四個傻婆~

好朋友難求, 識左好耐嘅好朋友更加難求~

我地四個由五年級, 就開始同一班, 跟住畢左業都冇分離過, 一直都有keep住見面, 好多時都好感恩有幾個識左咁耐嘅好朋友!  我地天南地北, 八婆八事, 同老公嘅私人嘢乜都可以講!

雖然大家有家庭, 時間好難約, 但係偶然出嚟食下飯見下面都已經好開心!  不過唯一一樣嘢, 就係佢地覺得我唔係一個感性嘅人, 我就有D唔like, 點解我咁感性你地都睇唔到??? 我雖然好似嬲嬲地咁講左出嚟, 但係大家都仲係笑我話唔多覺! 大佬, 你見我咁多年都keep住搵大家, 就知我個人幾感性, 幾咁重情重義啦!

食完嘢, 其中一個傻婆話要玩自拍, 好似d o靚妹咁喎!

四個加埋都成百五歲人走去玩自拍, 咁又笑左一大輪! 痴線架!

去完個廁所預備走時, 無啦啦有個cake喎! 佢地原來記得我就嚟生日!(我估應該係有fb提醒囉 )

其實我從來都唔會介意我生日朋友送咩禮物比我, 因為我跟本就唔自在份禮物, 而係自在有冇心!

咩禮物, 我唔會理, 只係會介意朋友買埋d唔等使嘢時又唔啱用, 咁不如唔好嘥錢買好過啦! 所以只要有心就已經真係好開心喇!