今日同姨甥仔個嫲嫲飲茶, 嫲嫲同我講姨甥仔打算讀完中六連考試都唔考就會去日本, 去日本半功讀, 跟住就係日本落地生根, 以後都唔番嚟HK!
嫲嫲同我講佢好心痛, 咁我何嘗唔係呢?! 聽到佢話以後都唔番嚟, 咁即係佢對HK係冇嘢留戀喇!
我知~ 我明~ 個老豆唔太理佢只卦住女人, 個仆街死人後母就對佢唔好, 就係因為咁佢覺得大個左都係自己一個人, 咁既然係咁自己去邊到都可以, 但係, 你又有冇諗過, 你唔係得自己一個嘅呢?!
我讚成佢去日本進修讀書, 但係一聽到佢話以後都唔番, 咁樣未免太絕情喇卦~
最痛心嗰個並唔係我, 而係嫲嫲囉! 由佢親生亞媽走左嗰一刻開始, 嫲嫲就開始照顧佢, 由小事到大事嫲嫲都係身旁, 點解佢可以完全乜嘢都唔想下就話一走不回頭呢.......
咁快中6啦! 勸佢唔好斷自己後路, 考埋個試先。萬一唔適應, 返香港都有個學歷。
回覆刪除另外, 早前電視有播日本D學費勁貴, 半工讀一D都唔易。而且日本本身經濟都唔係咁好。一個香港仔, 發展好有限的。
我知佢決心好大想走, 仲要係越快越好.........
刪除同埋, 佢有小小硬頸唔聽人講嗰D人(因為屬牛都係有小小唔化).....
屬牛=> 同我姪仔一樣大。要比D時間佢地自己去了解。講都無用。當初我2哥走時, 佢都當我地係衰人, 大下大下諗返轉頭依家至知我地有幾咁愛佢。
刪除佢好死牛一面頸, 要佢自己去了解, 唔知要幾多年後嘅事.......
刪除