想點先!

我打算安排個工人last day 係4月12, 所以上星期六我就問佢張機票係想即日走or 佢想係HK多幾日, 因為我要confirm 佢張機票日期! 工人答我佢即走, 佢唔需要係街到住多幾日, 因為佢想即刻番屋企! 我見佢話即走, 即係仲有幾個星期日比佢出去買嘢, 見時間無多, 所以我就提前比份bonus佢等佢可以多d時間買嘢!

個工人做嘢唔算好好, 但亦都唔算講得上係差, 對滕滕都唔錯, 有時我忘記同滕滕簽功課, 佢朝早都會幫我睇一睇, 如果我冇簽就會放係枱面提一提我! 所以我都希望可以好嚟好去, 大家開開心心過埋呢個幾月!

點不知星期一就發生豬扒唔熟事件! 有骨嗰d豬扒唔熟, 咁由佢囉, 我只係同個工人講d豬扒唔熟, 我都唔想再麻煩佢叫佢整過, 咁我咪食d冇骨嗰d囉! 點不知後嚟冇骨嗰d, 有d都係唔熟, 咁, 點食啫! 結果我叫個工人煎荷包蛋, 叫佢第二日整番熟d豬扒食左佢, 但個工人居然同我講: 我唔食!

到左今朝, 我見天氣暖番小小, 我叫個工人搵滕滕件番學V領冷衫比佢著, 個工人就答我: 我唔知邊件! 見佢唔郁, 我就叫佢去搵, 行為比較嘈& 唔多老嚟, 所以我就話佢叫佢細聲D, 因為先生同BB都仲瞓緊覺, 點解要攪到咁嘈呢!

其實我好火滾囉, 係唔係因為我已經比左bonus佢, 佢就可以即刻咁呢! 所以我今晚放工番到嚟, 諗住食完飯同佢講比一個月通知佢, 一個月可以即走, 但點不知滕滕早我一步!

我番到屋企沖完涼一坐抵, 滕滕就走埋嚟問我: 點解你又鬧姐姐啫! 唔係嘛, 個工人同我個仔做事非!!! 我冇即時搵個工人出嚟問, 我只係同滕滕講, 姐姐話我鬧佢你就信佢?! 唔係嘛, 我真係對你好失望囉!

我食完飯, 我好心平氣靜咁同個工人講, 而家比一個月通知佢, 一個月後佢就可以走, 我乜解釋都冇講, 因為我唔想臨走都同個工人嘈, 但係個工人反而問我, 點解我會咁樣安排! 好, 咁我咪又好心平氣靜咁同佢講覺得佢冇心機好似好想快d番屋企, 咁咪比佢快d走囉! 個工人開始喊喇, 佢話我好同agent 投訴佢d豬扒唔熟, 佢估唔到嘅係, 我咁少嘅事都要投訴佢, 佢話佢而家唔食豬扒, 係因為佢就嚟番印尼, 佢開始要戒食豬肉! 而有關冷衫事件, 佢又真係覺得自己都有唔啱, 冇心裝載! 而至於嘈, 佢就話平時先生係到佢吸塵先生都冇醒, 所以今朝佢攞衫佢都知道一定唔會嘈醒先生喎! 一路講就一路喊, 滕滕就一路比紙巾佢叫佢唔好喊!

好啦, 既然佢嘅解釋係可接受嘅, 咁大家講左出嚟, 就當冇事喇, 跟手我再講多一句, 就嚟都走啦, 開開心心做到番印尼啦! 話說完個工人就係到豪哭! 滕滕見個工人喊到咁, 就走埋去攬住佢安慰佢叫佢唔好喊啦~

唉~ 呢個工人不過不失都已經咁煩, 新嚟嗰個真係唔想諗, 亦都唔敢諗!

此情不在........

