Oh my god!

而家滕滕每日番嚟, 都自動自覺去做功課(可能姐姐間唔中都有提下), 到我放工番去到就可以比我檢查喇! 真係very good啦!

呢兩日感冒冇番學, 不過就有去學校到攞功課番嚟做! 因為冇上堂, 所以滕滕係油顏色嗰part, 見到係一棵三角形嘅樹就油左綠色喇!

油綠色, 真係正常過正常, 亦都非常啱, 不過, 嗰版功課就話唔係油綠色, 係油黃色!

睇到油錯, 我就第一時間同滕滕講: 哎呀! 錯左呀! 要擦晒佢喇!

滕滕聽到話要擦晒佢, 佢就問我: 媽咪! 係唔係 oh my god 呀?!

 , 真係比佢笑死我, 係唔係 oh my god! 真係想講嗰句都比佢知埋!

跟住, 仲比滕滕質問我, 點解樹樹唔係油綠色, 而要油黃色, 點解唔可以油綠色喎!

亞仔, 我都唔知點解架, 咁你都睇到個功課係寫住個三角形color左係黃色, 咁老師話油黃色就油黃色囉!

痕死人~

 

咩事? 而家又唔係夏天, 仲咩事起身就起勢咁比嘢咬???

一起身, 個額頭同一個位咬左兩啖, 眼尾咬左一啖, 左手食指上節一啖, 下節一啖, 右手手指公雞肶位又一啖!

乜豬仔真係咁好味咩??? 分D嚟咬下我得唔得先??? 可能下半身有被冚住, 所以好彩雙豬腳冇事咋!

有點兒尷尬..........

上個月同滕滕第一次去老人院探訪, 冇諗過D相會公開之餘仲比人TAG埋, 真係有D難為情~

唔識得就更係當然唔會覺得係咩啦, 但係識得嗰D走嚟問我, 我真係唔係好想答佢D問題!

睇到D相, 都應該知去老人院啦, 亞媽就專登打電話嚟問滕滕仲咩事D相裏面咁多公公婆婆喎, 又問滕滕仲咩事去, (其實當時個電話開左speaker, 亞媽知道我都聽到), 亞媽一路問, 我一路都冇搭過一句口! 亞媽見滕滕答唔到佢想聽個答案, 就終於叫我聽電話, 問我係唔係去老人院喎! 呢d就叫打爛沙盤問到篤喇! 我話唔使答都睇到啦, 仲咩事一定要我講得清清楚楚先死心呀???

D相post左係FB, 我就已經開始唔自在, 因為唔想比人知我去過探訪, 亦唔想比人問! 我已經問過負責機構位朋友, 叫佢下次可唔可以唔好TAG我, 因為比人問時我真係感到尷尬............

負責人問過我點解唔想佢TAG我, 我講左比佢知之後, 佢問我係唔係唔應該去理會人地點諗同點睇呢? 唔應該因為人地而點睇去改變自己嘅睇法喎!

其實條友都唔太清楚我份人囉! 

樣衰!

點解滕滕而家影襯D相個樣要咁衰嘅???

罰左兩日貼手指膠布, 而家有時都仲係唔記得!

其實係邊到學番嚟架?

我話影好D啦, 番屋企比雪糕你食, 咁先好D咋!

唔會成日唔著衫係屋企, 因為怕ZIP一ZIP會冷襯, 不過一除衫就走左去!

著住衫就以為有D肉地, 但係其實個身一D都唔肥!

最肥, 真係得隻豬腳!

收聲喇~

呢排比滕滕攪到頭都暈晒, 去邊到上堂都喊喊喊! 又唔係未去過, 咁仲咩事喊呢??? 真係另人費解!

11月初又係廸廸尼silver card open day, 咁我尋日就同滕滕講, 叫佢勇敢d啦, 又唔係未去過, 都唔知有咩咁驚, 如果佢唔再喊, 遲d廸廸尼開門, 我就可以帶佢去玩喇!

結果, 今日下午去上堂, 真係冇喊到, 而且仲同我講佢今日好叻好勇敢, 一d都冇喊過!

希望真係就咁就完喇, 唔好再話驚係到喊喇!
 

痴交筋!

