四個傻婆~

好朋友難求, 識左好耐嘅好朋友更加難求~

我地四個由五年級, 就開始同一班, 跟住畢左業都冇分離過, 一直都有keep住見面, 好多時都好感恩有幾個識左咁耐嘅好朋友!  我地天南地北, 八婆八事, 同老公嘅私人嘢乜都可以講!

雖然大家有家庭, 時間好難約, 但係偶然出嚟食下飯見下面都已經好開心!  不過唯一一樣嘢, 就係佢地覺得我唔係一個感性嘅人, 我就有D唔like, 點解我咁感性你地都睇唔到??? 我雖然好似嬲嬲地咁講左出嚟, 但係大家都仲係笑我話唔多覺! 大佬, 你見我咁多年都keep住搵大家, 就知我個人幾感性, 幾咁重情重義啦!

食完嘢, 其中一個傻婆話要玩自拍, 好似d o靚妹咁喎!

四個加埋都成百五歲人走去玩自拍, 咁又笑左一大輪! 痴線架!

去完個廁所預備走時, 無啦啦有個cake喎! 佢地原來記得我就嚟生日!(我估應該係有fb提醒囉 )

其實我從來都唔會介意我生日朋友送咩禮物比我, 因為我跟本就唔自在份禮物, 而係自在有冇心!

咩禮物, 我唔會理, 只係會介意朋友買埋d唔等使嘢時又唔啱用, 咁不如唔好嘥錢買好過啦! 所以只要有心就已經真係好開心喇!

多士~

有好多時我番工, 行過隔離村答車, 經過一間麵鋪嘅後門, 見到有個伙計用打邊爐嗰D gas 爐係到燒魚, 當期時我就諗番起, 以前讀書時亞sir 好似講過咁樣燒嘢食法, 係唔可以, 同埋會對身體有害, 個伙計咁樣燒d魚去比人食, 咪可能會食死人???

我成個星期不斷咁whatsapp去問朋友, 問下有冇人知個害處係邊之際...........係上個星期六, 我聽到滕滕話唔想食麵包, 咁工人就話: "我整比你食啦, 好似之前咁, 你好鐘意架!".  過左一陣, 我就見到滕滕攞住左塊麵包, 好似多士咁烘過嚟!

我見到就好好奇咁問個工人係點整, 一問, 原來佢開著個煤氣煮食爐, 用明火燒塊麵包!!!

OH MY GOD!!!! 乜咁大獲呀!!!

當期時已經食左一啖嘅滕滕聽到我係到叫, 就停左口冇食喇! 而我, 就即刻去掉左塊麵包!

我雖然問左一個星期, d朋友好多都只係知小小, 不過細佬答我個答案就最容易明, 因為佢話: 如果d煤氣係d火到仲未燃料晒, 而又吸入左d食物到, 而人長期咁樣食法, 就會生cancer喇!

我明白個工人知道滕滕可能就咁食麵包食到悶, 想用第二種整法去令到佢食多d嘢, 但係, 大佬, 唔好亂嚟先得架!!!

咁我呢???

今晚, 老公放工番嚟, 本嚟滕滕已經瞓左, 不過, 佢包片, 大包到, D尿漏晒出嚟, 原因好簡單, 因為臨瞓前唔記得去toilet, 所以點都要同佢換片啦, 就係因為咁, 佢就醒左喇!

瞓覺時, 老公同我講佢聽晚早+中班, 星期五就早+夜, 咁中間時間公司食飯唔番嚟! 因為我星期五都約左同學食飯, 所以一聽到老公話佢星期五唔番嚟食, 我就即話"唔係呀嘛! 仲諗住我唔係到, 就等你潻!"

話說完之後, 滕滕就即刻問: 咁我呢???

   "咁我呢???" 我第一時間就答: 你咪係屋企囉!

滕滕當時好似都仲未知道我地各自各會出街, 仲問留我, 係唔係你地番工, 我係屋企呀?

