想...........

今日, 個FD叫我同佢老婆去睇BB嘢, 因為佢地好多嘢唔識, 又唔知點入手, 所以放左工(今日番半日咋), 等等等, 終於等到六點約左係愉景, 因為有斉佢地想睇嗰3樣嘢!

之前, 我問我個FD, 仲咩無啦啦生仔(因為佢唔似係會生仔嘅人), 佢話呢D嘢遲早都要, 咁就順其自然, 有就有, 冇就冇! 今日, 見到佢睇BB嘢, 又唔係寧捨興奮, 仲好似好煩咁, 睇BB床嗰時, 佢仲話點解要買BB床喎, 因為佢細佬個生, 就係搭左個"牛棚"係地下比佢個仔瞓, 冇買過床仔, 所以我個FD就覺得BB床唔係必須! 一聽到, 我就即刻話唔係亞化, 個地下濕氣咁重, 點可以就咁買張床褥放係地下瞓架!

睇完BB床, 再睇BB車, 跟住就去睇HIGH CHAIR! 一路睇, 我個FD就好似覺得越嚟越煩咁, 呢樣又好似冇必要, 嗰樣又好似冇必要!

佢老婆就更係想睇啱就買啦, 不過我話我係第到有DISCOUNT, 所以睇左OK, 就等我去幫佢地問左價錢平幾多先!  所以睇到差唔多八點, 我地就搵地方落腳食飯! 我個FD就要走先, 剩抵佢老婆比我嘆! 點解咁講? 因為我只係第3次見佢老婆架咋, 都唔知有咩講!

不過, 都要架啦, 唔通我唔理佢老婆咩! 一路食飯, 佢老婆就講下我個FD D嘢, 言語中, 呢個女人真係對我個FD好好, 仲好忍得下, 因為我個FD唔多理佢, 佢都可以仲係咁鐘意佢! 而且仲肯同佢生仔嗰下先得嘛!

佢講到仲想生多一個嗰時, 其實..........我都想, 不過老公好似唔係好想...........

 

開心的3天!

今日已經係表姐第三日過嚟喇, 因為佢地個工人姐姐未到, 所以呢3日滕滕都不知幾鬼開心!

因為可以唔使瞓晏覺, 又有表姐同佢玩!

呢兩晚同滕滕瞓, 都唔使10分鐘就已經瞓著喇, 可想然之佢有幾眼瞓呢~

表姐過埋今日就唔使嚟喇, 唔知滕滕會唔會問: "表姐呢?"

我家的傻孩子~

 

咒語已經破解~

呢個扣, 對滕滕嚟講, 要開簡直係易如反掌, 所以呢個只適用於高嘅地方!

呢個, 見到右邊有個CLIP, 應該都唔係咁易可以開到!

不過, 呢個滕滕唔使10秒, 佢就同我攪掂左! 地方係左手邊~

喂!!! 想點呀, 我已經搵左好耐先買到&搵到呢個鎖架, 你唔使10秘秒同我攪掂左佢, 咁你想我點先??????

左手邊嗰個位, 人地係可以比你較長短架, 而家你唔覺意就同我破左個咒語, 請問我應該用咩方法去對付你先?????

賤骨頭!

我都唔明, 逢係長假期我都一定唔舒服, 一定都要去搵一搵dr先安落!

尋日一起身, 個喉嚨真係頂唔順, 腫晒, 一定要去睇dr啦! 打左支針, 個喉嚨就好番好多, 不過而家就由冇鼻水變左有!

可能要去睇多次醫生, 但係我都仲想食埋聽日藥睇下點先, 如果真係唔得, 就真係又要搵多次dr喇~

假期開始喇~

要等到第三日假期, 老公先可以一斉出去玩! 老公話佢公司有TICKET買, 所以就去挪亞方舟!

不過, 好一個迷囉, 老公話佢公司有TICKET 買, 唔知點解佢冇買, 去到仲要排左成半個鐘頭隊, 仲要排隊嗰個位係晒到亞媽都唔認得嘅!

我唔知道原來挪亞方舟是講耶穌, 所以好多嘢都唔啱滕滕!

唯一最啱, 就係呢d假動物! 膝滕見到, 就係到尖叫喇!