上網見到有部叫"film scaner", 覺得好有興趣, 因為十幾年前結婚時, 我已經問相鋪有冇得張d菲林底轉做jpeg format save係電腦到, 而當時嘅收費係$20/筒! 淨係結婚相都已經有20筒, 咁仲有我由中學影嗰d呢!

結果, 我就淘左部番嚟喇!

好簡單, 又好好玩! 雖然話係簡單, 因為scan 一張都只係幾秘時間, 但係如果好似我咁有要求, 咁其實下下最好都執下色囉~

scan 相嘅同時令我諗起三件事!

第一件事, 係係中學時, 成日同一個同學爭keep住d菲林底, 其實爭左咪又係咁, 唔通會咁多年之後都會晒番出嚟咩! 其實嗰時真係好好笑~

第二件事, 就係我個好朋友個老公! 話說舊年生日出去食飯用電話幫佢兩公婆影相, 我睇到電話個mon 真係覺得好黑, 佢兩個應該行前小小唔好黑得咁緊要, 但係佢老公就懶醒咁串我, 番去推推佢咪得囉!  我, 都學過下photoshop 嘅, 黑成咁, 推乜七都唔得啦!  見好朋友個老公咁得戚, 影完之後, 我比張相佢, 叫佢推完比我睇下, 因為我都好想知個result 有幾撚得! wahahaaaaa......

第三件事, 就係令我諗起我姨甥仔個老豆同個仆街乞衣! 當年就係佢兩個做我地嘅伴娘伴郎, 嗰時大家真係好好朋友, 又一齊去旅行, 不過, 而家真係此情不再喇......

好彩~ 冇事~!

過年前搵人嚟滅虱, 而今年又唔同舊年咁提早回南喎, 所以左年後都未感受到有回南感覺, 而正當我咁諗時, 呢個星期一&二嘅濕度居然去到100%!

好痴線又好誇張!

今年因為提早滅虱, 所以呢次回南就會見效果, 因為咁多年嘅回南天, 滕滕都比虱咬到豬頭咁起晒水泡, 星期一到而家已經有6日, 但係都ok喎, 咁即係我叫嗰間滅虱公司得啦~~~

正仆街嚟!

呢個冚家產, 真係睇唔出佢後生聊聊咁死仆街!!!

我坐左巴士下層嘅對住嘅4個位, 近窗邊嘅對頭位, 而呢個撚樣係之後坐埋嚟架!

起初佢坐埋嚟係冇掂到我, 就連掂到我件褸都掂唔到, 過左一兩個字佢先開始坐埋嚟, 仲係咁用隻左手撞我!  原本我都冇為意佢係揰我定點, 因為見佢係到打緊機, 以為佢左右手並用, 所以我就冇理佢! 但係過左一陣, 我feel到唔對路, 因為佢隻死人左手越撞就越過份, 仲要扎住我隻右手! 我見佢扎落嚟, 我就張我隻右手放番出嚟, 而呢個仆街過左幾十秒又扎番住我! 咁既然係咁, 我就又張隻右手放番上嚟, 而呢個仆街佢即時以牙還牙, 而呢個動作我同佢都即時來回幾次! 來回幾次之後, 個仆街仲話我"痴線"!

咁之前打機撞我即係專登囉, 所以我都回敬佢"你都on撚九!"

話說完, 佢又死開左坐, 仲有條隙係到!

呢個冚家產無啦啦係到發癲, 上車坐左埋嚟都冇嘢架, 無撚啦啦突然性情變左, 係唔撚係覺得坐咁出冇咩位坐蝕九左, 所以突然間迫埋嚟仲要搵死人手撞我!!!  正人佢老味個化灰嚟!

一粒波波

每晚瞓覺我都會同滕滕R背脊, 今晚亦都如以往一樣係到R, R, R!

不過RR下, 滕滕就同我講佢波波好痕, 叫我R佢波波喎!

波波? 我問滕滕佢何來有波波, 就算小女孩都未有波波, 更何況佢係一個男仔!

