今朝真係火滾! 一番到公司, 個腦突然入唔到window, 要即刻call人上嚟睇, 重要比佢攞埋走, 要下午先可以攞番嚟, 所以成朝跟本冇嘢可以做, 而個朋友+同事都係, 因為我部機係主機, 我開唔到, 佢都冇得可以攞嘢嚟做! 所以唯一可以做嘅嘢就係去郵局, 寄聖誕禮物比d客! 係去郵局途中, 我同我個同事+朋友講, 佢可能今日下午要出去放單, 要等老闆答覆放唔放比個客, 先可以決定佢使唔使出去!
不過, 佢一聽到嗰個客話要佢出去放單, 佢即刻就已經講話嗰間船公司係太古, 又話係hk區, 又話唔知係邊, 跟住番到去公司就即刻上網搵地圖, 又話好難搵, 唔知點行! 佢講咁多呢d 嘢, 我就已經知道, 佢唔想過海, 同埋唔係佢番屋企條路線.......!
個同事+朋友平時見到個會計四點幾就去交單, 交完單老闆就唔使佢番, 佢就羨慕人地可以咁早放工, 咁好啦, 見到佢咁想, 咁有單要放, 咪比佢出去放囉, courier 都唔叫, 就叫佢, 擺明益佢架啦, 但係, 唔可以話見條路線唔係佢番屋企條路線, 就撰囉, 乜做嘢可以選擇嘅咩???!!!
所以我同佢講, 老闆話既然我個腦都攞左去整, 佢都唔可以係我喖到攞嘢嚟做, 所以就叫佢出去交單! 佢一聽到, 就即刻塊面黑左一黑!........咁又點, 我擺明係要佢去!!! 公司要分明, 唔可以因為你係我朋友, 我就可以比你選擇性咁去撰做定唔做, 同埋, 我叫你去放單, 都擺明so比你, 但係, 你見未去過, 又怕唔識去, 又係hk區, 唔係經你番屋企嗰條路, 你就同我講, 你叫 courier 去! 不過, 我同佢講完冇幾耐, 佢就行入嚟同我講, 如果佢去, 佢要早d走, 因為佢唔識路, 佢要搵! .........吓, 唔係嘛, 要搵, 係個地圖, 只不過出左MTR直行3/4個街口, 跟住轉彎就已經係, 請問要點搵呢, 更何況公司係油塘去鰂魚涌都係一個站, 使唔使3:30 咁早走呀!!!
算! 我算! 既然你咁, 跟住落嚟嗰一個月, 我就唔會比你早走, 出都唔使你出去! 我比你早走去放單, 你就同我玩嘢!!!
佢唔係同你玩嘢，而係佢覺得4:00走，同平時放工嘅時間都無早到啫
回覆刪除[版主回覆12/07/2009 11:57:00]咁請問佢係唔係唔使做先?!
使唔使做同想唔想做係兩回事嘛
回覆刪除你唔好咁嬲啦，嬲得多會好影響皮膚架
[版主回覆12/07/2009 23:02:00]我夠好想唔使做都有錢啦!
我D火已經去得7788, 不過講番起就都有小小興興地啫!
其實佢炒得架喇
回覆刪除[版主回覆12/07/2009 23:35:00]跟本都係......但係, 如果抄左佢, 我又覺得佢好可憐, 中文又唔叻, 英文又唔叻, 冇樣嘢叻, 出去搵工都唔知幾時先搵到呀!
咁你同佢傾下啦
回覆刪除[版主回覆12/08/2009 11:53:00]傾? 我唔想同佢傾! 呢d嘢, 跟本就唔需要講, 係人都知咩事!
尋日老闆叫我唔好嬲佢, 叫我大人不記小人過, 尤佢出去放單, 比佢早d走喎! 佢又話, 佢地d人諗嘢係咁架啦, 如果唔係, 點會一世做死呢d比人點嘅位!
講真! 我真係好唔想! 因為如果佢唔係因為我, 佢真係唔會好似而家咁好!