Happy New Year!!! 今年人人有工開, 個個發大財!!!

如果可以剪左你個咀出嚟, 就真係好喇!!!!!!!!

真係把幾兩把火, 已經都唔係第一次!!!  次次同d同事去完食宵夜, 番嚟都係到嘈圈巴閉!!!

d人究竟係咩構造架?????  尋晚都已經唔係第一次, 飲到醉晒番嚟, 未上床, 就已經聽到佢係咁不停打c益(之前嗰次又係咁), 我已經醒目, 叫佢好死出去飲番杯水先好上床瞓, 佢唔聽都不特止, 仲要死埋嚟, 係咁話要揇住! 揇!揇! 揇! 揇你去死啦, 而家幾多點呀, 半夜四點幾, 明知人人都已經瞓到成隻豬咁架啦, 打c益嘈住晒都仲唔止, 仲話要揇, 咁仲唔醒晒咩???!!! 叫佢講嘢唔好咁大聲, 係唔係要嘈醒個囝先安落, 佢pk 到居然搵個囝嚟威脅我, 話如果唔比佢揇, 嘈醒個囝都冇辦法喎!!! 嘩, 你冇嘢嘛, 咁仆街嘅嘢, 你都講得出口???!!!

以前未生, 同佢一斉飲左酒, 大家都醉, 就尤得你發癲啦, 喂, 而家你發癲, 可唔可以唔好攪到個囝呀, 又話點解我唔理佢, 又話點解唔揇佢, 又問係唔係而家唔愛佢!!! 

你都忽忽地, 而家半夜四點幾呀, 幾愛你, 都小你啦, 你整到人地醒晒呀, 一係你就唔好四點幾番, 等天光, 我地起左身你先好番啦, 如果有把交剪, 真係好想剪左佢個咀出嚟, 睇下你仲點嘈圈巴閉!!!

好喇, 結果滕滕轉左幾下身, 我去望一望佢, 滕滕真係果然望住我, 頂~ 你話d人係唔係真係衰到冇人有吖?  人地半夜番到屋企, 更係怕嘈醒屋企人架啦, 但係我嗰個, 次次就驚死你唔醒咁, 又要你應佢, 又要你答佢, 你話我係唔係嫁左比個痴線架?????????????

如果你下次再係咁, 咁我就比個吹氣公仔你, 你自己揇飽佢!!!!!!!!

點解我好似成日比人搵苯咁嘅???

朋友與朋友之間, 有著so 或者係唔使錢嘅嘢, 就更係一定會互相通知架啦, 但係如果你其中有d朋友, 只係接收你嘅嘢, 而佢係唔會放料出嚟, 咁你地會點呀?

我個人真係好慷慨, 逢係有d咩, 都會大事宣揚, 因為有so就更係益下大家啦, 自己又唔會蝕底嘅, 就算我發現嗰樣嘢係底買、又唔係貴, 我都會買嚟氹下d朋友仔開心, 不過, 當你發現你以為人地都會咁對你嗰時, 尤其係你expect 嘅朋友都會係咁嗰時, 但係佢就從來都唔會做你想佢做嘅嘢, 你就會好失望......

我想問下, 乜我咁諗, 係唔係好戇居呢? 我只不過有嘢益人, 都想人地有嘢益下我, 何況, 我又唔係要佢送比我, 只係單聲啫?????

仲有, 就算我朋友送左好多某一d嘢比我, 我都未必要派比人架嘛, 唔比我自己都有用嘅咩!  點解都要分一杯羹架???!!! 

究竟咩事????

呢兩日都唔知仲乜, 成日都睇唔到個 IP CAM!!!

滕滕, 媽咪好卦住你呀~

我真係忍唔住喇!!!

個胃已經係星期六夜晚開始唔妥, 唔知係唔係25号 BBA嗰時, 老公燒左隻尤魚比我食, 好似唔係好熟, 所以 lai左嘢呢......哎呀! 我個胃頂到好行呀!