滕滕答我: 我更係有波波喇, 不過只係一粒之嘛~~~

小手工

滕滕每次做D手工番嚟都好surprise 下, 雖然並不是完美, 但係好cute 好得意, 我真係好鬼鐘意~

小朋友嘅勞作仔唔完美原來先係最靚最可愛~

正衰仔~

自從滕滕食飯時夾錯左嚿薑食lai左嘢之後, 佢就每一次都會好小心咁夾餸食!

而家條友仔仲要日日等埋我番去先食飯, 所以番到屋企沖晒涼就埋位坐!

點不知今晚一埋位就見到碗飯多左嚿薑係到!

幾鬼衰呀, 夾嚿薑比我! 專登嘅~ 我一見到嚿薑就望住隻豬仔, 佢就奸笑~~~

效果唔錯!

上次表弟去台灣買左一盒mask比我表姐, 而我表姐話唔好用好麻煩所以比左二塊咁多我! 用左一次, 又覺得唔錯喎!

今日放工去搵暖貼買, 居然比我見到有喎! 而且仲唔貴!

第一日用完塊mask之後, 第二日就用埋袋底剩抵嗰d精華, 雖然佢d精華液唔算多, 但係都唔算貴, 可以值得再買!

第一隻!

尋晚滕滕已經同我講佢隻牙痛, 一路食嘢一路叫痛, 今晚食飯佢又嚟喇!

我睇下滕滕係唔係生飛滋啦, 因為佢早幾日話食嘢咬襯個咀, 應該九成九都係生飛滋架喇!

點不知我一睇, 再一掂........E~ 隻牙郁喎!!!

嘩~~~!!! 原來豬仔換牙呀!!!

衰得好徹底!!!

我地三姐弟請亞媽老豆去旅行都去左好多年, 換句話說我地好多年同老豆冇再嗌交喇!

有陣時見老豆成日鬧亞媽, 我都忍住唔出聲鬧老豆, 因為同佢好番左咁多年, 講真, 我真係唔想又鬧翻~

但係人就係咁賤格, 得寸就進尺, 老豆就好似鬧亞媽越鬧就越過引咁!

亞媽個鼻唔好我係知, 所以幾貴嘅空氣清新機我都買比亞媽用, 因為我好唔想我老母因為吸二手煙有事! 今晚亞媽打嚟又講老豆咁不停係到食煙, 所以我叫亞媽開機時係我話要開嘅, 點不知我老豆衰到, 亞媽一開佢就熄一開佢就熄, 仲話要開就我自己番嚟開, 而且亞媽一行埋去, 佢仲想推開亞媽!

結果, 細佬係屋企鬧佢, 我就隔住個電話鬧佢, 足足鬧左佢十幾分鐘! 係鬧佢嘅過程中, 佢仲好串咁話佢會記得我地講過嘅嘢, 佢會記心中喎! 好~ 最緊要你記得潻, 好驚你唔記得囉!!!

收線之後, 細佬同我講, 老豆同亞媽講佢今次你贏晒喇, 叫亞媽張佢張八達通比番我喎! 

好喎~ 既然你咁勁, 你就連亞媽比你每日嘅零用錢你都唔好要啦苯!!! 以為我地同你講番嘢睬番你, 你就覺得自己大晒呀??? 你以為你自己係邊個呀??? 你以為人人都要以你為先呀??? 你以為你係老豆就邊個都要聽你講呀??? 你以為你好巴閉係邊個呀???

真巴閉!

今日下午約左伯娘同埋堂哥s & 堂家姐去大埔食齋順便拜下伯父, 平時唔會見到嘅堂哥, 今日就會見到喇, 一如以前, 大家都冇咩啱傾, 仍然都係咁串咀!

老豆之前係街跌左嗰個電話我去警署攞番之後, 我就比左伯娘用! 因為伯娘電話冇電, 我就借我個叉機比佢叉電時, 我呢個堂哥就好串咀咁話: 呢部電話d 字細到幾難睇~ 部電話真係細到好交關!