睇嚟, 遲D自己想去街都幾難喇!

賤格!

係2010年9月, 亞媽生日, 我係AMWAY到做分期, 買左部空氣清新機送比亞媽, 分一年供款!

當時分期, 簽左一D文件, 係受權AMWAY去做自動轉賬架! 而我, 當時只係有張買貨單keep係手!

到左今年9月, 我見到張bank statement 無啦啦比AMWAY收左我$100費用, 咁我就打電話去AMWAY查詢, 先發現呢$100係會員續約扣款!

我問AMWAY, 仲咩無啦啦要我續約, 仲可以係我張card到扣錢??? 條女答我, 係因為我當時簽左封受權信比佢地係credit card到過數喎! 我反問番條女, 我當時係做credit card 分期, 更係要簽受權啦, 我唔簽受權, 請問你地公司又點可以係我到過數呢??? 仲有, 我簽受權係做買機, 並不是受權比你地扣數做會員! 而且, 你扣我錢續約做會員, 你有冇問過我想唔想做會員先??? 你有冇寄信嚟話比我知會嚟緊會扣錢做會員 or 問下我續唔續約做會員吖??? 你地更梗係我戶口到扣我錢, 又唔問過我, 就迫我做你地會員? 你地公司冇嘢嘛??? 而且仲有, 我同你公司買嘢嗰年做會員就好正常啫? 我呢兩年都冇買過嘢, 仲咩要我仲係你公司做會員先????????????

AMWAY個STAFF答嚟答去, 都係答我, 係因為我簽左封受權信, 而封受權信係話我答應比佢公司做自動轉賬續約, 但係我又再三強調, 我本身以前冇係佢公司買嘢, 除左買左嗰部空氣清新機之外, 未來亦都冇諗住再買其他嘢or想買其他嘢, 試問, 我當時如果知道有封信係確認比佢公司自己轉賬續約會員, 我又點會無啦啦走去簽名確認先! 再者, comment sence會覺得, 買嘢嗰年就係會員, 唔買嘢就更係唔再係會員啦, 我相信, 唔去買嘢, 而繼續比錢去keep住做member嘅人應該唔會有囉!

BUT, AMWAY個STAFF 都係答我, 係因為我簽左封受權信!

好! 咁既然你公司係咁賤, 問都唔問人, 事前信都冇封信就"凹"聲唔出係credit card 扣左我$100, 咁我就唯有去消委會到投訴呢間公司! 因為, 如果每人係戶口到扣$100, 而d人係冇擦覺, 咁100個人, 間公司無啦啦就有$10,000收入, 咁1,000個人, 就無啦啦有$100,000收入! 嘩~ 間公司唔使做生意都發啦!

結果, 10月19日打左去消委會, 今日就收到AMWAY張票!

呢D咁賤格無良嘅公司, 真係唔公開嚟唱佢都唔得!

老花~

我冇近視, 就算有都係好少好少! 我有幾十度散光, 日抖睇嚟都係OK, 只係夜晚同埋個人唔舒服時, 睇嘢就唔清楚, 所以我平時都唔需要戴眼鏡嘅!

不過, 今年開始, 我發現睇D細嘅字時, 要攞開, 雙眼仲要係向下望先睇到, 咁嘅動作, 我就知我開始有老花喇! 四十歲都未夠就已經開始老花, 會唔會早左D呢???

尋晚個工人同我講滕滕有件針織衫穿左個窿, 所以我就攞左D架餐出嚟同佢補下件衫喇!

未攞支燈出嚟, 真係睇整都睇唔到, 可能件衫織得細同織得密啦, 我就係到猛話好難睇呀好難睇呀, 係咁叫滕滕唔好嘈住我, 因為真係睇死人囉, 點不知過左一陣, 滕滕攞左支燈開埋放係我前面就話比我用喇!

嘩~ 幾窩心呢, 當堂補都補得開心D, 補得幾辛苦, 睇得幾咁艱難都要補啦!