好開心, 居然係公園到撞到生嗰時, 係我隔離床個媽咪, 佢個女yuki, 大滕滕1日!

真係相請不如偶遇喇!

撞完生嗰時隔離床個媽咪之後, 又再撞到家姐同豆豉表弟, 不過就唔記得影相!

見到豆豉表弟嗰時, 佢已經謝皮左仲瞓醒埋, 因為家姐就係同豆豉玩肥皂泡玩到謝左~

好開心撞到人, 不過跟住就好唔開喇, 因為係挪亞方舟搭巴士出去葵芳嗰時, 滕滕可能玩到好攰, 所以又要抱, 我見到個廿幾歲個女仔, 居然係到扮瞓覺, 因為佢唔想讓位, 但係滕滕又要抱之餘仲要又話要揸扶手, 去到呢一刻, 我個心係到諗, 點解d人而家咁冇家教架!

真係一蟹不如一蟹, 去到葵芳地鐵, 預備入車, 有個女人居然撞到我差d跌抵, 好睬老公足住我咋, 如果唔係我抱住滕滕, 滕滕又瞓左覺, 你睇下我同唔同佢開波吖! 跟住入到車廂, 有個亞媽帶住兩個女, 佢嗰兩個女就爭位坐, 就算見到我抱住滕滕, 個女人都冇意識叫個女讓比我坐! 唉~ 呢d人, 真係冇家教, 而且嗰個仲要係女人嚟潻!

有個男人見到我冇位坐又抱住個仔都讓位比我, 我都唔明, 大家都係女人, 點解做左亞媽都仲咁仆街!

PASS 喇~

尋晚開心得济, 唔記得寫滕滕尋日去過健康院檢查, 因為原本正常係2歲唔使番架, 不過因為滕滕歲半嗰時仲未識講好多嘢, 所以原本3月番, 係我呢個大頭蝦媽me唔記得左, 攪到今時今日先番去!

姑娘問滕滕而家係唔係識講d乜乜乜喇, 我都話係, 跟住又問, 佢知唔知d日用品係咩呀(佢有舉例子), 跟住我都答佢識! 其實好快咁, 個姑娘就話佢ok喇, 等四歲先番去check下雙眼啦!

好囉, 安落左大半喇, 起碼滕滕而家識講左好多嘢喇!

醉醉地~ 今晚好開心!

" 醉醉地~ 今晚好開心!" 我唔敢係FB到post出嚟, 因為我怕老公唔鐘意, 原因我今晚去左我個朋友屋企食飯, 仲飲紅酒!

自從有左滕滕之後都未試過咁夜番, 仲要係飲到醉醉地, 因為係怕自己飲醉左之後 handle 唔到滕滕, 所以今晚都唔算係好醉, 只係醉醉地~!

舊年11月, 個朋友先結婚, 嗰時先講佢, 因為結婚而結婚, 並唔係因為佢真係鐘意佢老婆而先結婚, 不過今晚係佢屋企食飯, 一路食飯, 一路吹水, 講到某d好笑位, 我終於見我到fd係好深情咁望住佢自己老婆, 嗰時嗰刻我睇到, 都幾開心, 因為我知道我個fd個老婆終於真情打動到佢身邊個男人喇!

我今晚係去亞ben屋企食飯, 真係冇諗過咁攪笑, 因為佢叫左佢個FD上嚟做大廚! 我8點幾上到去, 佢個FD九點到, 九點半差唔多十點先嚟接抄聖子! 唔好聽到抄聖子就即刻醒晒, 以為有好嘢食, 因為我都係咁諗, 點不知嚟左一碟之後, 點解再等下再等下都未有架, 等多半個鐘, 就嚟左碟蒸魚, 原本好餓嘅我, 飲下又一杯水, 飲下又一杯水, 真係等到我條頸九丈幾長! 因為係不斷係到閑談緊, 所以亞BEN就話, 佢呢個FD, 係傾下煮下再傾下, 佢地有次食到半夜三點幾四點喎!!! OH MY GOD, 我好撚餓呀, 隔半個鐘至九個字先嚟第二咪菜, 唔係卦, 早D講你呢個FD嚟煮嘢食嘛, 我食定幾串魚旦先上嚟啦, 餓乸到我筋到抽埋啦!!!