我嘅能耐唔知幾時開始變得咁堅, 串咀堂哥咁講, 我居然冇回應番佢!

我同堂家姐講番, 佢話亞堂哥未必會知個電話係我地比佢亞媽喎! 你講笑咩~ 見到自己亞媽換左電話正常都會問下啦, 更何況我堂哥同我伯娘唔係唔會講嘢嘅!  我同堂家姐講, 既然個電話咁細, 叫我堂哥同佢換番部大小小架囉, 大小小cheap cheap地唔過二千, 好平之嘛! 亞堂哥隻狗有事睇醫生要成五六千佢就冇錢要問人借啫, 二千蚊有找一d都唔貴呀, trade 番我細嘅呢部嚟請亞伯娘食飯都仲得!

我真係唔明囉, 同亞媽換個電話都冇錢, 學咩人講細呀!

痴左線~

除左涼鞋之外, 我咁大個月嘅第一對平底鞋, 就係係2012年嘅12月買, 而買嘅原因係因為當時我拗左柴, 咁就冇辦法唔著平底鞋啦~

第一對嘅平底鞋都唔係好貴, 可以當時on sales 緊! 見對鞋咁舒服, 又唔括腳, 於是乎我想去買多對!  諗住唔會貴好多啫, 點不知要成四嚿水一對!

四嚿水買一對平底鞋, 對我嚟講係好鬼貴囉! 又唔係好靚好特別, 仲咩事要四嚿水先, 既然四嚿水買對唔係全真皮, 不如用八百蚊嚟買對全真皮啦! 雖然全真皮一定會係好舒服, 但係八百蚊我就真係唔捨得, 因為鞋著得多會蝕, 唔著又會甩底, 所以final 我係冇買架!

不過, 因為呢間舖頭係呢個月20号會close, 要買就要出九龍, 所以尋日襯住滕滕去上堂我就fast walk一轉喇!

好過份同離譜囉, 因為我一去到, 佢有兩個款做緊特價, 仲要只係HKD199/對! 而且其中一對仲要係"驚"皮嚟, 原價仲係HKD995!

所以我一口氣買左4對!

兩對紫色, 一對湖水藍!

而呢對我就買左一對, 打算落雨先嚟著!

唔買真係對唔住自己, 所以呢4對我諗住著5-6年! Total 唔洗HKD800! 真係爽~~~

好悶嘅開年飯!

舊年年尾, 老闆送嘅賀年禮物有d唔同!

朱古力少左, 但係曲奇就多左!

因為老闆知我like 黑朱古力, 所以後嚟佢同我換左total 4盒嘅朱古力曲奇, 同埋比多兩盒嘅黑朱古力Lindt 我!

年尾嗰餐團年, 同埋今日嗰餐開年飯都係食呢d嘢!

其實, 除左隻鮑同埋碗翅之外, 其實食到想嘔, 尤其係碟龍躉魚腩!

我食得慢, 又要聽滕滕電話, 馮小姐一路食D魚腩就一路反晒胃, 我見到佢個樣, 我真係食唔落, 所以我好認真咁同老闆講, 我真係好唔想食!

呢個套餐食左幾年都冇變過, 次次D龍躉魚腩都係咁難食, 所以個廚師可以KEEP住咁難食嘅水準, 其實真係好撚勁囉!

開心初七

BB醫生d活動, 其實我都好想參與, 不過隨住滕滕越嚟越大, 我發現佢越嚟越冇興趣! 我係大人, 其實我知道嚟嚟去去都係咁, 我份人又唔怕厭, 所以對我嚟講問題不大, 但係, 如果對滕滕嚟講冇咩新意的話, 我就唔係好想不停咁去做同一樣嘅嘢, 因為我怕佢悶到怕左!