融融細語

每朝臨番工前, 我都會係滕滕耳邊, 錫佢幾啖, 跟住就講: "你記得乖D喇, 媽咪錫晒你吓~!"

講完, 又再錫多幾啖, 咁就出門口番工!

今晚, 同滕滕瞓, 我合埋左雙眼, 佢就貼個頭埋嚟, 係我耳邊講: "你記得乖d喇, 我錫晒你呀!" 話說完佢就錫左我幾啖!

見到佢咁做, 我就問佢, 我每朝臨番工之前錫佢, 佢係唔係知架, 點不知佢笑住咁點頭應我話係喎!

我冇迫佢架!

 

男仔, 係唔係叫佢坐多陣都咁辛苦嘅呢???  我比滕滕去學畫畫, 係想佢可以比D耐性可以坐多一陣!

可能, 滕滕已經進步左, 而只係我唔覺, 因為我真係覺得佢, 多小小時間就已經忍耐唔到!

我買左好多故事書講比佢聽, 不過都未講完嗰版, 佢就不停咁問(指住D公仔問我佢仲咩咁, 佢又點解會咁), 次次都要我叫佢"你聽我講埋, 咁你咪會知道點解佢係咁, 而佢又咁囉!", 未講到, 就已經急不及待咁想知道好多嘢!

我又另外買左好多習作簿比佢做, 不過呢版未做完, 就想做隔離嗰版! 而D習作, 都係可以訓練佢地嘅專注力! 但係, 呢版都未睇完, 就已經想知隔離嗰版係玩D咩! 喂~ 小朋友! 可唔可以一版一版嚟呢?!

今日, 滕滕又攞D習作出嚟, 話要寫字! 一路睇佢寫, 我就諗: 點解咁細個就要寫字呢? 好似我好迫佢咁咁早去練習!

 
但係, 唔係我話叫佢寫架喎, 係佢自己話要寫, 係佢心急要好想寫架! 不過, 就算佢幾想自己做, 但係只係維持到一陣, 只係做左3版, 第4版, 個腦就已經唔想再轉喇!

滕滕, 想做時就真係好心急, 好想做好多好多, 雖然係好想, 但係都係KEEP住一陣, 而講故事唔係佢講, 咁佢就好想一次過我講晒咁多本, 但係, 當開始講到第二本時, 開初都好D, 差不多最尾, 就已經郁嚟郁去喇!

請問, 邊個嚟架???

由今年暑假7月開始, 到而家都比滕滕學畫畫冇停過, 我自問自己就冇咩藝術細胞, 而滕滕呢, 就應該多過我同佢老豆好多喇, 因為佢畫番嚟D畫都唔錯! 當然啦, 都要個老師有料到, 佢先可以畫到幅好畫!

今晚, 佢無啦啦攞左個畫版出嚟, 畫左個公仔, 跟住走過嚟攞比我睇!

有surprise~

一個3歲半嘅小朋友, 可以自己畫到一個人嘅5官出嚟, 而睇嘅人又明白, 我覺得都唔差吖!

我問滕滕, 呢個係邊個嚟, 佢話係佢老豆喎! OH~原來係佢心目中, 佢老豆隻耳仔係咁大隻嘅!

點解而家D工人咁嘅???

堂家姐個工人係年中時問過, 可唔可以12月番老家過聖誕, 但係家姐個agent話唔好比個工人番去, 因為d過時過節, d工人多數思鄉, 走左就唔番嚟架喇, 所以家姐同個工人講佢同公司請唔到假, 所以唔可以比佢番老家!

點不知, 呢個星期家姐屋企就有財仔打電話嚟追數, 前日仲有財仔信到! 家姐本來唔想出聲問個工人住, 因為想同佢老公傾好晒點對應先出聲, 點不知d財仔尋日係咁打去屋企, 而個工人就等家姐放工番嚟, 先主動出聲!  個工人話借財仔嗰個唔係佢, 而係佢朋友, 佢只係咨詢人! total借左一年, 仲有3期未還! 家姐手上有財仔封信, 當然第日就打去問啦, 結果債人真係佢個工人, 而唔係個工人嘅朋友!