其實今晚上去亞BEN屋企食飯, 最主要嘅原因係佢老婆已經有左成6個月, 佢話佢老婆好多嘢想問我, 所以呢, 我咪上去食下飯, 答下佢心想嘅所有問題囉~!

食下飲下, 成點鐘先走, 係呢幾個鐘, 我都幾卦住滕滕架, 而且又有小小內疚, 因為自己去左玩唔理佢嘛, 所以成日都同自己講, 十點幾十一點好走喇, 我怕滕滕見到我未番係到喊唔肯乖乖地去瞓呀! 不過好無奈, 我真在太耐冇飲紅酒啦, 當亞BEN 開第二支嗰時, 佢個FD "jump"比我, 我就第一時間笑住講"唔該", 亞ben一見到我咁就笑我喇!!! 因為佢知我仲好想繼續飲囉!!! 不過飲下飲下, 一點喇, 我真係要走喇!

都唔知乜九人嚟架!

表妹, 係咩人?! 由佢失踪之後, 爭落周身債, 一走之了, 屋企又唔理, 個仔又唔要之後, 我已經好清楚了解!

但係我唔知表姐原來唔知! 我唔知道原來表姐唔知佢個妹走嗰時 lai 抵落一大筆SO CHOW C!

當表妹係我地面前出現番之後, 事隔再過幾年, 我知道佢信左佛, 當我以為佢變左嗰時, 原來我發現死性真係難改, 因為我發現佢全身都係A貨係到扮堅嘢, 係佢家姐面前仲扮勁, 咁我就知, 死性難改呢句說話, 古人真係講得冇錯! 

窮唔緊要, 我都窮過, 因為窮係冇罪, 只不過係一時嘅難關, 只要過左去, 之後就一片光明, 因為失敗過之後就會醒, 醒左就唔會再錯, 而我自己以前都窮得好交關, 所以我明白好窮嗰時嘅心情, 但係, 如果窮都仲要扮嘢, 扮自己好勁, 係新朋友面前就可以啫, 係一個識左你三十幾年嘅姊妹面前扮, 我唔撚篤爆你, 就已經好比面你啦!

不過, 我直到今時今日, 我真係好難再忍! 可能係家姐關係, 所以表姐仲信佢, 不過我唔信囉, 因為佢而家承信已經破產喇, 而且睇見佢仲搵佢家姐苯, 所以我今日真係忍唔住係FB 個status post左d嘢出嚟話佢! 我唔知佢知唔知我係話緊佢, 不過我想同佢講, 你唔好再搵你家姐苯7喇, 因為你都係全身A貨, 唔好以為你唔出聲, 以為人地都係當你D嘢係真先得架, 你當人76咩 !!! 既然你咁勁, 唔該, 仲有唔好住公屋啦, 使乜成日搵part time做啫, 係屋企做少奶奶啦! 仲有喎, 既然你話你自己咁勁, 咁你攪上市未呀??? 

屍橫遍野~

今日無意比我發現左, 原來個cam可以即時影相架喎, 所以就影抵滕滕crazy 嘅行為~

日日都係咁, 係唔係霸地盤都要徹底d呀~

不過, 點解個日期唔啱嘅.............???

 

究竟幾時先有藥食呀!!!!!!!!!!!!!!!!!!!!!!!

人蠢冇藥醫, 究竟幾時先有得醫呀???????????????

老闆叫我唔好咁勞氣, 因為蠢人有蠢人嘅好, 起碼唔會有d咩威脅! 不過豬乸到好似馮小姐咁, 仲要係日日都咁豬, 成日都咁豬, 搵一兩次醒小小得唔得先??????????

有個死人客, 大家都知佢好練串, 下下都好似雞咁, 有d咩嘢就啄住唔放, 問嘢、追提單, 每時每刻都串過馬鍊, 我已經唔係第一次叫馮小姐醒定d, 唔好比個死人客有位入, 但係佢下下都係7下7下, 唔 remind 佢都唔得! 已經唔係第一次, 過年嗰時個死人客走第二個港口, 又唔講明FA個日期原來可以同提單個日期唔一樣都得, 咁你唔講, 我地更係照以前咁, 出左ETD 先去apply架喇, 日日就問我地究竟幾時有正本FA, 串爆話我地申請FA點解要過年後先有, send 埋第間 supplier 個mail過嚟叫我睇下人地話第二日就可以有．  真係好想講句仆街冚家產囉, 由頭到尾佢都冇同我地講過FA d 日期可以唔使跟開船日, 大陸放農曆假期, 邊7個同你做嘢呀, 搵鬼同你做咩，所以今次出貨，更係又要醒定ｄ啦，不過，7-11就真係7-11，冇嘢可以講，因為馮小姐今朝追船公司，叫佢地confirm 個開船日, 但係船公司就答佢, 可能今晚開!