 

呢個月, 耐唔耐都收到D冇call display嘅電話打嚟, 一聽到我"喂"之後就"給"線! 如果只係一次, 可以當佢打錯, 但係耐唔耐就有, 就擺明玩嘢啦!

尋日朝, 有個有display嘅電話打嚟:

女: 請問你識唔識言仔?

我: 我識好多個言仔, 你講邊個先?

女: 佢叫XX言!

我: 我識人, 唔會問人地住朵, 亦都唔知人地住名!

女: 佢住係XXX到!

我: 我都唔知我識嗰D言仔係住係邊, 究竟你打嚟仲咩事架?

女: 我老公話你成日煩住佢喎!

我: 我唔識你講嗰個言仔, 唔該你攪清楚先!

之後過左一陣, 就收到條女send嚟個SMS!

我睇完個message 之後, 就已經好明顯知道咩事! 過左一陣得閑d, 我就打番比條女!

我: 你今朝send左個message比我, 我想同你講, 我識嗰個言仔, 係7年前舊公司, 我想問下你, 你老公話我煩住佢, 佢有冇講係呢7年煩住佢, 定係係7年前煩住佢呢???

女: .........佢冇講呀, 不過佢話佢係玩你, 叫你唔好再搵佢喎!

我: 我話比你知, 好明顯係條仔係瞞住你出去瘟女啦, 跟住識左條女玩完之後fing唔甩, 所以就同你講係條女煩住佢囉, 跟住就求撚其作個電話比你, 話係條女架啦!

女: 其實我想知佢係唔係厄我........

我: 你冇嘢嘛, 個個男人出去瘟女, 都唔會同自己條女承認出去偷食架啦! 如果你出去溝仔, 你都唔會同你條仔承認你出去偷食啦!

女: 咁我其實都好大皮氣架.....佢都肯同我一斉!

我: 比我都唔飛你啦, 你咁戇九又信佢! 講幾講就信以為真, 就憑個message, 就知你易氹啦! 我自己d時間都唔夠嚟湊仔呀, 我都想有多d時間! 你使唔使我比個仔把聲你聽下呀! 唔該你唔好半夜三更打嚟嘈醒我個仔呀! 你兩個d嘢唔好搵著我嚟攪呀!!!

女: 唔使喇! 唔好意思呀!

我: 你真係唔使聽下我個仔把聲呀??? 比你聽下啦, 費撚事一陣你以為我厄九你!

女: 真係唔使喇!

我:  仲有, 呢排有d冇display嘅電話打嚟"給"線, 係唔係你嚟架?

女: .......係呀!

我: 乜你愛到你條仔不能自拔咩?? 你今年貴更呀?

女: ......我今年都有三十幾架喇, 不過好少拍拖經驗.........

我: 如果你有屋企就番屋企啦, 仲信條冚家產! 擺明貪你好困先同你一斉啦, 出去番完就番嚟搵你, 最好就係你又戇九九信佢囉, 比我都唔飛你啦! 仲有呀,唔該你地唔好再攪埋我喇, 我真係連痾屎都未得閑呀! 真係頂你兩個唔撚順!

女: sorry呀, 我唔會再打嚟比你架喇, sorry!



我唔係好明, 點解今時今日仲有D女咁超級on 9! 其實我唔需要同佢講咁多嘢, 不過聽到佢把聲(唔大聲唔惡), 就真係忍唔住同佢講囉!

殘忍???

 星期一晚就已經開始罰滕滕10隻手指貼膠布, 尋日去街都貼, 只係係佢沖涼食飯瞓覺時間唔使貼去抖下D手指仔!

之

尋日同公公婆婆食完lunch番屋企都成四點幾, 我就話抖一陣就同隻豬仔落公園踢波, 咁算啦, 落公園踢波, 就比佢d手指抖下啦, 點不知踢完波再去玩sir 滑梯時, 比我睇到佢又搣手指!

我真係唔想對佢咁嚴厲囉, 但係真係唔嚴厲唔得, 所以佢尋晚就喊住問我可唔可以除左D膠布, 因為貼住D膠布, D手指好熱喎!

我比條片老公睇, 佢放工番嚟就問我, 點解個仔咁可愛我都仲可以咁忍心!