因為個工人早前同家姐講過想聖誕番老家, 而家姐又唔比, 所以一連串呢d舉動, 就令到家姐覺得個工人係想駁抄! 抄佢, 補一個月糧, 就咁啱冚埋佢剩抵嘅3個月尾數, 而且仲有錢多(大假+出糧), 趕得切聖誕前可以番到老家同家人團聚喇! 家姐同我傾完之後, 大家都覺得我地推測嘅好切合, 所以而家家姐就唯有叫奶奶嚟頂住, 等到12月先通知佢1月先比佢走!

而表姐, 佢個工人仲攪笑, 請左都有成個月, 今日突然追我, 問我佢個cam到左我公司未(因為訂左送去我公司), 原因係佢個工人好似唔係屋企, 打極電話番去都冇人聽! 我問表姐, 點解個工人可以自出自入, 乜唔係要打電話問過你嘅咩? 表姐答我, 佢地好少理個工人, 尤個工人想點就點, 因為早前都叫過個工人出出入入打比佢, 不過個工人係到喊喎!(喊咩??????????) 而且已經係第三個工人,唔想再攪到請第四個, 佢地兩公婆怕左d工人, 而且又好難請番!

嘩~ 真係好想問, 仲咩事而家d工人咁撚惡???  唔啱佢地心水, 就玩嘢!!! 我地香港人番工都要守公司規矩, 咁請佢地d外勞嚟我屋企做嘢, 都應該要有規矩啦! 就係因為怕冇人湊仔, 怕佢地虐待我地d仔女, 所以就要攪到我地怕晒佢地! 唔通佢地話乜就要乜咩??? 佢地話要加人工就加人工??? 大佬, 我7年冇加個工人喇, 咁你地d工人走去嘈兩嘈就話要加, 請問你咩新鮮籮白皮先??? 一d話有老人家唔做, 一d又話有小朋友唔做, 一d又話有cam唔做, 一d又話係新界唔做, 一d又話係九龍唔做!

死人HK政府又唔幫下我地呢D家庭, 攪到D工人鬼死咁惡, 仲叫人成Q日生生生!

而家個政府, 真係廢到冇人有!

到左喇~

棵聖誕樹, 今晚終於到左喇!  唔好講滕滕, 其實我都不知幾期待!

之前有諗過買4尺, 不過因為樹係由底開始修身上去, 怕4尺太細, 而家買左5尺, 真係幾OK!

呢棵係光纖樹, 所以冇買燈, 因為怕滕滕張D燈膽一粒一粒咁整爛!

細佬見到張相, 都話唔知幾時會解體喎! 我問滕滕, 佢就話佢唔會整爛架喇! 不過細佬即刻話囉, 佢夠話會乖啦  !

精彩的一天!

今日老公放假, 老公已經一早叫我諗定去邊到玩, 諗諗諗, 有兩個IDEA, 一就係去山頂, 二就係去流冰!

FINALLY我地去左流冰!

條友仔, 初初好唔掂, 整下整下, 佢仲行得快過我! 見佢跌下跌下, 應該都幾得攰, 不過叫佢不如去抖下, 佢死都唔肯, 問佢攰唔攰佢又話唔攰, 問佢好唔好玩佢就點頭, 問佢怕唔怕佢就寧頭!

好彩有隻企鵝, 老公又係到, 如果唔係, 生魚咁撻嗰個應該係我囉! 咁多年冇踩過, 一行入去真係有D驚!

係Element到, 見到一個小型展覽, 係一個全人手織嘅冷套, 所有家俬杯碟都可以織個套出嚟! 都幾FUNNY!

