自從呢個軒豬識得係張床到, 1....2....3咁就企左起身之後, 我就發現佢越嚟越唔肯瞓, 越瞓就越短時間, 因為一放佢落床, 佢就又1....2....3 咁企左係到!
所以今日想佢瞓耐d(我都好想瞓下啦), 不過2點半飲完奶, 3點就醒左, 跟住又就企左係到叫, 所以我就二話不說, 都理唔多咁多, "的"左係我隔離同我一斉瞓! 起初個曵豬都好似好慘咁係到喊架, 不過過左一陣, 佢就瞓左喇!
表姐話記得千祈唔好放佢係隔離瞓, 如果唔係就後悔莫及, 但係有時d嘢, 真係唔可以理咁多, 因為呢個曵人, 真係越嚟越瞓得少, 同埋有時真係瞓嗰十幾二十分鐘就醒喇! 同埋, 乜唔係咁細個, 係要瞓多d先好嘅咩??? 所以都唔理得咁多喇!
可能就係因為同佢一斉瞓, 所以今次可以去到四點先起身! 佢一起身, 我就問佢: "你起身喇, 係唔係唔瞓喇?" 講完之後, 呢個曵豬好用力咁, 係咁搖個頭, 仲要係搖左好多下, 好似同我講: 我真係唔瞓喇! 唔瞓喇!
睇見佢咁鬼用力去say no, 我都當堂打左個突, 因為究竟你係唔係真係知我講乜架???!!!
回覆刪除年齡
全天睡眠時間
新生兒
16~18 小時 ( 含白天睡眠 5~6 小時 )
1~2 個月
14~16 小時 ( 含白天睡眠 4~5 小時 )
3~5 個月
13~15 小時 ( 含白天睡眠 2~3 小時 )
6~12 個月
11~13 小時 ( 含白天睡眠 5~6 小時 )
1~2 歲
10~12 小時 ( 含白天睡眠 2 小時 )
3~5 歲
09~11 小時 ( 含白天睡眠 1 小時 ) 比埋資料你睇，等你有得參考吓......
[版主回覆12/29/2009 16:54:00]佢而家夜晚21:45就飲奶, 跟住就瞓到第二朝06:45!
跟住日抖就唔多想瞓, 如果瞓都係一陣, 只係一陣咋......
你試下問佢其他嘢，例如:同你玩好唔好呀? 飲奶奶就舉右手，食粥粥舉左手，你睇下佢會點嘛，如果佢識，佢真係天才，你要去還神喇
回覆刪除[版主回覆12/30/2009 11:29:00](Empty)
點解唔可以放佢係隔離瞓呀?
回覆刪除[版主回覆01/01/2010 10:43:00]我表姐就係放佢兩個囡係隔離, 跟住佢兩個囡第日就唔係自己瞓, 一定要同佢地瞓一斉瞓, 瞓到成5歲, 買左張新床, 佢地先肯自己瞓!
所以佢叫我千祈唔好咁做, 如果唔係就LAI嘢! 不過, 而家呢個曵豬, 好似尋日咁, 瞓左兩次, 加埋都唔夠一個鐘, 咁你話唔放佢係隔離, 點迫佢瞓吖!!!
唔水驚, 我打出嚟之嗎, 萬一熙熙喊住要跟我瞓, 我咪趕佢老豆出廳瞓囉!
回覆刪除[版主回覆01/01/2010 23:33:00](Empty)