今日番工, 堂家姐就問我, 點解我可以咁殘忍, 仲指責我話我虐待個仔!

我想問, 我已經用晒我所有方法想佢戒除呢個壞習慣, 氹, 獎, "哦", 罰, 鬧, 鼓勵, 勸, 解釋, 但係奈何都唔得, 成日見佢都搣到流晒血, 唔通我又唔心痛咩?  如果我唔係咁樣做, 咁請問請教有何高見可以另到佢唔再搣手指先??? 我又唔明, 佢連自己個仔都未攪得掂, 請問又仲咩事CHALLANGE我?

自問我冇另到個仔身體有任何傷害, 我只係要佢知道佢唔識得去愛護手指, 咁就由我去幫助佢, 引導佢去戒甩呢個壞習慣囉, 我唔見得我咁樣做有幾衰囉!!!

我終於明白喇!!!

呢兩日, 耐唔耐都問下滕滕去唔去玩POLICEMAN, 佢嘅答案唔係好似最尾夜晚答我嗰一次話去, 而係仍然都係話"唔去!"

我仍然繼唔放棄去問佢, 仲咩事咁驚, 因為我要知道原因先可以解決到問題!

我: 其實你究竟驚咩啫? 你係唔係驚我掉抵你先?

滕: 唔係呀!

我: 咁你係唔係覺得我會走左去唔番嚟吖?

滕: 唔係呀!

我: 咁你知道我唔會掉抵你, 又唔會唔理你走左去, 咁你仲驚乜???

滕: 唔知呀~ 總之好驚啦!

我: 咁我都同你講, 我同其他爸爸媽媽都一樣係出面等你地出嚟, 咁你都仲驚? 我講明唔會走架喎!

滕: 係呀! 我都仲驚架!

我: 咁我係出面等你, 都唔會有得走架啦, 咁你即係怕裏面有人捉你走???

滕: (好用力咁點頭!!!) 係呀!!!

嚟到呢到, 我終於明喇!!! 星期六朝早, 我係屋企上蘋果網睇報紙, 其中一篇報導係講有拐子佬想捉走一個9歲嘅小朋友, 咁我就叫滕滕一斉睇, 原因係想比佢知, 而家呢個年代係有捉小朋友嘅拐子佬, 等佢知道有陌生人捉佢時, 一定要大聲叫唔好, 要叫救命, 同埋, 等佢知道係一個多人嘅地方一定要拖實我地, 唔可以自己行開, 因為會隨時比陌生人捉走! 就係因為咁, 滕滕就唔願意去一個地方, 係唔能夠同我一斉嘅!

好多時有D新聞, 我都會比滕滕睇, 等佢知道有D咩係應該做, 有D咩係唔應該做, 做左之後嘅後果會係點! 因為好似D小朋友膠鞋咁會ZIP住係扶手電梯到, 我比D新聞佢睇完, 佢去到搭電梯我提醒佢時, 佢會答我: "我知道喇, 我會小心!" 但係我勢估唔到, 滕滕會咁入腦, 攪到而家個膽細左咁多!

心中有數!

早兩個月, 馮小姐正為左煩個舊工人唔同佢續約, 又開心又煩惱時, 佢個AGENT同佢講, 終於幫佢搵到新工人喇!

如果換左個舊工人之後, 佢就可以除去佢個姑奶, 唔使再等佢姑奶日日上去佢屋企同個工人講, 有咩都唔使聽太太講, 唔使理太太(因為新工人講英文, 佢姑奶唔多掂)! 而個工人亦都知道, 馮小姐已經搵個AGENT再搵工人, 所以舊工人更加想提早走, 最好比佢即走就最好喇!

不過, 馮小姐話個AGENT幫佢搵左半年都搵唔到工人, 見有個新工人, 縱使之前係未完約就冇做, 都照要喎!  我唔明, 佢咁多所謂嘅好朋友, 點解都問唔到有冇人介紹AGNET比佢嘅??? 搵左半年都搵唔到一個? 唔係亞化! 咁間AGENT食屎為生呀???

上個星期, 馮小姐話個新工人個VISA出左喇, 咁就同個舊工人講話佢可以走, 點不知佢個工人玩嘢喎, 話而家唔想走住喎!