個鐘就清場喇, 咁我地就去左荃灣一個PLAYTOWN 玩! 搵搵搵, 真係搵死人, 因為個PLAYTOWN唔係好大型, 由九龍站去到, 足足要個半鐘先上到去!

玩左個半鐘, 突然, 見到表弟喎! 咁又一斉玩啦! 不過, 因為呢個表弟嘅爸爸都幾麻煩, 怕一陣話阻住佢family time囉~

原本打算7點半就走, 表弟嚟到, 就玩到成8點幾喇!

今日, 精彩, 好精彩, 完全係攰爆!

心情不佳........

今朝伯父走左喇, 聽家姐講佢走得好安詳, 唔辛苦............

原本今晚約左梓祐嚟食飯, 不過後嚟都cancel左, 因為冇咩心情去買蟹買刺身番嚟.

其實知道伯父走得咁舒服, 都算安慰, 因為早幾年表嬸走時, 足足拖左幾日, 仲要好辛苦咁係到呻吟.  而家, 大家都可以抖抖. 唔使再走嚟走去.

BB~

滕滕早兩日係學校整左個BB, 佢話今晚要同BB一斉瞓喎!



一斉瞓? 瞓一陣就好啦, 唔好成晚卦~ 所以瞓左一陣, 我就攞開BB喇, 不過滕滕即時問我: "媽咪, 你仲咩攞開佢呀?"

我答佢"唔攞開我又點攬住你啫!", 滕滕一聽到, 當堂一言驚醒夢中人咁笑住答我: "咁又係喎!"

公公生日~

今日老豆生日, 佢真係幾鬼開心, 今晚食飯, 仲叫埋表叔出嚟食飯, 不過伯父係醫院, 就嚟唔到, 因為年年表叔同伯父都會嚟架.......

老豆, 唔貴唔叫, 幾鬼豪呀, 不過算啦, 佢咁開心就尤得佢啦!

食食下飯, 無啦啦隻豬仔要走過去公公到, 話要唱生日歌比公公聽喎, 攪到公公真係開心到暈囉!

今晚, 滕滕第一次食乳鴿, 刷,刷,刷, 不經不覺就刷左成隻!

問佢係唔係好好味, 佢都唔得閑答我, 只係食食食, 抺咀都未抺得切!

見到伯父臥病在床, 我就見到我老豆, 唔知再過幾多年, 老豆都可能係咁........因為老豆同伯父都係由細吸煙吸到老, 個肺應該都唔會好得去邊, 所以希望老豆有得開心幾多就開心幾多, 有得食幾多就食幾多, 因為人生無常.........

傻瓜!

小朋友真係天真可愛!

差不多每一日放工番到屋企, 一開門, 我就會笑, 因為一定會見到滕滕個PAT先囉!

佢次次都會咁樣哩埋, 佢以為見唔到我, 就代表我都會見唔到佢!

所以, 我每次亦都同滕滕配合番, 問: 點解豬仔唔見左嘅? 我只係見到個PAT, 咁豬仔呢??? 

 

心情不佳

呢排心唔多好, 因為伯父已經去到cancer尾期, 睇見佢, 覺得做人真係好痛苦! 生老病死係必經階段, 見到有小生命出世, 會開心都暈, 但係見到親人離世, 就會傷心不絕, 其實點解人會有痛苦嘅感覺?

喜怒哀樂, 可唔可以skip左個哀呢?

我唔開心, 係因為睇到我老豆唔開心, 佢同伯父由細到老, 都好好感情, 不離不棄, 甚至乎是但一個都唔鐘意聽到有人話佢大佬/細佬壞話, 因為係佢地心目中, 自己個大佬/細佬, 永遠係最好嘅大佬/細佬!

所以我知道我老豆都好難受好唔捨得! 不過唔捨得又點, 人始終要死, 分別只係遲死or早死, 同埋死得舒唔舒服! 所以而家見到各人咁唔開心, 我都唔敢講出嚟話我都有唔開心............