我尋日朝早都頂唔係好順, 因為知道尋晚約左出去食飯, 但係食左藥都仲好頂下, 有多胃氣, 又食唔落, 至到而家, 好似又好肚餓, 所以我忍唔住, 開左包粟一燒食呀  !!!

死未! 如果你一陣個胃痛, 就唔好同人講你食左包粟一燒, 因為係 - 抵死 !!!

究竟你係唔係真係明架?

自從呢個軒豬識得係張床到, 1....2....3咁就企左起身之後, 我就發現佢越嚟越唔肯瞓, 越瞓就越短時間, 因為一放佢落床, 佢就又1....2....3 咁企左係到!

所以今日想佢瞓耐d(我都好想瞓下啦), 不過2點半飲完奶, 3點就醒左, 跟住又就企左係到叫, 所以我就二話不說, 都理唔多咁多, "的"左係我隔離同我一斉瞓! 起初個曵豬都好似好慘咁係到喊架, 不過過左一陣, 佢就瞓左喇!

表姐話記得千祈唔好放佢係隔離瞓, 如果唔係就後悔莫及, 但係有時d嘢, 真係唔可以理咁多, 因為呢個曵人, 真係越嚟越瞓得少, 同埋有時真係瞓嗰十幾二十分鐘就醒喇!  同埋, 乜唔係咁細個, 係要瞓多d先好嘅咩??? 所以都唔理得咁多喇!

可能就係因為同佢一斉瞓, 所以今次可以去到四點先起身! 佢一起身, 我就問佢: "你起身喇, 係唔係唔瞓喇?" 講完之後, 呢個曵豬好用力咁, 係咁搖個頭, 仲要係搖左好多下, 好似同我講: 我真係唔瞓喇! 唔瞓喇!

睇見佢咁鬼用力去say no, 我都當堂打左個突, 因為究竟你係唔係真係知我講乜架???!!!

你呢......唉, 真係吖!!!

呢個曵豬, 今日終於自己可以係張床到扶住, 企左起身喇! 不過, 因為初次起步, 企左幾次之後, 就不停係咁跳, 喂, 你好 high 咩,  不過可能因為興奮過頭, 跟住就.........

你可唔可以唔好咁百厭得唔得! 好彩我地係到啫, 如果唔係, 邊個嚟救你呀~

Merry Christmas!!!!

灰色的一天...........

downnnnnnnnnnnnn

老公今日係到講: 母愛真係偉大!

因為呢排多左新聞, BB懷疑冇掃風而另到猝死, 所以而家滕滕瞓到半夜, 我一聽到佢d被郁, 我就一定會醒, 跟住就會望一望佢!

雖然直至而家, 佢飲完奶, 我都抱住佢成15分鐘, 跟住先放佢落床, 但係, 因為天氣凍, 少不然, 一家會係個被袋上面再加多張被! 就係加多張被, 所以先至會咁擔心! 因為天氣咁凍, 如果佢踢被(佢係成日踢被), 咁又怕佢冷親, 但係, 如果佢唔踢被, 又怕張被整左上去塊面到, 怕焗親佢, 透唔到氣!

所以今日現得閑d, 所以就仿效上次係一田到見到嗰個所謂嘅睡袋!  因為一set 嗰d咁嘅床圍、床單、枕頭連被仔, 往往張被仔就好似用唔著, 不過, 我今日加左幾粒pak 鈕, 再比滕滕瞓過下午覺, 我發現改裝過嘅效果, 原來唔錯, 唔使嘥左冇用!

為左滕滕可以唔會踢被, 真係諗到我頭都爆! 因為起初係一田嗰到見到佢地有呢類型睡袋賣時, 都覺得唔係好work, 因為怕bb會越瞓越落, shi 落左去個袋下面!

跟住包住左滕滕之後, 用佢個加拿大夾番住張被, 效果果然ok喎!

因為夜晚寧舍凍d, 所以係上面再加多張掛毛被!

經過今日晏覺, 同埋今晚(啱啱嗰兩個鐘), 滕滕轉身, 再反番過嚟, 都冇咩郁過, 真係都幾good, 所以真係都要比個good自己呀  !!!