馮小姐尋日朝一番嚟就同我講呢件事, 我唔明, 點解佢D人, 可以蠢得咁交關!

本身佢同個工人關係已經唔好, 成日比佢姑奶係到扇風點火, 明知個工人唔老嚟自己, 咁當時個工人話可以早走, 就要佢簽嘢啦! 等個新工人到就可以第一時間掃佢走, 而家, 就比人玩番轉頭!

個工人咁PK, 我叫隻豬補番錢佢早走等佢份CONTRACT 唔完整到好呀, 點不知隻豬兜問我, 咁個新工人未到, 有幾日真空咁點呀! 你話D人係唔係死蠢吖!!! 新工人個VISA都批左, 咁咪安排個新工人早D到囉!!!

馮小姐應該自己心中有數啦, 個工人有幾憎佢, 佢應該知, 不過, 梗係D人又蠢又唔係接受現實, 仲以為自己對個工人好好!

想用少一陣腦都唔得!

今日下午, 老師打電話嚟話滕滕今日係學校搣手甲, 搣到D手甲好尖之後就去拮隔離個女同學仔, 見人地唔出聲, 仲要去拮人地塊面!

搣手甲呢個壞習慣, 我已經想攪停好耐, 但係用咩方法都攪唔掂!

今日接左老師呢個電話, 真係唔罰唔得! 滕滕今之醒喇, 寧願打手都唔願罰企!

手指, 10隻手指貼晒膠布! 我話因為佢唔識愛錫手指, 所以就由我去幫佢保護D手指囉!

雖然我話就話由我去保護佢D手指, 不過佢都知道我係罰佢而貼住晒D手指, 跟住就不停咁話我以後都唔會曵架喇!

番工就要用腦去對住隻豬兜, 番到屋企就要用腦去對付隻豬仔, 真係想用少一陣個腦都唔得!

真係激死人!

尋晚, 條氣真係好唔順, 諗住帶滕滕去玩開心下, 佢就死都話好驚!

結果尋晚比我話左佢成晚!

我話: 有得你玩都話唔好! 我就企係出面憝居居等你! 你估你去玩唔使比錢架! 要比錢叫你去玩都話驚! 你唔去玩, 我仲驚過你! 因為比左錢你唔去玩, 咁就嘥晒我D錢, 你話我驚唔驚吖! 驚! 驚! 驚! 人地個個小朋友都入去玩得不知幾開心, 你就話好驚! 人地嗰D小朋友冇錢去玩, 應該驚過你囉! 見到其他爸爸媽媽都企晒係到等D小朋友出嚟, 咁你係唔係怕我掉抵你, 唔等你就咁走左去先?(佢寧頭話唔係) 我都話係一出嚟就會見到我, 咁你應該安心入去玩啦, 你都仲唔肯??? 帶你去玩, 諗住你會好開心, 但係你就喊喊喊! 咁係唔係以後都唔好帶你去玩先??? 你咁驚, 即係以後都唔使帶你去玩啦??? 咁你以後係屋企好喇! 星期日姐姐就出街, 我就自己去街, 你咁驚就自己留係屋企, 咁就唔使驚啦!!!

講完一大輪訓話, 滕滕凹晒水! 我知道佢明白我講咩, 雖然我知道佢明白, 但係再問佢下次去唔去玩警察, 佢都係話唔去!

問左幾次之後, 佢都話唔去, 跟住我又再訓話佢喇, 誰不知佢無啦啦答我"去囉~ 不過都好驚!"

我FEEL到佢係想滿足我所以答我去, 但係, 我真係想佢係小朋友時, 有得玩就應該去玩多D囉!

只係有小小好玩!

我, 期待已久嘅烈火童心, 今日終於到喇!  其實, 只係我一廂情願囉!

今朝我都擔心滕滕唔想去, 所以一直以嚟, 我都冇同佢講今日會出玩消防員, 只係尋日先同佢講今日出九龍塘玩, 尤其係上個星期去完消防局之後, 我就更加唔敢同佢講!

尋日同佢講去玩, 佢都已經同我講: 我唔想去玩!

所以去到會場我先同佢講玩消防員!  所以未知之前, 都係開心嘅!

