係唔知幾多年前, 老公曾經係我生日, 比過一次意外驚喜我, 車左我去西貢食扒, 同埋叫我係車尾箱到幫佢攞公事包, 其實原來收埋左扎花, 之後就一直都冇乜驚喜!
其實, 講真, 佢送唔送禮物比我, 我真係唔介意, 咁當然有禮物就更係開心啦, 但係如果冇, 我都冇所謂, 因為我只在乎佢心中有我就得喇!
但係, 今年係一家三口嘅第一年我生日, 所以老公就預備左出去食飯! 仲去一到, 係我覺得嗰到係一間好浪漫嘅餐廳! 就係係小欖, 嗰到好偏僻, 冇車到, 落左車, 仲要行入去, 不過, 唔緊要, 因為老公同我講佢已經諗左同我去邊到食嗰時, 我心目中都想去嗰到, 因為我地有一年情人節就係係嗰到慶祝嘅!
不過, 好意外, 就係番到去, 餵緊滕滕食埋最後嗰餐夜奶之際, 老公打電話番嚟, 話叫我記得將滕滕放係我手袋裏面嗰d沙巾, 奶樽, 記得攞番出嚟喎, 原來佢靜靜雞, 放左份禮物係我手袋到, 跟住就番左工喇! 之後, 我一打開, 原來係支筆呀~ 嘩, 一見到, 原本想鬧佢, 明知餵緊奶就唔好打番嚟啦, 都鬧唔落手喇!
老公! 雖然你有好多時都好大意, 但係有時又好細心喎!!! love u so much!!!
happy birthday.....
回覆刪除妳有一個好幸福既family啊.......................
[版主回覆12/16/2009 09:17:00]多謝! 多謝!
你都好幸福吖, 有芒仔, 芒爸 & 芒媽(你), 一家三口!
生日快樂呀!剛才打的信息全部沒有了,WHY..
回覆刪除見到你的相都SWEET到飛起呀!
[版主回覆12/16/2009 09:16:00]多謝! 多謝!
佢激少我一陣, 我都偷笑啦!!! 生左之後, 成日challenge 我, 都係有時好d咋!
係呢, 你幾時生呀?! 我見你咁耐冇打blog, 我以為你生左呀~
你想羡慕死我咩????? 好感動呀~
回覆刪除[版主回覆12/16/2009 09:42:00]人地話: 女人結婚, 就係一日嘅公主, 女人生仔, 就係10個月嘅皇后, 生左之後, 就係一世嘅奴隸(我未有左都已經係)!
你仲唔襯住而家, 好有風使盡利!!!
結婚之前係小b的奴隸
回覆刪除結婚之後係c6的奴隸
陀仔之時係個肚的奴隸
生仔之後係全世界的奴隸
冇得選擇
[版主回覆12/16/2009 11:30:00]靚媽! 好似又係你話要生架喎!
陀bb雖然辛苦, 但係就好好feel, 因為你諗下呢一世人仲會有幾多次呢d機會先得架, 同埋, 仲唔係人人可以feel 到呢種感覺架!
雖然都係奴隸, 但係, 係一個開心奴隸.......咁樣諗, 應該自己會開心d啦!
我忘記了同你講生日快樂，太忙了，希望你唔好介意
回覆刪除生日快樂，happy birthday
[版主回覆12/16/2009 12:25:00]Thx! 唔緊要, 我知道你好忙, 執相都執到嘔啦!
我執到第二日喇
回覆刪除[版主回覆12/16/2009 14:02:00]逢親去完旅行番嚟, 都係咁架喇, 比心機d執啦!(睇到眼都盲埋!!!)
係呀係呀，不過就算盲咗都要執
回覆刪除下次，下次，我會即日執，最衰大陸唔比上香港網，如果唔係，我晨早post晒上yahoo，洗而家咁慘
好開心呀! Very Sweet~~~
回覆刪除遲來的 Happy Birthday!
[版主回覆12/16/2009 16:02:00]多謝! 多謝!
我在家等生呀!現在三十六週啦!好快就三十七週,希望寶貝bb可以好容易生啦!
回覆刪除其實雖然就快生,但好似好多東西都未準備好的!工人又未到啦............
[版主回覆12/16/2009 22:24:00]易唔易生, 都唔輪到我地話事, 我覺得係睇個BB乖唔乖咋!
E, 你個工人, 乜唔係到左咩?
我決定聽你講~生完帶佢周圍遊~~~
回覆刪除[版主回覆12/16/2009 22:26:00]好呀, 到時夾下時間, 一斉去盪江湖!
一於咁話~唔好理鬼佢~
回覆刪除