因為老公今朝個電話雖然轉左做震機, 但係佢今朝有電話嚟, call佢 OT, 我都聽到, 佢問我點解咁勁, 鬼咩, 呢排咁多單話BB有事, 最近嗰單, 都有7個月呀, 而家唔神經緊張, 就有鬼啦! 仲不時好似思覺失調咁, 聽到滕滕喊呀! 所以佢係夜晚, 轉一轉身, 我就怕佢扒左係到瞓, 怕佢焗親呀!  所以, 老公就好語重心長咁講: 母愛真係偉大!!!

鬼咩!!!  你瞓到成隻豬咁, 個囝喊都聽唔到, 唔係我理佢, 咁佢點呀!!! 

介紹下比D朋友仔先!

呢支藥膏, 就係我之前同個BLOG友提過嗰隻, 如果亞B因為口水、出汗而攪到塊面、條頸硬硬地、爆爆地、好多一粒一粒, 又或者比蚊、虱咬, 用呢隻藥膏真係幾OK!

如果其實口水攪到塊面一撻撻, 花士令都已經OK, 但係比蚊咬, 都冇理由搽花士令卦!所以藥房個亞哥就推介左呢隻, 用左一晚都已經退左好多喇! 佢貼住一支$45, 但係唔知點解今次收左我 $30, 唔通化左妝, 個樣冇咁衰, 所以計平左我...........

恭喜你呀!

今晚去左個小學同學(+舊情人)個WEDDING PARTY, 好開心見到佢結婚! 但係又唔係好開心, 因為佢老婆都唔係好靚啫, 起碼我覺得我應該好過佢吖!

好囉, 起碼唔使成日吊兒郎當啦, 搵番個人, 唔使成日都唔知點咁! 見到佢同佢老婆咁恩愛, 個心都好開心! 因為大家而家都個快樂家庭喇!!!

 

好想買.........

10月嗰時去飲, 見到個舊同事玩緊部單鏡反光機, 已經好想買, 因為我不嬲都好鐘意影相, 不過, 技巧就要去學, 因為我真係好有興趣去了解多d點樣去攞個捕光係最好, 點樣去catch 個物件係最有動態同真實感!

之前已經想去學拍攝, 但係因為嗰時上好多shipping courses, 所以再冇咩時間! 而家, 我係時候嚟料喇!

但係, 最主要都係買左部相機先......不過, 以亞dee嘅速度, 睇嚟部機最少都要6個月以上先可以買到..........

不如............我靜靜雞去買左先啦.............但係, 佢一定話我架, 如果唔等佢.........但係, 我又好想快d買喎...........點算好呢............

好耐都未試過喇!

係唔知幾多年前, 老公曾經係我生日, 比過一次意外驚喜我, 車左我去西貢食扒, 同埋叫我係車尾箱到幫佢攞公事包, 其實原來收埋左扎花, 之後就一直都冇乜驚喜!

其實, 講真, 佢送唔送禮物比我, 我真係唔介意, 咁當然有禮物就更係開心啦, 但係如果冇, 我都冇所謂, 因為我只在乎佢心中有我就得喇!

但係, 今年係一家三口嘅第一年我生日, 所以老公就預備左出去食飯! 仲去一到, 係我覺得嗰到係一間好浪漫嘅餐廳! 就係係小欖, 嗰到好偏僻, 冇車到, 落左車, 仲要行入去, 不過, 唔緊要, 因為老公同我講佢已經諗左同我去邊到食嗰時, 我心目中都想去嗰到, 因為我地有一年情人節就係係嗰到慶祝嘅!

不過, 好意外, 就係番到去, 餵緊滕滕食埋最後嗰餐夜奶之際, 老公打電話番嚟, 話叫我記得將滕滕放係我手袋裏面嗰d沙巾, 奶樽, 記得攞番出嚟喎, 原來佢靜靜雞, 放左份禮物係我手袋到, 跟住就番左工喇! 之後, 我一打開, 原來係支筆呀~   嘩, 一見到, 原本想鬧佢, 明知餵緊奶就唔好打番嚟啦, 都鬧唔落手喇!