換左衫之後都OK架, 因為佢以為我都一斉入去, 因為我都以為係一斉入去...........

見到滔滔都好開心架, 因為可以識朋友仔嘛, 點不知滔滔唔想SO佢 ! 之後, 鬥個鼻窿邊個大, 先開始有交流咋!

後嚟, 到入去玩之後, 佢知道我唔會一斉入, 就開始喊, 仲越喊越慘, 越喊越慘..........

氹左好耐都唔得, 結果真係要工作人員姐姐強的佢入去先得!

玩完之後, 又好開心咁出嚟喎!

走左之後, 我問佢好唔好玩, 佢居然答我: 有小小好玩啦, 不過就多多唔好玩!

唔好玩出嚟咁開心架咩??? 咁我又再問, 如果下次玩policeman, 你去唔去呀? 佢答我: 唔去呀!

不過, 果然不出我所料, 滔滔媽咪whatsapp個group chat, 到六點幾就問下次christmas左右就有policeman玩喇! 睇嚟, 我要攪攪腦汁喇!

媽咪, 我唔想扮嘢~

去完旅行番嚟之後, 滕滕唔知仲咩事乜都話唔好, 仲成日黐身都死!

尋日學校攪扮演唔同角色, 可以著便服扮嘢番學, 朋友就見我要番工, 所以就幫我買左件超人衫喇!

前晚初初都好好地, 點不知尋日朝番學前叫佢換, 佢就死都唔肯, 仲係到喊話唔想扮嘢!

我唯有氹氹氹啦, 又比朋友仔張相佢睇, 話個個都扮嘢架, 扮超人幾好吖, 因為超人係會幫助有需要嘅人, 好多人鐘意架! 又撞啱老公朝早放工, 可以同佢番學先攪得掂咋!

今晚, 無啦啦又嗲到死喇, 比老豆話左一句, 就攬住老豆係到喊!

聽日去玩消防員我都唔敢同佢講, 只係話聽日同佢出九龍塘玩咋, 不過佢就同我講: 我聽日唔想去玩呀~!

唉~ 真大獲! 玩都話唔想去!!! 咩事先???

糾正錯誤!

上個星期發現滕滕揸筆有小小錯, 成日彎晒成隻手腕!  所以而家每晚都同佢油顏色, 糾正佢揸筆手勢!

再者今個星期又買左d練習簿比佢做, 而且佢仲鬼死咁有興趣, 一做就最左成10頁!

所以希望可以快d可以糾正到佢唔好再揸錯手勢啦!

有時真係幾乖~

每兩個星期, 學校會有手冊比我地去tick滕滕係屋企嘅表現係做到or做唔到, 而有一欄就係問"做功課需唔需要指導"!

而係呢個月開始, 我有時會同滕滕講, 叫佢放學番嚟做左功課先(如果佢識的話), 不過佢就答我想等埋我番嚟先做!  因為我放工番到屋企都唔早, 如果再同佢埋功課, 咁我地溝通嘅時間會少左!

所以我就係手冊到mark抵"做功課唔需要指導, 但需要陪同!"

呢個星期一, 下午我打電話番屋企, 滕滕同我講話想做完功課先瞓覺! 好~ 更係好啦, 主動話做功課喎!

星期二, 我又打電話番去問佢有冇做功課, 佢話唔記得喎, 不過瞓醒左, 都自己做番喇!

尋日星期三, 我下午又打番去問滕滕做左功課未, 點知條友仔答我: 更係做左啦!

做媽咪聽到個仔咁答我就真係好開心囉! 我真係好希望滕滕以後都真係可以自動自覺咁去做功課, 因為我唔想好似有D人咁, 番到屋企就陪仔女做功課做到半夜三更, 連一D溝通時間都冇晒呀! 因為我仲有好多故事書要講架!

很煩的媽媽???

上次因為老師比D回條要好趕急咁簽番, 而且如果參加項目, 仲要好快咁去柜員機入錢, 就係因為咁, 我就同老師反應番時間太少嘅問題!

