今朝軒軒起左身, 等一時間, 居然冇係到喊, 只係係到衣衣牙牙, 咁好啦, 佢未喊住, 就更係由得佢, 等自己再懶下床先啦, 不過見佢到牙左一陣, 咪起身開奶比佢飲囉, 一望, 佢已經成個人打橫左咁瞓係到!!! 嗰一刻, 睇見佢就真係好攪笑, 自己搵隻腳仔踢下踢下, 就成個人90度咁轉左打橫, 而且隻腳仔仲踢住個床圍望住我係到笑!
仲有, 軒軒可能真係開始出牙仔喇, 今晚食完奶, 佢唔肯瞓呀, 仲好似好辛苦咁係到咬住個手套係到牙牙牙, 好似d牙肉好痕咁! 睇見佢, 又幫唔到佢, 真係好唔知點, 買牙膠比佢, 佢又未識攞.....不過, 我諗都要買左比佢先喇!
軒軒, 你大個仔喇, 好快你會識轉身, 轉左身之後, 你就識扒, 扒扒下, 你就識行架喇!!!
沒有留言:
張貼留言