咁我呢???

今晚, 老公放工番嚟, 本嚟滕滕已經瞓左, 不過, 佢包片, 大包到, D尿漏晒出嚟, 原因好簡單, 因為臨瞓前唔記得去toilet, 所以點都要同佢換片啦, 就係因為咁, 佢就醒左喇!

瞓覺時, 老公同我講佢聽晚早+中班, 星期五就早+夜, 咁中間時間公司食飯唔番嚟! 因為我星期五都約左同學食飯, 所以一聽到老公話佢星期五唔番嚟食, 我就即話"唔係呀嘛! 仲諗住我唔係到, 就等你潻!"

話說完之後, 滕滕就即刻問: 咁我呢???

   "咁我呢???" 我第一時間就答: 你咪係屋企囉!

滕滕當時好似都仲未知道我地各自各會出街, 仲問留我, 係唔係你地番工, 我係屋企呀?

睇嚟, 遲D自己想去街都幾難喇!