尋日, 我又搵老師喇, 今次係因為滕滕學校有個閱讀計劃, 係係網上借學校圖書, 不過我就問老師可唔可以星期六我自己去學校圖書館到親身揀書! 因為我想睇下D書嘅內容啱唔啱睇我先去借, 因為我唔想借左番嚟先發現唔啱睇嘥晒D心機同時間囉!

不過, 老師解釋比我知, 因為如果我想星期六去, 就要增多人手(其實星期六學校書記部門係開架), 而增多人手就會另外學校嘅人手安排要重申整理!  再者, 老師話, 如果借左本書番去唔啱睇, 其實亦都有好處, 因為可以讓小朋友去分辦咩係有趣, 咩叫沉悶同冇趣味喎!

聽到老師講到沉悶呢個point 嘅時候, 我就好不避諱咁同老師講, 如果咁早比佢地了解到咩叫沉悶同冇趣味, 我好相信我反眼嘅時候會越嚟越多囉! 因為本身打開本書去睇同係電視上面學智識, 相對嚟講睇書就已經係好沉悶啦, 咁但係學校都多加鼓勵去睇多d書, 而且悶唔悶係大人灌輸比小朋友嘅, 如果咁快仲教埋個小朋友個"悶"字, 會唔會唔係幾好呢?!

其實我唔係有心"質"個老師, 我只係用我個point去比佢知我個睇法, 所以我同老師解釋晒之後,  老師都已經冇咩可以再同我講喇!

驚喜!

 

話左比熙媽知公司上面個商場有個小型書展, 佢就話今日過嚟睇下, 可以順便攞我幫佢買比熙熙D衫仔!

而我, 今日又有收獲喇!

我諗我應該都買得差唔多喇, 有D仲係可以比滕滕大個小小去做嘅! 連埋尋日嗰D, 買唔到成千蚊, 都應該有九百蚊, 不過唔緊要, 因為灣仔書展去唔到, 所以而家補番數!

約左熙媽食完LUNCH就去睇書, 臨走時, 居然有驚喜喎!





就係西洋菜咸鴨腎保豬骨! 嘩~ 正到呢! 番到去公司第一時間就飲晒!

 

忙碌的媽媽!

 

今朝偷雞上左去公司附近個商場到, 就係買左呢d書喇!



灣仔書展開時, 我就唔可以去, 所以今次就買多d啦!

其實我想買多d故事書, 因為滕滕好鐘意聽我講故仔, 而我揀故事書又有要求, 所以呢到唔係好多都幾難搵下!

尋晚同滕滕去睇故事書, 一睇就要我同佢睇左兩本, 佢差d仲話要睇埋第三本喎, 大佬, 一次過睇咁多, 我邊到可以成日搵咁多貨比你呀! 所以我估呢兩盒故事書暫時可以頂到一段時間下, 因為一盒有8本, 另外一盒就有10本!

係番公司途中, 我自己係到諗, 如果我要同滕滕睇晒咁多書, 真係要靠我自己努力, 因為如果我唔努力, 又點可能引導滕滕去吸收晒呢!

所以話, 做一個稱職嘅媽咪, 其實都幾辛苦下!

因為你~

我以前唔飲冬陰公湯, 不過自從 Jessica去完新加坡之後, 送左呢d杯麵比我, 我就喜歡左!



因為我唔係好食得辣, 所以冬陰公已經係我極限! 起初 Jessica送嘅第一次, 一日食一個, 好快食完! 而第二次嘅呢四個, 好唔捨得食先左第一個, 因為我越食越鐘意!

一個人的午餐!

本身好鐘意食壽司, 因為我唔鐘意齋刺身咁流, 而係公司附近, 期待已久嘅商埸終於OPEN喇, 所以襯住今日係星期一冇飯帶嘅時候, 我就去左元氣食 lunch 喇!



老公唔鐘意食壽司, 而家仲生埋滕滕, 咁就已經好少去食日本嘢! 所以自己一個人, 鐘意食幾多就食幾多, 鐘意食d乜就食d乜, 唔使下下就住就住!

我唔介意自己一個獨行獨段, 因為得自己一個就顯得我更瀟洒嘛, 而且一個人清清淨淨, 唔需要去搵嘢同人講, 其實真係幾好!

