心情不佳

呢排心唔多好, 因為伯父已經去到cancer尾期, 睇見佢, 覺得做人真係好痛苦! 生老病死係必經階段, 見到有小生命出世, 會開心都暈, 但係見到親人離世, 就會傷心不絕, 其實點解人會有痛苦嘅感覺?

喜怒哀樂, 可唔可以skip左個哀呢?

我唔開心, 係因為睇到我老豆唔開心, 佢同伯父由細到老, 都好好感情, 不離不棄, 甚至乎是但一個都唔鐘意聽到有人話佢大佬/細佬壞話, 因為係佢地心目中, 自己個大佬/細佬, 永遠係最好嘅大佬/細佬!

所以我知道我老豆都好難受好唔捨得! 不過唔捨得又點, 人始終要死, 分別只係遲死or早死, 同埋死得舒唔舒服! 所以而家見到各人咁唔開心, 我都唔敢講出嚟話我都有唔開心............