公公生日~

今日老豆生日, 佢真係幾鬼開心, 今晚食飯, 仲叫埋表叔出嚟食飯, 不過伯父係醫院, 就嚟唔到, 因為年年表叔同伯父都會嚟架.......

老豆, 唔貴唔叫, 幾鬼豪呀, 不過算啦, 佢咁開心就尤得佢啦!

食食下飯, 無啦啦隻豬仔要走過去公公到, 話要唱生日歌比公公聽喎, 攪到公公真係開心到暈囉!

今晚, 滕滕第一次食乳鴿, 刷,刷,刷, 不經不覺就刷左成隻!

問佢係唔係好好味, 佢都唔得閑答我, 只係食食食, 抺咀都未抺得切!

見到伯父臥病在床, 我就見到我老豆, 唔知再過幾多年, 老豆都可能係咁........因為老豆同伯父都係由細吸煙吸到老, 個肺應該都唔會好得去邊, 所以希望老豆有得開心幾多就開心幾多, 有得食幾多就食幾多, 因為人生無常.........