個鐘先可以放手!
呢個咁嘅曵曵豬, 無啦啦攪到我呢幾日又要半夜要起身!
軒軒, 唔好咁曵啦, 自從你出左嚟見到呢個世界之後, 媽咪已經唔夠瞓架喇, 你而家仲要半夜三更起身, 究竟你想點先?! 我打打你個pat pat 架!
我個臭豬有時四五點都會响到嘈嘈項貢, 我都係比個奶滋滋佢, 都係成功架; 你講得啱, 自從BB 出咗世, 我哋成日都唔夠瞓
回覆刪除[版主回覆07/27/2009 23:41:00]我呢兩晚冇同我個曵豬玩到咁癲喇, 跟住就有覺好瞓! 希望今晚都係咁啦!
我而家先知道, 點解D媽咪, 生完之後會瘦番, 就係咁解囉! 雖然辛苦D, 但係我都好 enjoy 架, 尤其係當佢係我心口瞓著嗰時!