老公! 雖然你有好多時都好大意, 但係有時又好細心喎!!!  love u so much!!!

我發緊功, 唔好攪我!!!

終於都識爬喇!!!

滕滕而家終於唔入後波喇, 佢終於都識爬喇! 不過佢跌一跌, 我就震一震, 好驚險!

想死!!! 真係嚇死我!!!

今晚去完奶奶到食飯番嚟, 就安排左我去沖涼先, 亞dee就同滕滕換衫, 跟住我就餵奶!

因為亞dee手腳慢, 所以我沖完涼出嚟, 佢都係未換好衫, 所以我就預備定支奶入房, 等佢幫滕滕換完衫褲之後, 就餵佢!

好彩我入得去快!!! 因為亞dee放左滕滕係我地張床到換片換衫, 跟住我一入到房, 亞dee就望住我, 問我滕滕換邊條褲瞓覺, 就係係呢一刻, 滕滕已經係張床到720度轉左兩個圈, 跟住就已經去到床邊, 預備跌落床!!!

想死呀!!! 幫個囝換衫緊都睇唔到!!! 乜唔係3隻眼都要望住佢嘅咩!!! 好彩我入得去快啫, 如果唔係, 滕滕已經係個地下到啦!!!

真係嚇死我, 嚇死我!!!  呢個老豆都唔知咩老豆, 同個囝換緊衫, 都睇唔到, 真係離晒譜!!!

終於影到喇！！！

我終於好辛苦咁影到滕滕Ｄ牙仔喇！因為一攞起個相機，佢就已經定晒神咁望實個相機，氹佢都唔理、唔笑，所以影極都影唔到！　

不過，直至尋日下午，無啦啦滕滕見到個相機冇反應喎，所以就更係嚟料喇！

精人出口, 真係苯人出手!

今日亞dee放假, 所以等佢起左身, 就幫滕滕剪下耳仔兩邊d頭髮, 因為真係好長...........

之前幫梓祐剪髮, 亞dee成日都話我剪得核突, 但係我剪得核突, 佢又有成年幾兩年都係要我幫佢剪, 不過, 一路剪就一路鬧, 又話我唔係咁, 要咁, 又話點解咁, 應該要咁!

咁!咁!咁! 咁你個頭! 跟住就同佢講, 我以後都唔會幫佢剪, 要剪, 就出去剪啦! 所以直至而家, 我都冇再幫過佢剪, 同埋, 有左之後, 嫲嫲話大住個肚, 都係唔好幫梓祐剪髮喇, 費事唔吉利, 所以直至今日, 係16個月後嘅第一次!

我問亞dee, 佢幫滕滕剪, 定係我剪, 因為佢細個暑期功學過剪髮, 但係我就從來都冇學過! 我老公貪靚, 就係朋友都知, 所以如果滕滕剪得唔好, 佢一定話我, 因為滕滕都要出去見人架嘛, 所以我等都唔等佢答, 我就話叫佢剪.........不過, 佢知咩料, 所以就第一時間答我: "佢唔識!"........咁即係, 佢唔想幫滕滕剪囉, 因為剪衰左, 佢怕我話佢嘛, 所以今次, 我一定係lai嘢嗰個囉!

好好笑, 一開個剪髮器, 滕滕個頭就跟住個機郁, 因為我要開左一陣比佢聽下d聲, 等佢有心理準備, 所以我左右左右咁, 不過佢個樣越嚟越苦, 仲"就"起個眉頭咁望住個剪髮器左右左右...........! 佢好似知道好就要行刑咁  ! 所以嗰時, 我就開左套dvd比佢睇!

吖! ok喎! 不過, 剪左幾下, 個機就開始冇電.......頂! 因為咁耐冇用, 連剩餘嘅電都冇埋, 叉住電嚟開, 都唔得.......頂! 所以叉左5分鐘之後, 再開過! 今次就只係剷左兩邊, 因為滕滕已經開始唔耐煩, 仲要個頭樹圍郁, 所以冇計, 係咁而算喇!

