滕滕學校有兩個閱讀計劃, 一個係由我係網上借書, 而另一個係佢自己係學校揀書!
而佢自己揀嗰本書, 每兩個星期借一次, 每次借一個星期!
借左番嚟第一日, 通常滕滕都已經第一時間叫我同佢睇, 所以睇完我就好快咁放番落書包, 因為怕好似上次咁, 唔記得帶要老師追!
尋日, 老師無啦啦打電話嚟, 就係講多一次借書還書時間! 同埋, 老師叫我, 未到時候就唔使還書住, 可以睇多幾次喎! 睇, 都已經睇左兩次, 怕唔記得還, 所以次次都放番書包, 不過, 老師話唔好, 要到還書嘅前一晚先好放番係書包喎!
我唔係好明, 點解唔可以放係書包嘅??? 我個仔個書包放D咩, 都要老師管埋, 你話放玩具就話唔得啫, 咁圖書點解都唔可以放係書包吖??????
咁你有無問過老師點解唔比放書包呀?
回覆刪除[版主回覆11/19/2012 11:13:55]不過, 都唔使迫人一定要放係屋企囉!
[林林回覆11/19/2012 11:03:29]唔怪之得，同小朋友講故事，講黎講去都係個一個，佢都唔悶啦
[版主回覆11/16/2012 15:43:12]咁小朋友D記憶又真係幾短! 就好似我買嘅故事書咁, 過一陣滕滕就會唔記得又要我再講多次比佢聽! 不過唔係一個星期內講咁多次囉~
[林林回覆11/15/2012 09:59:09]背書咩，睇咁多次~~~
[版主回覆11/14/2012 14:07:37]老師話, 原意係借左D書番屋企, 可以睇完再睇, 睇完又再睇, (最好同佢地睇九百幾次), 所以唔讚成放係書包喎!