第一次正式去學校旅行, 唔好講滕滕, 其實我都有小小緊張! 以前讀書時, 我都係小學去旅行先會瞓唔著, 而家個仔去旅行, 我都有D興奮!
今次係去沙田公園, 9:30左右, 就係學校出發喇! 係旅遊巴到, 學校都安排得幾好, 又唱歌又玩遊戲, 唔覺唔覺咁就到喇!
同埋, 去到公園, 學校有安排自由活動時間, 到左某個時間, 又會係某D地方安排卡啦OK、跳舞、彩虹傘比我地自由參加!
玩下玩下都唔覺成點鐘喇, LUNCH都冇出去食呀!
玩到13:55就番去集合回程喇!
我呢隻豬仔都唔知食咩架, 一上旅遊巴, 無論大人細路個個都好攰, 而佢呢, 跟本就係上爆電, 坐係後面、隔離D同學仔個個都瞓著晒, 而佢就繼續不停咁講嘢!
見佢咁多嘢講, 我就叫佢由1數到100, 到100時, 就真係剛到左屯門
!玩完大半日, 第一時間番屋企沖晒涼跟住就落樓食嘢! 嘩~ 真係餓到呢!
食完嘢, 爸B就瞓覺喇, 而我, 就又要再出發同隻豬仔去畫畫!
見到個好朋友, 真係不知幾鬼開心囉! 不停咁叫住人地個名呀!
其實去到呢個moment, 我真係真係好想瞓........! 因為我真係好攰!
滕滕好嘢喎，唔洗瞓午覺
回覆刪除[林林回覆11/19/2012 11:02:07]活力充沛
[版主回覆11/16/2012 15:45:52]我覺得小朋友最好就瞓下晏覺啦, 不過有時佢死都唔瞓, 我都冇佢計, 而且佢又冇"恰"眼瞓OR 攰嗰下先好嘢!
[林林回覆11/15/2012 09:58:32]小朋友唔係應該要瞓晏覺架咩?佢啲能量真係好勁~
[版主回覆11/14/2012 14:06:32]佢成日都叉爆電, 次次都係我瞓佢都未瞓!
咁快集合返嘅?去邊玩呀?我昨日都去咗學校旅行啦,但就2:45PM先集合囉!
回覆刪除[版主回覆11/26/2012 16:10:39]去沙田公園之嘛!
因為我知道佢地班班嘅集合時間都唔同, 可能怕多人得济大混亂卦, 又或者可能佢地低班, 怕佢地攰, 所以安排佢地走先, 因為我地番到屋企, 沖晒涼, 再落樓下食嘢, 都仲見到有校下剛番到!