尋日我地冇出街, 買左嘢番嚟打邊爐, 因為亞dee 話咁樣順便補祝番拍拖週年紀念喎......我個心諗, 唔係嘛...........今年第一年同滕滕一斉過嘅拍拖週年紀念, 就咁就算係慶祝左...........???
原本都打算出去食, 不過一諗起係星期日就有小小卻步, 因為食晚飯, 一定要得好耐好耐同好耐..........所以算啦, 打邊爐咪打邊爐囉!
不過.....唔通, 往後嘅什麼慶祝都係咁求其? 亞dee話, 唔一定要有時有節先慶祝, 平日都可以當係, 但係, 你知嘛, 有d女人, 過時過節, 個mood 特別high架嘛, 如果唔係又點會有人發明d咩, 情人節, 生日, 咩結婚、拍拖週年吖!
我個餅餅呀，逢過時過節都唔送禮物比我架，到無時無節就會比份禮物我，人地係過時過節情緒至高漲架嘛，過後淡咗乜mood都無晒啦
回覆刪除唯有自己收埋唔開心啦~~~
講真, 我老公都唔係過時過節都送禮物比我架, 係好耐唔耐就會! 同埋佢而家成日就係我耳邊講, 最大嘅禮物都已經送左比我, 問我仲想要d咩喎!
回覆刪除如果第日你生左bb, 你就會發現佢送唔送禮物比你都冇所謂, 因為真係有仔萬事足架喇!