剪完! 我真係又比人話, 話我剪到滕滕兩邊好核突! 所以我都唔知點解我成世人都精, 更係去到嗰陣時先咁蠢!

雖然我都覺得唔係好靚，但係我又唔係真係好核突吖, 如果比1-10, 我都覺得去到5, 合格啦...........

 

真攪笑!

尋日個中學同學結婚, 去左飲! 不過, 呢餐party真係我咁大個女, 覺得最攪笑嘅一次!

張貼寫住九時入席, 咁我同另外一個同學, 就八點到到, 好正常一去到, 就更係搵個同學影相啦, 因為都要証明一下, 我有到過架嘛! 不過, 去到, 就好似唔係好覺個新娘子係邊, 等下等下....等下等下, 都已經同個同學講, 點解個新娘唔見左人嘅, 可能去左換衫啫, 又再等下等下.....等下等下, 等到八點九, 我就忍唔住, 問坐係門口嗰個靚女: "請問, 點解個新娘子咁耐都唔見左人嘅, 好似唔見左半個鐘有多喎, 換衫都唔係換咁耐嘛???" 跟住個靚女就話: "哦, 佢唔係換衫呀, 佢只不過係新娘房, 等緊九點出場呀!"

吓! 唔係嘛!!! 我都係第一次見, 入席之前, 個新娘乜唔係招乎朋友, 出嚟影相嘅咩, 而係係裏面, 等派彩???!!!

其實, 本身中途已經好冇引, 因為雖然全枱大部份都係同班同學, 不過同班同學嗰d, 大家跟本好似當唔識咁, 反而坐係我另外一邊格離嗰個, 係佢地F6 &7嗰時嗰D repeater, 好似仲正常過我d同班同學! 起碼都有d計傾, 因為佢係我小學同學個家姐嚟!

好喇! 到個新人敬酒喇, 個同學就話: "好耐冇出嚟食飯喇! 得閑攪下gathering吖!".........好耐冇食飯? 真係! 我結左婚咁多年, 之後都好似出過嚟一次, 而嗰一次, 就係有個同學係加拿大番嚟先出過嚟, 之後搵佢, 都話好忙! 咁好心啦, 雖然識左咁多年, 唔好扮好有heart, 好有feel先得架! 仲同我講, 叫我帶個囝出嚟比佢見!!!

喂, 我生左, 我坐緊月嗰時, 唔係你嚟探下我嘅咩? 如果唔係要還人情責, 我諗我都唔係好想去, 因為淨係見佢呢埋係新娘房唔出嚟, 就知佢神化啦! 呢d人咁神化, 講真, 真係同我唔係好啱feel!

 

真係嘥晒d錢!

自從上次同表姐係大陸掃貨買衫仔, 順便買左條60蚊嘅揹帶之後, 之前combi嗰條,就已經好似孤兒仔咁, 比我掉埋左一邊, 次次出親去, 都唔會要佢!

雖然條布揹帶係大陸貨, 但係揹左成day, 條腰骨就冇好似combi嗰條, 好似唔係自己咁!

所以唔係一定有牌子就係好嘢, 而且平嗰條個款都唔差架, 但係衰就衰在條布帶唔適合初生囉!

又係滕滕嘅第一次呀!

個幾星期前, 都已經買左個bb屎塔番嚟, 因為想開始比滕滕學下坐係到痾cc, 終於, 今日已經開左齋喇! 

不過第一次放佢落去, 唔成功, 因為佢好奇怪咁望住個屎塔, 因為可能唔知佢係乜, 所以應該係冇mood, 冇痾到! 跟住, 姐姐之後聞到佢不停咁放屁, 所以, 又再一次放佢落去! 如事者, 滕滕都係望住個屎塔, 不過望下望下, 工人姐姐就開始幫佢一斉發功.......唔.......唔........唔...........得左喇! 得左喇! 兩大條呀!

叻仔! 真係叻仔! 媽me錫晒你! 以後都記得係個塔到痾cc喇  !

