上個星期三/四, 工人姐姐已經同我講, 佢亞媽話隻腳好痛, 問佢攞錢做手術, 但係佢又未出糧, 所以冇得比佢亞媽住, 但係直至星期六, 姐姐都忍唔住, 開左口, 問我借$1,500。當其時, 我一d都冇懷疑佢, 仲問佢$1,500夠唔夠, 因為我當時個心只係係到諗, 到左月尾出糧都扣番你, $1,500定$2,000都冇分別, 所以就即刻答應左佢喇!
但係好可惜, 工人姐姐, 你實在太令我失望喇, 星期六借完$2,000比你之後, 你好似借開有條路咁, 仲要咁狼, 問我借 $20,000話寄番去起屋, 用嚟買窗、買門!
我係到諗, 係唔係我之前答應得係太爽, 所以你諗住問得就問, 借得就借呢呢! 我所以之前答得你咁快, 係因為我冇懷疑過你, 同埋我同情你地呢d打工, 離鄉別井, 孤苦伶仃一個人係hk, 所以先咁快答你好, 但係好可惜, 你居然得寸進尺!
雖然我個軒軒係你手, 但係你要記住, 如果你未滿約, 我要抄你, 你可唔可以咁快搵到另外一份工先, 仲有, 你到時就唔止比$1500 agent fee架喇!
你不如開心見成同佢講，你基於同情心先借糧俾佢...
回覆刪除[版主回覆07/22/2009 15:43:00]我同左佢講話我地冇咩錢喇.....如果唔係, 點會咁慳先得架!!!
對住呢d 人, 真係要做到好窮咁, 如果唔係, 呢樣又狂用, 嗰樣又狂用, 好似唔使錢買咁.......
佢係咪以為唔洗還呀?
回覆刪除你check緊啲佢呀，最怕佢去問財務公司借錢呀。
[版主回覆07/22/2009 15:39:00]佢一同我講, 就話每個月還2000喇! 佢真係狼死呀!
佢一嚟做, 我地已經再三強調唔可以係出面借錢架, 如果佢都咁, 咁佢真係唔想做囉!
永遠都係講就容易做就難啦
回覆刪除一個月還到$2,000，佢就唔洗同你借錢啦。
[版主回覆07/22/2009 16:24:00]佢叫我係佢份量到扣呀, 但係, 佢當我傻架囉, 如果我借比佢, 到時我想抄佢就抄唔到, 因為佢仲欠我錢嘛.....
佢而家只係做左嗰1個月多幾日, 咁到時佢做得唔好, 我點換佢呀!!!
佢做咗個幾月就問你借錢, 仲要借 $20,000 ... 佢都幾大咬
回覆刪除小心小心
[版主回覆07/23/2009 17:49:00]咩幾個月呀, 1個月寧幾日咋!!! 簡直係當我傻架啦!