可唔可以唔好同我講?

有D嘢唔想聽, 一聽到, 自己會唔開心, 但係又唔可以同人地講叫佢唔好同我講喎, 如果可以的話, 最好就唔好話比我知.........

我都唔知可以點, 因為又唔可以阻止人地...........

我嘅心事有誰知, 唯一就係老公知!

旅行記~

 

第一次正式去學校旅行, 唔好講滕滕, 其實我都有小小緊張! 以前讀書時, 我都係小學去旅行先會瞓唔著, 而家個仔去旅行, 我都有D興奮!

 

今次係去沙田公園, 9:30左右, 就係學校出發喇!  係旅遊巴到, 學校都安排得幾好, 又唱歌又玩遊戲, 唔覺唔覺咁就到喇!

同埋, 去到公園, 學校有安排自由活動時間, 到左某個時間, 又會係某D地方安排卡啦OK、跳舞、彩虹傘比我地自由參加!

玩下玩下都唔覺成點鐘喇, LUNCH都冇出去食呀!

玩到13:55就番去集合回程喇!

我呢隻豬仔都唔知食咩架, 一上旅遊巴, 無論大人細路個個都好攰, 而佢呢, 跟本就係上爆電, 坐係後面、隔離D同學仔個個都瞓著晒, 而佢就繼續不停咁講嘢!

見佢咁多嘢講, 我就叫佢由1數到100, 到100時, 就真係剛到左屯門 !

玩完大半日, 第一時間番屋企沖晒涼跟住就落樓食嘢! 嘩~ 真係餓到呢!

食完嘢, 爸B就瞓覺喇, 而我, 就又要再出發同隻豬仔去畫畫!

見到個好朋友, 真係不知幾鬼開心囉! 不停咁叫住人地個名呀!

其實去到呢個moment, 我真係真係好想瞓........! 因為我真係好攰!

一個迷!

滕滕學校有兩個閱讀計劃, 一個係由我係網上借書, 而另一個係佢自己係學校揀書!

而佢自己揀嗰本書, 每兩個星期借一次, 每次借一個星期!

借左番嚟第一日, 通常滕滕都已經第一時間叫我同佢睇, 所以睇完我就好快咁放番落書包, 因為怕好似上次咁, 唔記得帶要老師追!

尋日, 老師無啦啦打電話嚟, 就係講多一次借書還書時間! 同埋, 老師叫我, 未到時候就唔使還書住, 可以睇多幾次喎! 睇, 都已經睇左兩次, 怕唔記得還, 所以次次都放番書包, 不過, 老師話唔好, 要到還書嘅前一晚先好放番係書包喎!

我唔係好明, 點解唔可以放係書包嘅??? 我個仔個書包放D咩, 都要老師管埋, 你話放玩具就話唔得啫, 咁圖書點解都唔可以放係書包吖??????

擔心死人!

呢個氫氣球, 係星期六係廸廸尼買架, 唔平, 要$120!



尋日係我係屋企, 不過, 今日番工, 就擔心左我成DAY!!!

就係因為條繩!

星期日晚, 我已經叮囑左個工人小心留意住隻豬仔, 怕佢玩條繩纏住條頸! 想剪左條繩, 不過如果剪左, 個波就升左上天花, 咁滕滕就玩唔到, 所以今日番工, 聽唔到滕滕把聲, 就就即刻睇下個CAM!

點不知只係放工番嚟嗰程車, 個氫氣球已經升唔起, 因為滕滕成個瞓左係上面迫晒D氫氣走!

結果我吹緊頭時, 個氫氣球已經變左做排球喇!

好囉~ 安落晒喇, 唔使成日都擔心住喇!!!

真爽~

今日入廸廸尼真爽, 可能因為呢排D幼稚園 interview, 所以今日人真係唔算多!

個個遊戲都好似只係排左幾個字就ok喇, 所以今日可以玩多左d嘢!