尋日個死人客又嚟串爆喇, 問究竟幾時先有正本文件喎, 所以馮小姐將船公司覆佢d嘢, 佢走嚟問我一次即係點喎?! 即係點? 我都老實唔客氣答佢, 我唔係船長, 我又唔係係船公司到做, 我都答唔到你, 你問, 就更係問番佢地即係點啦, 問我把鬼咩!

後嚟我再諗番個客之前張單都已經話FA個日期係可以唔使跟開船日架啦, 馮小姐攪乜呀, 人蠢都不突止, 而家生完仲要玩失憶! 雖然, 我生左都有失憶, 但係明知自己唔記得就寫住佢啦, 唔記得仲要話我冇講過, 唔係有問題得咁緊要嘛, 如果係, 我第一時間叫你去比人做實驗, 睇下究竟幾時有藥醫你D咁蠢又要死撐嘅人喇!!!

 

感恩~~~!!!

真係好多謝好多謝天主, 賜給我一個咁好嘅細佬, 又好多謝天主, 賜給我亞媽一個咁好嘅仔, 真係 many many thanks!!!!!

雖然, 我個人成日都鐘意講粗口, 不過我知道個天係知道我係一個好人, 雖然把口唔收, 成日話亞爸亞媽, 不過我又知道個天知道我係一個孝順女, 所以個天真係對我不薄!

今日, 仲係到頭痕緊, 究竟同唔同埋亞爸亞媽一斉去泰國, 因為我覺得真係好戇居囉, 洗萬九蚊去泰國! 所以打比細細佬問佢有咩睇法! 細細佬一聽到我咁咁咁, 佢就第一時間同我講: "你更係唔好有機會比亞媽話你大細超啦, 同奶奶去旅行都唔同埋自己亞媽去! 你同佢兩個報埋名, 我比錢啦!"

同細細佬收左線, 個心好感恩, 因為覺得細佬好好, 唔想亞媽知道我冇叫佢地去而嬲左我, 而且又想亞爸亞媽可以好開心咁同我地一斉去旅行, 所以細佬係係背後出錢嚟支持我!

問左亞爸亞媽, 佢地都好開心咁話好呀, 一斉去啦, 不過, 亞媽就話我戇居, 話我地年年都有請佢地去旅行, 會唔會因為咁而小氣呀, 叫我唔好諗得佢地咁衰喎!

一路行番屋企, 我就一路諗, 生仔未必唔好吖, 好似細佬咁, 平時係口邊話佢地煩煩煩, 其實我同佢一樣, 都好錫佢兩佬, 如果滕滕第日大個, 好似細佬咁, 咁就好喇!!!

報左喇~

尋晚, 足之去報左團喇, 不過真係有d戇居囉, 如果唔係唔捨得滕滕, 如果唔係要去還神, 我地都唔會報團去泰國!

連埋滕滕+奶奶, 差唔多萬三蚊, 如果要洗萬三蚊, 真係唔想去泰國囉! 原本, 想同埋亞爸亞媽去, 不過加埋佢兩個, 就要萬九! 嘩~ 我唔敢話比人知, 去泰國報團萬九蚊, 我怕比人笑呀!

所以結果我最後, 就係4個人就算, 橫掂年年都有請亞爸亞媽去旅行架啦, 唔預佢地, 我諗佢地唔會嬲卦~

好痕呀好痕呀~~~

都唔知咩dr, 我今朝10點鐘去到已經係38籌, 都要12點半先有得睇, 我12點3去到, 有個人啱啱卦号, 我聽佢講電話話排到八十幾籌, 真係人都癲!!!

因為滕滕抓, 所有水泡穿左, dr比左d消炎&止痕藥滕滕食, 食左兩次, 都睇到好左d, 起碼唔係一嚿嚿喇!

