個幾星期前, 都已經買左個bb屎塔番嚟, 因為想開始比滕滕學下坐係到痾cc, 終於, 今日已經開左齋喇!
不過第一次放佢落去, 唔成功, 因為佢好奇怪咁望住個屎塔, 因為可能唔知佢係乜, 所以應該係冇mood, 冇痾到! 跟住, 姐姐之後聞到佢不停咁放屁, 所以, 又再一次放佢落去! 如事者, 滕滕都係望住個屎塔, 不過望下望下, 工人姐姐就開始幫佢一斉發功.......唔.......唔........唔...........得左喇! 得左喇! 兩大條呀!
叻仔! 真係叻仔! 媽me錫晒你! 以後都記得係個塔到痾cc喇 
點解冇果兩大條的相呀???咁樣好難相信嫁喎~~
回覆刪除[版主回覆12/05/2009 11:49:00]你想睇咩?! 但係我怕其他朋友仔見到會嘔喎
叻仔喎, 滕滕係咪日日都有得去架？
回覆刪除[版主回覆12/06/2009 23:14:00]係呀! 佢日日都有,有時仲兩次潻, 都唔知點解佢有得痾咁多, 有時仲係我地食晚飯嗰時先至嚟發功, 唔知係唔係想幫我地加餸呢?!
咁細過就識坐屎塔,真係叻豬呀
回覆刪除[版主回覆12/06/2009 23:15:00]都要比佢試下啦, 慳番條片都好吖, 好貴架!
一日要用幾多條片架?
回覆刪除[版主回覆12/06/2009 23:34:00]6-7條到啦........
膝膝好叻叻呀!
回覆刪除[版主回覆12/17/2009 13:01:00]唔好成日讚佢, 我怕佢hill呀, !
你唔好話俾佢知咪得囉!
回覆刪除[版主回覆12/17/2009 15:38:00]尋日家姐讚完佢, 夜晚可以一覺到天光好叻, 我都冇話過佢知, 但係佢尋晚就無啦啦點幾鐘係到喊.........你話幾邪呢!!!
咁就真係好邪喎, 係呢, 平時膝膝好難一覺到天光架?
回覆刪除[版主回覆12/18/2009 17:53:00]反話: 佢一定醒架, 一定唔會一覺瞓天光架!