今日亞dee放假, 所以等佢起左身, 就幫滕滕剪下耳仔兩邊d頭髮, 因為真係好長...........
之前幫梓祐剪髮, 亞dee成日都話我剪得核突, 但係我剪得核突, 佢又有成年幾兩年都係要我幫佢剪, 不過, 一路剪就一路鬧, 又話我唔係咁, 要咁, 又話點解咁, 應該要咁!
咁!咁!咁! 咁你個頭! 跟住就同佢講, 我以後都唔會幫佢剪, 要剪, 就出去剪啦! 所以直至而家, 我都冇再幫過佢剪, 同埋, 有左之後, 嫲嫲話大住個肚, 都係唔好幫梓祐剪髮喇, 費事唔吉利, 所以直至今日, 係16個月後嘅第一次!
我問亞dee, 佢幫滕滕剪, 定係我剪, 因為佢細個暑期功學過剪髮, 但係我就從來都冇學過! 我老公貪靚, 就係朋友都知, 所以如果滕滕剪得唔好, 佢一定話我, 因為滕滕都要出去見人架嘛, 所以我等都唔等佢答, 我就話叫佢剪.........不過, 佢知咩料, 所以就第一時間答我: "佢唔識!"........咁即係, 佢唔想幫滕滕剪囉, 因為剪衰左, 佢怕我話佢嘛, 所以今次, 我一定係lai嘢嗰個囉!
好好笑, 一開個剪髮器, 滕滕個頭就跟住個機郁, 因為我要開左一陣比佢聽下d聲, 等佢有心理準備, 所以我左右左右咁, 不過佢個樣越嚟越苦, 仲"就"起個眉頭咁望住個剪髮器左右左右...........
吖! ok喎! 不過, 剪左幾下, 個機就開始冇電.......頂! 因為咁耐冇用, 連剩餘嘅電都冇埋, 叉住電嚟開, 都唔得.......頂! 所以叉左5分鐘之後, 再開過! 今次就只係剷左兩邊, 因為滕滕已經開始唔耐煩, 仲要個頭樹圍郁, 所以冇計, 係咁而算喇!
剪完! 我真係又比人話, 話我剪到滕滕兩邊好核突! 所以我都唔知點解我成世人都精, 更係去到嗰陣時先咁蠢!
雖然我都覺得唔係好靚，但係我又唔係真係好核突吖, 如果比1-10, 我都覺得去到5, 合格啦...........
啲頭髮可唔可以唔樹起呀？
回覆刪除[版主回覆12/07/2009 12:01:00], 唔樹起, 應該難D! 等頭頂再長番D啦, 整番個碧咸頭佢嘆!
肥媽媽~點解佢好似右邊短過左邊嫁???
回覆刪除[版主回覆12/08/2009 09:32:00]係呀, 好難剪呀, 因為佢個頭不定向咁郁嚟郁去! 剷完之後, 兩邊係要搵交剪修架, 但係我又怕把交剪剪到自己, 又怕把交剪"堆"到我老公! 好危險 !!!
咁如果起佢訓左覺先剪得唔得呀?
回覆刪除[版主回覆12/08/2009 16:51:00]佢瞓左, 我又唔想攪佢喎........
你最蠢嗰次都奉獻咗俾你老公喇, 唔爭在呢次喇!
回覆刪除[版主回覆12/16/2009 15:51:00]係呀! 係呀! 真係好蠢呀!!!