希望豬仔快d好番啦, 睇見佢咁痕, 我都好心痛呀!

唉~ 又係咁喇~!

今朝一早起身, 滕滕塒面又就係咁喇!

舊年都係咁呀, 我知佢好痕呀~!

我都唔明, 點解一夏天就係咁架, 可唔可以咬我唔好咬隻豬仔呀!!!

我見到每個開都開始有水泡, 同舊年一樣, 所以我打算聽朝同滕滕去睇dr, 唔想好似隻豬腳咁, 抓到起晒"拉"!

趕得切!!!

今日同滕滕去做特區護照! 好彩, 真係好彩, 回覆要5月12号先有証攞, 好彩我地打算18/19号先去旅行!

都算快啦, 我約左10:30, 11點鬆就走得喇! 不過滕滕就唔係好合作, 因為佢又家越嚟越坐唔定, 一係就要攪嘢, 冇嘢攪就要走!

豬仔! 好快就同媽me & 爸b去旅行喇, 你開唔開心呀?!

黑人憎!

上個星期六, 輪到個會計 on duty, 佢8:30am 打電話比亞媽, 叫亞媽暈d先番公司做清潔, 不過當時亞媽已經出左門口啦, 所以唯有係公司對公司坐到條八婆番嚟!

等等等, 亞媽等到十點幾條八婆打嚟, 話又要再晏d, 問亞媽可唔可以等多一陣, 咁晏d先走! 亞媽都已經火鬼滾, 有事又唔早d打比佢, 成八點半先叫佢晏d番, 晏條命咩, 都出左門口啦! 等左咁耐, 又話要再晏d!!!

所以我叫亞媽星期二番工, 再小個會計, 叫佢有事就下次早d! 個會計一聽到亞媽叫佢下次早d講, 就好冇禮貌咁話: "咩d突發呀, 突發事就係咁架啦!"

其實亞媽嗰晚同我講番, 我都好興, 因為就算你有咩突發事, 你事實係攪到人地出左門口又再拆返, 唔多唔少, 你都要同人地講聲唔好意思架嘛, 仲要咁撚串話"咩叫突發事"!

所以尋日我同老闆報串, 話佢咁冇禮貌對個清潔, 就算係突發事, 都唔好好似老逢咁吓嘛! 而且我都好直接同老闆講, 佢成日同你地講佢去做咩義工, 做咁多都補唔番啦, 個人咁賤, 以為人地係清潔收左人工就可以咁冇禮貌對人, 而且佢見我亞媽爬高去攞個間塵網出嚟洗, 佢一次都冇話幫手架, 次次都扮晒嘢話自己又手痛, 又腳痛, 又屎忽痛! 唔想幫就唔使講咁多嘢啦, 所以我問老闆講: "點解你換光管, 佢就企係下面, 預備你跌落嚟就可以接住你, 咁個清潔佢又唔去接住佢嘅?!"

終於安落晒!

等左兩年, 今日終於都整左廁所個假天花喇!  等等等, 我都唔知拖d乜, 而家先嚟整, 比著我, 我一早就攪左啦!

我同奶奶講, 整個假天花都要等兩年, 所以你話換廁所個唔知咩, 我唔知你要等幾耐先有得同你換喎!

麻練煩!

今日終於見左個死人客, 原本老闆叫我同佢食飯, 不過我真係有200%唔想!

呢個死人客, 同我講, 佢同人地講係hk, 我就係佢個best fd 喎, 都痴9線, 乜best fd, 會落左單, 出左貨, 先話個價錢高, 要我減比佢架咩???!!! 你玩嘢呀!

成日就叫我幫佢買嘢, 爻唔使比錢, 之前同佢買左d流錶都仲唔夠, 跟住又話要iphone!

嚟就嚟啦, 日日就問問問, 問我係大陸邊到買嘢平, 又要流, 流得嚟又要好, 麻撚煩!!! 已經講左九萬幾次, 我唔係見客唔會上大陸架啦, 日日就問我大陸邊到買嘢, 你想我倍你去咋卦!

話嚟hk就係hk見啦, 講唔夠兩句又問我大陸東門好唔好? 好你老味咩, 都話唔7識囉, 仲問!

