食煙~

滕: 媽咪, 點解你唔食煙嘅?!

我: .......(我諗左幾秒, 就反番轉嚟問滕滕) 係唔係你覺得因為好多人食煙, 所以覺得奇怪, 就問我點解唔食呀?

滕: 係呀, 好多人食, 個個都食!

我: 咁你呢? 你會唔會食呀?

滕: 我會! 不過唔係而家囉! 我知道小朋友唔可以食煙, 所以我大個左先食!

我: 吓??? 你大個先食??? 你都知道公公食煙所以咳到死下死下, 你又知道你老豆食煙, 半夜成日咳, 你都食煙???

滕: 我唔係而家食~ 係大個先食!  不如咁吖, 不如我地第日都一齊食吖?!

我真係反晒眼, 心中亦多得佢老豆唔少.......

我之後同滕滕講, 點解做人咁蠢, 都唔諗下件事啱唔啱就話人做我又做! 可能你而家細啦, 但係既然你有咁嘅諗法, 我真係要開始洗洗佢個腦!!!

痾屎唔出!

今晚收到個媽咪嘅Whatsapp, 內容如下:

Hi , 你好，
今天放學下午回家後，我個仔話在放學時，靖軒在校外圓圈公園的位置推跌了我個仔，佢撞倒那舊石牆边，擦損了少許。

其實我唔係想追究責任，因為小朋友玩耍時實有推撞，我只是想証實一下，我個仔所講的是否真實。

因為我個仔講的，與工人講的有出入，我只想教好我仔和工人。謝！

一睇完, 我即刻火嚟, 因為直接覺得佢話係因為滕滕推佢個仔, 所以另到佢仔隻手擦損! 叫我要教好我個仔!

睇完我即刻問個工人同滕滕, 我問完滕滕, 就問個工人係唔係咁, 再叫個工人做埋動作去演繹一次比我睇滕滕個同學係點樣擦損嘅! 我再三問滕滕有冇講大話, 如果冇我會信佢, 如果有我就會吊起佢嚟打! 我了解滕滕, 當事態咁嚴重時, 佢應該唔會講大話, 再者我話錯左講真話可以原諒, 但講大話就一定唔會原諒喇!

了解完之後, 其實只係兩個小朋友出左學校之後就癲左咁跑跑跑, 學校後面有幾條矮矮嘅小石柱, 就係因為兩個小朋友太貼近石柱咁跑, 而滕滕係出面, 嗰個同學就係係滕滕同石柱中間, 所以嗰個小朋友就係咁擦到條石柱, 手皮有小小擦損左!

小朋友玩得癲左就更有, 尤其係男仔, 擦傷小小我覺得唔係d咩大件事, 只要唔好整親面or頭就可以, 何需要咁樣將小事化大呢???

我唔知亦都唔想知嗰個媽咪究竟咩用意, 一開口就咁掘去話人地個仔推佢個仔, 但係我就好想問九佢, 佢個仔係唔係唔郁嘅先???  如果咁怕小朋友互相玩耍而有任何損傷, 咁不如考慮下個仔一放學就即刻入箱同佢番屋企啦, 但仍然都要考慮路途都有危險架喎???

不知所謂嘅仆街!

個冚家產會計放左幾日假番嚟就係咁咳, 咳撚到肺癆咁撚樣都唔帶口罩, 聽到佢把聲變晒大感冒都唔九理人地照樣咁咳!

冇問題! 你都咁仆街囉, 咁我亦都唔客氣係大廳到不停咁噴消毒藥水囉!

傷心~ 難過.......

今日同姨甥仔個嫲嫲飲茶, 嫲嫲同我講姨甥仔打算讀完中六連考試都唔考就會去日本, 去日本半功讀, 跟住就係日本落地生根, 以後都唔番嚟HK!

嫲嫲同我講佢好心痛, 咁我何嘗唔係呢?! 聽到佢話以後都唔番嚟, 咁即係佢對HK係冇嘢留戀喇!

我知~ 我明~ 個老豆唔太理佢只卦住女人, 個仆街死人後母就對佢唔好, 就係因為咁佢覺得大個左都係自己一個人, 咁既然係咁自己去邊到都可以, 但係, 你又有冇諗過, 你唔係得自己一個嘅呢?!