都唔知D咩B嚟架?!

自從滕滕出左上面嗰4隻牙之後, 一日一日咁開始大隻, 但係越大隻, 滕滕就越奇怪.......點解?! 佢咬牙呀!!!

我真係頂佢唔順, 乜咁細個BB, 都會咬牙嘅咩???!!! 仲要係一下一下咁沙沙聲!!!

喂! 靚仔, 你好學唔學喎! 你係邊樹學番嚟架?! 我瞓左覺嗰時, 你已經都瞓左架啦, 冇理由你會聽到媽me架喎!!!

我對你咁好, 你居然同我玩嘢?!

今朝真係火滾! 一番到公司, 個腦突然入唔到window, 要即刻call人上嚟睇, 重要比佢攞埋走, 要下午先可以攞番嚟, 所以成朝跟本冇嘢可以做, 而個朋友+同事都係, 因為我部機係主機, 我開唔到, 佢都冇得可以攞嘢嚟做! 所以唯一可以做嘅嘢就係去郵局, 寄聖誕禮物比d客!  係去郵局途中, 我同我個同事+朋友講, 佢可能今日下午要出去放單, 要等老闆答覆放唔放比個客, 先可以決定佢使唔使出去!

不過, 佢一聽到嗰個客話要佢出去放單, 佢即刻就已經講話嗰間船公司係太古, 又話係hk區, 又話唔知係邊, 跟住番到去公司就即刻上網搵地圖, 又話好難搵, 唔知點行!  佢講咁多呢d 嘢, 我就已經知道, 佢唔想過海, 同埋唔係佢番屋企條路線.......!

個同事+朋友平時見到個會計四點幾就去交單, 交完單老闆就唔使佢番, 佢就羨慕人地可以咁早放工, 咁好啦, 見到佢咁想, 咁有單要放, 咪比佢出去放囉, courier 都唔叫, 就叫佢, 擺明益佢架啦, 但係, 唔可以話見條路線唔係佢番屋企條路線, 就撰囉, 乜做嘢可以選擇嘅咩???!!!

所以我同佢講, 老闆話既然我個腦都攞左去整, 佢都唔可以係我喖到攞嘢嚟做, 所以就叫佢出去交單! 佢一聽到, 就即刻塊面黑左一黑!........咁又點, 我擺明係要佢去!!! 公司要分明, 唔可以因為你係我朋友, 我就可以比你選擇性咁去撰做定唔做, 同埋, 我叫你去放單, 都擺明so比你, 但係, 你見未去過, 又怕唔識去, 又係hk區, 唔係經你番屋企嗰條路, 你就同我講, 你叫 courier 去! 不過, 我同佢講完冇幾耐, 佢就行入嚟同我講, 如果佢去, 佢要早d走, 因為佢唔識路, 佢要搵! .........吓, 唔係嘛, 要搵, 係個地圖, 只不過出左MTR直行3/4個街口, 跟住轉彎就已經係, 請問要點搵呢, 更何況公司係油塘去鰂魚涌都係一個站, 使唔使3:30 咁早走呀!!!

算! 我算! 既然你咁, 跟住落嚟嗰一個月, 我就唔會比你早走, 出都唔使你出去!  我比你早走去放單, 你就同我玩嘢!!!

預祝 BIRTHDAY!

今日約左班小學同學食飯, 原意係幫一個舊同學派帖, 不過因為有個同學記得我今個月生日, 同埋咁啱呢間放提, 我有個朋友係到做廚, 所以可以預備個cake比我, 順便慶祝埋囉!

四條queen啦!

呢班有d係3年級, 有d係5年級識嘅.........不過, 睇見坐係到其中一個男, 就會發覺.........原來我地班女仔, 都keep 得好好!  (最後生嗰個, 係亞sir嚟, 佢以前成日著單車褲架!!! 堅!!!)

呢個就係我個朋友, 佢係嗰到做, 好多謝佢為我預備左個cake!  thank you so much!

如果去食嘢, 達我個朵, 有so!