探訪~

今日, 我地又去老人院探訪喇, 我同滕滕講, 我地又去探D公公婆婆喇, 好恩惠佢聽到去做探訪都冇話唔想去!

滕滕今次叻左, 佢忍唔住問我, 點解個婆婆冇晒D牙, 跟住我就即刻話唔可以比佢地聽到架, 因為佢聽到你咁問, 佢會唔開心嘅! 一講完, 佢就即刻收左口喇, 因為佢記得我上一次咁樣教過佢!

到左走左之後, 滕滕真係問番我, 點解頭先個婆婆冇晒D牙, 跟住又一連串問題問我喇!  所以我知道, 滕滕每次答我"明白", 原來真係堅明架! 佢有將我教佢嘅嘢放係心到! 真係叻仔!

不過, 有樣嘢我仲未解決到, 就係FB喇! 因為我次次讚好"BB醫生"個網頁, 又或者留言, 我D朋友都睇到, 而且仲串我, 問我仲咩做埋D咁嘅嘢, 唔似我喎!

係~ 我平時都係痴痴地, 又成日小人地, 但係唔代表我心地唔好架嘛! 所以而家我係到研究緊, 究竟點樣先可以唔比我D朋友睇到我係"BB醫生"到留言, 因為我唔想比人知我去做探訪, 同埋, 我覺得, 呢D嘢唔需要比人知, 自己知道自己做咩就OK啦!

Fire Station Open Day~

今朝比個朋友叫左去滕滕間幼稚園聽個講坐, 因為只係k2家長先有通告可以去, 而我, 都係以聽住先嘅心態去聽下!

其實, 聽左又覺得都ok吖, 唔係一定要個小朋友 K2先去聽架, 因為個講者都教左一D同小朋友嘅溝通方式, 所以今次都有小小得著!

聽完講坐, 朋友話屯門有間消防局Open day, 所以跟住就各自各食飯, 食完就約係消防局等喇!

係消防局到, 滕滕唔知仲咩事好似好驚咁, 乜都唔玩, 唔睇又唔想去, 全程都要黐實我!

係消防局裏面有架巴士, 架巴士上層, 模擬左係火場裏面, 要搵出口, 而滕滕係呢到, 就驚到不得了(真係怕死!)!

頭先瞓瞓下, 仲發惡夢, 係到大叫大喊! 已經好耐冇見過佢發惡夢得嚟咁驚喇, 所以佢今日應該真係好驚囉 ~

原因~

今次去旅行, 原本係我想一家6口去! 不過, 後嚟我諗諗下又唔多想, 因為一有奶奶係到, 滕滕就真係好曵! 再者, 我想比奶奶知, 唔係我地次次去襯邊都一定會搵埋佢去!

其實本身奶奶冇咁嘅要求, 佢亦都冇比壓力我話最好同埋佢去, 不過我知道, 一次係咁,二次係咁, 咁第三次就變左老馮, 所以臨報團之前我就同老公講, 今次我想只係一家三口去!

臨上機前一日, 老公話要聽朝再打多次比佢亞媽提醒佢我地唔係香港, 費事奶奶無啦啦又拱入嚟, 話說完, 佢就同滕滕講: "下次我地去旅行, 同埋嫲嫲公公婆婆一斉去好唔好呀?!"

而且, 係馬來西亞嘅第二天, 佢又再講多次, 出年去旅行要同埋嫲嫲公公婆婆一斉去!

聽到老公咁講, 好恩惠, 但係又好矛盾, 因為即係以後去旅行都要一家6口??? 唔係嘛?!  另一方面又覺得好感恩, 因為知道老公有孝心, 而且佢仲明白, 佢老婆我, 亦都唔會唔理我老豆同亞媽, 帶埋佢亞媽去之餘, 亦都諗住同埋我老豆亞媽一斉去~ 而呢樣嘢, 就係當初我欣賞佢, 同佢一斉嘅原因!!!

新加坡+馬來西亞

剛去完5日嘅新加坡+馬來西亞, 今次係一家3口去, 唔係一家6口!

呢5日, 比起舊年去泰國嗰次, 真係差好遠, 因為上次真係辛苦到爆, 而今次, 都尚算OK!