我讚成佢去日本進修讀書, 但係一聽到佢話以後都唔番, 咁樣未免太絕情喇卦~

最痛心嗰個並唔係我, 而係嫲嫲囉! 由佢親生亞媽走左嗰一刻開始, 嫲嫲就開始照顧佢, 由小事到大事嫲嫲都係身旁, 點解佢可以完全乜嘢都唔想下就話一走不回頭呢.......

希望一直落去啦~

新工人就嚟做左半個月, 如果暫時咁嘅工作態度一直落去, 咁佢嘅表現就應該好過舊嗰個工人都好多!

呢個星期我番左4日工, 頭3日隻豬仔就日日曵, 到第3日真係忍唔住o趙佢一獲!

因為放左成10日假, 所以呢個星期有兩晚都好晏番到屋企, 番到去我會好唔好意思咁, 因為我遲番, 姐姐同滕滕都夜食飯, 姐姐仲又會夜沖涼, 如果係個舊工人, 佢就會唔出聲行去廚房整嘢預備比我食, 而呢個新姐姐, 佢會令到我好舒服, 佢同我講叫我慢慢啦, 仲走嚟開門比我, 叫我沖左涼先佢就預備飯比我同滕滕食!

而家呢個姐姐, 佢好似明白覺得我番工都好辛苦佢體諒我, 就算我晏番, 我係cam到都睇到佢係到同滕滕玩得好開心, 而舊嗰個, 佢就只係坐係到陪滕滕! 同埋, 每當我有時出去同朋友食飯, 一到九點, 舊嗰個工人就已經熄晒燈想滕滕瞓, 攪到我個心想晏D番都唔得!

個心其實得呢個姐姐幾好, 但又怕唔知可以KEEP到幾耐, 攪到我不停咁生暗瘡, 尋日一起身仲一次過爆4粒, 今朝仲要爆多3粒!

番工嘅第一日!

由4.12第一日舊工人走到左尋日, 我足足放假放左10日咁多! 呢10日係擔心之中渡過, 但係又好開心&滿足, 因為可以真真正正咁陪我隻豬仔! 所以尋晚滕滕知道我今日要番工, 佢都叫我唔好番, 想我繼續陪佢喎!......講真, 其實我都好想~

今日係新工人同滕滕嘅第一日, 係個CAM 到睇到個新工人足足同滕滕玩左成日! 我諗呢樣滕滕就最開心啦, 以前嗰個唔會成日同佢玩架, 呢個真係陪佢玩足一日喎!

感覺上個新工人暫時都OK, 係正常嘅, 睇落有愛心有耐性, 有時有D嘢我想佢跟我咁做, 同佢講佢都好接受, 冇黑過面, 同埋, 每朝我一起身就同我講早晨, 唔會好似之前嗰個咁當睇唔到~

我真係好希望呢個之後都繼續係咁, 因為如果呢個新嘅繼續都係咁, 咁佢除左煮餸麻麻地之外, 其他嘢都好過舊嗰個喇!

去舊嚟新.......

個工人上個星期六朝早終於走左喇, 之前嗰晚我叫滕滕錫姐姐一啖, 點不知個工人就攬住滕滕係到喊, 明明滕滕都冇喊, 都變左喊晒咁番入房!

朝早個工人走叫醒我開門比佢, 佢又喊喇, 攪到佢走左我瞓唔番仲係到喊到豬頭咁!

唔捨得個工人我係有, 不過一望到滕滕我就仲難過, 因為滕滕咁細個就要面對分開, 我覺得佢都唔好過......

舊工人都走左6日, 佢就send左兩次whatsapp比我, 都係比滕滕睇佢個仔!  我嘅感覺, 就覺得個工人都卦住滕滕, 所以耐唔耐send佢d近況過嚟比滕滕睇, 但我好矛盾, 因為比滕滕睇, 我怕佢會更加卦住佢, 但唔比滕滕睇, 我又覺得唔知點咁! 其實我都好想send番滕滕d相比個工人架, 但係諗深一層, send左又點? 如果個舊工人真係9月番嚟HK, 我都唔會因為佢番嚟而抄左而家呢個啦, 玩咩, 成8千蚊agent fee架!

