可能, 滕滕已經進步左, 而只係我唔覺, 因為我真係覺得佢, 多小小時間就已經忍耐唔到!
我買左好多故事書講比佢聽, 不過都未講完嗰版, 佢就不停咁問(指住D公仔問我佢仲咩咁, 佢又點解會咁), 次次都要我叫佢"你聽我講埋, 咁你咪會知道點解佢係咁, 而佢又咁囉!", 未講到, 就已經急不及待咁想知道好多嘢!
我又另外買左好多習作簿比佢做, 不過呢版未做完, 就想做隔離嗰版! 而D習作, 都係可以訓練佢地嘅專注力! 但係, 呢版都未睇完, 就已經想知隔離嗰版係玩D咩! 喂~ 小朋友! 可唔可以一版一版嚟呢?!
今日, 滕滕又攞D習作出嚟, 話要寫字! 一路睇佢寫, 我就諗: 點解咁細個就要寫字呢? 好似我好迫佢咁咁早去練習!
但係, 唔係我話叫佢寫架喎, 係佢自己話要寫, 係佢心急要好想寫架! 不過, 就算佢幾想自己做, 但係只係維持到一陣, 只係做左3版, 第4版, 個腦就已經唔想再轉喇!
滕滕, 想做時就真係好心急, 好想做好多好多, 雖然係好想, 但係都係KEEP住一陣, 而講故事唔係佢講, 咁佢就好想一次過我講晒咁多本, 但係, 當開始講到第二本時, 開初都好D, 差不多最尾, 就已經郁嚟郁去喇!
禽日無意中睇到個小學校長講 talk, 佢睇過一本專講男孩子既書, 中間講到 :
回覆刪除"school is not designed for boys" &
男仔個屎忽同地心吸力係對沖既! 係坐唔定既!!
我同你有排挨呀 ~
[版主回覆11/27/2012 11:27:50]我只係想佢坐定多小小啫, 都不敢奢望!
滕滕肯做下仲寫得咁好已經好好架喇,我粒吉想佢坐定定寫字都叫唔到呀,而家用油顏色再訓練佢咋,我不知幾羨慕你.
回覆刪除[版主回覆11/28/2012 15:05:27]快D問下啦, 好過佢地成日係屋企都唔知仲乜!
[吉仔MA回覆11/28/2012 13:17:05]都好喎,屋企樓下有間畫室,去問下先
[版主回覆11/28/2012 11:25:21]唔知係唔係畫畫真係有用, 因為佢而家都係坐下係到, 所以你都可以比吉仔去畫下畫吖, YMCA都有D恆常課程(即係個個月都有, 流動性好高, 有D人可能呢個月報, 下個月就停), D畫班都係四五十蚊一堂好抵!
而我就好好彩係屋企附近有間畫室, 就專業D貴YMCA小小, 不過都係幾十蚊一堂, 所以你都可以比吉仔去玩下!
佢肯寫字你應該開心啦
回覆刪除[版主回覆11/29/2012 11:56:35]所以呢~ 我冇迫佢, 尤佢想寫幾多就幾多囉!
[林林回覆11/29/2012 10:09:34]小朋友專注力點可以同大人比架呢
[版主回覆11/28/2012 17:45:21]小小開心, 唔敢太多, 因為好快就已經話唔想寫喇!