早D起身同遲D瞓都一定更架喇, 但係就好在晚晚最遲8點都已經番到酒店, 唔使早出晚歸咁攞命囉, 因為跟本就冇咩地方好去, 亦都冇咩好買!

真係冇諗到, 第一晚第二晚同第三晚, 滕滕都仲係同我講佢要番屋企自己張床到瞓囉! 第一晚就即頭喊潻, 氹左好耐先肯係酒店瞓, 同佢講我地都係側邊啦, 點解都仲要咁驚要番屋企瞓!  到左第四晚, 都係因為冇搬酒店, 佢先冇再講話番屋企張床瞓咋! 不過, 到左第三第四日, 佢就開始問我幾時番屋企喇!

今次影左唔係好多相, 因為真係冇咩好影, 因為真係冇咩好玩同好睇!

我地去左新加坡嗰個環球影城, 有幾樣嘢滕滕都唔玩得啦, 咁就唯有揸下車囉!

而我, 真係好想搵D嘢買下囉, 因為要買嘢, 真係都好難下!

不過, 好彩最開心, 就係之前去時係飛機到買左套旅行裝嘅化妝掃, 而回程時就買左套小形香水!

成團人有18個, 有11個都係耆英嚟, 而其他6個就同我地差唔多大, 一個後生都冇! 原本都怕會悶, 不過有8個耆英都好講得下笑, 而另外有兩個又好nice, 其中個婆婆仲不停咁同我傾計, 傾到連佢個仔每個月比兩皮嘢家用佢都講埋比我知, 所以成個trip都尚算可以!

出口術~

我好相信滕滕唔會無啦啦講囉!

因為聽日我地就出發去旅行喇, 之前滕滕已經問過我去旅行同唔同姐姐去, 我答佢唔同, 只係我地一家三口去! 但係今晚放工番嚟, 滕滕又再問我喇!

滕: 媽咪~ 我地去旅行, 姐姐係屋企會好驚架, 不如同埋佢一斉去吖?!

我: 姐姐唔會驚架喎!

滕: 更係唔係啦! 佢真係會好驚架!

我: 姐姐真係唔會驚呢~ 更何況得3個位, 只係可以你、我, 同埋爸B 3個人去! 咁點帶佢去啫! 一係咁喇, 我帶姐姐去, 你留係屋企喇!

滕: 仲咩只係得3個位啫? 點解只係3個位咁蠢架, 更係4個啦!

我好肯定囉~ 唔係個工人同滕滕講, 只係得佢一個係屋企會好驚, 咁滕滕點會死都要話同埋佢一斉去啫!

口水多過浪~

今日老公番中班, 我專登同佢講話滕滕尋晚話好想佢去接佢放學, 咁等佢番工之前可以接滕滕放學! 呢招真使得, 因為老公果然去接滕滕放學跟再出去!

老師可能見係爸爸接放學, 今日就同老公講: "你個仔真係好多嘢講! 其他小朋友都多嘢講, 但係佢就真係不停咀!"

老師話係上堂時教佢地番到屋企, D功課要點做點做, 點不知呢隻豬仔居然爆左句: "嘩~ 咁多嘢做, 隻手好攰架喎!"

我好相信, 老師當時聽到一定反一反眼囉~!
 

話都冇咁啱~

原本今日下午係冇嘢做架, 點不知同學11點send個whatsapp嚟話佢一家三口去小欖BBQ, 如果有興趣就join佢地喎!

老公番通宵, 我要等到佢瞓到五點幾六點先番去亞媽到食飯, 所以一見到個message就即刻扒晒飯去喇! 因為同學係個group chat到話去BBQ, 所以亞sir一聽到有得b, 都話join埋喎!

因為BBQ場對落有個沙灘, 所以食左一陣就比滕滕D煩功, 煩到我同佢去玩左一陣!

冇諗過會去沙灘玩囉, 玩到成身都係沙, 呢個百厭仔真係吖!

今日, 我又熱到頭都痛埋喇~ 燒到差唔多五點, 我地就走先, 因為首先番去食藥, 食左藥就沖番個涼跟住就出去亞媽到食飯喇!

玩埋今日, 放埋聽日, 後日就番學喇, 今晚仲係樓下玩左一陣先番屋企, 真係玩到學都唔想番咁济!