剛去完5日嘅新加坡+馬來西亞, 今次係一家3口去, 唔係一家6口!
呢5日, 比起舊年去泰國嗰次, 真係差好遠, 因為上次真係辛苦到爆, 而今次, 都尚算OK!
早D起身同遲D瞓都一定更架喇, 但係就好在晚晚最遲8點都已經番到酒店, 唔使早出晚歸咁攞命囉, 因為跟本就冇咩地方好去, 亦都冇咩好買!
真係冇諗到, 第一晚第二晚同第三晚, 滕滕都仲係同我講佢要番屋企自己張床到瞓囉! 第一晚就即頭喊潻, 氹左好耐先肯係酒店瞓, 同佢講我地都係側邊啦, 點解都仲要咁驚要番屋企瞓! 到左第四晚, 都係因為冇搬酒店, 佢先冇再講話番屋企張床瞓咋! 不過, 到左第三第四日, 佢就開始問我幾時番屋企喇!
今次影左唔係好多相, 因為真係冇咩好影, 因為真係冇咩好玩同好睇!
我地去左新加坡嗰個環球影城, 有幾樣嘢滕滕都唔玩得啦, 咁就唯有揸下車囉!
而我, 真係好想搵D嘢買下囉, 因為要買嘢, 真係都好難下!
不過, 好彩最開心, 就係之前去時係飛機到買左套旅行裝嘅化妝掃, 而回程時就買左套小形香水!
成團人有18個, 有11個都係耆英嚟, 而其他6個就同我地差唔多大, 一個後生都冇! 原本都怕會悶, 不過有8個耆英都好講得下笑, 而另外有兩個又好nice, 其中個婆婆仲不停咁同我傾計, 傾到連佢個仔每個月比兩皮嘢家用佢都講埋比我知, 所以成個trip都尚算可以!
5 days 星馬, 可能耐左 d。
回覆刪除不過如果你鐘意食辣, 應該都 o岩食。
[版主回覆10/16/2012 14:53:00]我食小小都可以, 但係去到中辣就唔得! 同埋, 我唔鐘意食咁辣, 係因為覺得辣到連本身個味道都冇埋, 咁食嚟仲咩呢!
[村姑 C 9 仔 *.*回覆10/15/2012 16:58:07]以為你食辣 ga tim。咁就真係無乜野好玩。
我好鐘意食辣, 不過我老公 少少辣都頂唔順。有時我自己會買包辛辣面煮黎食過下引 ~
[版主回覆10/15/2012 16:25:38]只係3 DAY 馬來西亞 + 2 DAY 新加坡, 最辛苦就係新加坡最尾嗰兩日, 因為last day 要番馬來西亞嗰邊住, 所以變左兩day 都要好早起身!
oh, sorry, 我唔係好食得辣~
有時我覺得，去旅行仲辛苦過返工...不過我又好鍾意去旅行
回覆刪除[林林回覆10/17/2012 15:57:05]咁又係，飛高咗都睇唔到地下~~~
[版主回覆10/16/2012 17:17:11]不過又咁, 飛高左係D雲上面, 睇唔到地面嗰時, 又冇咁驚囉, 不過, 全程都係驚架喇, 所以我都唔知點搭長途機!
[林林回覆10/16/2012 15:42:45]哈哈哈，優豬，咁架飛機飛得咁高，咁你有排驚~~~
原來你第一站去馬來西亞，我仲以為你第一站係新加坡呢~~~
[版主回覆10/16/2012 14:57:04]因為我怕高, 又好怕跌, 所以當起飛時or架機震時, 我個心就會諗: 唔好跌落去呀! 唔好有意外呀! 唔好有咩事呀!
我一落機係機場就見到有counter 喇, 一百蚊有1.5G, 另外仲有唔知幾多錢嘅通話費! 都算平, 我都買左! 不過因為第一站係係馬來西亞, 所以去到新加坡嗰兩日就冇買喇!
[林林回覆10/15/2012 16:53:22]起飛有咩咁驚呀?
買唔買到wifi咭呀?
[版主回覆10/15/2012 16:23:40]今次唔算辛苦喇, 同埋嗰排公司又唔係咁多嘢做! 比起上次, 番到酒店攪掂晒兩個少爺之後, 我都仲要再做公司嘢先辛苦呀!
不過, 對我嚟講, 搭飛機都唔係咁過引咋, 次次起飛時, 都驚到我死咁济呀!!!
套香水正呀
回覆刪除[版主回覆10/16/2012 17:15:54]唔係一套架, 佢坡紙49蚊有3樣嘢揀, 我唔想揀LOTION, 我就揀左香水囉, 不過紫色嗰隻, 番嚟聞真D, 唔係咁好聞~