今次BB醫生嘅活動就有新意喇, 就係上門去探訪獨居長者!  我, 覺得會好刺激同好好玩囉~

今次活動原來好大, 連同另外兩間機構一齊玩, 加埋BB醫生, 即刻total 3個機構, 淨係係廣場等集合時, 冇一百都應該有幾十人參與!

正當BB醫生係到安排緊每兩個家庭為一組時, 我等, 我等, 我等, 等極都冇叫我地個名, 而最後有3組家庭係負責special operation- 即係我同滕滕就係其中一組, 係負責special operation!

好迷~ 咩special operation 呢??? 原來我地係負責支援! 我地係要揀d 正在係到探訪緊嘅先好入去, 入去就係助興!!! 因為主持人怕有d家庭唔識去同老人家溝通, 所以我地做支援嘅, 就係多d人, 就可以多d嘢吹, 吹多d水, 攪下氣氛!

我同滕滕滿心歡喜咁上樓, 同lift都有幾戶家庭, 因為我地冇人唔好入去, 所以我已經好留意同lift嗰幾戶家庭係咩樓層出lift, 不過可惜, 並唔係我手上面嘅名單中嗰幾戶!  不過, 唔緊要啦, 我地搭番lift, 再由低層嚟過啦, 睇下有冇老人家係被探訪緊囉!

第一間 - 冇人! 第二間 - 都係冇人! 如果, 我地繼續行落去都撞唔到有人, 我地咪好on居!!! 同埋, 因為d冷行都幾靜下, 我覺得滕滕又開始有小小驚, 所以到左第三間, 我都唔理咁多, 有冇人都好, 我照入去做探訪喇!

第三間, 係一個伯伯嚟, 閑談之間, 覺得伯伯平時應該唔多同人吹水, 因為感覺上個人性格唔多開朗, 我地有時都有小小dead air, 所以傾左10分鐘左右我地就離開喇!

探完伯伯, 我地去搵第4間, 而呢間終於有人係到探訪緊喇! 係我滿心歡喜拍門之後, 有個類似工作人員係屋到行出嚟門口同我講, 話佢地係到探訪緊, 話唔方便比我地入去, 跟手仲鎖埋度門! 呢一刻, 我真係好想小佢! 而滕滕都即時比反應我問我: 點解頭先嗰個人衰得咁交關, 唔比我地入去架!!!

比人拒諸門外之後, 我就打比BB醫生個負責人問, 點解究竟我會比人咁對待???  究竟嗰條友係咩人嚟??? 究竟佢知唔知我地係負責支援呢一PART架??? 結果, BB醫生個負責人叫我唔好理嗰條友, 先去做其他探訪先!

我真係唔想嘥時間囉, 所以跟手落去, 我唔理有冇人係做緊探訪都好, 我地都照入可也!  之後, 我地都分別探訪左兩個婆婆, 佢地分別都有九十幾歲, 同埋兩個都好精神同埋都吹得下水! 

我其實都唔知點解同d老人家咁吹得, 佢吹得時我更吹得, 吹水吹到我話走喇, 唔好郁住婆婆你喇, 而婆婆就答我"唔阻~ 唔怕!"  我知, 因為佢地平時自己一個人真係好悶, 難得有人同佢地吹下水, 大家有講有笑, 真係好開心咁又過一日!  而滕滕見我咁講唔停, 佢都頂我唔順行埋嚟細聲咁同我講: 媽咪~ 我地唔好阻住婆婆咁耐喇~!

其中有個婆婆仲好有心咁封左封利是比滕滕, 而我都立即回番封比佢買水果食!

今日去探訪真係好開心好充實, 唯獨係比人拒諸門外呢part 有小小興囉! 完左探訪, 我問番BB醫生負責人, 佢話原來另外嗰兩個機構係冇支援呢PART, 亦都唔希望BB醫生有支援呢part, 所以呢我比人咁對待, 原因就係因為嗰個人係另外機構嗰d負責人嚟! 真係頂佢個肺囉!!!