見到面喇, 又話有大茶飯食! d人吹水都唔7抺咀架, 之前一次過同我地訂10隻柜, 叫極都唔比deposit, 最終走得5隻! 走5隻唔緊要, 但係講到咁多單, 又抓discount, 攪到老闆以為真係咁多單, 一次過訂左成6/7個模, 無啦啦使多左成二百幾三百萬, 我想問, 二百幾三百萬, 幾時先番本呀?! 唔係就唔好吹到咁大啦, 而家仲話有大茶飯! 連找一隻柜嘅balance都要分3次找, 你有撚錢咩! 你想我老闆幫你咋! 我地而家仲比你當傻仔呀!

尋日個死人客想去toys r us, 我就帶左佢去tst, ocean ctn d 名店, 佢行入去睇, 見到件外套6千幾蚊就係到嘩嘩聲! 行過LV, BV, 入都唔入, 我話HK嘅LV係全亞洲最大, 同佢入去睇睇都唔敢! 請問, 你有冇咁死cheap呀! 同我講佢月入usd10,000, 只係駒駒6千幾蚊件褸都嘩嘩聲, 只係鐘意買流嘢, 所以我唔多信你有usde10,000/月糧囉!

正一死cheap 精!!!

你想我幫你呀?!

我又淘痴左喇, 今日又送貨嚟公司喇, 真開心, 開心到我拆開晒d嘢之後就叫馮小姐入嚟睇下我d戰利品!

馮小姐睇到我d戰利品都不知幾羨慕, 因為又平又靚, 買比滕滕d屋企衫又ok, d鞋仔又型喎, 我買比自己d睡衣就又幾好!

收到d戰利品之前, 馮小姐已經同我講, 佢想買隻彈彈嘢比佢個仔, 咁好啦, 食完飯我咪比條link佢囉, 佢問我係網上面寫住"快遞: 5元" 咁即係運費係唔係只係5元喎! 我答佢, 5元只係大陸寄大陸, 而且5元係首kg去計, 如果要寄嚟hk, 例如用順豐咁, 就要咁咁咁........ 講完, 馮小姐就話, send去佢個fd係大陸嘅公司到(我地以前舊公司d舊同事)!

佢呢個fd, 我唔係好熟, 不過馮小姐知道我係淘寶買嘢嗰時, 佢唔出聲話可以send去佢個fd到, 係有一次佢無啦啦自己爆嚮口講左出嚟, 佢係淘寶買左嘢, send去佢個fd到, 唔使比香港嗰程運費! 你話d人幾賤, 我有嘢就益佢, 佢有嘢就唔7出聲! 所以馮小姐話想買隻彈彈狗, 唔使指意我會幫佢, 我而家用集運都不知幾平, 有嘢我都唔會益佢!

可能, 我見到d戰利品, 實在"禁"唔住嗰種興奮, 所以馮小姐同我講: "不如你教我係淘寶開a/c吖?!"

我個心諗, 教你開a/c? 你咁多fd, 你唔問佢地? 你有嘢都唔益我啦, 我仲咩要教你開a/c呀? 你要開咪自己開囉, 好似yahoo咁開a/c之嘛, 你咁醒, 乜嘢你都死撐, 咪死問我拉苯!

我成日都同自己講, 你窮吖嘛, 點同我啫, 更係樣樣都要慳啦! 不過, 做朋友, 乜唔係有so大家搵嘅咩?!

天真的滕滕~

今日係今年第一次帶滕滕落公園玩, 隻豬仔都ok開心架!

不過, 公園唔止佢一個小朋友啦, 仲有兩兄弟, 哥哥四歲, 弟弟就兩歲, 同滕滕一樣咁大!

大蝦細呢句嘢, 由細到大, 都知道係流傳落嚟! 流傳落嚟嘅嘢, 真係唔方流得去邊, 因為呢兩兄弟, 今日夾手夾腳"恰"滕滕!

首先, 哥哥好大聲係到對住, 兇滕滕, 跟住細佬見哥哥大聲喝滕滕, 又跟住一樣行埋去叫住嚟兇佢! 當然, 滕滕更係唔知道佢地做緊乜, 以為人地同佢玩, 所以佢就尖叫埋一份, 而我呢, 睇到嗰個四歲大嘅細路, 就知佢想大蝦細! 不過, 好彩, 我係到!!! 而且我跟住就啤住佢!