問心,我都幾卦住呢個工人, 因為而家呢個新工人, 做嘢唔太乾淨, 煮d餸又唔多掂, 比起舊嘅呢個其實都差幾遠! 最奇嘅就係第一二日新工人到左(有煮飯), 我就連續兩晚都肚痾! 我痾唔緊要, 當清下腸胃囉, 但我最怕滕滕有事嘛, 不過出奇地佢冇痾喎! 唔知究竟咩事啦, 總之睇見d餸就唔想食, 食左就肚痾! 咁樣落去, 我諗我應該好快減磅!

新嘅呢個工人初初滕滕唔多肯比佢掂, 因為滕滕話佢黑忟忟好污糟喎! 黑忟忟唔緊要呀, 但係個人真係唔好污糟先得囉, 因為我有潔癖架, 樣樣嘢都咁求其, 我好驚架 >< !

情深說話同我講~

其實每當我每次心底裏好唔老嚟我奶奶問我嘢, 我都知自己唔係好啱! 因為我唔應該將我唔鐘意二姑奶嘅愁恨遷移到去我奶奶身上, 但係無奈, 我自己都control 唔到自己.......

講真, 我真係好唔LIKE自己, 一嚟我知我唔應該對我奶奶咁, 因為佢唔係對我唔好, 二嚟我奶奶跟本冇得罪過我!

我份人好易心軟, 唔熟我嘅就會覺得我好有料, 熟我嘅就知我係咩人, 講幾講我又會算數! 今晚, 奶奶就講左一句說話溶化左我喇!

事原係早幾日黑雨, 仲落雹! 我打電話比老公叫佢番工小心D, 順便叫佢打電話比佢老母睇下佢老母係邊, 因為我知道奶奶有時好耐唔耐夜晚會同佢D老朋友出去食飯, 而奶奶今晚就同我提番呢件事, 佢話佢個仔正傻仔嚟嘅, 落雹嗰晚打嚟問佢係唔係屋企喎, 咁夜去得邊先! 聽到我就話係我叫老公打嘅, 因為做仔都應該打電話比個亞媽吖,尤其係一個老人家住喎! 我慨嘆左一句, 生仔都係冇乜用(跟手指住滕滕第日大個都係一樣)! 奶奶聽到就回應我, 生女都唔一定有用, 我生兩個女加埋, 都唔夠你亞媽生一個好!

聽到奶奶咁講, 我真係好冇地自容, 因為我可以因為我姑奶而無啦啦將皮氣發係個老人家身上! 我鐘意食齋老味, 奶奶就耐唔耐買入嚟, 我一句叫佢買嘢入嚟煲湯, 佢一定唔會托我手踭!

所以我都嬲我自己, 我唔應該咁對佢.......因為我應該要做番我平時嘅嘢就已經足夠......我唔可以心底裏去將我憎九我姑奶嘅怨恨發洩落去奶奶到~

谷底

尋日老闆已經搵過我一次佢部電腦彈左句嘢出嚟, 今日又講同一樣嘢! 大佬, 我點九知點解彈左句嘢出嚟啫, 我忍唔住答佢: 我唔係主修電腦, 亦都冇講過電腦呢科!!!

彈左句嘢出嚟, 咁click "yes"就已經可以繼續, 但佢証卷公司嗰版就話唔識郁喎! 咁唔識郁, 咪打去証卷公司到問囉, 佢地有人負責電腦嘅嘢, 第一次download做setting, 都係打去問佢地點做, 咁而家睇股票嘅版面唔郁都可以打去問啫! 老闆話唔好,佢唔想煩人地!

好想吊佢那星囉! 我唔識, 又點撚樣整好呀, 又唔撚比人地打去問, 咁你想我點撚樣幫你呀!

一個二個乜撚都走嚟搵我, 奶奶又係, 老闆又係, 馮小姐又係, 吊那媽呀, 我唔七係萬能架, 個撚個一句話"你得嘅, 你識嘅"我就要去攪掂d嘢, 每個人能力有限, 我唔可能滿足晒你地一個二個三個嘅要求, 我唔係樣樣嘢都識樣樣嘢都可以攪掂! 如果唔係我唔捨得個仔, 我一定去跳樓避九開你地!