呢兩條友仔, 次次一見到面, 都總有一次嗌交囉, 其實都唔算係, 應該係熙熙總有一次話: 肥滕滕佢曵呀!



而我個肥滕滕, 都一定總會有一次鉗住熙熙囉!



今日天氣真係好好, 唔算好晒, 有小小熱, 但係又有風喎, 所以呢次我冇暈喇! 玩左一陣就去食嘢喇!

食完又再去玩過!

熙熙7點鐘左右就頂唔順話要走喇, 而滕滕就要我入去史廸仔到睇劇場!  原來呢個所謂嘅劇場跟本就冇咩睇, 係咁問人嘢之嘛, 而滕滕就不停咁問我: 點解佢唔問我嘅???

睇完歷廸仔我地都走! bye bye 喇!

話唔買玩具, 始終都係要買個氣球啦! 咁即係都有買囉!

好靚~

早兩日, 好朋友個老婆問我, 可唔可以幫佢試一個SAMEPLE, 做完之後, 就係FB到讚好佢個產品!

完本冇諗住有禮物收, 點不知跟埋D SAMPLE嚟, 居然有個BLUSH喎!

個BLUSH咁靚, 試問又點捨得用呢!

忙碌忙碌忙碌~

自從滕滕讀左K1之後, 我就發覺越嚟越唔得閑!

每日有功課就唔再講, 搵左一大輪搵左4個courses比佢去玩, 而家, 就開始忙住幫佢搵圖書!

好在而家滕滕每日番到屋企都自己做左功課先, 咁我番到屋企, 就只係同佢check & study 下功課d內容!  因為佢揸筆手勢唔係咁好, 所以又要陪下佢油下顏色! 其實去到呢刻, 我開始已經想瞓.......但係就只係九點左右囉!

九點鐘, 我隻豬仔都仲鬼打咁好精神, 仲要臨瞓前同佢睇故事書! 一本唔夠喉, 一定要睇兩本! 唔知係唔係我講故事講得好動聽呢, 因為其實兩本佢嚴少, 如果可以丙再睇多一兩本就更係最好, 不過, 我真係冇咩電囉!

因為學校有個閱讀獎勵計劃, 係兩個月內睇左15本英文書就可以有獎狀喇, 15本跟本就濕碎啦, 一晚我地都睇兩本啦! 不過, 睇書唔難借書難呀! 成日就要上網搵書借, 而好多書都比人借晒, 所以耐唔耐就要上網check!

早嗰輪買左d練習簿比滕滕做, 條友仔都不知幾鐘意, 一做就想做好多好多! 但係一次過做咁多, 咁咪好快冇得做? 分開嚟啦! 而且我真係好想瞓囉~

有時攪咁多嘢, 我其實好怕滕滕好大壓力好多嘢做, 不過, 再睇真d, 其實好似係我自己吃力就真囉, 因為放工番到去, 本身都已經好攰, 攪完滕滕d嘢一大餐, 而家十點幾就要同佢一斉瞓! 好似上個學校咁, 等佢瞓左先偷走出嚟? 而家唔得喇, 因為我都頂唔順瞓左覺lu!

bad news..............

早兩日見到新聞話美國打風, 仲要係唔小野, 咁我就諗起我美國D朋友, 就打電話比佢地啦, 搵到兩個, 一個搵唔到!

搵唔到, 我留左言比佢, 跟住再打去香港佢媽媽屋企, 都係冇人聽! 咁我就唯有send個mail比佢.

今朝見到好朋友個reply, 佢同我講佢暫時唔會覆電話比我, 因為佢個女係今年二月時就已經唔係到.......

好surpirse, 因為佢個女當時只係剛滿一歲!

今日成day都唔開心, 好朋友叫我唔好擔心佢地, 佢地ok, 但係以我咁嘅人, 聽到朋友發生左件咁嘅事又點會唔擔比我個好朋友吖.........