真大獲!!!!!!!!!!!!!!!!!!!!!!!!!!!!!!!

今日同滕滕換C片, 我係D C到, 發現在張膠墊D膠!!!

好驚!!!!!!!!!! 死啦, 唔知滕滕食左幾多落肚呢!!! 細嘅消化唔到就痾番出嚟啫, 咁有冇食左D大嚿架??????!!!!

我諗我要同老闆商量下, 請一兩日假同滕滕照下X光!!!

新寵兒~

我都估到, 左上角嗰兩隻嘢, 就嚟好快會比滕滕要叫佢地落嚟, 果然不出我所料, 今晚個工人同我講滕滕成日擒上張sofa到, 跟住又跌落嚟! 滕滕同我講: 鼠,鼠! 鼠,鼠!"

攞左落嚟之後, 又攬又錫, 就連瞓覺都要攬佢唔攬我!

其實都唔使一定要生多個啦, 你睇下我個滕滕有幾多fd 先得架! 一張sofa for 3個位, 而家3/4張都坐左5個喇!

鴨腳(扎)~

呢條豬仔, 而家真係攞d咩出嚟都要比佢攪一攪, 樣樣嘢都有佢份!

呢對襪, 我都冇著過, 係執執下柜桶, 就比佢攞左出嚟玩喇! 當然佢更係唔知呢對係襪嚟啦, 仲以為係手套架!

乜原來咁勁架!!!

二姑奶講襯乜嘢, 老公就好似入左邪教咁, 都信到十足十, 好無質疑過佢家姐講嘅嘢!

二姑奶攞支筆出嚟用, 老公一見到, 無論係咩筆, 佢家姐買嘅筆都好似靚過人, 型過人!

唔知, 二姑奶痾篤C, 老公會唔會話香D呢???!!!

星期一, 老爺骨灰可以入伙, 奶奶、老公&二姑奶就去左攪!

整完之後, 番到屋企同我講~

老公: 二家姐話叫我地唔好打軒軒, 因為佢而家係探索期, 好多嘢都好好奇嘅!

我: (冇出聲)

老公: 二家姐話軒軒其實好多時都係想引我地注意, 所以我地唔好成日打佢!

我: (冇出聲)

老公: 亞家姐話軒軒做好多嘢, 佢個腦都成日係到思考緊, 所以我地唔好成日乜都唔比佢做!

我: E, 乜你家姐幾時讀過兒童心理學架?! 點解我唔知嘅?! 乜你家姐幾時變得咁勁架?!

尋日, 奶奶入左嚟我到睇滕滕, 夜晚食飯又同我講(老公唔係到, 番左工):

奶奶: 二家姐話呀, 唔好成日打軒軒打得太多呀, 佢而家呢個年齡, 對樣樣嘢都好好奇架! 二家姐話呀xxxxxxxx(又係講番老公講嗰d嘢!!!!!!!!!!)

我: 媽! 你知唔知佢而家真係成日挑戰我地架?! 好似張地墊咁, 佢成日都咬出嚟o趙, 咁唔覺意吞落肚咁點算呀?!

奶奶: 係呀! 我嚟左一陣, 佢就咬左兩次, 咬完仲要比我睇呀! 呢d食左落肚唔得掂架!

我: 咁咪係囉! 如果佢咁樣咬地墊, 咁你話我比唔比反應佢好呀?! 仲有呀, 佢曵到張隻彈彈狗拖去窗邊, 跟住企係上面, 用個口含住個窗柄呀, 咁你又話比我知, 我比唔比反應佢吖?! 而且佢成日企左係個矮柜上面望風景, 跟住係咁chok個窗花, 雖然有鎖鎖住, 但係都唔好吖, 咁你話, 我又應該唔應該比反應佢呀????????

我講完, 奶奶好無奈咁, 唔出聲!

我真係幾撚興囉!!!! 呀二姑奶, 你又唔係有小朋友, 你又唔係湊過小朋友, 你又唔係教過幼稚園, 你又唔係對小朋友有研究, 你又唔係好鐘意小朋友, 你又唔係對小朋友好有興趣, 請問你憑咩講嘢呢??????????????????

第一, 你知唔知軒軒而家有幾曵呀??????

第二, 你知唔知軒軒而家冇時停, 無時無刻都攪攪震呀??????

第三, 你知唔知軒軒而家下下都玩挑戰呀????????????

唔知! 就唔該唔好講咁多嘢、出咁多聲&係到扮專家啦!!!!!!!!!!!!!

常偷走的我!

今日public holiday 唔使番工, 所以今日又係我湊滕滕嘅時候喇!

不過, 唔知點解今日滕滕寧捨黐身! 我行埋去個nb到, 就即刻要推我走, 叫我"行呀! 行呀!" 不過我因為用緊藍牙send 番d相去個nb到, 所以我一定要press 確認, 就係因為咁, 滕滕發皮4, 喊左起碼成半個鐘有多! 起初我由得佢喊飽先啦, 見佢收收地聲, 咪氹下佢囉, 吖, 點不知又再好淒涼咁喊過, 如事者兩次都係咁, 我唯有唔再理佢, 灘係張sofa到尤得佢! 滕滕見到我咁, 佢就即刻再喊大聲d之餘, 條氣仲好唔順咁行埋嚟推我起身! 不過, 我一樣唔理佢, 吹咩, 等你喊飽先啦!

下午, 就係咁喊到痴左線!

到左今晚, 同佢上床之後, 我就好似又做左監犯咁, hou 佢瞓著左之後, 就靜雞雞出房! 不過, 過左一陣, 真係嚇襯我! 因為平時滕滕瞓瞓下見唔到我, 就會係張床到喊住叫我, 今晚, 佢係自己唔出聲落左床, 出埋嚟, 跟住就喊住講"行呀! 行呀!", 推番我入房瞓!

咁樣比佢迫我入番房之後, 佢好似昅犯咁, 我每一次望下佢瞓著未, 佢都係望住我!

著迷!

真係咁好玩咩???

一起身就車到夜晚瞓覺!

超級市場的第一次!

因為樓下間百佳已經冇晒舊款車仔, 所以滕滕都未試過坐過超車, 適逢星期日同滕滕去街市買餸, 我就同佢去左wellcome dom一轉!

簡直玩到唔捨得走!

清閑的一天~

老公終於都可以停一日OT喇, 所以等滕滕差唔多午睡, 我地就去左黃金食lunch!

好耐冇試過趕頭趕命快d食完快d走, 食完仲可以行多一陣!

今日終於都做左一樣嘢, 就係去搵師傅整廁所個假天花! 老公由滕滕出左世講到而家先去做, 差唔多足足講左有兩年! 勁! 破紀錄! 因為之前係用一年時間去買電視, 跟住又用左一年時間去買床褥! 而家新嘅紀錄係兩年喇!!!

癖好.........

上個星期五同班同學去卡啦OJ, 十二點幾番到屋企, 個工人先同我講滕滕鼻塞喎! 真係唔知鬧唔鬧佢好, 攪到我第二日原本唔使番工, 跟住同人掉左番幫人頂先嚟話比我知滕滕唔舒服!

滕滕又冇出街, 無啦啦流鼻水鼻塞, 其實我覺得係有原因, 因為滕滕而家成日玩除褲!

係個cam到, 見到佢成日張條褲除到去小腿位, 跟住就行嚟行去, 一係就好似d大陸人係到等車咁踎左係到, 再唔係, 佢就成條褲除晒!

條豬仔, 無論嗰日得嗰十三四度, 佢都照除, 我真係好想佢答我個問題: 乜唔凍咩???

THANKS~

今朝晨咁早就去左機場, 因為早前買左嘅其中一部電話, 就係呢個大客架喇, 個客冇嚟, 只係佢老公嚟左啫!

送左盒高級朱古力(老闆話), 兩罐高級茶葉(老闆話), 同埋我買比佢個女SET書仔再加埋部電話, 我諗個客收到之後仲唔冧到暈~ 實行以後都同我地訂貨冇走雞啦(而家都係架喇)  !

佢老公收左我D禮物之後, 我都唔少得, 因為個客都買左份禮物比我!

一睇到, 都有小小開心, 但係都有D失望! 因為老公已經送左支筆比我, 我日日都袋住老公支係身, 我仲邊到有位比佢容納係我嘅空間到呢~